Ayịsaya 26:1 - IWE ỌNỊNỊ

¹ Ụmẹ ọnya aa vẹ. Ịnị ụmẹ ọnọọ, aza maanị vaa jị ahẹ ịnị ẹtẹ Ijuda dị a ka: Ẹkụra ayị ộ nyị ụkata! Ohomorihi ọnị ụvọta ee sere ọvọ ana a jị kara a nị!

Ayịsaya 26:1 ပူးပေါင်းရင်းမြစ်များ

Ẹzịra 3:11

Agụvị irehi ana a ka a ẹtẹ aanị, dị avaba aza sị ọngwẹ tụ ẹba aa ga Ẹnẹyịmavara nị. Dị ẹ yaa jị ahẹ gono o nị. Dị ẹ kà, “ọ yẹ ịrẹyị, di o sì ịrẹyị Anisirẹrị nịnị pooro zịna-zịna nị”. Dị ẹyaa kụ ọ avọ nị.

Ahẹ Ụgama 31:21

Ẹnẹyịmavara maa kụ́ wụ avọ agụvị ka wê sì ịrẹyị amị ẹtẹẹtẹrẹ ọnịvị mẹ̀ kara mị dị ẹ yaa dụ mị.

Ahẹ Ụgama 48:12

Maanị jesi kara ẹkụra dị wa za irehi ọgọdọ ịzị oserẹtẹ nịnị yà ịrịka.

Ahẹ Ụgama 48:4

Ụmẹ ọnya dị ohinọyị ana vọ kụ́ ẹngụ gụ dị ẹ ka ẹnị aa kụ́ ịrẹkụ nee tù aza ene hi ini ataba nị.

Ayịsaya 12:1

Ụmẹ ọnyara aa vẹ ana aza vaa jị ahẹ dị ẹ yaa Kụ Ẹnẹyịmavara avọ! Ịzẹyịza wâ vịdị kụ́ ayị hi mi, ama booro aanị, wẹ yị kụkụ kụ́ ayị. Wa raà sị ayị amị hunẹnẹ.

Ayịsaya 14:31

Ẹwụ nịnị Anihwirisiti, tụ́ ụvọ kú ịrẹsụ wee nowu nịnị. Ẹngụ awụ nịnị ọ̀ọ da ẹgahị. Ezirẹkụ ệ kọmị hụrẹ eyi ẹbẹẹba aa vẹ, vị ẹ sị mẹẹ anka areyi avọọ ẹ mẹ̀ rụrụ nị. Ẹ yị nyị ikonya ẹnịnị ana vị anangwahi.

Ayịsaya 2:11

Ụmẹ ọnya aa vẹ, avaba aza ene ee wu ịkaa zị, dị Ẹnẹyịmavara kà wa chị, dị ọ tẹ avaba aza ana aa mẹ eyii zi. Ịnị ụmẹ ọnọọ, Ẹnẹyịmavara ịnya kẹnẹ aza vaa sị ụbanyịị yị nị.

Ayịsaya 2:20

Ịhị ọnọọ aza vaa kụ́ ori ẹnị ẹ sị enyusẹ ẹkẹhị ọnịrị igooru mẹ dị ẹ yaa hẹkẹ ẹ, di e ne wa ta yi isu ọnịrị arịga.

Ayịsaya 25:9

Ịjị ụmẹ ọnọọ ọ̀ọ vẹ, avaba aza vaa kà a ka Ohomorihi ayị yọ. Yâ sị ayị tụra a, dị ọ dọ yị tụ́ nị. Ọnị ọ vị Ẹnẹyịmavara nị, ọnị ị sị ayị tụra nị. Ọ sị yị dọ ha; agụvị avọọ à vẹ vị yaa jẹ ịrajẹ.

Ayịsaya 31:5

Wéē re inomi mèe hira kara ịrẹngwẹ anị ka asị a nyị ịsị ẹ kanyị ọ avọọ, avọọ ẹmị Ẹnẹyịmavara Ochẹtẹẹngụ mè vee si eyii pè Ijerusarẹmị ka asị a nyị ịsị ẹ kanyị ọ nị, mi vee sere e, dị mị dọ ọ tụ́.”

Ayịsaya 31:9

Angwahi vị ana vaa dị waa hụụ ịzị ẹ vịdị naa tẹ ka asị a nyị ịsị ẹ kanyị ẹnị. Ọga isoja ẹnịnị ọ̀ọ maanị sị eyi re ịrẹkụ kẹnẹ dị angwahi ngụ ọ ẹngụ. Ịsị Ẹnẹyịmavara kà ọ vaa mẹ ọ vị ọnọọ nị. Ẹnẹyịmavara ọnọọ á aā yà Ijerusarẹmị hẹkẹ, dị aa sị ịsaa mẹ̀ ịsọvọ dị a rị ọ ịra ịzọọ yọ nị.

Ayịsaya 33:5

Ẹnẹyịmavara ộ dà nyị ụbanyị kẹnẹ Ọnị ọ vị ohinọyị avaba ịsa nị. Ọ vaa mẹ ka avaba aza ene hi ẹ̀ẹ mẹ ịzẹyịza ọnịrị ebira ana vọrọ.

