Ayịsaya 40:2 - IWE ỌNỊNỊ

² Sị ụmẹnụmẹnẹ kà ịrẹyị yị Anijerusarẹmị. Kà yị wa ka ẹkụhị ayodu ẹnịnị ọ sị parahu, Ẹnẹyịmavara kà ọnị ọ raà vagu wa ịnị ịvị ẹnịnị. Ẹnịnị ẹ raà rị ụya ana ngụ ajẹ agụvị ebira odivi ẹnịnị.”

Ayịsaya 40:2 ပူးပေါင်းရင်းမြစ်များ

Oyinyima 34:3

Dị ịrẹyị Idina ozi Ijekọvụ kụkụ yà ịnị ayị Ịsẹkẹmị nị. Ịsẹkẹmị ô sì ịrẹyị Idina, di ee si ka oni ò tere e pè ẹngụ nị.

2 Ịtọpa 30:22

Ihezekaya ộ ga Anireevi nịnị agụvị ẹ mẹmẹ ku aza mẹ̀ ahẹkẹ ẹtẹẹrẹ. Ịnị ẹkụhị ịhịmba ẹnẹẹ ệ mẹ̀ ịsọvọ ọrụrụ-ọrụrụ ẹnẹ ẹ sị ga Ẹnẹyịmavara ana vị Ohomorihi ohiku ẹnịnị.

Ahẹ Ụgama 32:1

Aza oni Ohomorihi ọ̀ọ raà vagu, dị ọ raà sị ayị hụụnị ịvị ẹnị ẹ mẹ nị vaa dàa jẹ kẹnẹ.

Ahẹ Ụgama 85:3

Wa rẹ raà và hụụnị ayị ana vịdị nyayịnẹ aa kụ́ wụ.

Ọyịkụra 22:3

Ama eyi ọ̀ọ sị nị dị ọ vavọọ wụ oyi nị, ọ vaa rị rị ịvị ka ộ wụ̀ ọza. Ọza òo yi oyi, ò si ụta varẹma. Ọ̀ yị nyị ịsị a vọrọ ka ò si si ụta oyi oni o yi.

Ịrẹyị Ọzwọzịsa 3:4

Aa nyị ụmẹ ene e sịị sụ ùnè, dị a nyị ụmẹ ene e sii nyinyi nị. Aa nyị ụmẹ ana a sịị và ẹngụ hi, dị a nyị ụmẹ ana a sịị nyị ẹzẹ nị.

Ayịsaya 12:1

Ụmẹ ọnyara aa vẹ ana aza vaa jị ahẹ dị ẹ yaa Kụ Ẹnẹyịmavara avọ! Ịzẹyịza wâ vịdị kụ́ ayị hi mi, ama booro aanị, wẹ yị kụkụ kụ́ ayị. Wa raà sị ayị amị hunẹnẹ.

Ayịsaya 14:3

Ịhị Ẹnẹyịmavara ọ̀ọ raà sị wụ hụụnị ụyọrị ọnịrị ẹngụkata ene vịdị tù wu ụ mé vị ọrịhị,

Ayịsaya 27:9

Ộ dị ịhị Anisirẹrị ẹ̀ẹ raà chaka ịrẹta ịzị ẹ yaa mẹ̀ ịsọvọ hi ori ana aā hị́ Asẹra nẹrẹ-nẹrẹ dị ẹnẹ ẹ̀ yị mā vara ọ̀ va vagu wa ini ebira odivi ẹnị ẹ yaa mẹ, kụkụ vaa nyị ọchị ori ọnọọ ikonya ana vọ jẹẹ.

Ayịsaya 33:24

Nyị ọza ana ra ẹnị ẹngụ kụkụụ vanaa zị. Ebira odivi ana aza ana ra hi ịzọọ ẹ̀ẹ mẹ vị ọnị Ohomorihi vaa vagu wa ịnị anị.

Ayịsaya 35:4

Kà ẹ yị aza ana ayị aa hụrẹ ịnẹ ka asị angwa rè hí wa; ẹ̀ nyị ọtụtụrụma, ka Ohomorihi ẹnịnị aa vaa dọ wa há. Dị ọ ụya rị ọnịvị ẹnịnị.

