Ayịsaya 3:5 - IWE ỌNỊNỊ

⁵ Aza vaa mẹ ẹchakaa yị ẹngụ, dị aza ẹnyị kwẹẹtẹ tù ọsa. Anokokooro vaa kwẹẹtẹ tù ẹngụ. Ezweyi rẹ vaa kwẹẹtẹ tù azọkụ, dị ẹ yị kụkụ nyị ka aza ẹ̀ sị ụbanyị yị aza ene huna wa.

Ayịsaya 3:5 ပူးပေါင်းရင်းမြစ်များ

2 Ohinọyị 2:23

Erisa ộ hụrẹ Ijeriko nọ Ịbẹtẹrị. Ọ́ maa na oze, di ezweyi-ezweyi ẹnyị aanị jịnẹ hi ẹhẹ ịnị ẹkụra ọnọọ, dị ẹyaa ku Erisa isiya, dị ẹyaa hị́ Erisa ọ̀ sị ọmarị anị kwooze! Ọ̀ sị ọmarị anị kwooze nị!

Ayịsaya 1:4

Ho! wa sị dà nịnị ẹwụ nịnị aza edivi ẹnẹnị, ẹwụ nịnị eni ebira odivi maanị nyayịnẹ chi ẹngụ aanị. Ezi aza edivi ụ vị nịnị nị. Wa sị ẹmị Ẹnẹyịmavara yi tịtẹ nịnị, ẹmị ọnịnị ana vị Ohomorihi Anisirẹrị ụ và ịrẹma kà nịnị aanị nị.

Ayịsaya 11:13

Anisirẹrị e yi kuku vee pè Anijudaa kụ̀ ụhị. Anijuda ẹnị ẹyị rẹ kuku vee re Anisirẹrị ọnịvịị ẹnịnị.

Ayịsaya 19:2

Ẹnẹyịmavara kà ọnị vaa mẹ ka Anijipiti ẹ̀ kwẹẹtẹ tù ẹngụ. Ịrẹkụ vaa chị yị ẹyịnyara. Anokokooro ẹnyị vaa kwẹẹtẹ tù ọsa, dị anẹkụra ẹnyị rẹ kwẹẹtẹ tù ọsa. Avọọ ohinọyị nịnị mẹ̀ vaa kwẹẹtẹ tù ẹngụ dị ẹ yaa kụ̀ ịrẹkụ nị.

Ayịsaya 9:18

Ebira edivi aza ẹnẹẹ vị ana aa za anka ọrịra mẹ̀ẹ rị avaba avị ịra avọọ. Areyi vị ana maanị aa dà dụụmẹ aanị.

Ijeremaya 22:17

Ẹnẹyịmavara kà ama ịrẹyị ẹngụ awụ kẹnẹ ọọ jị ụ areyi nị. Waa wụ̀ aza ẹnẹ ẹ yị nyị sị ẹ mẹ; dị waa sị ụkata-ụkata mẹ ẹvaya ya aza wụ nị.

Ezikẹẹrị 22:12

Aza ẹnyị awụ nịnị aa dọ ọza ẹkẹhị naa wụ̀ ọza. Aza ẹnyị ọ̀ọ sị ẹkẹhị rèré ọnọhụva anị Anisirẹrị, dị ẹ dọ ọtụrọsarẹsụ ọdẹngụ tụ ọ. Avọọ ẹ́ maa me ehunaa yị ẹngụ dị ẹyaa sịị nyị ẹkẹhịị hu avọọ nị. Ẹnẹyịmavara Ananyị ụkata hu ka, ayị anị ô hí wa.

Ireevi 19:32

Ọ́ ka ẹnịnị ẹ̀ kwẹẹtẹ jẹ yị azọkụ nịnị, dị ẹ̀ sị ụbanyị yị wa. Ẹnịnị ẹ̀ sị ụbanyị ọnị Ohomorihi ẹnịnị dị ẹẹ saasa ịrẹyị anị; ọnị ọ vị Ẹnẹyịmavara nị.

