Ayịsaya 26:4 - IWE ỌNỊNỊ

⁴ Sị ayịị tụra Ẹnẹyịmavara pooro; agụvị ka vi o vee sere yi pooro nị.

Ayịsaya 26:4 ပူးပေါင်းရင်းမြစ်များ

2 Ịtọpa 20:20

Ẹnẹnẹ viri-viri eyinẹhẹ anị, dị aza kwẹẹtẹ nọ ịnị ụnọmị ana gụrị Itekowa nị. Ẹnịnị màa kwẹẹtẹ, dị Ijehosahwati ka ịrẹyị ẹnẹnị yị wa nị. Ọ kà a, ẹnị anọrụ Ijuda ọnịrị Ijerusarẹmị ẹ sị ayị ẹnịnị tụra Ẹnẹyịmavara Ohomorihi ẹnịnị, dị ẹẹ jẹẹ geri-geri. Ẹnịnị ẹ dọ ịrẹyị ọnị ọnịsẹ nịnị ka yị wa, ka ẹ vaa nyị ehuna.

2 Ịtọpa 32:8

Ụkọrọ ọchẹngụ kẹnẹ ẹ nyị nị, ama Ẹnẹyịmavara ana vị Ohomorihi ẹnịnị vaa gụ ẹnị ụvọ dị ọọ kụ ịrẹkụ yị ẹnị. Ịrẹyị ohinọyị ọnọnị ộ hụ wa ayị vị.

Ijoovu 9:19

A vị ịnị ụkata yọ nị, ọnị ẹ yị hi ọ ụhwẹ. Ọnị ọ sị ọ nọ ọvịdị ọkarẹyị, ẹnẹ hụ ọ hị́ ọ họ̀ use ịrẹyị.

Ahẹ Ụgama 125:1

Aza ana sị ayị tụra Ẹnẹyịmavara vị ana vaa jẹẹ anka ataba avọọ. Vị ẹ vaa jẹẹ nganganga pooro nị, ẹ yị nyị ịsị ee zizi wa.

Ahẹ Ụgama 18:2

Ẹnẹyịmavara ẹwụ ee sere mi nị Ịda awụ ọ vị aha ẹvagu ọkatẹngụ ọnị mị na tẹ̀ tụ́ nị. Ẹwụ aa dọ mịị tụ́ nị Ohomorihi amị vị aha ẹvagu nganganga ịda anị mi zwe na tẹ̀ nị Ẹwụ ee sere mi nị Ụkata anị aā sịị dọ mịị tụ́ nị Ịda anị ọ vị aha ẹvagu ọnị mịị̄ naa tẹ nị.

Ahẹ Ụgama 46:1

Ohomorihi ee sere yị dị ọ̀ yị zẹẹ ka à nyị ịsị ẹ kanyị yị nị. Ọnị ọ raa sị ụkataa yị nị Ụmẹ tụra ụmẹ ẹnị ẹngụ ayị ọ̀ọ kata vi oni oō sì ka ọnị ọ̀ gụ yị ụvọ.

Ahẹ Ụgama 55:22

Ịrẹyị ene èe tù wu, ụ sị chire Ẹnẹyịmavara ụvọ, ka ọ vaa sị ụvọọ za wụ Ohomorihi ọ yị vaa zẹẹ ka aza ana aa mẹ ịzẹyịza ẹ̀ hyẹdụ.

Ahẹ Ụgama 62:11

Ohomorihi ọ sị ọ ka, ma raà wụ́ huna ụpẹ ọnya ka Ohomorihi kẹnẹ ọ nyị ụkata nị.

Ahẹ Ụgama 62:8

Ẹwụ nịnị anda ayị, waa sị ayịị tụra Ohomorihi nịnị pooro kẹnẹ Avaba ịrẹyị oni wèe re ana kata wụ ẹngụ dị ụ kà a yọ agụvị ka ọnị ọ vị Ohomorihi ẹnẹ ẹ̀ yị zẹẹ ka à nyị ịsị ẹ kanyị yị nị.