Ayịsaya 43:25

Ama, ẹma vị Ohomorihi ana vagu ebira edivi ọnị ụ mẹ nịnị nị. Agụvị ọza ọnị mị vị mị maanị mẹ nị. Mi vee hí ayị ebira edivi awụ nịnị.

Ayịsaya 44:22

Ma raa kụ ebira edivi ọnị ụ mẹ nịnị kwooze anka eguhi mẹẹ hụ́ avọọ, dị mị kụ́ ịvị awụ nịnị kwooze anka uruvu anaa dàa hụụnị ịsa mee vu avọọ nị. Varẹma ká mị vẹ nịnị, agụvị ka ẹ ma dọ wụ nịnị ha nị.”

Ayịsaya 49:25

Ama Ẹnẹyịmavara ọ̀ kà a ka ọnị vaa va eyi ịrazị ka aza ene pe wa vụ ịrẹvụ. Ọnị vaa dọ ezi ẹnịnị hụrẹ ụvọ ọnịvị ẹnịnị ana vị anayịchama.

Ayịsaya 51:17

Kwẹẹtẹ Ijerusarẹmị, ha kwẹẹtẹ, Ẹnẹyịmavara ọ raà ka wụ nịnị enyi ụya ịnị ọyịkụ anị. We reè hu ọ ẹnẹmẹhị ana mẹ ka ọọ mẹrị wụ, dị waa vanga nị.

Ayịsaya 53:5

Ama agụvị ịvị ọnị rị a sị tọ ọ ụnava nị, Ê tụ́ ọ agụvị ebira odivi ọnị ị mẹ. Ụya ọnị ọ rị asị sị mẹ yị ụkụ nị. Upono ene e tụ́ ọ, ọ mẹ ka ẹngụ ayị ọ̀ nịya nị.

Ayịsaya 53:6

Avaba ayị vị ene nyeeyi anka atẹmẹ avọọ. Ọzọza ọ sị vàtụ oze anị, dị Ẹnẹyịmavara kune ẹnya akụvị ọnị mẹ tụra a nị.

Ayịsaya 54:15

Àa nyị ọza anaa kụ́ ịrazịị tu wu, mẹ yị tụ ọza ọnọọ ụtụ. Ọza tụra ọza ana àa kụ ịrazị ve tu wu vị ana vaa hyẹdụ.

Ayịsaya 54:17

Ama ẹ yị nyị ẹnya ịrẹkụ ana hụ vị awụ mẹ, ana vaa mẹ̀ ụkọrọ. Avaba ịrarẹ ana àa sị ịrẹyị awụ na tụ́ ịrẹka, vị ọnị ụ vaa kụụ hi ireche.” Ẹnẹyịmavara kà ịsa ọnị mẹ tịtẹ yị ezi ahụ anị yị, ọnị vaa mẹ ka ẹ̀ nyị ehuna.

Ayịsaya 55:7

Navọ ọza ọhịmị ọ và hụụnị ẹhẹ odivi anị, dị ọza odivi ọ̀ và hụụnị aro odivi anị. Navọ ẹnịnị ẹ̀ và ka Ẹnẹyịmavara vẹ ka ọ vaa vayị ẹnịnị. Ẹnịnị ẹ̀ và ka Ohomorihi ayị vẹ, ka ọ vaa vaa gu wa ẹtẹẹtẹrẹ.

Ayịsaya 6:7

Dị ọ sị akịna ọnọọ kanyị mi irenu dị ọ ka emi éē re ịra ọnị ọnị sị kanyị mi irenu aanị. Ọ kà a raà sị ịvị ọnị mị rị kwooze, a rẹ raà mẹ̀ ịsọvọ ịvị ọnị mị mẹ.

Ayịsaya 61:7

Agụvị ụhị oze ẹẹva ene tu wa ịnị ẹtẹ ẹnịnị. Ẹnịnị vaa ra aha ọbanyị oze ẹẹva dọ ịrẹsụ. Ẹ vaa nyị ogu oze ẹẹva ịnị ẹtẹ ẹnịnị, Ẹ vaa jẹ ịrajẹ pooro-pooro-pooro nị.

