Ayịsaya 40:9 - IWE ỌNỊNỊ

⁹ Ẹwụnị ene hi Ijerusarẹmị hịrẹ nọ ịrẹsụ ataba, dị waa ka enube ọyịza yị Ịzayọnị. Sị ọngwẹ tụ́ ẹba, dị ụ wa nọ ka Ijerusarẹmị ọ kụ̀rà eyi tụ ẹba asị o hí angwa. Kà ẹ yị ẹkụra-ẹkụra ene hi Ijuda ka Ohomorihi ẹnịnị yị.

Ayịsaya 40:9 ပူးပေါင်းရင်းမြစ်များ

2 Ịtọpa 13:4

Ẹnịnị vị ana na gẹ ịrẹsụ ataba Ehwireemi, ohinọyị Abija ộ nọ ịrẹsụ ataba Izemarayimi ịzị ọ hị́ Ijerobowami ọnịrị aza anị Anisirẹrị. Ọ kà ẹnịnị e batọ dị ẹ wụ́ ịrẹyị anị.

Ayịsaya 1:1

Iwe ọnọnị vị iwe etore oni Ohomorihi si zụ̀ Ayịsaya ana vị ozi Amozi. Ịnị ụmẹ ọnọọ Uzaya, Ijotami ọnịrị Ahazi ne beri Ihezekaya ẹ vị avọọ vị ohinọyị Ijuda tù ẹngụ tù ẹngụ nị. Ohomorihi ộ sị ẹtẹ ọnọnị zụ̀ Ayịsaya, dị ọ kà a yọ ịrẹyị ene vee tù Ijuda ọnịrị Ijerusarẹmị nị.

Ayịsaya 12:2

Ịzẹyịza Ohomorihi ọ vị ẹnẹdọha amị nị. Ẹwụ m maa sị ayịị tụra nị, me yi vee hí angwa. Ẹnẹyịmavara ọ sị ụkata yị mị nị. Ẹwa m maa sịị jị ahẹ nị. Ọnị ọ vị ẹnẹdọha amị nị.

Ayịsaya 25:9

Ịjị ụmẹ ọnọọ ọ̀ọ vẹ, avaba aza vaa kà a ka Ohomorihi ayị yọ. Yâ sị ayị tụra a, dị ọ dọ yị tụ́ nị. Ọnị ọ vị Ẹnẹyịmavara nị, ọnị ị sị ayị tụra nị. Ọ sị yị dọ ha; agụvị avọọ à vẹ vị yaa jẹ ịrajẹ.

Ayịsaya 35:2

Mị ka ụnọmị ẹnẹẹ vee hunẹnẹ, dị ẹngụ avaba ọchị ene hi ịnị anị tịtẹ hụtụ-hụtụ. Ịrẹbanọnị rẹ vanaa vàa nọ udi ụbanyị anị. Ataba Ịkamẹrị ọnịrị Ịsarọnị re venee hunẹnẹ di e zoza. Avaba aza vee re ụbanyị ọnịrị ụkata Ẹnẹyịmavara ana vị Ohomorihi ayị.

Ayịsaya 41:27

Ẹnẹyịmavara kà ọnị ọ vị ọnịpaapa ana ka enube yị Ịzayọnị nị; Ọnị ọ tụ ọnụtụ hi Ijerusarẹmị ka aza ẹnịnị va vaa vẹ eehi nị.

Ayịsaya 44:26

Ama ozi ahụ amị ọ̀ọ kà ịrẹyị tịtẹ ka ọ vaa mẹ, ịjị màa tụ ọnụtụ amịị tụ ka ọ̀ na kà a ịsị mị vaa mẹ, Mịị̄ mẹ ka ịrẹyị ẹnẹẹ ẹ̀ mẹ ịzẹyịza. Mâ kà a yị Ijerusarẹmị ka aza vanaa ra ịzọọ, dị mị rẹ kà a yị ẹkụra ene hi Ijuda ka e venee tenyi wa dà nị. Mị ka ẹkụra ẹnẹẹ ana jị eburu aanị vanaa kwẹẹtẹ.

Ayịsaya 51:12

Ẹnẹyịmavara kà ọnị aa sị ayị ẹnịnị nẹtẹ. Sị ẹ vẹ di e yee hí angwa ọzarẹyịrẹsụ ọnị ẹhẹ anịị̄ ta anka avị mẹẹ̄ wụ̀ avọọ.

Ayịsaya 51:7

Ẹnẹyịmavara kà, Batọ ẹwụ nịnị ana yẹ ịsa ana vọrọ, ene hi ayị ịrẹyị anị. Asị e hí angwa aza ee du wa, dị ẹ yaa kụ wa ụhụ nị.

Ayịsaya 52:6

Agụvị avọọ, ịnị ụmẹ anaa vẹ, ụ vaa yẹ nịnị ka ẹma vị Ohomorihi, dị ụ rẹ yẹ nịnị mâ kà ịrẹyịị wụ nịnị.

Ayịsaya 58:4

Awẹ ọnị ẹ yaa za vị ana sị wa ngụrẹyị, dị ẹ yaa zyaazị, dị ẹ yaa ba egidi. Ẹngụ awẹ ọnọọ ọ zụ mẹ ka ọnị ọ wụ́ aduwa ẹnịnị.

