Ayịsaya 41:8 - IWE ỌNỊNỊ

⁸ Ama ẹwụ Isirẹrị ozi ahụ amị, ẹwụnị ezi Ijekọvụ ọnị Ẹnẹyịmavara nyị̀, ana vị evere Abụrahamị ọta amị.

Ayịsaya 41:8 ပူးပေါင်းရင်းမြစ်များ

1 Ịtọpa 16:13

Ẹwụ nịnị ezi Abụrahamị, ozi ahụ Ohomorihi; ẹwụ nịnị ezi Ijekọvụ, ẹwụ nịnị ọnị ọ nyị.

2 Ịtọpa 20:7

Ọnị ọ vị Ohomorihi ẹnịnị ịjị aza anị Anisirẹrị ngụ ịnị ẹtẹ ọnọọ dị ộ dụ aza ene hi ịzọọ jịnẹ tụ́ ẹhẹ yị evere Abụrahamị ana vị ọta anị, dị ụ sị yị wa ka ọ vị ẹnịnị pooro zịna-zịna.

Ahẹ Ụgama 135:4

Ẹnẹyịmavara ọ sị Ijekọvụ nyị ka aanị ọ vị nị. Ọ kà Anisirẹrị vị ogu anị.

Ahẹ Ụgama 136:21

Di Ohomorihi sị ẹtẹ ohinọyị ẹnẹẹ yị aza ẹnẹsa nị. Vi óō sì ịrẹyị ọza pooro zịna-zịna nị.

Ahẹ Ụgama 136:22

Ezi ahụ anị Anisirẹrị ọ sị ẹtẹ ẹnẹẹ yị ka ọ̀ sị mẹ ẹẹnịnị nị. Vi óō sì ịrẹyị ọza pooro zịna-zịna nị.

Ahẹ Ụgama 33:12

Ẹnẹyịmavara ọnọnị, aza ana sị ọ mẹ Ohomorihi, ẹ̀ nyarị ịrẹsụ ọyịza o! Mị ka ẹwụ nịnị ọnị ọ nyị ka ọnị ọ sị mẹ aza anị, a nyarị ịrajẹ o!

Ayịsaya 14:1

Ama Ẹnẹyịmavara ọnị vaa vayị ezi Ijekọvụ ana vị aza anị. Ọ rẹ vanaa kụ́ waa vẹ ka ẹ̀ va ra ịnị ẹtẹ ẹnịnị. Azọga va naa ra pè wa ịzọọ.

Ayịsaya 29:22

Ẹnẹyịmavara ana dọ Abụrahamị tụ́ ộ kà a yị Anisirẹrị, ọ ka ụhị ọ yị kụkụ vaa nyị wa. Ọ rẹ ka eyirẹsụ ẹnịnị vaa nịya.

Ayịsaya 42:1

Ẹnẹyịmavara kà; “Ozi ahụ amị yị, Ẹma sị ụkata yọ nị. Ma sị ọ nyị̀, ayị amị ô hine tù ọ. Ma raà sị ụhwẹ amịị yọ; Ọ vaa mẹ̀ ebira ana vọrọọ hi avaba anẹhẹ.

Ayịsaya 42:19

Áá nyị ọza ene gu eyi anka ozi ahụ amị? Áá nyị ọza ene gu ụtọ anka ọnụtụ ọnị mịị̄ tụ́ ụtụ?

Ayịsaya 43:1

Isirẹrị, Ẹnẹyịmavara ana tụ́ wụ ka, “Asị ụ hí angwa ka mị vaa dọ wụ ha. Ma raà sị ịrẹha awụ hị́ wụ, áamị ụ vị nị.

Ayịsaya 43:10

Ẹnẹyịmavara kà, “ẹwụ nịnị Anisirẹrị, ọnị mị sị nyị ka ẹ̀ vị ezi ahụ amị, ẹwụ nịnị ẹ vị onivenu amị nị”.

Ayịsaya 43:5

Asị ụ hí angwa, agụvị ka mị yà pe wu nịnị. Mị vaa kụ́ ezi ewu nịnịị hụrẹ eyi ọnị ọyịị̄ zị vẹ, ọnịrị hụrẹ eyi ọnị ọyịị̄ zị naa ngụ ẹtẹẹ vẹ. Mị vaa kụ́ wụ nịnị gụ.

Ayịsaya 44:21

Ẹnẹyịmavara kà, “Tamayị ịsa ẹnịnị nịnị, ẹwụ Ijekọvụ. Ẹwụ nịnị Anisirẹrị, tamayị nịnị ka ẹwụ nịnị ọ vị ezi ahụ amị nị. Ẹma tụ́ wụ nịnị ka wa vị ezi ahụ amị nị. Me yị vee hí ayị awụ nịnị.

Ayịsaya 45:4

Ọ kà ọnị ọ nyị Ịsayịrọsị ka ọ gụ Isirẹrị ozi ahụ anị ụvọ. Aza ọnị ọnị nyị ẹ vị nị. Ịsayịrọsị ọ yị yẹ ọnị ama ọnị raà sị ụbanyị ana banyị yọ.

