Ayịsaya 40:1 - IWE ỌNỊNỊ

¹ Ohomorihi awụ kà: “Sị ayị aza anị nẹtẹ, sị ayị aza anị nẹtẹ.

Ayịsaya 40:1 ပူးပေါင်းရင်းမြစ်များ

Inehemaya 8:10

 kà a yị wa ka asị e du ayị, ẹẹ nọ eehi dị ẹ̀ naa rị ịsa, dị e hú eche ohine, dị ẹ̀ da ịsa yị aza ẹnẹ ẹ yị nyị rị. Ayohine ọnị Ẹnẹyịmavara mẹ yị wa aanị vaa mẹ ka ẹ̀ nyị ụkata.

Ahẹ Ụgama 85:3

Wa rẹ raà và hụụnị ayị ana vịdị nyayịnẹ aa kụ́ wụ.

Ahẹ Ụgama 85:8

Maa jẹẹ dị ma wụ́ ịsị Ẹnẹyịmavara vị Ohomorihi vaa kà. Ọ raà kà a ka ọnị vaa sị ẹngwọọrọ yị aza anị ana aa hẹkẹ ọnị. Ama asị aza anị ẹnẹẹ kụkụ na mẹ ụra.

Ịrẹyị Ọzwọzịsa 3:4

Aa nyị ụmẹ ene e sịị sụ ùnè, dị a nyị ụmẹ ene e sii nyinyi nị. Aa nyị ụmẹ ana a sịị và ẹngụ hi, dị a nyị ụmẹ ana a sịị nyị ẹzẹ nị.

Ayịsaya 12:1

Ụmẹ ọnyara aa vẹ ana aza vaa jị ahẹ dị ẹ yaa Kụ Ẹnẹyịmavara avọ! Ịzẹyịza wâ vịdị kụ́ ayị hi mi, ama booro aanị, wẹ yị kụkụ kụ́ ayị. Wa raà sị ayị amị hunẹnẹ.

Ayịsaya 3:10

Kà a ka vi o vee zee yi ọza ana aa mẹ̀ ebira ana vọrọ nị, agụvị ka ẹ vaa rị ọgụ ebira ẹnẹ ẹ̀ẹ mẹ.

Ayịsaya 41:27

Ẹnẹyịmavara kà ọnị ọ vị ọnịpaapa ana ka enube yị Ịzayọnị nị; Ọnị ọ tụ ọnụtụ hi Ijerusarẹmị ka aza ẹnịnị va vaa vẹ eehi nị.

Ayịsaya 50:10

Avaba aza ene hí angwa Ẹnẹyịmavara, dị ẹ saasa ịrẹyị ozi ahụ anị; oze ọnị ẹ zị ọ daka hozi, ẹ sị ayị tụra Ẹnẹyịmavara, e chi ayị za Ohomorihi.

Ayịsaya 51:12

Ẹnẹyịmavara kà ọnị aa sị ayị ẹnịnị nẹtẹ. Sị ẹ vẹ di e yee hí angwa ọzarẹyịrẹsụ ọnị ẹhẹ anịị̄ ta anka avị mẹẹ̄ wụ̀ avọọ.

Ayịsaya 51:3

Ẹnẹyịmavara vaa sị ayị Anisirẹrị nẹtẹ. Ộ vaa mẹ ka ẹtẹ ẹnịnị ana vị ọpapara ò zoza anka ụbazị Edẹnị avọọ. Ayị ẹnịnị vene vee hine, dị ẹ yaa jị ahẹ ọyịza ga Ẹnẹyịmavara.

Ayịsaya 52:9

Nyima waa jị ahẹ nịnị, ẹwụ nịnị ene sị vu ẹtẹ hi Ijerusarẹmị. Ẹnẹyịmavara vaa dọ ẹkụra anịị ha, di o hunẹnẹ aza anị ayị.

Ayịsaya 60:1

Kwẹẹtẹ Ijerusarẹmị, dị ụ waa zẹtẹ anka ọyị. Ụbanyị Ẹnẹyịmavara aa zẹtẹ ịnị ẹhẹ awụ.

Ayịsaya 61:2

Ẹnẹyịmavara ọ raà tụ́ mị ka ma kà a aza ana barịwẹ Ka ụmẹ ọnị Ẹnẹyịmavara vaa dọ aza anị ha, o sí tụ́ dị ọ nyị ehuna ịrẹsụ ọnịvị ẹnịnị ọ raà tụ́ mi ka ma sị́ ayị aza anaa zị ẹngụ nẹtẹ.

Ezikẹẹrị 16:42

Ịjọnọọ, ayị anị vee hunẹnẹ, dị ọnị ẹ́ yị kụkụ kụ ayị. Ọnị ẹ́ yị kụkụ vaa kụ ayị, ọnị ẹ́ ma rẹ vana hụvị awụ nịnị kụ ụhị.

Ịzakaraya 1:13

Ẹnẹyịmavara ô si ohi ẹngwọọrọ ana zụ sị ayị ọza nẹtẹ yị anggẹẹrị ene pe ka ịrẹyị aanị.

Ịzakaraya 1:17

Anggẹẹrị ọnọọ kà Ịzakaraya ọ rẹ kà a ka Ẹnẹyịmavara Ochẹtẹẹngụ kà ọ varẹma zee yị ẹkụra nịnị. Ọnị vaa gụ Ịzayọnị ụvọ, dị ọnị nyị Ijerusarẹmị ka ọ vị anị.

Ịzakaraya 9:9

Aza ene hi Ịzayọnị ẹẹ jẹ, dị aza ene hi Ijerusarẹmị ee nowu ịrajẹ. Ree, ohinọyị awụ nịnị aa vẹ ịda awụ nịnị. Ọ nyị ịzẹyịza ọnịrị ẹdọha. Ọza hẹẹ ọ vị nị, ọ́ọ tụra ịkẹrịkẹtẹ, ozi ịkẹrịkẹtẹ araka ọ tura nị.

2 Anịkọrịntị 1:4

Ohomorihi ee hunẹnẹ yị ayị ịnị avaba ụyọrị ayị, agụvị ẹ̀ ya rẹ zụụ sị ayohunẹnẹ oni Ohomorihi sị yị, dị ya sịị yị aza ana àa rị ụya.

1 Anịtẹsaronika 4:18

Agụvị avọọ, waa sị ịrẹyị ẹnẹnịị hunẹnẹ ẹngụ ayị nịnị.