Ayịsaya 32:9 - IWE ỌNỊNỊ

⁹ Ẹwụ nịnị anyẹnẹẹ ene hi ẹtẹ aa mẹ ẹngwọọrọ, di u ro ka ẹ yị nyị ịrẹyị, kwẹẹtẹ wa wụ́ ịrẹyị amị nịnị.

Ayịsaya 32:9 ပူးပေါင်းရင်းမြစ်များ

Ahẹ Ụgama 123:4

O si ku ana aza ana aa mẹ eyii zi hụrẹ aa sị yịị mẹ ịyẹyẹ, di yè yi ti tụ́ ohi.

Ayịsaya 28:23

Batọ dị wa wụ́ ịrẹyị amị nịnị. Mị ka wa sị ụtọ pe ịrẹyị ọnị maa kà nịnị!

Ayịsaya 3:16

Ẹnẹyịmavara kà ọnị ka eyi ana anyẹnẹẹ Anịzayọnị aa mẹ ọ sị vị ẹnẹmẹhị. Ẹ̀ẹ yaa zị ụsẹ dị ệ tana ọrọkọ ẹnịnị. Avọọ ẹ mẹ̀ dọ ọda ịrẹkọyịsẹ nị. Ẹ̀ẹ yaa na, dị ẹ tangwa ee hu ahụ dị ịsa ẹ si tụ́ ahụ ọnị aa sụ́ ịrẹyị;

Ijeremaya 9:19

Ẹ ka waa wụ a maa jị òrèrè. Ẹnị e si vu o! Asị ụhị mẹ nyị ẹnị saka-saka. O si tu ka ẹnị ẹ̀ hụrẹ ẹkụra ẹnịnị, agụvị ka a sị irehi ẹnịnị wú va hi ẹtẹ.

Ijeremaya 9:20

Ijeremaya ka, dị ọnị ka, ẹwụ nịnị anyẹnẹẹ ẹ wụ́ ịrẹyị ọnị Ẹnẹyịmavara aa kà: Na kọ ọ yị ezi anẹẹ awụ nịnị a mẹmẹẹ jị òrèrè, dị waa rẹ kọ ọ yị ẹngụ nịnị a mẹmẹẹ jị ahẹ izoku nịnị.

Arụwẹ 4:5

Aza anaā vịdịị rị ịsa ene zoza hu kere-kere, ụngwẹ kụkụ aa wụ̀ va hi oze ẹkụra aanị nị. Aza ana ahịka ẹẹ̀ ịdịị rị vọ ku, ẹ kụkụ aa tọ̀ọ́ ịsa hụụnị itutu rị aanị nị.

Ịzẹhwanaya 2:15

Ininivẹ ịjọnọọ wáá yị? Ẹkụra ana vịdị maanị nyị ụbanyị yịị? Dị aza anị ee wo oto ka ẹnị ẹ sị ha. Ẹkụra ọnọọ ọ va sị vara eburu ịzị uye ịnị avị nịnị kụkụ ra hi aanị nị! Aza ana aa para ịzọọ hu vi ene ee nohi, di e yee ziizi ịrẹsụ kẹnẹ.

Imatiwu 13:9

Ọza ana àa nyị ụtọ ọyịsị wụ́ ịrẹyị, ọ̀ sị ụtọ pe ẹtẹ!”

Iwe Ọhụhị Imosiisi ana aa hị́ Ọyịvatụrọda 28:56

Ọnẹẹ ana nyị ebira hẹẹ, dị ọọ̄ ngụ ayị ọzaa hu ịnị ẹngụ awụ nịnị, ne tu ka ẹ yị hyakụ nyayịnẹ sị ahụ hí ihine, ẹ yị hyakụ vaa dọ ka ọnị ọ da ịsọyịrị yị ọva anị. Ẹ yị hyakụ va dà ịsaa yị ozi ọnọrụ anị ọnịrị ozi ọnẹẹ anị.

Ọdọvịdị 9:7

Ịjị Ijotami wụ́ ịrẹyị ọnọọ, dị ọ hịrẹ nọ ịrẹsụ ataba Igerizimi, di o nowu hị́ avaba Anịsẹkẹmị, dị ọ ka ẹnịnị ẹ wu ịrẹyị anị agụvị Ohomorihi ọnị ọ rẹ wụ́ ịrẹyị ẹnịnị.