Ayịsaya 3:8 - IWE ỌNỊNỊ

⁸ Ogwoo, Anijerusarẹmị ẹ sị và angga, Anijuda ẹ kụ hyẹdụ. Ịrẹyị ọnị ẹ yaa kà ọnịrị ebira ẹnị ẹ yaa mẹ ộ sị zụ̀ ka vị ẹ yaa kụ̀ụ hịrẹ Ẹnẹyịmavara nị. Ẹnịnị vị ana aa sị eyi oweyii re Ohomorihi ọnị ụvọta.

Ayịsaya 3:8 ပူးပေါင်းရင်းမြစ်များ

2 Ịtọpa 28:18

Ịnị ụmẹ ọnọọ ọnyọọnya, Anihwirisiti nini sị ngụ tù ẹkụra ene hi iruvo ataba Ijuda ọnịrị ịnị Ịnẹgẹvị, eyi ụvẹtẹ Ijuda nị. Ẹnịnị ẹ raà rị Ịbẹtị-Isemesi, Ayijaroni, Igederoti, Isoko ọnịrị ẹkụra eweyi-eweyi anị, Itimina ọnịrị ẹkụra eweyi-eweyi anị ne beri Igimizo ọnịrị ẹkụra eweyi-eweyi anị. Ẹ mẹ sị wa rị, dị ẹ ra ẹkụra ẹnẹẹ nị.

2 Ịtọpa 33:11

Avọọ, dị Ẹnẹyịmavara navọ ka ọdọvịdị Anasiriya nịnị ệ kụ́ ịrẹkụ ngụ Ijuda. Dị ẹ za Ịmanasẹ, dị ẹ ka a ẹka, dị ẹ tụ wụ ịchẹkẹchẹkẹ, dị ẹ sị ọ na Ịbabịrọnị nị.

Ụhịrẹyị 26:27

Ọza anaā va ịrẹpa zi ọza ọ́ vaa za nị. Ịsa ọnị ọ sị yị ọza o vee re nị.

Ayịsaya 1:7

A sị ẹkụra awụ nịnị tụ́ osusu, dị a maanị rị ọ ịra saka-saka nị. Ịnị eyi awụ googoro, ọzọga nịnị ệ ngụ ịnị aarẹ awụ di e du avaba anị ha nị.

Ayịsaya 49:19

Ijerusarẹmị ô sị du. Ẹ yị nyị ịsị ẹ vọ. Ama e vee tenyi ọ dà, dị aza hi ọ. Ọnịvị ẹnịnị ene divi sị huu da zị ana na.

Ayịsaya 57:4

Ẹnị ụ waa mẹ̀ isiya nịnị? Ẹnị u wee nyí unyi, dị ụ waa kà kẹnẹ-kẹnẹ hi nịnị? Áa vị ezi aza ana mẹ̀ ebira odivi ụ vị nịnị; anapẹ ẹ ma wụ nịnị nị.

Ayịsaya 59:3

Anya aza ọnị ụ wụ o reè du wu nini ẹngụ, wa raà rị ịvị aza ọnị u chamayị yị, ireche ẹ yị tara wụ nịnị, dị ịrarẹ awụ nịnị ọ yị mā ka ọyịza nị.

Ayịsaya 6:11

Di mi ve họ̀ use dị mị ka Ananyị yị, ye re ụmẹ ọnị ọ maanị vaa yà nee tụ̀? Dị ọ ka pooro dị avaba ẹkụra ọnọnị ọ̀ vara eburu dị asị a kụkụ nyị aza ana ra hi ịnị anị, Avaba irehi rẹ vaa tụ́ osusu, di e re du avaba aarẹ ha.

Ayịsaya 9:17

Ẹsẹnị Ananyị yị ọ yị vaa zẹẹ ka à nyị ọpa ozweyi ana ha. Ọ yị rẹ vaa vayị ozi oku ọnịrị osoku nịnị. Avaba ẹnịnị vị ana aa mẹ̀ ebira odivi, dị ahịka ịrẹyị odivi ẹ rẹẹ̄ kà nị. Agụvị avọọ Ẹnẹyịmavara ọ yị vaa vàa hụụnị ọyịkụ anị. Vị aa tịị tana ụvọọ za wa nị.

Ijeremaya 23:36

Asị ẹnịnị vana kà a ka ụtụ ọnị Ẹnẹyịmavara tụ ọnị yị, ka vị aza kụkụ vavọọ aa kà dị ẹ̀ sị sị́ ụkata yị ịrẹyị ẹngụ ẹnị ụvọta nị. Dị ẹ kụkụ sị ịrẹyị Ohomorihi ẹnịnị ana yára, Ẹnẹyịmavara Ochẹtẹẹngụ va ịrẹsụ chi nị.

Ijeremaya 26:18

Ụmẹ ọnị Ihezekaya sị vị ohinọyị Ijuda, ọnịsẹ ana aā hị́ Imika hụrị ẹtẹ Imoreseti ộ ka ịrẹyị Ẹnẹyịmavara Ochẹtẹẹngụ yị avaba aza ka: E vee hùru anka a mee huru aarẹ avọọ, ọ ka, a vaa jị Ijerusarẹmị eburu saka-saka dị Irehi Ohomorihi kụkụ vara iruku tịtẹ.