Ayịsaya 48:12

Ẹnẹyịmavara kà Anisirẹrị ana vị aza anị ọnị ọnị nyị e sị ụtọ pe ịrẹyị anị. Ọnị ịnya kẹnẹ ọ vị Ohomorihi nị. Ọnị ọ vị oyinyima ọnịrị ẹzẹtẹ nị.

Ayịsaya 49:3

Ẹnẹyịmavara ộ kà a yị ka, Isirẹrị vị ozi ahụ anị nị. Agụvị anị aza vaa nyayịnẹ sị ụbanyị yị ọnị.

Ayịsaya 51:2

Ịzẹyịza, tamayị ka Abụrahamị ọnịrị Isera ẹ vị ohiku awụ nịnị. Ẹnẹyịmavara ộ mẹ̀ ka Abụrahamị ọ́ ma ozi ọrụrụ ịzị ụ chị hụrẹ vẹ nị.

Ayịsaya 63:16

Ẹwa vị ada ayị nị. Ohiku ayị Abụrahamị ọnịrị Ijekọvụ ẹ yị yẹ yị, ama ẹwụ Ẹnẹyịmavara ọ vị ada ayị. Ẹwa vị ọza anaa dọ yị ha pooro nị.

Ijeremaya 33:24

Ọnị ọ́ọ́ si ụtọ pe ẹtẹ dị ọnị ọ wụ̀ aza maa kà a ka Ẹnẹyịmavara o re yị Anisirẹrị ọnịrị Anijuda, ovwoovu ẹyịva ọnị ọ nyị tịtẹ? Agụvị avọọ dị ẹ kụkụ aa sị eyii wụ̀ wa dị ẹnịnị sị eyi ẹkụra ọyịvụrụ rẹ wa nị.

Ireevi 25:42

Ẹnẹyịmavara kà Anisirẹrị nịnị vị ezi ahụ anị, ọnị ọ kụ wa hụrị ẹtẹ Ijipiti. A sị ọza ná wa ọrịhị o.

Ịmarakayị 1:2

Ẹnẹyịmavara kà ọnị vị eneē sì ịrẹyị Anisirẹrị nịnị. Dị ẹnịnị họ̀ ọ use ka, “Ọ́ mẹmẹ sì ịrẹyị ẹnịnị kẹ?” Dị Ẹnẹyịmavara va ohi wa ka, “Ẹ́ẹ́ yẹ ka Ijekọvụ ana vị ohiku ẹnịnị vị ọyịnyara Iisọ?” Ama dị ọnị sì ịrẹyị Ijekọvụ nị,

Imatiwu 3:9

Asị u ne roo, dị ụ waa kà a ịnị ayị awụ nịnị ka, ‘Ị yàaa nyị Abụrahamị ana vị ada ayị nị.’ Dị ma kà a yị wụ nịnị ka Ohomorihi ọ zụ sị ịrẹta ẹnẹnị dị ọ sị vara ezi yị Abụrahamị

Anigaratiya 3:19

Sị ẹ vavẹ di a nyị ọda? Â nyị ọda, agụvị dị à yẹ ị́vị meme divi ini eyi Ohomorihi. Ọda ẹnẹẹ ẹ́ẹ jẹẹ chee di ozi Abụrahamị ọnọọ ọ̀ vavẹ, ene wo oto ọnọọ yị. Ohomorihi ọ́ọ sị ọda tụ́ anggẹẹrị nịnị vẹ, di a rẹ nyị ọza ana yà ịnị akakana aza ọnịrị Ohomorihi nị.

Iwe Ọhụhị Imosiisi ana aa hị́ Ọyịvatụrọda 10:15

Ọ nyayịnẹ sì ịrẹyị ohiku ẹnịnị, dị ọ nyị wa dị ọ navọ avaba Anẹkụra nịnị ana vọ nị. Avọọ ọ mẹ yị nyị wa pooro ve tu ajịnị nị.

Iwe Ọhụhị Imosiisi ana aa hị́ Ọyịvatụrọda 14:2

Ka aza ana a sị tụ́ irenyi yị Ẹnẹyịmavara Ohomorihi ẹnịnị ẹ vị nị. Ẹnị Ẹnẹyịmavara nyị yị ẹngụ anị hụụnị avaba aza ene hi ịnị ẹhẹ nị.

Ijemiisi 2:23

Avọọ ịrẹyị ana chẹrẹ tụ́ ini Iwe Ohomorihi, mẹ̀ sẹ nị. Ịrẹyị ọnọọ ka: Abụrahamị ộ sị ayị tụra Ohomorihi, agụvị avọọ dị Ohomorihi za ịrịka tụ́ ịnị ọnịrẹyịzẹyịza nị; dị a kụkụ aa hị́ ọ ọta Ohomorihi nị.