Ayịsaya 4:2 - IWE ỌNỊNỊ

² Ụmẹ ọnya aa vẹ ịhị ọnọọ Ẹnẹyịmavara vaa mẹ ka ọchị ana yà ịnị ẹtẹ ọnọọ ọ̀ há avọ ọnya aanị. Avọ ọnọọ vee zoza dị ọ nyị ụbanyị. Ẹtụtụ ana avọ́ ọchị ọnọọ vaa tụ́ ịnị ẹtẹ ọnọọ vaa mẹ ka Anisirẹrị ana ha ẹ̀ sịị mẹ ụbanyị dị ẹ̀ẹ sịị jẹ ịrajẹ.

Ayịsaya 4:2 ပူးပေါင်းရင်းမြစ်များ

Ahẹ Ụgama 67:6

Ịsa ịnị aarẹ ệ mẹ ẹtẹẹtẹrẹ. Ohomorihi, ẹwụ ana vị Ohomorihi ayị, wa raà mẹ ka ò zee yị.

Ahẹ Ụgama 72:16

Ohomorihi ọ̀ navọ ịsa ịnị aarẹ ọ̀ mẹ gwẹẹtẹ ịnị ẹtẹ ọnọọ. Aarẹ ana a dà hi ịnị avaba ataba ẹ mẹ̀ ịsa ẹtẹẹtẹrẹ. Ịsa ịnị ẹnịnị ẹ̀ mẹ anka ẹtẹ Ịrẹbanọnị mẹ̀ẹ mẹ̀ ịsa avọọ. Aza ẹ̀ rụrụ hi ịnị ẹkụra anka avị mẹ̀ chị hi ịnị aarẹ avọọ.

Ọyịkụra 28:2

Jị awuru ohirẹsụ irehi Ohomorihi yị Eerọnị ẹnẹbẹnị awụ. Awuru ọnọọ ọ vị awuru ana rụra mẹ ọvị dị ọ̀ sị ụbanyị yị ọza.

Ayịsaya 11:4

Ịzẹyịza kẹnẹ ọnị vaa sị mẹ̀ ọkarẹyị nị. Ọ yị vaa rara ọkarẹyị ọza agụvị ka ộ mẹhị vi onosiye. Ịrẹyị ọnị ọ ka vi inori ana vaa sị ụyaa rị anẹhẹ. Irenu aa sịị tụ́ ụhwẹẹ kú aza edivi, di e sú va ha nị.

Ayịsaya 26:1

Ụmẹ ọnya aa vẹ. Ịnị ụmẹ ọnọọ, aza maanị vaa jị ahẹ ịnị ẹtẹ Ijuda dị a ka: Ẹkụra ayị ộ nyị ụkata! Ohomorihi ọnị ụvọta ee sere ọvọ ana a jị kara a nị!

Ayịsaya 27:6

Ụmẹ ọnya aa vẹ dị Anisirẹrị nịnị ana vị ezi Ijekọvụ nyị ahụ hị́ ẹtẹ ẹtẹẹtẹrẹ. Ẹnịnị vaa yárá, dị ẹ ngụ ịrẹyị tụ́ avaba ẹhẹ.

Ayịsaya 30:23

Wèe chire ịsa, Ohomorihi vaa zụ̀ orihii hị́ ọ wụ, dị ẹtẹ awụ nyayịnẹ mẹ, dị ọ gwẹtẹ. Avị vị ana vaa gwẹtẹ ọnị ịsụpa awụ aa rị.

Ayịsaya 45:8

Ẹnẹyịmavara kà ọnị vaa tụ ehuna hụrị ẹbẹẹba chi vẹ, dị ẹtẹ ọ dọ ọ. Ẹdọha ọnịrị ịzẹyịza vaa kwẹẹtẹ. Ẹnẹyịmavara kà ọnị vaa mẹ avaba ịsa ẹnẹnị ẹ mẹ.

Ayịsaya 53:2

Agụvị ka ộ hụ ọvịdị Ẹnẹyịmavara anka ọchị ene èe yị kù ọnị ọ chị. Vị ọ rẹ sị mẹẹ ọchị anaa hà ẹ̀pà ịnị ẹtẹ ọyịwụ avọọ nị. Ẹ yị nyị ịsị ó vene; ẹ yị nyị ụbanyị ọnyọọnyị ana a vọrọ ka à sị kana eyi si ọ. Ẹ yị nyị ịsị ẹ yà ịnị ẹngụ anị ana a vọrọ ka ò tura ọza kà pe e.

