Ayịsaya 32:2 - IWE ỌNỊNỊ

² Aza vi ene vee zwe naa vaka aza ene hi ini ịjọva anka aza mèe zwe nee sì aha vaka ini ụmẹ oni orihi àa zụ̀, di opomi aa tụ́ avọọ. Ẹ rẹ vaa mẹ kà ẹngụ aza è hunẹnẹ anka okuha ana yà ịnị ụnọmị ọnịrị anka ihuhu ịrẹta ọbanyị ana yà ịzị ọchị è yi hi avọọ.

Ayịsaya 32:2 ပူးပေါင်းရင်းမြစ်များ

Ahẹ Ụgama 143:9

Ẹnẹyịmavara, ịda awụ mi zwe va tẹ̀ nọ, navọ wa dọ mi tụ́ hụụnị ụvọ ọnịvị amị.

Ahẹ Ụgama 32:7

Ohomorihi, ịda awụ mi zwe va tẹ nọ mâ yẹ ka ụ va dọ mịị hụụnị akanya dị maa jị ahẹ ka wa sị mị dọ tụ́.

Ahẹ Ụgama 63:1

Ohomorihi, ẹwa vị Ohomorihi amị nọ Ẹwụ m maanị ee sì aanị nị Mị ka tụ̀ ịnẹ tụ̀ ịnẹ mị nyayịnẹ ee sì wu nị Wâ yẹ ka ọza ọ̀ọ yà ịzị ẹtẹ sị wụ dị enyi aa kụ̀ ọ nị, ka vị ọ nyayịnẹẹ sì enyi nị Avọọ gẹdẹ-gẹdẹ ọ mẹ̀ kata mị ẹngụ ka me re wu nị.

Ahẹ Ụgama 91:1

Ọza ana aa sị ẹngụ anị na tẹ̀ ịda Ohomorihi ana nẹba hu keekere ẹnị Ananyị yị vaa jị òkúu kú, dị ẹ yaa tụ́ ụhwọ nị.

Ayịsaya 12:2

Ịzẹyịza Ohomorihi ọ vị ẹnẹdọha amị nị. Ẹwụ m maa sị ayịị tụra nị, me yi vee hí angwa. Ẹnẹyịmavara ọ sị ụkata yị mị nị. Ẹwa m maa sịị jị ahẹ nị. Ọnị ọ vị ẹnẹdọha amị nị.

Ayịsaya 16:3

Ẹ ka Anijuda ẹ̀ navọ è pè ẹnị juwe dị ẹnị ẹ̀ yẹ ịsị a vọrọ ka ẹnị ẹ̀ mẹ. Ẹ ka ọ̀ và ihuhu gu ẹnị anka ọchị mẹ̀ẹ vị ihuhu yị aza ụmẹ ọọdụ avọọ. Ẹ ka aarịhịnị Anijuda ẹ̀ kụ́ aza ene zwe vẹ ịda ẹnịnị tẹ, asị ẹ zẹẹ ka aza è re wa.

Ayịsaya 25:4

Onosiye ọnịrị ọnụya nịnị ê zwe vẹ ịda awụ dị ụ dọ wa tụ́ ịnị ụmẹ ẹngụkata ẹnịnị nị. Wâ vi ihuhu gu wa ka asị anayịchama re oze sị ụya rị wa. Ịrẹyị anayịchama vị ana sị mẹẹ anka opomi ana aa tụ́ kù ugene. Aza edivi vị ana kụ ọ hana wa anka opomi avọ.

Ayịsaya 28:17

Avaba ịsị waa mẹ nịnị vị ana sị mẹẹ ọza òo rere aa dà irehi avọọ. Ohomorihi ka ọnị vaa sị ịrẹyịzaa pè e anka a mẹ̀ẹ si obo pè irehi di è re ọ mẹmẹ vọrọ avọọ. Ireche ọnị ụ sị jị ọvọ gu ẹngụ hi vi oni orihi vaa zụ̀ụ hị́ di enyi hì ọ na và ha. Ịzị ụ ka wa na tẹ̀ tụ́ vi eni enyi vaa kụ́ naa vàa ha.

Ayịsaya 41:18

Ọnị vaa mẹ̀ ka okuha oo si hụrẹ ịrẹsụ otutu nịnị ana sị wụ̀, di enyi ee si ịnị ozi, di enyi hi ụnọmị ana vịdị wụ̀ anka imisi avọọ, dị enyi ee si ịnị ẹtẹ ana vịdị wụ̀ korowu.