Ayịsaya 33:6

Ẹngụ avaba aza vaa vọ di o hunẹnẹ ịnị ụmẹ awụ. Wàa sị ụbanyị yị Ẹnẹyịmavara, ọ vaa mẹ ka ọ̀ dọ wụ há, dị ọ rẹ mẹ ka wa yẹ ịrẹyị nịnị ẹtẹẹtẹrẹ. Ogu avaba ẹnẹẹ vaa vịị yị wụ nị.

Ayịsaya 4:2

Ụmẹ ọnya aa vẹ ịhị ọnọọ Ẹnẹyịmavara vaa mẹ ka ọchị ana yà ịnị ẹtẹ ọnọọ ọ̀ há avọ ọnya aanị. Avọ ọnọọ vee zoza dị ọ nyị ụbanyị. Ẹtụtụ ana avọ́ ọchị ọnọọ vaa tụ́ ịnị ẹtẹ ọnọọ vaa mẹ ka Anisirẹrị ana ha ẹ̀ sịị mẹ ụbanyị dị ẹ̀ẹ sịị jẹ ịrajẹ.

Ayịsaya 5:1

Mị vaa jị ahẹ ọnya. Ahẹ ọnọọ vị ịrẹyị ọta amị ọnịrị ụbazị anị. Ọta amị ộ nyị ụbazị tụ́ ịnị ataba ọnya ọnị ẹtẹ anị zoza ẹtẹẹtẹrẹ.

Ayịsaya 56:5

A vaa tamayị ịrẹha awụ ini Irehi amị ọnịrị ịnị akakana aza amịị gọdọ huni wàa ma ezi ọnọrụ ọnịrị anẹẹ, ọza e yi vee hí ayị awụ”.

Ayịsaya 60:18

Ọza ẹ yị kụkụ vaa wụ́ ụha ezigi ọnịrị evu-ẹtẹ ịnị ẹtẹ ọnọọ. Ọnị vee sere, dị ọnị vagu ọ anka ọvọ. Ẹ vaa ga ọnị agụvị ka ọnị ọ raà dọ ọ ha.

Ayịsaya 62:10

Ẹwụnị aza ene hi Ijerusarẹmị, jịnẹ tụ ẹhẹ hụụnị ẹkụra ọbanyị ọnọnị, dị ụ waa tụ́ oze yị aza ana aa vavẹ.

Ayịsaya 62:11

Ọnị Ẹnẹyịmavara aa nọ yị avaba anẹhẹ: “Kà a yị aza ẹnẹ hi Ijerusarẹmị ka Ẹnẹyịmavara aa va dọ̀ wụ ha. Ọ vaa kụ̀ aza ọnị ọ sị dọ ha beri ẹngụ vẹ.”

Ijeremaya 33:11

aza ee nowu ẹ mee hine ayị dị ẹyaa jẹ ịrajẹ ụ vaa wụ̀ aza maa jẹ dị ẹyaa mẹ aahẹ agụvị ka ẹ yaa nyị ẹngụ. Ụ vaa wụ̀ aza maa jị ahẹ, ẹnịnị ẹẹ sị ẹyịza a vaa kụ avọ ịnị irehi Ohomorihi; dị ẹ ka, aza ẹẹ ku Ẹnẹyịmavara Ochẹtẹẹngụ avọ agụvị ka Ẹnẹyịmavara oo zoza, vị oo sì ịrẹyị ọza pooro nị. Ẹnẹyịmavara kà ọnị vaa me ka ò zee yị ẹkụra ọnọnị anka ịyẹẹyẹ.

Ezikẹẹrị 40:5

Ezikẹẹrị ka ọnị ô re irehi Ohomorihi, dị a jị ọvọ kara a nị. Ọza ọnọnị ộ sị ọchị ana a sịị̄ mọ ịsa aanị, ụgọdọ ọchị ọnọọ vị ẹhwị ahụ ẹẹta avọọ, dị ọ sị mọ ọvọ ọnọọ nị. Ọvọ ọnọnị ộ nẹba ahụ ẹẹta va hịrẹ, dị ọ́ rẹ gana eyi ahụ ẹẹta nị.

Ịzakaraya 2:5

Ẹnẹyịmavara kà a ọnị ụvọta vee sere wa, dị ọnị vị́ ịra kara wa anka ọvọ avọọ. Ụbanyị anị vaa ya ịnị ayị ẹnịnị.

Ịzakaraya 2:9

Ẹnẹyịmavara Ochẹtẹẹngụ kà ọnị ụvọta vaa kwẹẹtẹ tù wa, dị ọrịhị ẹnịnị ẹnị rẹ sị ụkata-ụkata kụ́ wa ẹnya. Ịjọnọọ ẹnịnị vaa yẹ ka Ẹnẹyịmavara Ochẹtẹẹngụ ọ tụ́ ọnị ụtụ nị.

Ịrịka 21:17

Ịjọnọọ Anisirẹrị nịnị jị ahẹ ọnọnị nị: Ịkangga sị enyi vẹ, dị ya jị ahẹ gono wu.

Imatiwu 16:18

Dị ma rẹ kà a yị wụ ka ẹwa vị Ipita (ọnọọ vị ka ‘ịda’) ana yàa anka ịda nị. Ịrẹsụ ịda ọnọnị m maa dà ịragụ amịị tụ́ nị; isu ẹ yị vaa nyị ehuna anị.