Ayịsaya 26:9 - IWE ỌNỊNỊ

⁹ Màa sụ, màa ha, ayị amị vị ana yà ịda awụ. Ịhị wàa raà mẹ̀ ọkarẹyị yị anẹhẹ, ẹnịnị vaa yẹ ebira ana vọrọ.

Ayịsaya 26:9 ပူးပေါင်းရင်းမြစ်များ

1 Ịtọpa 16:14

Ẹnẹyịmavara ọ vị Ohomorihi ayị nị, ọda anị vị ọnị ọ mẹ yị avaba anẹhẹ.

Ahẹ Ụgama 105:7

Ẹnẹyịmavara ọ vị Ohomorihi ayị nị, ọda amị vị ọnị ọ mẹ yị avaba anẹhẹ.

Ahẹ Ụgama 119:55

Ẹnẹyịmavara, mị vaa tamayị awụ ịrahụ, ọda awụ vị ọnị mị vaa si eyii pè.

Ahẹ Ụgama 119:62

Agẹvịrahụ vị ọnị mị vaa kwẹẹtẹ dị maa kụ́ wụ avọ, agụvị ka ọda ọnị ụ mẹ vị ana vọrọ.

Ahẹ Ụgama 130:6

Maa tụra Ẹnẹyịmavara eyi, anka oserẹtẹ mèe zi ka eyi ò wụsẹ nị̄ avọọ. Mị nyayịnẹ ee zi ọ nị.

Ahẹ Ụgama 58:11

Ịjọnọọ aza vaa kà a ka aa sịị sị ọgụ ọyịzaa yị aza ana aa mẹ ịzẹyịza Dị ẹ rẹ ka a nyị nyị Ohomorihi ana aa mẹ̀ ọkarẹyị anẹhẹ.

Ahẹ Ụgama 63:1

Ohomorihi, ẹwa vị Ohomorihi amị nọ Ẹwụ m maanị ee sì aanị nị Mị ka tụ̀ ịnẹ tụ̀ ịnẹ mị nyayịnẹ ee sì wu nị Wâ yẹ ka ọza ọ̀ọ yà ịzị ẹtẹ sị wụ dị enyi aa kụ̀ ọ nị, ka vị ọ nyayịnẹẹ sì enyi nị Avọọ gẹdẹ-gẹdẹ ọ mẹ̀ kata mị ẹngụ ka me re wu nị.

Ahẹ Ụgama 63:5

Mâ yẹ ka mị vaa rị ịsa ene zoza, dị ịnẹ há mị dị maa jị ahẹ dị maa sịị kụ́ wụ avọ.

Ahẹ Ụgama 64:9

Ịjọnọọ avaba aza vee hí angwa Ohomorihi Dị ẹ yaa kà a zụ̀ aza ịsa oni Ohomorihi mẹ dị ẹ sị tụ́ ịnị ayị di e yee ro o.

Ahẹ Ụgama 78:34

Ịjị Ohomorihi òo si nyima aa wụ̀ wa dị ẹnị ana vọ rẹ và ká Ohomorihi vẹ, di e ro ịnẹ varẹma, dị ẹ yaa dá ịpẹ.

Ahẹ Ụgama 83:18

Navọ ẹ̀ va yẹ ka ẹwụ ọnị ịrẹha anị rị Ẹnẹyịmavara, ẹwụ ịnya kẹnẹ ọ vị Ohomorihi ene hu keekere ana nyị avaba ẹhẹ nị.

Ụhịrẹyị 8:17

Ộ ka ọnị o sì ịrẹyị aza ene sì ịrẹyị anị; aza ene si ọnị obooro vee ré ọnị.

Ayịsaya 27:9

Ộ dị ịhị Anisirẹrị ẹ̀ẹ raà chaka ịrẹta ịzị ẹ yaa mẹ̀ ịsọvọ hi ori ana aā hị́ Asẹra nẹrẹ-nẹrẹ dị ẹnẹ ẹ̀ yị mā vara ọ̀ va vagu wa ini ebira odivi ẹnị ẹ yaa mẹ, kụkụ vaa nyị ọchị ori ọnọọ ikonya ana vọ jẹẹ.

Ayịsaya 50:10

Avaba aza ene hí angwa Ẹnẹyịmavara, dị ẹ saasa ịrẹyị ozi ahụ anị; oze ọnị ẹ zị ọ daka hozi, ẹ sị ayị tụra Ẹnẹyịmavara, e chi ayị za Ohomorihi.

Ayịsaya 55:6

Sì Ẹnẹyịmavara ịnị ụmẹ ene nyengu si re e, Hị́ ọ booro aanị ọnị ọ gụrị ẹtẹ.

Arụwẹ 2:19

Ẹ̀ kwẹẹtẹ ịrahụ dị ẹẹ jị òrèrè boro-boro hi Ananyị yị ẹngụ. Ẹ̀ va ụvọ hịrẹ dị ẹẹ sị ayị ọnyara da ịpẹẹ yị ọ agụvị ezi ẹnịnị ọnị ụngwẹ aa wụ hi avaba aha aanị.

Arụwẹ 3:25

Ẹnẹyịmavaraā ngụ ayị aza ana sị ayị ẹnịnị tụra a.

Ezikẹẹrị 5:15

Ẹnẹyịmavara kà ịjị ọnị ọọ raa sị ọyịkụ-ọyịkụ sị ụya rị wụ nịnị, angwa vee hí avaba anẹkụra ana kara wụ nịnị, vị́ ụ vanaa nyị wa ịhyẹrẹ nịnị isiya nị.

Ihoseya 5:15

Ọnị ộ vavọọ sị wa mẹ, dị ọnị va nọ aha anị na ya. Ẹ vị ịjị e ro ịnẹ, di e si ọnị ka ọnị ọ gụ ẹnị ụvọ. Obobooro ọnị akanya ọ̀ọ vẹ, e vee si ọnị.

Imatiwu 6:33

Ama we vidii sì ka Ohomorihi ọ̀ọ mẹ ịjọva tụra wụ nịnị ịrẹsụ da, dị ụ wa rẹẹ mẹ̀ ịsa ana vọrọ nịnị, ka ọ vaa sị avaba ịsa ana vọ aanịị tụ̀ ọọ yị wụ nịnị.

Ịmaakị 1:35

Ẹnẹnẹ eyinẹhẹ anị, ẹ́tẹ mèe yii vee hweyi kẹnẹ dị Ijeesu kwẹẹtẹ, dị ọ jịnẹ nọ aha ọnya aanị ịzị aza ẹ̀ yị yà nị, dị ọ na mẹ̀ aduwa ịzọọ nị.

Iruuku 6:12

Ẹkụhị ọnya, dị Ijeesu hịrẹ nọ ịnị ataba ka ọnị aa na mẹ̀ aduwa nị. Dị ọ yà ịzọọ ịnị avaba ịrahụ, dị aa mẹ̀ aduwa nị.

Ẹtore 11:13

Ụmẹ ọnọọ gẹdẹ-gẹdẹ, dị ẹtẹ henyi jigi-jigi, dị agẹẹwụ ẹkụra ọnọọ gara va ha, dị aza ẹnị akahị-akahị oze ịhịmba (7,000) sú ịnị ẹtẹ ana vavọọ henyi avọọ nị. Angwa ô hí ẹnị ana vọ, dị ẹyaa sị ụbanyịị yị Ohomorihi ana yà ẹbẹẹba nị.