Ayịsaya 24:3 - IWE ỌNỊNỊ

³ Ohomorihi vaa za avaba ẹhẹ dị ọ tụ́ ọ osusu. Ẹnẹyịmavara kà ọnị ọ̀ kà avọọ nị.

Ayịsaya 24:3 ပူးပေါင်းရင်းမြစ်များ

2 Ịtọpa 36:21

Aanị ịrẹyị ọnị Ẹnẹyịmavara tụ Ijeremaya ka ọ kà mẹmẹ sẹ nị. Ộ kà a ka ẹtẹ Ijuda vaa tụ́ ụhwọ́, dị ọ vị osusu mẹ ịrayị ẹtarẹwụ anka ọnịsẹ mẹ kà a.

Ayịsaya 21:17

Avaba isoja Anikeda ana vọ vị ana kụkụ vaa yà chẹkẹẹ aanị. Ọ kà ọnị Ẹnẹyịmavara ana vị Ohomorihi Anisirẹrị ọ kà avọọ nị.

Ayịsaya 22:25

Ẹnẹyịmavara Ochẹtẹẹngụ ka ama ụmẹ ọnya aa vẹ. Ọ kà ịhị ọnọọ ọnị vaa kụ́ ezii hụrẹ Eriyakimi ahụ dị ọ hyẹdụ. Ọ kà avaba ẹnya ọnị ọ za vaa garaa ha.

Ayịsaya 24:1

Ẹnẹyịmavara aa vaa za ẹhẹ dị ọ jị ọ eburu. Ọ vaa za ẹhẹ dị ọ gara a, dị ọ tụ́ aza ene hi ịnị anị ikiiko zị.

Ayịsaya 24:2

Ịngọ ọnya ọ vaa sị aza avaba aza ọnị maa hị́ aanị nị. Ohirẹsụ irehi Ohomorihi ọnịrị aza ana vọ, ọga ọnịrị ozi ahụ, ọza ana aa ná ịsa ọnịrị ọza ana aa hị́ ịsa ne bari ọza ana rị ụta ọnịrị ọza ana a rị ụta.

Ayịsaya 24:4

Ịrẹyị ô tù ẹtẹ ẹngụ, ẹngụ anị ọ sị vahi. Ẹbẹẹba ọnị nyẹmba yà ịnị ẹngụkata, ộ yẹ ka aanị ọ́ ta.

Ayịsaya 42:22

Ama booro aanị aza anị vị ana a kụ́ ẹnya, di gu oze hi wa tụ ịnị ụsị, dị a kụ́ wa tẹ hi ịnị ẹngwa nị. Â mẹ̀ àko yị wa, dị a kụ wa ẹnya, dị ẹ̀ yị nyị ọza ana gụ wa ụvọ nị.

Ayịsaya 5:6

Di o kuku du ẹtẹ ọnọọ ha, dị ọ navọ ọchị ịvayịnị anị dị o yi tenyi ọ, dị ọ yị rẹ kụkụ bàrà hi ọ. Di ikeyi ọnịrị avị edivi-edivi kuku hi hi ọ. Ọ yị rẹẹ kụkụ vaa zẹẹ ka orihi ọ̀ zụ tụ́ ọ.

Ayịsaya 6:11

Di mi ve họ̀ use dị mị ka Ananyị yị, ye re ụmẹ ọnị ọ maanị vaa yà nee tụ̀? Dị ọ ka pooro dị avaba ẹkụra ọnọnị ọ̀ vara eburu dị asị a kụkụ nyị aza ana ra hi ịnị anị, Avaba irehi rẹ vaa tụ́ osusu, di e re du avaba aarẹ ha.

Ijeremaya 13:15

Ijeremaya ka, ẹwụ nịnị Anisirẹrị, Ẹnẹyịmavara ọ̀ sị ịrẹyị kà. Sị ụtọ pẹtẹ wa wụ nịnị, asị ụ sị ẹngụ tụ ẹba nịnị.

Ezikẹẹrị 36:4

Avọọ, ẹwụ nịnị ataba ẹbanyị ọnịrị eweyi ene hi Isirẹrị ẹ̀ wụ ịsị ọnị ọnị Ẹnẹyịmavara aa kà. Ẹwụ nịnị okuha ọnịrị inozi ẹ̀ wụ. Ẹwụ nịnị aha ana á raa jị eburu ọnịrị ẹkụra-ẹkụra ana a raa tụ osusu, dị anẹkụra ana kara wụ nịnị raa kụ́ ụ nịnị ẹnya, ẹ̀ sị ụtọ pe ẹtẹ

Imika 2:4

Ẹnẹyịmavara kà ịrẹyị ene vee tù wa vị ẹnị vaa sịị pa ịta. Dị a maanị aa sị orere jị wa atẹ ka, “A sị yị wụ tụ̀ ịnị ẹhẹ o! Ịhị Ẹnẹyịmavara aa naa sị ẹtẹ ayịị yị? Ọ raà sị ẹtẹ ayị dị ọ gà ẹ yị ọnịvị ana kụ́ ịrẹkụ va hụ yị nị. Dị ọ za ẹyị ọrịhị ne hi ịnị ẹtẹ ọnịnị ayị ẹnẹẹ nị.”

Imika 4:4

Ọzọza vaa ra ịnị ẹngwọọrọ. Dị ẹ yaa rị ịsa ịnị aarẹ ịvayịnị ọnịrị ihwigi ẹnịnị. Ẹ yị nyị ọza ene vee chẹrẹ wa angwa. Ẹnẹyịmavara Ochẹtẹẹngụ ọ vavọọ wo oto ọnọnị nị.

Iwe Ọhụhị Imosiisi ana aa hị́ Ọyịvatụrọda 29:23

Ẹnẹyịmavara vaa sị ohuuru ọnịrị anọ du ẹtẹ awụ nịnị ha. Ẹ yị nyị ịsa ana zụ chire, dị ọ hyakụ va chị. Ẹ yị nyị avị ọnị ọza vee re ịzọọ. Ịzọọ vaa tụ́ osusu anka Isodọmị ọnịrị Igomora ne beri Adima ọnịrị Izeboyimi ọnị Ẹnẹyịmavara sị ọyịkụ-ọyịkụ vu ẹtẹ.

Iwe Ọhụhị Imosiisi ana aa hị́ Ọyịvatụrọda 29:28

Ẹnẹyịmavara ô du ayị ẹtẹẹtẹrẹ hi wa, dị ọ kụ́ wa hụrẹ ẹtẹ ẹnịnị ne hi ikinamị ịzị ẹ ya va ngụ ajịnị nị.