Ayịsaya 4:5 - IWE ỌNỊNỊ

⁵ Ịhị ọnọọ Ẹnẹyịmavara vaa mẹ ka areyi anị ọ maanị kú avaba aza ana kụ́ gụ hi ịnị ataba ịnị ụmẹ ọọdụ. Dị ọ rẹ mẹ ka ịra anị ọ̀ọ za ẹtẹẹ yị wa ịnị ịrahụ. Ụbanyị Ohomorihi vee kú avaba aza saka-saka.

Ayịsaya 4:5 ပူးပေါင်းရင်းမြစ်များ

Inehemaya 9:12

Dị ọ zụ ohiku ẹnịnị oze ịnị ụnọmị nị, ọnị ọ da eguhi jẹ ka ọ̀ zụ wa oze ọọdụ, dị eguhi ọnọọ vị ịra ọbanyị ene eyee sii re ẹtẹẹ zị ụsẹ ịnị ịrahụ nị.

Ahẹ Ụgama 105:39

Di Ohomorihi gana eguhi kú Anisirẹrị, dị ọ sị ịra yị wa ka è sii re ẹtẹ nị.

Ahẹ Ụgama 111:1

Waa kụ́ Ẹnẹyịmavara. Avaba ayị amị mị vaa sịị sị ụbanyịị yị Ẹnẹyịmavara ịzị ọnịzẹyịza ẹ̀ẹ gụ hi nị.

Ahẹ Ụgama 78:14

Ẹnịnị màa na, Ohomorihi aa si eguhii zụ̀ wa oze ọọdụ, ịrahụ dị ọ hu ịra hụrẹ ẹbẹẹba va yị wa.

Ahẹ Ụgama 85:9

Mâ yẹ kaakara ka Ohomorihi vaa dọ aza ene hí angwa anịị tụ́, dị ẹ̀ yẹ ịnị ẹtẹ ayị ka Ohomorihi yà pè ẹnị.

Ahẹ Ụgama 89:7

Ịzị aza Ohomorihi ẹ̀ẹ kụ́ gụ hị́, ẹnịnị vị ene ee hí angwa Ohomorihi. Ịnị avaba aza ana kara Ohomorihi, Ohomorihi ọnị ịnya aza eehí angwa anịị hu nị.

Ọyịkụra 14:24

Éyi màa vaa nị, dị Ẹnẹyịmavara zi oze ịnị ịra ana dà jẹẹ ọnịrị eguhi ọnọọ và eyi chi ve re isoja Anijipiti nị. Dị ọ kụ́ ẹvazi ngụ wa ẹngụ nị.

Ọyịkụra 24:16

Di ẹtohweyi ụbanyị Ẹnẹyịmavara yà ịnị ataba ọnọọ nị. Avọọ eguhi ọnọọ mè kú ataba ọnọọ mẹ ẹkụhị ịhịnọnyị nị. Ịhị ẹ tụ́ ọ ẹkụhị ịhịmba, dị Ẹnẹyịmavara va yà ini eguhi ọnọọ dị ọ hị́ Imosiisi nị.

Ọyịkụra 26:1

Ẹnẹyịmavara kà: aanị ụ mẹ̀ vaa jị ajẹngụ amị nịnị: Si owu ozoza ana a ta vabẹ, di enyi anị ọ̀ vị onivuru ọnịrị owu ọsa ana a si enyi onivuru ọnịrị ovivi po vabẹ dị a sị mẹ enyi anị ne beri owu ana vị ovivi di u we si hi ịta ana a vaa sị jị ajẹngụ ọnọọ. Òkú ẹẹwụ ịta ọnọọ vaa vi nị. Uhwoto icherubi ụ vaa sị mẹ̀ ụkọrọ tụ́ ọ nị.

Ọyịkụra 26:7

Sị ẹyị ẹvụ di we si hi ịta oku ẹwụrọnya di u we si kú ajẹngụ ọnọọ.

Ayịsaya 32:18

Aza Ohomorihi ẹ yị kụkụ vaa hụrẹ ayị ịnẹ. Ẹngwọọrọ vaa yà ini eehi ẹnịnị, dị ayị ẹnịnị nẹtẹ.

Ayịsaya 33:20

Kana eyi di we re nịnị. Ịzọọ ọ vị ẹkụra ịzị ị yàa rị eche ahẹkẹ ayị nị. Wéē re Ijerusarẹmị ẹkụra ana aza ra hi ịnị anị ịnị ẹngwọọrọ. Vị ọ sị mẹẹ ajẹngụ ana ahịka ọza ọ yị vaa kụ́ụ hụrẹ udi anị avọọ nị. Ọza ọ yị vaa tụ̀ ẹka ana a sị kanyị ọ. Ọza ọ yị rẹ vaa yẹrẹ obo anị.

Ayịsaya 37:35

Ọnị vee sere ẹkụra ọnọnị, dị ọnị ẹ yị zẹẹ ka à nyị ịsị ẹ mẹ̀ ẹ agụvị ụbanyị ọnị ọnị sị yị ịrẹha anị, ọnịrị agụvị oto oni ọnị wo yị Idevidi ozi ahụ anị.

Ayịsaya 46:13

Maa mẹ ka ẹkụhị ọnị vaa sị nyị ẹbẹẹba ọ̀ hụra tu. E yi kuku vee kù dị ma dọ wụ nịnị ha Mị vaa dọ Ịzayọnịị ha, agụvị ka Anisirẹrị vị ọnị maa sị ụbanyị.

Ayịsaya 60:1

Kwẹẹtẹ Ijerusarẹmị, dị ụ waa zẹtẹ anka ọyị. Ụbanyị Ẹnẹyịmavara aa zẹtẹ ịnị ẹhẹ awụ.

Ayịsaya 60:2

Avaba ẹkụra ana vọ vị ọnị etohozi kú ruma-ruma, Etohweyi Ẹnẹyịmavara vaa zẹtẹ kụ wụ nịnị. Ụbanyị anị vaa ya pe wu nini.

Imatiwu 18:20

Agụvị ka ịzị aza ẹnị ẹẹva, àa vị ẹẹta kụ́ ẹngụ gụ ịnị ịrẹha amị, mị vaa yà ịnị akakana ẹnịnị.”

Imatiwu 28:20

Sị zụ̀ wa nịnị ka ẹ̀ẹ saasa avaba ịsa ọnị mị mẹ ọda anịị wụ nịnị! Tamayị, mị vaa yàa pe wu nịnị ịnị avaba ụmẹ pooro ne tù ọdịrẹma ẹhẹ.”