Ayịsaya 60:15

 vịdị nyị ịhyẹrẹ awụ, dị ọzọza zwe hụrẹ ẹngụ nị. Ama booro aanị, Ẹnẹyịmavara kà ọnị vee tenyi ọ, dị ọ zoza, dị vara ẹkụra ana wụra mẹ eyi pooro zịna-zịna.

Ayịsaya 60:21

Aza awụ vaa mẹ ịsị ẹ vọrọ, dị ẹ nyị ẹtẹ pooro zịna. Ẹnẹyịmavara kà ọnị ộ mẹ̀ wa, dị ọnị sị wa jẹẹ agụvị ẹ sị ụbanyị anị zụ nị.

Ayịsaya 61:11

Ẹnẹyịmavara Ochẹtẹẹngụ vaa sị ịzẹyịza anị zụ anẹhẹ nịnị. Avaba anẹkụra nịnị vaa ga a. Ịzẹyịza Ohomorihi vaa sị mẹẹ anka ụbazị mẹẹ̄ ya ẹnẹnẹ avọọ nị. Anka uhu nịnị mẹẹ̄ chị hj avaba aha dị ẹ hụ avọọ.

Ijeremaya 23:5

Ẹnẹyịmavara kà, ụmẹ aa vẹ ọnị ọnị vaa nyị ozi Idevidi ọnya ana vị ọnịrẹyịzẹyịza ka ọ̀ vị ohinọyị. Ọ vaa sị ịzẹyịza mẹ ohinọyị, dị aa mẹ̀ ịsa ana vọrọ ọnịrị ịzẹyịza ịnị avaba ẹtẹ anị.

Ijeremaya 33:15

Ọ kà ụmẹ ọnọọ, ọnị vaa sị ozi Idevidi ọnyara ana vị ọnịzẹyịzaa rị ohinọyị. Ohinọyị vaa mẹ ịsị ana vọrọ dị ọ vị ịzẹyịza avaba aha ịnị ẹkụra.

Ijeremaya 44:14

Ọ kà ẹ́ yị nyị Anijuda ana vọ, ana va ra Ijipiti ana vaa ha. Ẹ́ yị nyị ọza ịnị ẹnịnị ana vaa vàa nọ Ijuda naa ra, ẹ̀ẹ daka ee si ka ẹnị ẹ̀ na ra ịzọọ, ẹ̀ẹ yị vị aza chee ọnị ịrẹkụ dụ hụrẹ Ijuda.

Ijeremaya 44:28

Ama aza chee ịnị awụ nịnị vaa ha, dị ẹnịnị é yi su. Ẹnịnị vaa và hụrị Ijipiti nọ Ijuda. Aza ana vọ avọọ vaa yẹ ọza ọnị ịrẹyị anị va sẹ, àa vị ịrẹyị ọnị Ẹnẹyịmavara yọ nị à vị ẹ́nịnị.

Ezikẹẹrị 34:29

Ọnị vaa sị ẹtẹ anaa mẹ̀ ịsa ẹtẹẹtẹrẹ yị wa, dị ọnị mẹ ka asị ụngwẹ vana kụkụ kụ ịnị ẹtẹ ẹnịnị. Anẹkụra ana vọ ẹ́ yị ma vana kụ wa isiya.

Ezikẹẹrị 36:8

Ọchị ene hi ịnị ataba Isirẹrị vị enee nyị avị, dị ẹyaa tụ́ ẹtụtụ yị ẹwụ nịnị aza anị Anisirẹrị. Ẹ́ yị nyị aa jẹẹ dị wa vavẹ eehi nịnị.

Ezikẹẹrị 7:16

Aza enee zwe, dị e ne hi ịrẹsụ ataba anka arivadi ana a dụ hụụ inozi avọọ. Avaba ẹnịnị va jị òrèrè agụvị ebira odivi ẹnịnị.

Ijowẹrị 2:32

Ịnị ụmẹ ọnọọ, Ẹnẹyịmavara vaa dọ ọza tụra ọza ana aa hị́ ọ há. Anka Ẹnẹyịmavara mẹẹ kà a, Aza ana ya ịnị ataba Ịzayọnị ọnịrị Ijerusarẹmị vaa ha. Ịnị ẹngụ aza ẹnẹẹ Ẹnẹyịmavara wo oto ka aza ọnị ọnị hị́ vaa ya nị.

