Ayịsaya 26:2 - IWE ỌNỊNỊ

² Nā oze vị anẹkụra nịnị ana aa mẹ ịzẹyịza ẹ̀ ngụ eehi, dị ẹ yaa mẹ̀ ịsa ene zee wu eyi.

Ayịsaya 26:2 ပူးပေါင်းရင်းမြစ်များ

Ahẹ Ụgama 106:5

Navọ ize aza awụ ọnị ụ sị nyị ò ve che kú mị, di me zụ beri aza awụ jẹ ịrajẹ. Navọ ẹnịrị aza awụ è ve duduu kụ́ wụ avọ.

Ahẹ Ụgama 118:19

Nā oze ịzị aza ana aā mẹ̀ ebira ana vọrọọ zịị ngụ eehi mị, dị ma ngụ eehi dị ma na kụ́ Ẹnẹyịmavara avọ.

Ahẹ Ụgama 118:20

Oze ana na ngụ ịzị Ẹnẹyịmavara yà yị, aza ana aā mẹ̀ ebira ana vọrọ ẹ zụ zị avọọ ngụ eehi.

Ahẹ Ụgama 24:7

Nā và hi ẹtẹ nịnị, ẹwụ nịnị oze ẹwụ nịnị oze ana yà ịzọọ hụrẹ ụmọrụmọ agụvị Ohinọyị ana nyị ụbanyị ọ̀ ngụ eehi.

Ọyịkụra 19:6

ama ẹnị mị vaa sị mẹ ohirẹsụ irehi Ohomorihi amị nị di ẹ vị anẹkụra amị. Maanị kà a yị Anisirẹrị nịnị.”

Ayịsaya 45:25

Ọnị vaa sị Anisirẹrị nịnị nyị ẹbẹẹba, dị ẹ yaa ga ọnị.

Ayịsaya 54:14

Ịzẹyịza ọnịrị ịsa ana a vọrọ ọyịmẹ̀ vaa mẹ ka wa nyị ụkata. Ẹ yị nyị ọza ana va zụụ mẹ ẹvayaa yị wụ, agụvị avọọ we yi vee hí angwa. Ịsa ee chire ọza angwa ẹ yị vaa gụrị ẹwụ.

Ayịsaya 54:17

Ama ẹ yị nyị ẹnya ịrẹkụ ana hụ vị awụ mẹ, ana vaa mẹ̀ ụkọrọ. Avaba ịrarẹ ana àa sị ịrẹyị awụ na tụ́ ịrẹka, vị ọnị ụ vaa kụụ hi ireche.” Ẹnẹyịmavara kà ịsa ọnị mẹ tịtẹ yị ezi ahụ anị yị, ọnị vaa mẹ ka ẹ̀ nyị ehuna.

Ayịsaya 58:8

Ẹnẹyịmavara kà, ẹnịnị ẹ̀ẹ vavọọ mẹ, ụbanyị ayamva anị vaa zẹtẹ ịnị ẹhẹ ẹnịnị anka ọyị ẹnẹnẹ avọọ. Ụnava ẹnịnị vaa hụra vị, dị ọnị yaa pe wa, dị ọnị dọ wa ha, dị ọnị ee sere wa eyi ụvọnị-ụvọnị.

Ayịsaya 60:11

Ọọdụ ọnịrị ịrahụ vị ana vaa na oze ọbanyị ọbanyị ẹkụra nịnị ha agụvị ohinọyị anẹkụra nịnị ẹ kụ ogu ẹnịnị vẹ.

Ayịsaya 60:18

Ọza ẹ yị kụkụ vaa wụ́ ụha ezigi ọnịrị evu-ẹtẹ ịnị ẹtẹ ọnọọ. Ọnị vee sere, dị ọnị vagu ọ anka ọvọ. Ẹ vaa ga ọnị agụvị ka ọnị ọ raà dọ ọ ha.

Ayịsaya 60:21

Aza awụ vaa mẹ ịsị ẹ vọrọ, dị ẹ nyị ẹtẹ pooro zịna. Ẹnẹyịmavara kà ọnị ộ mẹ̀ wa, dị ọnị sị wa jẹẹ agụvị ẹ sị ụbanyị anị zụ nị.