Ahẹ Ụgama 62:9

Nyị ịsị ọza vị vụrụ-vụrụ ahị ọza ọbanyị, ahị onosiye, ẹ yị nyị ana a ka â nyị ịsị ọnịvị àa kụ́ wa hi ịnị ịngọ, e vee re ka ẹ yị nyị ịsị ẹ vị vụrụ-vụrụ ẹnịnị ệ hẹrẹ hu asịsẹ.

Ahẹ Ụgama 66:7

Ụkata ẹngụ anị aa sịị mẹ ohinọyị pooro zịna-zịna nị. Ee re avaba anẹhẹ, Asị a nyị ọza ene ne hira ka vị ẹnị aa kwẹẹtẹ tù ọ nị.

Ahẹ Ụgama 93:1

Ẹnẹyịmavara ọ vị ohinọyị, dị ọ sị ụbanyị mẹ awuru chire nị. Mị ka Ẹnẹyịmavara vị ana sị ụbanyị ọnịrị ụkata mẹ awuru chire. Ẹhẹ vị ọnị ụ sị jẹẹ nganganga, o yi zụ henyi.

Ayịsaya 12:2

Ịzẹyịza Ohomorihi ọ vị ẹnẹdọha amị nị. Ẹwụ m maa sị ayịị tụra nị, me yi vee hí angwa. Ẹnẹyịmavara ọ sị ụkata yị mị nị. Ẹwa m maa sịị jị ahẹ nị. Ọnị ọ vị ẹnẹdọha amị nị.

Ayịsaya 17:10

Ẹwụ nịnị Anisirẹrị, we reè hi ayị Ohomorihi ana dọ wụ nịnị ha. Wẹ yị kụkụ tamayị ka ọnị ọ vị ụkata ana sị wụ nịnị tẹ nị. Wá tọ̀ọ́ ihu ene zoza hụrẹ ẹkụra ọsa va da ụbazị agụvị we re oze hẹkẹ ori anẹkụra ọsa.

Ayịsaya 30:29

Ama ẹwụ nịnị aza Ohomorihi vaa jẹ, dị waa jị ahẹ nịnị anka ẹkụhị ọnị ụ sịị̄ rị eche nịnị avọọ. Ịnẹ awụ nịnị vee hine anka aza ana aa nọ ini ataba Ẹnẹyịmavara di eyee hú okokoro na avọọ. Ẹnẹyịmavara ọnọọ ee sere Anisirẹrị ka asị a nyị ịsị ẹ kanyị wa nị.

Ayịsaya 32:2

Aza vi ene vee zwe naa vaka aza ene hi ini ịjọva anka aza mèe zwe nee sì aha vaka ini ụmẹ oni orihi àa zụ̀, di opomi aa tụ́ avọọ. Ẹ rẹ vaa mẹ kà ẹngụ aza è hunẹnẹ anka okuha ana yà ịnị ụnọmị ọnịrị anka ihuhu ịrẹta ọbanyị ana yà ịzị ọchị è yi hi avọọ.

Ayịsaya 44:8

Asị ayị hụrẹ wụ ịnẹ, Asị u hí angwa. Aanị ka mẹ yị vịdị sị ọ kà a wụ nịnị hụrẹ ụmọrụmọ, ịsị ẹ vaa mẹ? Ẹwụ nịnị ọ vị onivenu amị nị. Áá nyị Ohomorihi ọsa? Eyiye! Ẹ yị nyị ịda ọsa-ẹyị nyị ọsa.

Ayịsaya 45:17

Ama Ẹnẹyịmavara ọ raà dọ Anisirẹrị nịnị ha, ẹ vaa nyị ehuna pooro zịna-zịna nị. Ụhị ẹ yị vaa nyị wa.

Ayịsaya 45:24

Avaba aza vaa kà a ka ịda anị kẹnẹ ọza zụ re ịzẹyịza ọnịrị ụkata nị. Ama aza ana nyị ịhyẹrẹ anị vị ọnị ụhị vaa nyị.

Ayịsaya 50:10

Avaba aza ene hí angwa Ẹnẹyịmavara, dị ẹ saasa ịrẹyị ozi ahụ anị; oze ọnị ẹ zị ọ daka hozi, ẹ sị ayị tụra Ẹnẹyịmavara, e chi ayị za Ohomorihi.