Ayịsaya 66:13

Ẹnẹyịmavara kà ọnị vaa sị ayị ẹnịnị ene hi Ijerusarẹmị nẹtẹ anka ọnyị ozi mẹẹ̄ sị ayị ozi anị nẹtẹ avọọ.

Ijeremaya 16:18

Ọ kà ọnị vaa sị ụya avaba ebira odivi ẹnịnị ọnịrị akụvị ẹnịnịị rị wa oze ẹẹva, agụvị ka ẹnịnị ẹ́ raa sị ori ẹnẹẹ yị nyị ụhwẹ anka oku ene su avọọ du ẹtẹ anị ha. Ẹtẹ anị kụkụ vị ohihi yị ori ana ahịka ireche kẹnẹ ẹ vị nị.

Ijeremaya 17:18

Ọ̀ navọ asị ọ́ zẹẹ ka ụhị nyị ọnị ama ọ̀ mẹ̀ ụhị nyị aza anaa sị ụya rị ọnị. Asị ọ mẹ ayị hụrẹ ọnị ịnẹ, ama ọ̀ kụ ayịhụrịnẹ tu wa. Ọ̀ navọ ọ̀ kụ ẹngụkata odivi tu wa dị ọ̀ gara wa ha chẹkẹ-chẹkẹ.

Ijeremaya 29:11

Ọ kà agụvị ka ọyịnyara ọ yẹ́ aro ọnị nyị yị ụ nịnị nị, ọnị ọọ nyị aro ọ́ mẹmẹ vee zee ụ nịnị ẹ́ yị vị ọ́ mẹmẹ vaa kata ụ nịnị ẹngụ, ọnị ọọ nyị aro ịsa ọnị waa tụra eyi nịnị ụhwọọ mẹmẹ vaa gẹẹ yị ụ nịnị.

Ijeremaya 51:10

Anisirẹrị nịnị kụkụ aa kà a ka, Ẹnẹyịmavara ọ raa sị zụ ka ẹnị ẹ yị rị ịvị. À vẹ, dị ẹnị ẹ̀ na kà a Ịzayọnị, ịsị ọnị Ẹnẹyịmavara, Ohomorihi ẹnịnị sị mẹ.

Arụwẹ 4:22

Ụyọrị Anịzayọnị vaa ta. Ẹnẹyịmavara ẹ yị kụkụ vaa za ayị ku aha ịzị a za ayị ọrịhị ne hi aanị. Ama Ẹnẹyịmavara vaa sị ụya ịvị Anedomi rị wa. Ọ vaa kụ wa uruvo hi ẹhẹ dị è re ebira odivi ẹnịnị.

Ezikẹẹrị 16:42

Ịjọnọọ, ayị anị vee hunẹnẹ, dị ọnị ẹ́ yị kụkụ kụ ayị. Ọnị ẹ́ yị kụkụ vaa kụ ayị, ọnị ẹ́ ma rẹ vana hụvị awụ nịnị kụ ụhị.

Ịdanịyẹrị 11:35

A vaa wụ̀ ọdọvịdị ẹnịnị, ẹnyị ana yẹ ịrẹyị aanị. Isu ọdọvịdị ẹnẹnị vaa mẹ ka aza ana vọ ẹ̀ nyịna ẹngụ ẹnịnị hụụnị avaba ebira odivi ẹnịnị.

Ịdanịyẹrị 12:4

Ịdanịyẹrị ka anggẹẹrị ọnọọ ộ kà a yị ọnị ka ọnị ò ku iwe ọnọọ oku dị ọnị ọ̀ sị ịsa va a ne tù ụmẹ ọnị ẹhẹ vaa sịị za ẹtẹ. Dị ò ve tù, aza ọrụrụ-ọrụrụ vaa vàa chi vàa hịrẹ dị ọzọza aa kọsẹ ka ẹnị ẹ̀ yẹ ịsa huni avọọ.

Ịdanịyẹrị 12:9

Ộ ka dị anggẹẹrị ọnọọ kà a yị ọnị ka ọnị ọ̀ọ na booro aanị nị, ka ịrẹyị ẹnẹnị vị ịrẹyị ewere ana sị tẹ ne tu ụmẹ ọnị ẹhẹ vaa sịị ta.