Ayịsaya 61:3

Aza ene hi Ịzayọnị ee du ayị sị ịrajẹ ọnịrị ayohine dọ ịrẹsụ ayodu ẹnịnị yị wa sị ahẹ ụgama dọ ịrẹsụ ahẹ orere yị wa Ẹnịnị vaa sị mẹ anka ọchị ọnị Ẹnẹyịmavara chire avọọ nị. Avaba ẹnịnị vaa mẹ̀ ịsa ana vọrọ. Ohomorihi vị ana a vaa ga agụvị ịsa ọnị ọ raà mẹ.

Ayịsaya 62:1

Ẹnẹyịmavara kà a, agụvị Ịzayọnị ọnị e yi vee chi iriji, agụvị Ijerusarẹmị ọnị ẹ yị vaa tụ́ ụhwọ́, ẹ yị ịjị ịzẹyịza anị aa zẹtẹ, dị ẹdọha anị aa za anka ịra ịtọchị.

Ayịsaya 62:10

Ẹwụnị aza ene hi Ijerusarẹmị, jịnẹ tụ ẹhẹ hụụnị ẹkụra ọbanyị ọnọnị, dị ụ waa tụ́ oze yị aza ana aa vavẹ.

Ayịsaya 62:2

Avaba anẹkụra nịnị vee re ka wa raà nyị ehuna. Avaba ohinọyị nịnị vee re ụbanyị awụ. Ẹ vaa hị́ wụ ịrẹha ọwọọwa ọnị Ẹnẹyịmavara raà sị yị wụ.

Ịzakaraya 8:20

Ẹnẹyịmavara kà, ụmẹ aa vẹ ọnị aza ọrụrụ vaa vị Ijerusarẹmị

Odeyi 2:47

Dị ẹyaa ga Ohomorihi nị; ẹhẹ ẹnịnị ô zé avaba aza eyi. Eyinị-eyinị, dị Ananyị yị aa kụ́ aza ọnị ọ sị dọ há vaa vaka ịragụ ẹnịnị.

1Ipita 2:9

Àa vị ẹwụ nịnị yọ, ẹwụ nịnị vị aza oni Ohomorihi sị nyị. Ẹngụ ohirẹsụ irehi Ohomorihi ana aa hẹkẹ Ohomorihi Ohinọyị, ụ vị nịnị nị. Anẹkụra oni Ohomorihi nyị tụ́ irenyi yị ẹngụ anị, ụ vị nịnị nị. Aza Ohomorihi obooro ụ vị nịnị nị. Ộ nyị wụ nịnị ka waa kà a yị aza ịsa ẹbanyị-ẹbanyị oni Ohomorihi mẹ, ọ mẹ̀ hị́ wụ nịnị hụụnị ịrahụ va ngụ ini ẹtohweyi anị ene hí ọza irenu.

2Ipita 3:13

Ohomorihi ộ kà a ka ẹ́ yị zụ nyị ọnị ọyị vaa mẹ ẹbẹẹba ọwọọwa, dị ọnị rẹ mẹ ẹhẹ ọwọọwa. Ịzọọ, avaba ịsa vị ene vee zoza pooro, ịsị ẹ vọrọ kẹnẹ aza rẹ vaa mẹ nị. Ịsị yee zí eyi ọ vị ọnọọ nị.

Ijudi 1:3

Ẹwụ nịnị ẹyịnyara amị, mị vịdị ee sì ka ma chẹrẹ iwe tụ́ hi wu nịnị ịnị oze ẹdọha ọnị i dudu nyị. Ama me ve ree ka â vọrọ ka ma chẹrẹ iwe da ịpẹ wụ nịnị ka wa sị ụvọ za ẹdọwụ oni Ohomorihi sị chire aza anị ụvọ ụpẹ ọnya gene-gene, dụ wa sị eyi pe e ngịrị-ngịrị nịnị.

Ẹtore 21:24

Avaba anẹhẹ vaa zị ụsẹ ini ẹtohweyi anị, di ohinọyị anẹhẹ nịnị kụ́ ụbanyị ẹnịnị ne hi ịzọọ.

Ẹtore 5:9

Dị ẹ jị ahẹ ọwọọwa dị ẹ ka: Ẹwa hụ ọọ sị iwe ọnọọ nị, dị ụ wa hụ̀ ịsa ana sị vá a, agụvị ka â vịdị wụ wụ. A mẹ̀ wụ wụ, wa raà sị anya awụ hị́ aza varẹma va yị Ohomorihi, avaba anẹkụra, aza ana aa kà ẹkụra irenyi-irenyi avaba ẹhẹ.