Ijowẹrị 3:18

Ịnị ụmẹ ọnọọ ụbazị ịvayịnị ene hi ịrẹsụ ataba vaa mẹ̀ ẹtẹẹtẹrẹ, dị eche ịvayịnị gwẹẹtẹ hi ẹtẹ. Ịsụpa nịnị vee re avị rị ịrẹsụ ataba, dị ịrẹva ẹnịnị nyị enyi hyọkọ-hyọkọ. Avaba okuha ene hi Ijuda vaa ha irenu, di enyi ee sii hụụnị ịnị irehi Ohomorihi na ngụ inozi Ákesiya.

Ọbadaya 1:17

Ama Anisirẹrị nịnị vaa dọ ẹtẹ ana vị ẹnịnị varẹma hụụnị ụvọ aza ana ba wa uchi ụvọta. Ijerusarẹmị vaa vị aha ọnịnị ịzị aza vee zwe naa tẹ̀ hi.

Ịzakaraya 3:8

Ọ kà Ijosuwa ana vị ohirẹsụ ọbanyị irehi Ohomorihi ohirẹsụ ọnịrị ohirẹsụ irehi Ohomorihi nịnị ana vọ ẹ batọ. Ọ kà ẹnịnị ẹ vị apojuwe ẹhẹ ozoza anaa vẹ ịrẹma nị.

Ịzakaraya 6:12

Dị ọ kà yọ ka Ẹnẹyịmavara Ochẹtẹẹngụ ka: ọnọrụ ana aa hị́ avọ avọọ vaa yara ịzị ọ ya. Ọnị ọ vaa da irehi Ẹnẹyịmavara nị.

Ịzakaraya 9:17

Ẹ vaa da zoza kẹnẹ! Ọpa ezweyi ẹnịnị vaa hụ anka ịzọọ anka akụ ịnị aarẹ, a vị ẹtụtụ igirepi ịnị ụbazị ịvayịnị avọọ nị.

Ịmarakayị 3:17

Ẹnẹyịmavara Ochẹtẹẹngụ ka aza anị ẹ vaa vị nị. Ogu ọtirenyi ẹ vaa vị yị ọnị ịnị ẹkụhị ọnị ọnị vaa sị mẹ̀ ọkarẹyị nị. Ọnị vaa vayị ẹnịnị anka ada mẹẹ̄ vayị ozi anị anaa hẹkẹ ẹ avọọ.

Imatiwu 24:22

Ẹ̀ yị vị Ohomorihi nyị hụụnị ẹkụhị ẹnẹẹ, ẹ yị hyakụ nyị ọza ikonya ana aa há. Ama agụvị aza oni Ohomorihi sị nyị, ộ nyị hụụnị ẹkụhị ẹnẹẹ.

Iruuku 21:36

Agụvị avọọ, wee zí nịnị, dị ụ waa mẹ̀ aduwa nịnị ụmẹ tụra ụmẹ, agụvị dị ụ wa nyẹngụ há hụụnị avaba ịsa ana aa vẹ nịnị aanị, dị ụ wa zụ jẹẹ ọ́vịdị ẹmị Ozi ọza onigirima.”

Ịjọọnụ 1:14

Ịrẹyị ọnọọ ộ vara ọzarẹyịrẹsụ, dị ọ ra ịnị akakana ayị yị ụmẹ chee nị. Yê re igirima anị ana vị igirima ana vọrọ tụra ọza ana vị ozi ikonya Ada anị kẹnẹ. Ộ nyị ayamva ẹnẹmẹhị, dị ọ rẹ vị ọnịzẹyịza nị.

2 Anịkọrịntị 4:6

Ohomorihi ộ vịdị kà a ka ẹtohweyi vaa jịnẹ hụụnị ịrahụụ vẹ. Ohomorihi ọnọọ ọ̀ rẹ mẹ ka ẹtohweyi anị ọ̀ọ zẹtẹ ịnị ayị ayị, agụvị dị ya zụ yẹ igirima Ohomorihi ana aa zẹtẹ ini eyirẹsụ Ijeesu oni Ohomorihi nyị mẹ ohinọyị ka ọ̀ dọ yị há.

2Ipita 1:16

Ẹ yị vị ịtọpa aza kẹnẹ ị sị rị ụvọ aa zị, ị maa kà a wụ nịnị ini oze ụkata Ijeesu Ikirisiti Ananyị yị ọnịrị ọ mẹmẹ vẹ. Ama yáa sị eyi ayị ré igirima anị.