Ayịsaya 41:2 - IWE ỌNỊNỊ

² Ẹnẹ sị ohinọyị hụrẹ eyi ịzị ọyịị̄ hụrẹ vẹ? Ẹnẹ sị ụkata yọ anaa sịị nyị ehuna aha tụra aha ọnị ọọ nọ? Ẹnẹ hụrẹ ẹkụra nịnị ọnịrị Ohinọyị ẹnịnị chire e ụvọ? Ộ sị ụhwọ anị wù wa va ha anka ọza o rere banyị edudu ha avọọ. Ọpa anị vị ana gara wa ha anka ahị mẹẹ̄ kụ azịzẹ avọọ.

Ayịsaya 41:2 ပူးပေါင်းရင်းမြစ်များ

Oyinyima 11:31

Di Ịtẹra sị Abụramị ozi anị ne beri Ịrọọtị ozi Ịharanị nị. Ịrọọtị vị aazị Ịtẹra. Ịtẹra ọ rẹ sị Isarayi ose ozi anị Abụramị di e dudu hụrẹ Ọọrị ịnị ẹtẹ Anikaridi, ka ẹ̀ nọ ịnị ẹtẹ Ikanaani nị. Ama e mè tù ẹtẹ Ịharanị, dị ẹ kụkụ yà ịzọọ nị.

Oyinyima 17:1

Ẹkụhị ọnya Ẹnẹyịmavara o re ne tù Abụramị. Ịjọnọọọ, Abụramị ọ sị gụ ịrayị ẹnarẹwụ tụra ịhịịna. (909) Dị ọ kà a yị Abụramị dị ọ ka Ọnị ọ vị Ohomorihi Ochẹtẹẹngụ nị. Ọ kà Abụramị ọ̀ọ wụ́ ịrẹyị anị, asị ọ mẹ̀ ebira ene divi.

2 Ịsamụwẹrị 22:43

Ẹma pá ịva yị wa, ẹnịnị ẹ sị vara eteesu. Dị maa kụ́ ahụụ hi wa eteesu avọọ nị.

2 Ohinọyị 13:7

Ohomorihi ộ mẹ̀ ka à sị Ihazayẹrị vọ isoja tịtẹ yị Ijehoyahazi, ẹ̀ yị vị aza ẹnị ẹvarẹwụ anaā sịị umaataa kụ̀ ịrẹkụ, aza ẹnị ẹẹwụ anaā tụra ịkẹkẹ ịrẹkụ, ọnịrị aza ẹnị akawụ-akawụ oze ẹẹhị anaā sịị ahụụ nọ ịrẹkụ. Ohinọyị Ísiriya o reè vu avaba ẹnị ana vọ ẹtẹ, dị ọ sị ahụ pịrị wa va hi ẹtẹ anka ezi avọọ nị.

2 Ịtọpa 36:23

Ịrẹyị ọnị ọ kà yịị, Ọ kà Ẹnẹyịmavara Ohomorihi ada ayị ẹbẹẹba ọ raà sị avaba ịjọva ịrẹsụ ẹtẹ chire ọnị ụvọ. Ọ raà nyị ọnị ka ọnị ọ dà irehi Ohomorihi yị ọnị tụ Ijerusarẹmị ịnị ẹtẹ Ijuda. Avaba aza ana vị aza Ẹnẹyịmavara ẹ varẹma nọ ịzọọ agụvị ụkọrọ ọnọọ. Ẹnẹyịmavara ọ vaa ya pè wu nịnị.

Ẹzịra 1:2

Ịzẹyịza, dị Ịsayịrọsị ka Ẹnẹyịmavara, Ohomorihi ana nyị ẹbẹẹba ọ raà sị ịjọva avaba ẹhẹ chire ọnị ụvọ. Dị ọ nyị ọnị ka ọnị ọ da irehi anị tụ Ijerusarẹmị ịnị ẹtẹ Ijuda nị.

Ayịsaya 40:24

Ẹnịnị sị mẹ anka avị ohwoohu avọọ nị, ịịjịjọọ dị ẹ chị ama ẹpa ẹnịnị ẹ yị ngụ ẹtẹ. Ẹnẹyịmavara ọ̀ọ tụ ahị ku wa, dị ẹ wụ̀, dị ahị kụ wa anka azịzẹ avọọ.

