Ayịsaya 40:7 - IWE ỌNỊNỊ

⁷ Avị ọ̀ọ sị wụ̀, di ododo anị za. Ịjị Ẹnẹyịmavara ọ̀ọ tụ́ ahị, dị ẹ wọrọ va ha. Avọọ gẹdẹ-gẹdẹ aza mẹ ya nị.

Ayịsaya 40:7 ပူးပေါင်းရင်းမြစ်များ

Ijoovu 14:2

Ẹhẹ ẹyị ọza sị mẹ anka ododo ene e yi me ku di o su avọọ nị. Ọ ya viiri anka ụ̀mọ̀mọ́ ọza avọọ nị.

Ijoovu 4:9

Ohomorihi ọọ ha iduma kẹnẹ dị aza edivi nịnị ee vú ẹtẹ nị. Ọ tụ ahị kẹnẹ dị ẹ ta hi ẹtẹ.

Ijoovu 41:21

Ụhwe ana a tụ́ vị anaā mẹ ka ịra ọọ za, dị ịra aa dàa hụụnị irenu anị nị.

Ahẹ Ụgama 102:4

Ê tụ́ mi pooro, mị kụkụ tịtẹ anka avị ana sị wụ avọọ, mẹ yị hyakụ kụkụ zụ rị ịsa.

Ahẹ Ụgama 103:15

Ẹhẹ ọza vị ana si mẹẹ anka ododo ịnị avị avọọ. Ịsọnị-ịsọnị dị ọ yara hi ẹtẹ,

Ahẹ Ụgama 103:16

dị ahị maanị tụ́ kú ọ, dị ọ rẹ ta. Dị ayị wụsẹ hi ka â nyị ịzị ẹ vịdị vavọọ nyị ododo.

Ahẹ Ụgama 90:5

Wâ mẹ ka Iswọọza ọ̀ kụ́ aza na para hu. Aza vị ana sị mẹẹ anka avị ọwọọwa ene nyị ẹnẹnẹ,

Ahẹ Ụgama 90:6

Ịjị oruva mee tù, ọ sị wụ, o sị wọ̀rọ̀ va ha.

Ayịsaya 11:4

Ịzẹyịza kẹnẹ ọnị vaa sị mẹ̀ ọkarẹyị nị. Ọ yị vaa rara ọkarẹyị ọza agụvị ka ộ mẹhị vi onosiye. Ịrẹyị ọnị ọ ka vi inori ana vaa sị ụyaa rị anẹhẹ. Irenu aa sịị tụ́ ụhwẹẹ kú aza edivi, di e sú va ha nị.

Ayịsaya 37:27

Aza ana ra hi ẹkụra ẹnẹẹ ẹ yị nyị ụkata vụrụ-vụrụ. Angwa ộ hí wa, dị ẹnịnị vazi nị. Ẹnịnị vị ana sị mẹẹ avị ana chị́ hi ịnị aarẹ, à vị avị ana chị́ tụ ịrẹsụ irehi avọọ, dị ahị ịrịịra tụ́ hụrẹ eyi ọnị ọyịị̄ zịị vẹ, dị ọ va kụ wa kwooze nị.

Ayịsaya 40:24

Ẹnịnị sị mẹ anka avị ohwoohu avọọ nị, ịịjịjọọ dị ẹ chị ama ẹpa ẹnịnị ẹ yị ngụ ẹtẹ. Ẹnẹyịmavara ọ̀ọ tụ ahị ku wa, dị ẹ wụ̀, dị ahị kụ wa anka azịzẹ avọọ.

Ayịsaya 51:12

Ẹnẹyịmavara kà ọnị aa sị ayị ẹnịnị nẹtẹ. Sị ẹ vẹ di e yee hí angwa ọzarẹyịrẹsụ ọnị ẹhẹ anịị̄ ta anka avị mẹẹ̄ wụ̀ avọọ.

Ịhagayị 1:9

Ọ kà ẹnịnị ê tụra eyi ka ịsa ọyịna ẹnịnị vaa rụrụ ama chee kẹnẹ ê re nị. Ẹnẹyịmavara kà ịsa ọnị ẹ̀ẹ kụ vẹ ịnị eehi vị ọnị ọnị tụ́ ọ ahị va ha. Sị ẹ vẹ? Agụvị ka irehi anị vị ana jị eburu tịtẹ, ama dị ọzọza para a huu ne tenyi irehi ẹnịnị kẹnẹ nị.

Ijemiisi 1:10

Ọdọwụ ana vị ọzọbanyị, ọnị ọ̀ rẹẹ jẹ ka Ohomorihi ọ sị ọnị kà chi; agụvị ka ódodoo nịnị mẹẹ̄ sụ̀ụ vaa ha, avọọ ọzọbanyị mẹ̀ vaa para ụbanyị anịị hu nị.

Ijemiisi 1:11

Ọyị ọ̀ọ sị hụrẹ, dị aa há nganganga nị, dị ọ za avaba ododo, dị ọ wụ̀ wa, dị ẹ sụ̀ và ha, dị avaba uzoza anị ta saka-saka. Avọọ gẹdẹ-gẹdẹ ọzọbanyị mẹẹ̄ hụrẹ ẹhẹ ụvọ ịnị ụmẹ ọnị ọ ta ngụ ini echi ẹhẹ ee zwe nị.