Ohomorihi ka ọnị ụvọta vaa kụ́ ọhaara enyi vẹ ịrẹsụ ẹtẹ dị ọnị sị wụ̀ avaba ịsa ana aa tụ́ ụhwẹ ịrẹsụ ẹtẹ ọnọnị. Avaba ịsa ene hi ịrẹsụ ẹtẹ bemi vee sú.
Wéē re inomi mèe hira kara ịrẹngwẹ anị ka asị a nyị ịsị ẹ kanyị ọ avọọ, avọọ ẹmị Ẹnẹyịmavara Ochẹtẹẹngụ mè vee si eyii pè Ijerusarẹmị ka asị a nyị ịsị ẹ kanyị ọ nị, mi vee sere e, dị mị dọ ọ tụ́.”
“Ẹmị Ẹnẹyịmavara ọ hị́ wụ, dị mị sị ụkata wụ nị, dị me re ka aza aa mẹ̀ ịsa ana vọrọ ịnị ẹhẹ. Oze ịnị ịpa awụ mi vee wo otoo yị avaba aza nị. Oze ịnị ịpa awụ mị vaa zịị sị ẹtohweyi vaa yị anẹhẹ nịnị nị.
 nyị ụmẹ ọnya ọnị Ẹnẹyịmavara kà ịrẹyị yị Anisirẹrị: Ọ kà ụmẹ mee tu ọnị ọ wụ́ aduwa ẹnịnị, dị ọnị gụ wa ụvọ, dị ọnị rẹ dọ wa ha. Ọnị rẹ vaa mẹ̀ ịsa yị wa ọnị anẹkụra ana vọ vaa nyị ụvọọ tụ ọ. Ọnị vaa da ẹkụra ẹnịnị ene du varẹma yị wa.
Di o kuku du ẹtẹ ọnọọ ha, dị ọ navọ ọchị ịvayịnị anị dị o yi tenyi ọ, dị ọ yị rẹ kụkụ bàrà hi ọ. Di ikeyi ọnịrị avị edivi-edivi kuku hi hi ọ. Ọ yị rẹẹ kụkụ vaa zẹẹ ka orihi ọ̀ zụ tụ́ ọ.
Anẹkụra nịnị ọnịrị ohinọyị ẹnịnị vaa pa Isirẹrị anka ọnyị mẹẹ̄ ka ozi anị ịrẹva avọọ. Ẹ vaa yẹ ka Ẹnẹyịmavara ộ raà dọ ọ ha. Ochẹtẹẹngụ Ohomorihi Anisirẹrị ộ raà wara a tịtẹ.
Ọnị vaa sị ụhwẹ ọnị ọnị aa tụ yị wa, dị ọnị navọ wa ka ẹnịnị ẹ̀ ra ịnị ẹtẹ ẹnịnị ụvọta. Ọnị, Ẹnẹyịmavara ọ́ sị ọ ka ka, ẹnịnị vaa yẹ ka ọnị ọ vị Ẹnẹyịmavara nị. Ọnị ọ sị ọ ka ka ọnị vaa maanị mẹ, ịzẹyịza, ọnị vaa mẹ̀ ẹ.
Ọ kà ịjị ọnị ọ̀ọ sị irehi anị dà tụ ịzọọ, dị ọnị kụkụ yà ịdị ẹnịnị zịna-zịna nị, avaba anẹkụra-ẹkụra ana vọ vaa yẹ ka ọnị, Ẹnẹyịmavara ọ nyị Anisirẹrị nịnị tu irenyi ka ẹ̀ vị aza anị nị.
Ohomorihi vi ene vee sere aza ana sị ayị tụra a. Aza ana aa mẹ̀ ebira edivi vị ọnị ọ vaa mẹ ka è vu tụ́ ịnị ịrahụ; ọza ẹ yị zụ sị ụkata anị ụvọta sị nyị ehuna ọnịvị anị.