Ayịsaya 41:4 - IWE ỌNỊNỊ

⁴ Ẹnẹ maanị mẹ̀ ẹ? Ẹnẹ nyị ọda tụ ịrẹsụ avaba ịsa anaā mẹ̀ ịnị ẹhẹ? Ẹnẹyịmavara ka Ọnị ana ya ịzọọ hụụnị oyinyima, ana rẹ vaa ya ịzọọ pooro na ngụ ẹhị yọ nị.

Ayịsaya 41:4 ပူးပေါင်းရင်းမြစ်များ

Ahẹ Ụgama 102:28

Ezi eyi vee hi ịda awụ di wee sere wa, dị ụ mẹ ka ezi ẹnịnị ẹ nyị ahụ jẹẹ ịda awụ.

Ayịsaya 40:12

Áá nyị ọza ana nyẹngụ sị ụvọta anị mọ̄ enyi ini òkū dị ọ yẹ ọ mẹmẹ rụrụ a vị dị ọ sị ụvọ mọ̄ eguhi dị ọ yẹ ọ mẹmẹ gana? Áá nyị ọza ana nyẹngụ sị aku za èzi ene hi ịrẹsụ ẹtẹ a vị dị ọza ọ ịngọ ngọ ataba ọnịrị otutu nini dị ọ yẹ ẹ mẹmẹ rata?

Ayịsaya 40:26

Re ẹbẹẹba di u wee re! Ẹnẹ mẹ ụzọmị ọnị wee re? Ẹnẹyịmavara ana kụ wa tụ ẹhẹ anka ọkọnị isoja, ọ̀ yẹ ịrịka ẹnịnị vị, dị ọọ̄ sị ịrẹha ọzọza hị́ wa nị. Agụvị ụkata ọdẹngụ anị ene e si sere wa, ẹ yị nyị ene vu ịnị ẹnịnị.

Ayịsaya 41:20

Aza vee re ịsa ẹnẹnị, dị ẹ yẹ ka ọnị Ẹnẹyịmavara ộ mẹ̀ ẹ nị. Ẹ vaa yẹ ka Ohomorihi ọnịnị Anisirẹrị ộ vavọọ mẹ̀ ẹ nị.

Ayịsaya 41:26

Àa nyị ori ana ka ịrẹyị ana sẹ? Àa nyị ori ana ka ịrẹyị ana gẹẹ? Ẹ yị nyị ọza awụ nịnị ana ka ịrẹyị ni ịnị anị, dị ẹ yị nyị ọza ana wụ́ ịsa ọnyọọnyị hụụnị ụvọ ori nị.

Ayịsaya 41:3

Ọ maa dụ wa, ahụ anị ẹ yị hyakụ da ẹtẹ ọ mẹ rẹ. Ệ yị nyị ịsị ẹ mẹ̀ ẹẹ.

Ayịsaya 42:24

Ẹnẹ hụrẹ Ijekọvụ ụvọ yị aza ana kụ́ wa ẹnya? Ẹnẹ hụrẹ Isirẹrị ụvọ yị anako nịnị? Ẹnẹyịmavara ụvọta, ọnị ị mẹ̀ ebira odivi hii yọ nị. Yẹ̀ yị zẹẹ ka ya ra anka o mè sì, dị yẹ̀ yị zẹẹ ka ya saasa ọda anị nị.

Ayịsaya 43:10

Ẹnẹyịmavara kà, “ẹwụ nịnị Anisirẹrị, ọnị mị sị nyị ka ẹ̀ vị ezi ahụ amị, ẹwụ nịnị ẹ vị onivenu amị nị”.

Ayịsaya 43:13

Ẹma vị Ohomorihi nị, ẹma yị vaa vị Ohomorihi pooro nị. Ẹ yị nyị ọza ana zụ dọ ọza ha hụụnị ụvọ amị, màa sị ụkata za a. Ịsị mị mẹ, ọza ẹ yị zụ vara a.

