Ayịsaya 39:3 - IWE ỌNỊNỊ

³ Dị ọnịsẹ Ayịsaya ne tụ ohinọyị Ihezekaya, dị ọ họ̀ ọ ka ịzị aza ẹnẹẹ hụrẹ vẹ? Ịsị ẹ ka yọ? Dị Ihezekaya kà Ịbabịrọnị, aha ene noze ẹ hụrẹ vẹ nị.

Ayịsaya 39:3 ပူးပေါင်းရင်းမြစ်များ

2 Ịsamụwẹrị 12:1

Ẹkụhị ọnya dị Ẹnẹyịmavara tụ́ Inatanị hi Idevidi nị. Inatanị mè tù ịda Idevidi dị ọ ka, “Â nyị ọza ẹnị ẹẹva aanị ana yà ịnị ẹkụra ọnya aanị. Ọnya vị opisa dị ọsa ọnị vị onosiye nị.

2 Ịtọpa 16:7

Ịnị ụmẹ ọnọọ â nyị ọnịsẹ ọnya aanị ana a hị́ Ihanani. Ô ne tù ohinọyị Asa, dị ọ kà, Ẹnẹyịmavara ana vị Ohomorihi ẹnịnị kà agụvị ka ẹnịnị ẹ̀ para ọnị hu na va ẹngụ na ya ohinọyị Anarami, dị isoja Anisirẹrị ee zwe hụrẹ ẹngụ nị.

2 Ịtọpa 19:2

dị ọnịsẹ Ijehu ozi Ihanani jịnẹ ne tu ọ nị. Dị ọ họ̀ ọ ka sị ẹ vẹ dị ọ na gụ ọza odivi ụvọ, di o sì ịrẹyị aza anaā nyị ịhyẹrẹ Ẹnẹyịmavara? Ịsị ọnị ọ mẹ aanị ọ raà mẹ ka Ẹnẹyịmavara ọọ kụ́ ayị hi ọ.

2 Ịtọpa 25:15

Ebira ọnị ọ mẹ aanị vị ana nyayịnẹ kụ́ Ẹnẹyịmavara ayị, avọọ ọ tụ́ ọnịsẹ ka ọ̀ họ̀ ọ sị ẹ vẹ dị aa hẹkẹ ori ẹnẹ ẹ yị zụ dọ aza anị ha hụụnị ụvọ anị?

Ayịsaya 38:1

 nyị ụmẹ ọnya aanị ọnị ẹngụ sị zị Ihezekaya, dị ọ sị vọ chee di o su. Ọnịsẹ Ayịsaya ana vị ozi Amozi ô ne tu ọ dị ọ kà, Ẹnẹyịmavara kà o tenyi irehi anị agụvị ka ẹ yị vaa zụ rị ụkụ anị ọnọnị, ee su nị.

Ayịsaya 38:5

Ọ kà ọ na ka yị Ihezekaya ka, Ẹnẹyịmavara Ohomorihi ada anị Idevidi ka ọnị ọ raà wụ́ aduwa anị, di oni reè re orere anị nị. Ọnị vaa da ịrayị ẹwụrẹhị tụ́ ịnị ẹhẹ anị yọ.

Ayịsaya 39:4

Dị Ayịsaya rẹ họ̀ ohinọyị ka ịsa o re ini irehi anị nị? Dị Ihezekaya va ohi yị ọ ka avaba ogu ọnị ọnị nyị. Ẹ yị nyị ịsa ẹ vọ tụ́ ịnị aku ana kú ẹnya hi ọnị ẹnịnị e yi re.

Ijeremaya 4:16

Ẹnẹyịmavara kà, kà a yị Anijerusarẹmị ọnịrị avaba anẹkụra ana kara wa ka ọnịvị nịnị ẹ raa kụ ịrẹkụ aa vẹ. Ẹkụra ene noze ẹ hụrẹ aa vẹ nị. Ẹẹ hụ agụvị avaba ẹtẹ Ijuda ee nowu ịrẹkụ.

Ijeremaya 5:15

Ẹwụ nịnị Anisirẹrị, Ẹnẹyịmavara ọ ra mẹ ka anẹkụra ene noze ẹ̀ kụ ịrẹkụ ve tu wu nịnị. Anẹkụra hụrị ụmọrụmọ, ana katẹngụ, dị wẹ yị wụ ẹkụra ẹnị ẹ yaa kà a vị nị.

Ijeremaya 8:19

Sị ụtọ pe ẹtẹ, ịzị waa zị ịnị ẹkụra kẹnẹ, vị ọnị aa wụ̀ aza anị maa jị òrèrè. Ẹnịnị ka, aanị ka vị Ẹnẹyịmavara ẹ yị kụkụ ya nị? Aanị ka vị ohinọyị ẹ̀ yị kụkụ yà ịzọọ nị? Dị Ẹnẹyịmavara, ohinọyị ẹnịnị tụ́ ohi, dị ọ ka sị ẹ vẹ dị ụ na hẹkẹ ori nịnị, dị wee ku ẹtẹ yị ori ọzọga kẹnẹ-kẹnẹ ọnị ụ na dọ nịnị, dị waa sịị mẹ ayịị kụ ọnị nịnị?

Iwe Ọhụhị Imosiisi ana aa hị́ Ọyịvatụrọda 28:49

Ẹnẹyịmavara vaa hị́ anẹkụra ọnya hụrẹ aha ẹnẹẹnẹ vẹ, dị ẹ va eyirazị kà wụ nịnị. Anẹkụra ọnị wẹ̀ yị wụ ẹkụra ẹnịnị ẹ vị nị. Ẹ vaa ngụ wụ nịnị chire anka ọkasịmẹ mee che uye obonobono avọọ.

Ijosuwa 9:6

Dị ẹnịnị ne tu Ijosuwa ọnịrị anọrụ Anisirẹrị ịzị ẹ kụ udi Igirigari, dị ẹ ka aha onoze ẹnị hụrẹ vẹ nị. Ẹnịnị e si ka ẹnịrị wa ẹ hị́ eku yị ẹngụ.

Ijosuwa 9:9

Dị ẹnịnị maanị pa ịta yị Ijosuwa nị: Ẹ kà aha onoze ẹnị hụrẹ vẹ nị. Ẹnị ệ wụ́ ịrẹyị Ẹnẹyịmavara ana vị Ohomorihi Anisirẹrị nịnị. Ẹ kà ẹnị ệ wụ́ avaba ịsa ọnị Ẹnẹyịmavara mẹ̀ Anijipiti nịnị,