Ayịsaya 22:4 - IWE ỌNỊNỊ

⁴ Navọ mị maa jị òrèrè aza amị ana a wụ. Asị ụ kà mị ka me kú irenu.

Ayịsaya 22:4 ပူးပေါင်းရင်းမြစ်များ

Ẹsịta 4:1

Imodekaya ọ sị yẹ avaba ịsa ana a mẹ. Ịrẹyị ọnọọ ọ zị ọ ẹngụ pooro, dị ọ za awuru anị dị ọ na a, dị ọ kụ́ atịtọ kú ịrẹsụ nị, di a tụ́ orere booro-booro ngụ ịnị ẹkụra zịịzị nị.

Ahẹ Ụgama 77:2

Ẹ́ngụkata mé tù mị, Ẹnẹyịmavara mi nowu na za nị. Avaba ịrahụ vị ọnị mị kụ̀rà ụvọ tụ́ ẹba, dị maa da ịpẹ, mẹ yị kà ka ụvọ amị ộ kata, me yi rị re ịsị a vọrọ ka ọ̀ mẹ ayị amị hunẹnẹ.

Ayịsaya 15:3

Aza ene hi ini ubooro vị ana kụ́ ịta oji kú ẹngụ ana a sị zụ̀ ka â nyị ịsị ẹ yaa zị ẹngụ anị. Dị aza re hi ịrẹsụ irehi ọnịrị ini orere di e và eyi kú ẹtẹ di eyee sụ ùnè nị.

Ayịsaya 33:7

Ọdọvịdị ẹkụra nịnị ee nowu ka à gụ ẹnị ụvọ. Aza ana anẹkụra tụ́ ka è ne jii ịrazị ẹnị aa tụ́ orere booboro.

Ijeremaya 13:17

Ọ kà, wàa ka wẹ yị wụ nịnị, ọnị vaa jị òrèrè ịnị aku, agụvị ka waa sị ẹngụụ tụ ẹba nịnị. Ọnị vaa jị òrèrè ọngwọọngụ dị ẹgọ ee si agụvị ka asị aza Ẹnẹyịmavara za ọrịhị ne hi aha ọsa.

Ijeremaya 31:15

Ẹnẹyịmavara kà, ọnị ộ wụ́ a maa jị òrèrè ọngwọọngụ ẹtẹ Iraama. Irechẹrị aa jị òrèrè agụvị ka e yi kuku re ezi anị. Â sị ọ ayị nẹtẹ pooro ô yii.

Ijeremaya 4:19

Ijeremaya ka, aa daa zị ọnị, ọnị ẹ yị kụkụ zụ zaa. Ayị anị ọ sị vazi, di ee ji bii-bii nị. Ọnị ẹ yị zụ sị irenu anị ku oku. Ọnị ộ wụ́ ịkakanchị ịrẹkụ; ọnị ộ wụ́ owu ịrẹkụ.

Ijeremaya 6:26

Ẹnẹyịmavara ọọ kà a yị aza anị ka, ẹ̀ kụ ịta suku-suku hi ẹngụ, di è ku ẹngụ ẹnịnị atịtọ. Ọ kà, ẹnịnị ẹẹ jị òrèrè ọngwọọngụ anka ozi ikonya ọnị ọza ma oo sú avọọ, agụvị ka evu-ẹtẹ vị ana vaa sụ̀ wa avaavo.

Ijeremaya 8:18

Ijeremaya ka, tee! ayodu anị ộ dà banyị kẹnẹ ịnẹ aa zị ọnị.

Ijeremaya 9:1

Ijeremaya ka, aa yẹ, ẹyị anị oo và enyi anka enyi anaa tụ̀ hụụnị eteesu avọọ. Dị ọnị oo jị òrèrè pooro kẹnẹ ọọdụ ọnịrị ịrahụ, agụvị aza anị ana a wụ̀ ha aanị.

Ijeremaya 9:18

Kàa ka ụsẹ ọ̀ hụ wa ịra vẹ, dị ẹnịnị ẹ vaa jị òrèrè yị ẹnị, naa ngụ ịjị eyi ẹnịnị ọọ ta hí yị ẹgọ dị ọ kụkụ è sì ẹnị ẹẹ ma jị òrèrè nị.

Arụwẹ 2:11

Ọnị o jị òrèrè pooro eyi aa zị ọnị, ayị anị ộ ta du, ọ ta ngụ ọnị ẹngụ ọnị maa zị ẹngụ aza anị ene vú ẹtẹ. Ewu ọ kụ ezweyi-ezweyi ẹnịrị ezinụvọ zá va hi ẹtẹ ụngwẹ maa kụ wa.

Ezikẹẹrị 21:11

Asị ụhwọ ne tịtẹ booro aanị, asị ịsa da sisi ọ. Asị ọ tenyi tịtẹ yị ọza ana vaa sị naa wụ̀ aza.

Ezikẹẹrị 27:31

Ẹ vaa hụ agụvị awụ nịnị dị ẹ kụ́ ịrẹsụ ẹnịnị hworo-hworo, dị ẹ kụ ịta kẹnẹ-kẹnẹ hi ẹngụ. Ẹnịrị ayodu ọ vaa vị ẹẹẹ maa jị òrèrè nị.

Imika 1:8

Di Imika ka ọnị vaa hụ agụvị ịrẹyị ọnọnị dị ọnị aa tụ́ orere boro-boro. Ọ kà ọnị aa ngụ ọ zịịzị, dị ọnị ẹ yị sị adava tụ́ ahụ. Ọ kà ọnị ẹ yị hyakụ aa sị ịtaa kú ẹngụ. Ọ kà ọnị vee nowu anka irezi enyi, dị ọnị ee ti anka ogugu avọọ.

Imatiwu 2:18

Ọ kà, “Â wụ́ owu Ịrama, owu orere ọnịrị arụwẹ ọbanyị. Irechẹrị aa jị òrèrè ezi anị; ọ́ yị zẹẹ ka ọnị ò ku irenu agụvị ka avaba ezi anị saka-saka ê wusu”.

Imatiwu 26:75

Dị Ipita tamayị, Ijeesu mẹ̀ vịdị kà a ka, “Dị ụkọkọrọ ò ve nowu, ụ vaa kà a tù ụpẹ ẹẹta ka wẹ yị yẹ mị.” Dị Ipita jịnẹ tụ́ ẹhẹ, dị aa jị òrèrè ẹtẹẹtẹrẹ nị.

Iruuku 1:2

Aza ana sị eyi re ịrẹyị ẹnẹẹ hụrẹ ụmọrụmọ, dị ẹ rẹ yaa kà enube ọyịzaa zị, ẹ kà a yị nị.

Iruuku 19:41

Íjeesu màa vaa ngụ ịnị Ijerusarẹmị, di o re e, ộ jị òrèrè agụvị anị.