Ayịsaya 46:10

Hụrẹ oyinyima mịị̄ kà a ịsẹ ẹ vaa mẹ nị. Hụrẹ ụmọrụmọ mị kà a ịsị ẹ vaa mẹ nị. Mị ka, ịsị mị ka ọ vaa mẹ, vaa mẹ. Mị vaa mẹ ịsị mi sì ka maa mẹ̀.

Ayịsaya 48:12

Ẹnẹyịmavara kà Anisirẹrị ana vị aza anị ọnị ọnị nyị e sị ụtọ pe ịrẹyị anị. Ọnị ịnya kẹnẹ ọ vị Ohomorihi nị. Ọnị ọ vị oyinyima ọnịrị ẹzẹtẹ nị.

Imatiwu 1:23

“Re, ozwoorihi ọnya ẹnẹ ẹ̀ẹẹ̀ yị yẹ ọnọrụ vee zyẹẹ, dị ọ ma ozi ọnọrụ ọnya. A vaa hị́ ịrẹha anị Ẹmanụwẹrị oni iruvo anị vị Ohomorihi yà beri eyi.”

Imatiwu 28:20

Sị zụ̀ wa nịnị ka ẹ̀ẹ saasa avaba ịsa ọnị mị mẹ ọda anịị wụ nịnị! Tamayị, mị vaa yàa pe wu nịnị ịnị avaba ụmẹ pooro ne tù ọdịrẹma ẹhẹ.”

Odeyi 15:18

 yẹ ịsa ẹnẹnị hụrẹ ụmọrụmọ.”

Odeyi 17:26

Hụụnị oze ọza ịnya ọ zị mẹ avaba anẹhẹ nị, dị ọ mẹ ka ẹ̀ ra hi avaba ẹhẹ nị. Dị ọ sị eto mẹ tịtẹ ụmẹ ana aza vaa sị ra, ọnịrị ịzị ẹ vaa ra nee tù nị.

Iwe Ọhụhị Imosiisi ana aa hị́ Ọyịvatụrọda 32:39

Aanị ka wẹ yị yẹ ka ẹmị ịnyara ọ vị Ohomorihi? Ẹ yị nyị Ohomorihi ọsa ịrẹma amị. Ẹ maa sị ụhwẹ yọ ọza, ẹmaa rẹ dọ ọza ụhwẹ nị. Ẹmaa tọ ọza ụnava, dị mị rẹ mẹ ụkụ nị. Ẹ yị nyị ọza ana hụụ za mị jẹẹ.

Ẹtore 1:11

Dị ọ ka, “Chẹrẹ ịsị u wèe re tụ́ ini iwe, dị ụ wa sị tụ́ nọ ịnị ịragụ Ohomorihi ịhịmba ene hi ịnị ẹtẹ Esiya: Ẹhwẹsọsị, Ịsịmụna, Ipagamụmị, Itiyatira, Isaadisi, Ihwiradehwiya ọnịrị Irayodesiya.”

Ẹtore 1:17

Ịjị mi re e, dị mị hyẹdụ nya ẹtẹ ọ́vịdị anị anka oku avọọ nị. Dị ọ sị ụvọrị anị tụra mị, dị ọ ka, “Asị ụ hí angwa; ẹma vị ọnịpaapa ọnịrị ọdịrẹma nị.

Ẹtore 1:8

Ohomorihi Ananyị yị Ochẹtẹngụ, ọnị ọ yà ịzọọ hụrẹ ụmọrụmọ dị a va yẹ aa mẹ ẹhẹ nị. Ọnị ọ yị yà ịzọọ booro aanị nị, ọ rẹ vaa vaa vẹ ịnị ẹhẹ ọnọnị. Ọ kà, Ọnị ọ vị ọnịpaapa ọnịrị ọdịrẹma nị.

Ẹtore 2:8

Ọza oni mi re ka, “Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ịsịmụna ka: Ọza ana vị ọnịpaapa ọnịrị ọdịrẹma, ene sú dị ọ rẹ varẹma yàra, ọ tụ́ ụtụ ọnọnị nị.

Ẹtore 22:13

Ọnị ọ vị Arịhwa ọnịrị Omega nị, ọnị ọ vị ka ọnịpaapa ọnịrị ọdịrẹma, ọdọvịdị ọnịrị ọdịrẹma.