Ayịsaya 41:25

Ẹnẹyịmavara kà ọnị ọ raà nyị̀ ọdọvịdị hụrẹ eyi ẹbẹẹba ọnịrị eyi ịzị ọyịị̄ hụrẹ vẹ ka o vị eyi ịraazị ka anẹkụra nịnị. Ọnị vaa sị ọ nyị ẹbẹẹba ohinọyị nịnị anka ọjụnọkọ nịnị mẹẹ sị ahụ pịrị ụmọpa avọọ.

Ayịsaya 41:3

Ọ maa dụ wa, ahụ anị ẹ yị hyakụ da ẹtẹ ọ mẹ rẹ. Ệ yị nyị ịsị ẹ mẹ̀ ẹẹ.

Ayịsaya 42:6

“Ẹmị Ẹnẹyịmavara ọ hị́ wụ, dị mị sị ụkata wụ nị, dị me re ka aza aa mẹ̀ ịsa ana vọrọ ịnị ẹhẹ. Oze ịnị ịpa awụ mi vee wo otoo yị avaba aza nị. Oze ịnị ịpa awụ mị vaa zịị sị ẹtohweyi vaa yị anẹhẹ nịnị nị.

Ayịsaya 45:1

Ẹnẹyịmavara ộ raà Ịsayịrọsị ka ọ vị ohinọyị. Ọ raà nyị ọ ka ọ nyị ẹbẹẹba avaba ẹkụra nịnị, dị ọ dọ wa ẹkụra ẹnịnị. Ộ tụ Ịsayịrọsị ka ọ dọ ohinọyị nịnị ụkata. Ẹnẹyịmavara kà ọnị vaa na oze ovwoovu ọbanyị ẹkụra nịnị yọ, dị ẹ yị nyị ọza ene zụ gu wa.

Ayịsaya 45:13

Ẹnẹyịmavara kà ọnị vaa sị Ịsayịrọsị kwẹẹtẹ, ka ọ mẹ̀ ịsa ana vọrọ ọnị me si. Ọnị vaa zụ ọ oze ịnị ịsa tụra ịsa ọnị aa mẹ. O vee tenyi ẹkụra anị Ijerusarẹmị da, dị ọ hụrị aza ana a za ọrịhị ụvọ. Ẹ yị vị agụvị ẹkẹhị ọ vavọọ vaa mẹ.

Ayịsaya 46:11

Maa hị́ inomi eneē che ịsaa hụrẹ eyi ọnị ọyịị̄ zịị vẹ, maa hị́ ọza ana vaa mẹ ịsị mị ka mị vaa mẹ hụrẹ ẹkụra ene noze. Ịsị mị raa kà, mị vaa mẹ̀ ẹ; ịsị mị me eto anị, mi vaa mẹ̀ ẹ.

Ayịsaya 48:15

Ọnị aa hị́ Ịsayịrọsị ka ọnị ọ tụ ọ ụtụ nị. Ọnị vaa gụ ọ ụvọ ka o re mẹ.

Arụwẹ 1:15

Ẹnẹyịmavara ô nyị isoja ayị ana kata hu kere-kere unyi; dị ọ tụ isoja hụrị aha ọsa dị e ve vu ezwọọmụha ayị ẹtẹ nị. Ệ kwọrọ avaba aza ayị và ha anka a mẹẹ kwọrọ asẹ ịnị ụkọ avọọ.

Anihiburu 7:1

Imerikizẹdẹkị ọnọọ vị ohinọyị Ịsarẹmị, dị ọ rẹ vị ohirẹsụ irehi Ohomorihi yị Ohomorihi ana nẹba hu keekere nị. Abụrahamị ộ và hụrị ịrẹkụ aa vẹ, ọ mẹ̀ na wụ ohinọyị ẹnyị aanị. Imerikizẹdẹkị ộ va gẹrị ọ, dị ọ mẹ̀ aduwaa yọ nị.

Ẹtore 16:12

Dị anggẹẹrị ọhụhịnọnyị ọnị rẹ và ene hi ịnị ịchacha hi ini okuha Iyuhureti ana banyị nị. Dị enyi anị wụ, ka oze ò tenyi tịtẹ yị ohinọyị nịnị ana yà eyi ọnị ọyịị̄ zịị hụrẹẹ vẹ nị.

Ẹtore 7:2

Me re re anggẹẹrị ọsa ana hịrẹ hụrị eyi ọnị ọyịị̄ zịị hụrẹ vẹ. Dị ọ sị ịsa oni Ohomorihi ana yára sịị̄ sị ụvọọ tụ́ ịnị ịsa rị ụvọ nị. Dị ọ nowu hị́ anggẹẹrị ẹẹna ana a sị ụkata yị ka è du ẹhẹ ọnịrị eku ha nị.