Ijeremaya 26:6

Ọnị vaa mẹ irehi anị ọnọnị anka ẹkụra ana aā hi Isiro avọọ. Dị ọnị mẹ ka avaba anẹhẹ ẹ̀ kụkụụ sị Ijerusarẹmị chìi hị́ aza.

Ijeremaya 4:13

Ijeremaya ka, ré, ọnịvị awụ nịnị aa vẹ anka eguhi avọọ. Ụkẹkẹ ịrẹkụ anị vị ana sị mẹẹ anka okoruwa avọọ, umaata anị ẹẹ rẹ́ huni ukokoro. Ọ kà, ọ mẹ ya! Ẹnị e sị vu o! Ẹnịnị ọọ ta.

Ijeremaya 44:3

Ka Anị ịzọọ ệ mẹ̀ ebira odivi, ọnịrị ka ẹnịnị ệ mẹ ayị kụ ọnị, ọnị vavọọ mẹ wa nị. Ẹnịnị ẹ naa mẹ̀ ịsọvọ hi ori, dị ẹyaa hẹkẹ ori ọnị ẹwụrị wa ne beri ohiku awụ nịnị ẹ̀ yị vịdị yẹ́ da nị.

Arụwẹ 1:9

Ebira odivi ẹnịnị vana aza ee re chapaa, ama ẹnịnị é yi rò ịrẹyị ka sẹ vaa vị ọvavịrẹma anị kẹ. Agụvị avọọ ẹ maanị hyẹdụ divi-divi nị. Ẹ́ yị nyị ọza anaa sị wa ayị nẹtẹ vụrụ-vụrụ. Ụvọ ọnịvị ẹnịnị o ku wa, dị ẹ kụkụ e nowu ka Ẹnẹyịmavara ọ̀ vayị ẹnịnị nị.

Ezikẹẹrị 8:12

Ohomorihi ộ họ̀ ọnị use ka, ozi-ọza, ọnị wee re ịsị ọdọvịdị Anisirẹrị nịnị aa mẹ ịnị ewere? Ẹnịnị ẹẹ kụ ẹngụ hi ịnị aku ana va uhwoto ịsị irenyi-irenyi hi, dị ẹyaa mẹ ori nị. Dị ẹ ka, Ẹnẹyịmavara ọ́ sị ẹkụra ẹnịnị hụrị ụvọ, é yi kuku re ẹnị.

Ezikẹẹrị 9:9

Dị Ohomorihi tụ́ ohi ka, Anisirẹrị ọnịrị Anijuda nịnị ẹ́ ra rị ịvị ebira odivi-odivi ọ̀ yị mẹ baaba nị. Ẹnịnị ẹ́ kụ aza wụ̀ avaba aha, dị ẹ gara ebira odivi hi ẹtẹ Ijerusarẹmị nị. Ẹnịnị ka, ọnị Ẹnẹyịmavara ọ sị ẹkụra ẹnịnị hụrị ụvọ; ọnị é yi kuku re ẹnị.

Ihoseya 5:5

Ka Anisirẹrị nịnị aa sị ẹngụ ẹnịnị tụ́ ẹba, ebira odivi ẹnịnị aa vị ụhị tù wa nị. Anehwireemi ọnịrị Anijuda ẹ̀ kụ vanga hyẹdụ tụ ịnị ebira odivi.

Ihoseya 7:16

Ẹnịnị e yi si ọgụvọ hụrị ẹbẹẹba ịda Ẹnẹyịmavara. Ẹnịnị sị mẹẹ anka ọkịta ana rara enee zụ che ịsa avọọ nị. Ọnịvị ẹnịnị ẹ vaa wụ́ ọdọvịdị ẹnịnị ha nị.

Imika 3:12

A vaa hụ agụvị awụ nịnị gara Ịzayọnị anka a mèe huru aarẹ avọọ. Ijerusarẹmị vị ana vaa jị eburu, dị Ataba oni irehi Ohomorihi jẹẹ ịnị anị vị ana vaa vara iruku.

Imika 6:12

Ọzọbanyị awụ nịnị ẹ sị vara ọnyẹkẹhị ọdẹngụ, ẹ maa sị ụkata ọnịrị ako dọ aza ịsa. Ireche ọ sị aza awụ nịnị yẹ ẹngụ. Ẹnịnị ẹ yị kụkụ yara kà ịzẹyịza. Ireche ọ sị vị ebira ẹnịnị.

Ihabaku 1:13

Ọnị ọ yẹ ka Ẹnẹyịmavara ẹ yị dọ ka oni o re ka ọza aa mẹ̀ ebira odivi. Asị ọ zẹ ka aza ọhịmị ẹ wụ̀ aza ọyịza vaa ha kẹnẹ.

1 Anịkọrịntị 10:22

I yee sì ka ya mẹ ayị kụ́ Ohomorihi nị? I yéé ro ka yáa nyị ụkata hu ọọ nị?

Ijudi 1:15

dị ọ va mẹ̀ ọkarẹyị yị avaba aza. Ọ vaa jị ịvịị yị aza ẹnẹ ẹ̀ yị yẹ Ohomorihi agụvị ịsa edivi ẹnẹ ẹ́ mẹ̀ hi Ohomorihi, ọnịrị agụvị ịrẹyị edivi-edivi ọnị ọnịvị ẹnẹẹ aa kà a hi Ohomorihi.