Ayịsaya 41:9 - IWE ỌNỊNỊ

⁹ Ẹnẹyịmavara kà ọnị ộ kụ wụ nịnị hụrị avaba ẹhẹ, dị ọnị hị́ wụ nịnị hụrị aha onoze nị, dị ọnị kà a yị wụ ka ezi ahụ anị ụ vị nị. Ọnị ọ nyị̀ wa nị. Ọnị ẹ yị hụrẹ wa ụvọ.

Ayịsaya 41:9 ပူးပေါင်းရင်းမြစ်များ

Ahẹ Ụgama 135:4

Ẹnẹyịmavara ọ sị Ijekọvụ nyị ka aanị ọ vị nị. Ọ kà Anisirẹrị vị ogu anị.

Ahẹ Ụgama 94:14

Mâ yẹ ka Ẹnẹyịmavara o yi vee yi aza anịị tịtẹ, ọ yị vaa hụrẹ aza anịị ụvọ.

Ayịsaya 11:11

Ịhị ọnọọ Ananyị yị rẹ vaa sị ụkata kụ́ ọza anị ana vọ ene hi ẹkụra ẹnịnị vẹ: Asiriya, Ijipiti ụvẹtẹ ọnịrị ẹbẹẹba, Ikusi, Erami, Ịbabịrọnị, Ihamati ne beri ẹkụra ene hi ịnị akakana oku.

Ayịsaya 14:1

Ama Ẹnẹyịmavara ọnị vaa vayị ezi Ijekọvụ ana vị aza anị. Ọ rẹ vanaa kụ́ waa vẹ ka ẹ̀ va ra ịnị ẹtẹ ẹnịnị. Azọga va naa ra pè wa ịzọọ.

Ayịsaya 41:2

Ẹnẹ sị ohinọyị hụrẹ eyi ịzị ọyịị̄ hụrẹ vẹ? Ẹnẹ sị ụkata yọ anaa sịị nyị ehuna aha tụra aha ọnị ọọ nọ? Ẹnẹ hụrẹ ẹkụra nịnị ọnịrị Ohinọyị ẹnịnị chire e ụvọ? Ộ sị ụhwọ anị wù wa va ha anka ọza o rere banyị edudu ha avọọ. Ọpa anị vị ana gara wa ha anka ahị mẹẹ̄ kụ azịzẹ avọọ.

Ayịsaya 41:8

Ama ẹwụ Isirẹrị ozi ahụ amị, ẹwụnị ezi Ijekọvụ ọnị Ẹnẹyịmavara nyị̀, ana vị evere Abụrahamị ọta amị.

Ayịsaya 42:1

Ẹnẹyịmavara kà; “Ozi ahụ amị yị, Ẹma sị ụkata yọ nị. Ma sị ọ nyị̀, ayị amị ô hine tù ọ. Ma raà sị ụhwẹ amịị yọ; Ọ vaa mẹ̀ ebira ana vọrọọ hi avaba anẹhẹ.

Ayịsaya 44:1

Ẹnẹyịmavara kà, “Sị ụtọ pe ẹtẹ booro aanị, ẹwụ Isirẹrị, ozi ahụ amị. Ẹwụ nịnị ezi Ijekọvụ, ọnị mị nyị mẹ aza amị.

Ayịsaya 45:4

Ọ kà ọnị ọ nyị Ịsayịrọsị ka ọ gụ Isirẹrị ozi ahụ anị ụvọ. Aza ọnị ọnị nyị ẹ vị nị. Ịsayịrọsị ọ yị yẹ ọnị ama ọnị raà sị ụbanyị ana banyị yọ.

Ịmarakayị 1:2

Ẹnẹyịmavara kà ọnị vị eneē sì ịrẹyị Anisirẹrị nịnị. Dị ẹnịnị họ̀ ọ use ka, “Ọ́ mẹmẹ sì ịrẹyị ẹnịnị kẹ?” Dị Ẹnẹyịmavara va ohi wa ka, “Ẹ́ẹ́ yẹ ka Ijekọvụ ana vị ohiku ẹnịnị vị ọyịnyara Iisọ?” Ama dị ọnị sì ịrẹyị Ijekọvụ nị,

Iruuku 13:29

Aza vaa hụrẹ eyi ọnị ọyị aa zịị hụrẹ ọnịrị eyi ọnị ọyị aa zịị na ngụ ẹtẹ vẹ; ẹ rẹ vaa hụrẹ eyi ẹbẹẹba ọnịrị eyi ụvẹtẹẹ vẹ, dị ẹ yaayịtẹ aa rị ịsa ịzị Ohomorihi yà aa mẹ ịjọva.

Iwe Ọhụhị Imosiisi ana aa hị́ Ọyịvatụrọda 14:2

Ka aza ana a sị tụ́ irenyi yị Ẹnẹyịmavara Ohomorihi ẹnịnị ẹ vị nị. Ẹnị Ẹnẹyịmavara nyị yị ẹngụ anị hụụnị avaba aza ene hi ịnị ẹhẹ nị.

Ijemiisi 2:5

Ẹwụ nịnị ẹyịnyara amị oni mi sì, batọ nịnị oo! Wáá yẹ ka onosiye ene hi ịnị ẹhẹ ọnọnị Óhomorihi nyị ka ẹ̀ sị ayị tụraa, dị ẹ̀ nyị ụbanyị obooro nị, dị ẹ̀ rẹ nyị tụ́ ịnị ịjọva anị? Ohomorihi ộ kà a ka ẹ́ yị zụ nyị ka ọnị ọ yị vaa sịị yị aza ene sì ịrẹyị anị.

Ẹtore 5:9

Dị ẹ jị ahẹ ọwọọwa dị ẹ ka: Ẹwa hụ ọọ sị iwe ọnọọ nị, dị ụ wa hụ̀ ịsa ana sị vá a, agụvị ka â vịdị wụ wụ. A mẹ̀ wụ wụ, wa raà sị anya awụ hị́ aza varẹma va yị Ohomorihi, avaba anẹkụra, aza ana aa kà ẹkụra irenyi-irenyi avaba ẹhẹ.

1 Ịsamụwẹrị 12:22

Ẹnẹyịmavara ọ raà wo oto ka ọnị e yi vee yi wu nịnị tịtẹ agụvị dị ọnị ọ̀ sị wụ nịnị mẹ aza anị.