Emọsị 4:1

Ẹnẹyịmavara kà Anẹẹ Anịsamarịya ana dẹngụ anka ụnọ Anịbasanị avọọ e batọ ịrẹyị anị. Ẹnịnị aa mẹ̀ ẹvaya yị onosiye nịnị, di ẹ yaa chamayị yi onuruwa nịnị nị. Eche kẹnẹ ẹ ka ọva ẹnịnị ẹẹ kụ yi ẹnị hu nị.

Imika 3:11

Ohinọyị awụ nịnị vị anaā dọ ochirerenu àaa mẹ̀ ọkarẹyị. Ohirẹsụ irehi Ohomorihi vị ana aa mẹ̀ ụkọrọ ka ọnị ọ̀ dọ ẹkẹhị kẹnẹ. Ọnịsẹ ẹnị raa kà ịsẹ ka ẹnị ẹ̀ sị dọ ẹkẹhị. Ama ẹ yaa kịị kà a kà Ẹnẹyịmavara jẹẹ ẹnị ịrẹma. Ẹ ka Ẹnẹyịmavara jẹẹ ẹnị ịrẹma ẹ yị nyị ịrẹyị ene vee tù ẹnị.

Imika 7:2

Aza ana a mẹ ịzẹyịza ee ta hụrẹ ẹhẹ. A mẹ̀ vavọọ kụ́ wa, ikonya ọ yị vẹtẹ ịnị anị. Avaba aza ee bè ẹngụ, ẹnịnị ee sì ka ẹnị ẹ̀ dọ ẹngụ ụhwẹ. Ẹnịnị vị ana nyị ịrẹpa ẹnẹ ẹ yaa vàa zi ẹngụụ zị.

Ịzakaraya 11:6

Ẹnẹyịmavara kà ọnị ẹ yị kụkụ vaa vayị ọzọọnyịzọnyọ ịnị ẹhẹ. Ọ kà ọnị ụvọta vaa sị avaba aza chẹrẹ ohinọyị ẹnịnị ụvọ. Ẹnịnị vaa mẹ ẹtẹ ẹsẹvẹsẹvẹ, dị ọnị ọ yị dọ wa ha hụụnị ụvọ aza ana vavọọ vaa mẹ ẹvaya yị wa.

Ịmarakayị 3:5

Ẹnẹyịmavara Ochẹtẹẹngụ ka, ọnị vaa ka pe wa dị ọnị ọ mẹ̀ ọkarẹyị yị wa. Dị ọnị ụsẹ jị ịvị yị aza ana aa mẹ ẹbẹ, ọnịrị ọsẹrẹka nịnị, ne beri aza ana aa hị́ eku iruku, ọnịrị aza ana aa mẹ anụkọrọ rị, aza ana aa mẹ ẹvaya yị osoku nịnị ọnịrị ozi oku nịnị ne beri azọga ọnịrị aza ẹnẹ ẹ yị nyị angwahi anị.

Imatiwu 26:67

Dị ẹyaa jị atẹẹ kú Ijeesu eyi, di eyee hú ọ ọsẹ nị. Dị aza ẹnyị aa nya a arụhwọtọ nị,

Ịmaakị 14:65

Dị aza ẹnyị aa jị atẹẹ kú ọọ, dị ẹ sị ịsa kú ọọ eyi, di eyee hú ọ ọsẹ nị. Dị ẹ ka, “Kà ẹ yị di a re, ene ee tụ́ wu aanị!” Dị ezi ahụ aa nya a arụhwọtọ nị.

Iruuku 22:64

Dị ẹ sị ịsa kú ọọ eyi, dị ẹyaa họ̀ ọ ka, “Kà ẹ yị di a re ene ee tụ́ wu aanị?”

Ijemiisi 2:6

Ama ẹwụ nịnị aa sị oweyii re onosiye. Wáá tamayị ka ọzọbanyị nịnị ẹẹ̄ mẹ ehunaa wụ nịnị nị? Wáá yẹ ka ẹnị ẹ rẹẹ za wụ nịnịị nọ ikootu nị?

Ijemiisi 5:4

Aza ọnị ụ dọ ụkọrọ hi ịnị aarẹ, we yi si wa ụta, ẹnịnị ee nowu. Yẹ nịnị ka Ohomorihi Ochẹtẹngụ, aa wụ́, aza ana aa kụ́ ịsa ịnị aarẹ awụụ gụ, mee nowu.