Ịdanịyẹrị 9:12

Dị ọnị kà a yị Ohomorihi ẹnịnị ka, ịsị ộ ka ọnị vaa mẹ ẹnịrị ọdọvịdị ẹnịnị ộ sị ọ mẹ. Ẹ́ẹ yị nyị anẹkụra ọsa ịrẹsụ ẹtẹ ọnị ọ maanị sị ụya rị da anka ọ mẹ sị ụya rị Anijerusarẹmị aanị.

Ịdanịyẹrị 9:2

Ịdanịyẹrị kà ịnị ịrayị ịpaapa ọnị ộ rị ohinọyị, dị ọnị àa ka iwe Ohomorihi. Dị ọnị re ka Ẹnẹyịmavara ộ vịdị kà a yị Ọnịsẹ Ijeremaya ka, Ijerusarẹmị vànaa mẹ̀ ịrayị ẹtarẹwụ dị aza ẹ̀ vana và nọ ịnị anị na ra nị.

Ihoseya 2:14

Ẹnẹyịmavara kà ọnị e vene e nọ ịnị ụnọmị ịzị ọnị vaa tangwa ka ịrẹyị yọ, dị ọnị ọ dọ ayị.

Ihoseya 2:16

Ẹnẹyịmavara kà ụmẹ aa vẹ, ọnị Isirẹrị vaa hị́ ọnị adarehi, dị ẹ yị kụkụ hị́ ọnị ọga anka ọ mẹẹ̄ hị́ Ịbaarị.

Ihabaku 2:3

Dị ọ ka, ịrẹyị ọnị ọnị aa kà a aanị, ẹ yị vaa mẹ̀ obobooro ọnọọ. Vị ụmẹ ịsa ẹnẹẹ vaa tangwa-tangwa vẹ nị. Agụvị avọọ asị e ha eyi ka ẹ yị vee tụra ẹtẹ. Ee vee re e.

Ịzẹhwanaya 3:15

Ẹnẹyịmavara ọ raà za ụya awụ nịnị jẹẹ. Ộ sị ọnịvị awụ nịnị dụ kwooze. Ẹnẹyịmavara ana vị ohinọyị Anisirẹrị jẹ wụ nịnị ịrẹma. Ẹ yị nyị ka we kuku hí angwa nịnị.

Ịzakaraya 1:13

Ẹnẹyịmavara ô si ohi ẹngwọọrọ ana zụ sị ayị ọza nẹtẹ yị anggẹẹrị ene pe ka ịrẹyị aanị.

Ịzakaraya 1:15

Ọnị nyayịnẹ ee du ayị hi anẹkụra nịnị ana vọ ene ro ka ẹnị ẹ nyị ẹngwọọrọ. Ọnị vị ana kụ́ ayị chee hi aza anị dị ẹnịnị sị ụya rị wa hu avọọ nị.

Ịzakaraya 9:12

Waa vaa vẹ aha ọyịtẹ̀ awụ nịnị, wa nyị eyọtụra. Ẹnẹyịmavara kà booro aanị, ọnị vaa sì wa atọ ịsa ana jị wa ha oze ẹẹva.

Odeyi 1:7

Dị Ijeesu kà a yị wa ka, “Ada amị ọ nyị ụkata ẹkụhị ọnịrị ụmẹ nị, ẹ yị nyị áawụ nịnị rị ka wa yẹ ụmẹ ọnọọ nịnị.

Anigaratiya 4:4

Ama ịjị ụmẹ Ohomorihi vavẹ, Ohomorihi ộ tụ́ Ozi anị vẹ ịnị ẹhẹ ọnọnị. Ọnyẹnẹẹ ọnya aanị ọ ma a nị. Ọnị ọ rẹ saasa ọda Aniju nịnị,

Ẹtore 18:6

Ọ kà, À mẹ Ịbabịrọnị anka ọ́nị mẹ̀ rẹ mẹ aza gẹdẹ-gẹdẹ; è sí ọ ụta ịsị ọ mẹ tụra-tụra. Ako ọnị ọ sị ká ẹchịpa anịị wụ nịnị, à vavọọ sị ká ẹchịpaa yọ oze ẹẹva.