Ayịsaya 61:1

Ụhwẹ Ọnịnị Ẹnẹyịmavara Ohomorihi ộ dọ avaba ayị amị, Ọ raà nyị mị, dị ọ tụ́ mị Ka ma Kà enube ọyịza yị onosiye nịnị Dị ma mẹ ụkụ aza ọnị ayị ẹnịnị dụ dị ma nọ ọ ọyịhụrẹ ụvọ aza ana a za a ọnịrị ẹngwọọrọ yị

Ijeremaya 22:20

Ijeremaya ka, ẹwụ nịnị Anijerusarẹmị, nọ Ịrẹbanọnị nịnị dị we nee nowu, nọ ẹtẹ Ịbasanị dị waa jị òrèrè nịnị. Yà ịnị ataba Imowabi dị wee nowu booro-booro nịnị, agụvị ka asị avaba aza ẹnẹ ẹwụrị sì ịrẹyị ẹngụ nịnị hu ẹtẹ.

Ijeremaya 29:11

Ọ kà agụvị ka ọyịnyara ọ yẹ́ aro ọnị nyị yị ụ nịnị nị, ọnị ọọ nyị aro ọ́ mẹmẹ vee zee ụ nịnị ẹ́ yị vị ọ́ mẹmẹ vaa kata ụ nịnị ẹngụ, ọnị ọọ nyị aro ịsa ọnị waa tụra eyi nịnị ụhwọọ mẹmẹ vaa gẹẹ yị ụ nịnị.

Ịnahụmị 1:15

Dị ọ ka, Anijuda e kana eyi, dị e re ọnụtụ ana vaa ka enube ọyịza yị wa. Ọnụtụ ọnọọ vaa nọ̀ ọ ka ẹ raà nyị ẹbẹẹba ọnịvị ẹnịnị. Ẹnịnị ẹ kwẹẹtẹ, dị ẹẹ rị eche, dị ẹ mẹ̀ ịsa ọnị ẹ kà ẹnị vaa mẹ̀ yị Ohomorihi. Ọnịvị ẹnịnị ẹ yị kụkụ vaa zụ nyị ẹbẹẹba ẹnịnị. Avaba ọnịvị ẹnịnị saka-saka ẹ sị vara oku.

Iruuku 24:47

Ịnị ịrẹha anị a vaa yàa kà enube ọyịzaa yị aza ka è ro ịnẹ varẹma hụụnị ebira odivi ẹnịnị, dị Ohomorihi ọ̀ vagu wa ịnị ịvị ẹnịnị nị. E vee nyimaa hụrẹ Ijerusarẹmị, dị ẹ vavọọ kà a pooro na ngụ avaba ẹhẹ.

Odeyi 2:14

Dị Ipita kwẹẹtẹ jẹẹ beri ẹnị ẹwụrọnya ana vọ, di o nowu tụ́ ẹba, dị ọ kà a yị aza ẹnẹẹ ka, “Ẹwụ nịnị anda ayị Anijudiya ọnịrị ẹwụ nịnị ana ra hi Ijerusarẹmị, batọ ịrẹyị amị, dị ma kà a wụ nịnị iruvo ịsị ẹ mẹ aanị.

Odeyi 4:13

Ịjị anikootu maanị wụ́, ô hí wa irenu ka ayị Ipita ọnịrị Ịjọọnụ ọ́ maanị vị́, ịnị ụmẹ ana ahịka aza kẹnẹ ẹ vị nị, ẹnịnị ẹ yị yẹ iwe. Ệ yẹ ka ịdị Ijeesu ẹ vịdị yà nị.

Odeyi 4:29

Ananyị yị, wee re, e mèe chire yi angwa. Aarịhịnị, sị ọtụtụrụma yị ezi ahụ awụ ẹtẹẹtẹrẹ ka ẹ̀ zụụ kà ịrẹyị awụ!

Aniroomi 10:18

Ama me ve họ̀ use ka aanị ka Aniju nịnị è yị wụ́ enube ọyịza da? Ẹnịnị ệ wụ́ ẹtẹẹtẹrẹ. Avaba anẹhẹ ẹ sị wụ́, a màa kà ịrẹyị ọnọọ. Ịrẹyị ẹnịnị ọ na sị ngụ avaba ẹhẹ.

Anẹhwẹsọsị 6:19

Wa rẹẹ mẹ̀ aduwaa yị ẹmị nịnị bẹẹ ka, Ohomorihi ọ̀ sị ịrẹyị tụ́ mị irenu, dị ma zụụ sị ọtụtụrụma kà ịrẹyị, dị ma zụ sị zụ̀ aza ịrẹyị enube ọyịza ene eyi aza ọ̀yị há tù.

1 Itimoti 3:16

Avaba aza ẹ́ẹ dọ ka ahẹkẹ ayị ọnọnị, ọ ka hịịn, iruvo anị ọ́ọ nyịnẹ ẹtẹẹtẹrẹ: Ikirisiti ọ́ọ sị ẹngụ anị zụ̀ anka ọzarẹyịrẹsụ. Ụhwẹ Ọnịnị ọ́ọ sị zụ̀ ka ọnịzẹyịza ọ vị nị, anggẹẹrị nịnị e re ree. Áa kà ịrẹyị anị yị anẹhẹ, anẹhẹ ẹ́ẹ sị ayị tụra, dị a sị ọọ nọ ẹbẹẹba ini igirima nị.

1Ipita 3:14

Àa daka aa sị ụyaa rị wụ agụvị ka wáa vị ọnịzẹyịza, waa jẹ nịnị! Asị ụ hí angwa aza ene ee sì ka ẹnị ẹ̀ sị ụya rị wụ nịnị. Asị ayị awụ nịnị hụ agụvị avọọ vazi.

Ọdọvịdị 9:7

Ịjị Ijotami wụ́ ịrẹyị ọnọọ, dị ọ hịrẹ nọ ịrẹsụ ataba Igerizimi, di o nowu hị́ avaba Anịsẹkẹmị, dị ọ ka ẹnịnị ẹ wu ịrẹyị anị agụvị Ohomorihi ọnị ọ rẹ wụ́ ịrẹyị ẹnịnị.