Ayịsaya 43:19

Sị eyi pe ẹtẹ ka, maa naa mẹ̀ ịsa ọwọọwa. Ó si nyima aa mẹ da, wee re e nịnị booro aanị. Mị vaa tụ́ oze tụ ịnị ụnọmị, dị mị mẹ okuha ene enyi ee sì ịnị anịị wụ nịnị ịzọọ.

Ayịsaya 43:20

Uye edivi nịnị vaa sị ụbanyị yị mị. Irezi ini enyi ẹnịrị ọgọdọbẹ nịnị vaa kụ́ mị avọ, ịjị màa mẹ okuha nịnị ee sii yị enyi ịnị ụnọmị, dị mị sị enyi yị aza amị ọnị mị nyị nị.

Ayịsaya 44:3

Ịzị enyi yaa kụ̀, mị vaa sị enyi wụ nịnị, dị mị mẹ ka okuha oo sì ịnị ẹtẹ ana wụ. Mị vaa mẹ ize yi ezi ewu nịnị.

Ayịsaya 7:14

Ananyị yị ọnị ụvọta vaa sị apọtẹrẹwa ọnya yị wụ dị wa yẹ ka ịrẹyị ẹnẹnị vị ịzẹyịza. Ozwoorihi ọnya vee zyẹẹ, dị ọ ma ozi ọnọrụ ọnya aanị. Ẹmanụwẹrị ụ vaa hị́ ịrẹha anị nị.

Ayịsaya 9:6

A sị ozi ọnya ma yị! A raà sị ozi ọnọrụ ọnya yị! Ozi ọnọọ ọ vaa nyị ịjọva nị. A vaa hị́ ọ Ohyozirenu, Ọpọzajuwe, Ohomorihi Ochẹtẹẹngụ, Ada ana yà ịzọọ pooro zịna-zịna, Ohinọyị ẹngwọọrọ.

Ijeremaya 33:14

Ẹnẹyịmavara kà, re, ụmẹ aa vẹ ọnị ọnị vaa mẹ avaba ịsa ọnị ọnị ka ọnị vaa mẹẹ yị Anijuda ẹnịrị Anisirẹrị nịnị aanịị yị wa.

Arụwẹ 4:20

Ẹ raà za ohinọyị ọnị Ẹnẹyịmavara nyị yị yị ka ya sị eyi tụra. Ọnị ọ vị ọza ọnị ị sị ayị tụra ka ọ vaa dọ yị ha hụnị ụvọ anẹkụra tụra anẹkụra anaa vị eyi ịrazị ka yị nị.

Ịzakaraya 13:7

Ẹnẹyịmavara Ochẹtẹẹngụ kà ụhwọ ọ kwẹẹtẹ tu oseratẹmẹ anị ana mẹ ụkọrọ yị ọnị. Ọ wù ọ dị atẹmẹ anị gara hi ozi. Ọnị a va eyi ịraazị ka aza anị.

Ịjọọnụ 7:37

Ẹkụhị ọdịrẹma eche ọnọọ, o hu keekere nị. Ịhị ọnọọ, dị Ijeesu kwẹẹtẹ jẹẹ, di o nowu dị ọ ka, “Ọza ene enyi àaa kụ̀, ọ̀ọ ká mịị vẹ, di ò ve hú enyi obooro!

1 Itimoti 3:16

Avaba aza ẹ́ẹ dọ ka ahẹkẹ ayị ọnọnị, ọ ka hịịn, iruvo anị ọ́ọ nyịnẹ ẹtẹẹtẹrẹ: Ikirisiti ọ́ọ sị ẹngụ anị zụ̀ anka ọzarẹyịrẹsụ. Ụhwẹ Ọnịnị ọ́ọ sị zụ̀ ka ọnịzẹyịza ọ vị nị, anggẹẹrị nịnị e re ree. Áa kà ịrẹyị anị yị anẹhẹ, anẹhẹ ẹ́ẹ sị ayị tụra, dị a sị ọọ nọ ẹbẹẹba ini igirima nị.

Ẹtore 22:1

Anggẹẹrị ọnọọ mẹ raà sị ẹkụra ọwọọwa ọnọọ zụ mị, ộ sị irehu ene enyi anịị mẹ ka ọza ọ̀ yàra zịna-zịna, zụ̀ mị; ô nyeeyi, aa noko-noko aanị. Di ee sìi hụụnị aga Ohomorihi ohinọyị ọnịrị aga Ozi Atẹmẹ nị.