Ayịsaya 51:5

Ộ ka aza ene hi akẹnẹ enyi vị ana kụ eyi hi ẹba ee zi ọnị eyi. Ọnị vee jintu vayị ẹnịnị, dị ọnị dọ wa ha. Ọnị vaa vị ohinọyị ẹnịnị.

Ayịsaya 63:1

Ẹnẹ ọnị ọnọnị vị ana hụrị Ibozira ịnị ẹtẹ Edomi aa vẹ aanị kẹ? Ẹnẹ kụ́ ẹnya ovivi chomi-chomi hí ẹngụ, di e hu ahụ ọkọọka ịnị ụbanyị ụkata anị vẹ aanị? Ẹnẹyịmavara ana hụ ọ dọ ọza ha aa vẹ vaa nọ̀ ka ọnị ọ raà nyị ehuna.

Ịdanịyẹrị 3:17

Àa hụ agụvị ịrẹyị ọnọnị kụ ẹnị va hi ịra, Ohomorihi ọnị ẹnị aa hẹkẹ vaa dọ ẹnịị tụ, agụvị ka ọ zụ dọ ẹnị ha hụrẹ ẹ ụvọ. Ọ rẹ zụ dọ ẹnị ha hụụnị ịra anaa za giri-giri bẹẹ.

Ịdanịyẹrị 3:28

Dị ohinọyị ka: À sị ụga yị Ohomorihi Isediraki, Imesaki ọnịrị Abedinego nị. Ọ kà, Ohomorihi ọ tụ anggẹẹrị anị dị ọ va dọ ezi ahụ anị anaa hẹkẹ ẹ, dị ẹ sị ayị tụra a ha nị. Ọ kà ẹnịnị ệ sị ahụ jịnẹ ọda anị, ka asị chọmọ ọnị ẹnị vaa vaku ẹtẹ dị ẹnị ẹ hẹkẹ ori anị, ẹnị ẹ dọ ka ẹnị e su.

Imatiwu 28:18

Dị Ijeesu ve tù wa, dị ọ kà a yị wa ka, “A raà sị avaba ụkata ịnị ẹhẹ ọnịrị ẹbẹẹba yị mị.

Imatiwu 6:13

Asị ụ sị yị tụ ịnị ọyịzamare, ama dọ yị ha hụụnị ụvọ Echu. (Agụvị ka ẹwa vị Ohinọyị, dị ụ nyị avaba ụkata ọnịrị igirima pooro zịna-zịna Aamị!)

Iwe Ọhụhị Imosiisi ana aa hị́ Ọyịvatụrọda 32:15

Ẹwụ nịnị Anisirẹrị, ẹhẹ ộ sị mẹ yị wụ nịnị, dị ụ kụkụ aa mẹ̀ akamawụ hị́ Ẹnẹyịmavara, dị ụ hi ayị ọza ana tụ̀ vẹ ẹhẹ, di u yi Ẹnẹdọha ọbanyị.

Iwe Ọhụhị Imosiisi ana aa hị́ Ọyịvatụrọda 32:4

Ẹnẹyịmavara aa sị ụkata anị dọ ọnị tụ nị. Avaba oze ọnị ọ zị mẹ ịrẹyị anị vana gụ dị ọ vọrọ. Ọnịzẹyịza ene mee cheeche ọ̀ vị nị.

Iwe Ọhụhị Imosiisi ana aa hị́ Ọyịvatụrọda 33:27

Ohomorihi ana yà ịzọọ pooro è sere wu nịnị nị oō sị yị rị ụvọ pooro nị. Eyi awụ nịnị ọ̀ dụ ọnịvị awụ nịnị jịnẹ, dị ọ ka wa wụ̀ avaba ẹnịnị va ha nị.

Anihwiripi 4:13

Ma zụ mẹ avaba ịsa ini oze ụkata oni Ikirisiti aa sịị yị mị.

1 Ịsamụwẹrị 2:2

Ẹ yị nyị ọza ikonya ana vị ọnịnị anka Ẹnẹyịmavara. Ẹ yị nyị ẹngụ anị. Ẹ yị rẹ nyị ọza ẹnẹsa ene zu sere ọza anka Ohomorihi ayị.