Ayịsaya 2:6 - IWE ỌNỊNỊ

⁶ Ohomorihi, wa raà hụrẹ aza awụ ụvọ, aza awụ ana vị irima ezi Ijekọvụ. Avaba ẹnịnị vị ana hụrẹ eyi ọnị ọyị zịị hụrẹẹ vẹ. Irima ezi Ijekọvụ vị ana kụkụ aa ha ẹva anka Anihwirisiti nịnị avọọ, dị ẹnịrị aza ẹnẹ ẹ yị yẹ Ohomorihi aa kụ́ ụvọọ gẹ ẹngụụ zị.

Ayịsaya 2:6 ပူးပေါင်းရင်းမြစ်များ

2 Ohinọyị 1:2

Ụmẹ ọnọọ, Ahaziya ohinọyị Isirẹrị ộ hyẹdụ hụrị ẹbẹẹba enoze irehi anị Ị́samarịya, dị ọ tọ̀ ụnava ẹtẹẹtẹrẹ nị. Ộ tụ́ ọnụtụ anị nịnị na zama ẹtẹ idi ori ana aā hị́ Ịbaarị-Izebubi. Ẹkụra Anihwirisiti ọnya ana aā hị́ Ekironi ori ọnọọ ya nị. Ộ tụ́ ka ana họ̀ ka ọnị waa vaa rị ẹngụ ọnọnị.

2 Ohinọyị 17:20

Ẹnẹyịmavara ô yi avaba Anisirẹrị nịnị, ộ sụ ụya rị wa, dị ọ hụrẹ wa ụvọ yị ọnịvị ẹnịnị ana ahịka ka ê divi nị. Avọọ ọ mẹ̀ mẹ wa pooro ne tu ịjị ọ́ raà dụ wa kwooze nị.

1 Ịtọpa 10:13

Ịsọọrụ ẹ́ yị sị ịzẹyịza saasa Ẹnẹyịmavara ọ vị isu ịrẹsụ anị nị. Ẹ yị saasa ọda ọnị Ẹnẹyịmavara mẹ yọ; dị ahịka oku ene su ée nee họ̀ ka ọ̀ zụ̀ ọnị oze nị.

2 Ịtọpa 15:2

Ô ne tù ohinọyị Asa, di o na owu, dị ọ kà, ohinọyị Asa ọnịrị Anijuda ne beri Anịbẹnjamịnị nịnị e batọ ịrẹyị anị. Ộ kà Ẹnẹyịmavara kà ọnị vaa ya pe wa ẹnịnị ẹ̀ẹ jẹẹ pe ọnị. Ẹnịnị èe si ọ, e vee re e, ama ẹnịnị ẹ̀ẹ varẹma ka a, ọnị rẹ vaa hụrẹ wa ụvọ.

2 Ịtọpa 24:20

Ịnị ụmẹ ọnọọ ụhwẹ Ohomorihi chi ka Ịzakaraya ana vị ozi Ijehoyada ohirẹsụ irehi Ohomorihi vẹ nị. Dị ọ hịrẹ jẹẹ ịzị avaba aza zụ re e, dị ộ sị ọngwẹ tụ́ ẹba, dị ọ ka; Ẹnẹyịmavara Ohomorihi ka sị ẹ vẹ ẹnịnị aa mẹ̀ akamawụ hi ọda anị? Ẹngụkata kẹnẹ ẹ yaa kụ́ tu ẹngụ ẹnịnị nị. Ohomorihi ka oni ó yi wa tịtẹ agụvị ka ẹnị e ree yi oni tịtẹ.

Inehemaya 13:23

Ụmẹ ọnọọ gẹdẹ-gẹdẹ, mê re anọrụ Anijuda ana nyị anẹẹ Anasidodi, Anamọnị, ọnịrị Animowabi nịnị.

Ahẹ Ụgama 106:35

Ama dị ẹ và hara aza ẹnẹẹ, dị ẹ yaa hama waa mẹ̀ ebira nị.

Ọyịkụra 22:18

Ọnẹẹ ana aa mẹ ẹbẹ vị ana a vaa wụ̀.

Ọyịkụra 34:16

Waa na nyị ozi ẹnịnị va yị ozi ewu nịnị, Ịjị ozi ẹnịnị aa hẹkẹ ori anị, vị ẹ yaa kụ́ ezi ewu nịnị za nị.

Ụhịrẹyị 6:1

Ozi emi, wàa jẹẹ yị ọnụta ẹnyẹnyị,

Ayịsaya 14:29

Ọ kà ẹwụ nịnị Anihwirisiti, asị ụ na jẹ nịnị ka inori ana a vịdị ee sii tú wu nịnị o si che. Éwụ́ òo sú, ẹ́wụ́ ene divi hu avọọ aā chịị dọ ẹngụ anị ịrẹsụ nị. Ẹ́wụ́ edivi-edivi ẹẹ̄ chịị hụụnị ajẹ ẹ́wụ́ nị.

Ayịsaya 8:19

Aza vaa kà a wụ ka wa nọ ịdị ọvavo ọnịrị ọpọchị nịnị ana aa kụ́ nyẹ̀ngụ̀-nyẹ̀ngụ̀ dị wa na zama ẹtẹ. Dị ẹ ka â vọrọ ka ọza ọ̀ daba na zama ẹtẹ ịda ori nịnị. Ama yẹ nịnị, o ka ịda Ohomorihi kẹnẹ a vọrọ ka ọza ò nee si oze ịrẹyị nị. Ụ mẹmẹ nyẹngụ hụ agụvị aza ana yà ẹẹhẹ dị waa naa zama ẹtẹ ịda aneku?

Ijeremaya 10:2

Ẹnẹyịmavara kà, a sị ụ hama ebira ana anẹkụra ana vọ aa mẹ nịnị. Asị ụ hụrẹ ayịnẹ apọtẹrẹwa ọnị we re ẹbẹẹba nịnị, anẹkụra ana vọ ẹẹ daka hụrẹ ayịnẹ agụvị avọọ.

Ijeremaya 12:7

Ẹnẹyịmavara kà, ọnị ọ sị va ịrẹma Anisirẹrị nịnị, ọnị ọ raa hụrẹ aza anị ụvọ. Ọnị ọ raa sị aza ọnị ọnị sì ịrẹyị anị chire ọnịvị ẹnịnị ụvọ.

Arụwẹ 5:20

Sị ẹ vẹ dị Ẹnẹyịmavara maanị hi ayị ayị gọdọ? Sị ẹ vẹ dị ụ maanị và ịrẹma ayị gọdọ?

Ireevi 19:31

Ẹnẹyịmavara kà à sị Anisirẹrị nọ ịdị aza anaa họ̀ oku nini use ịrẹyị ka ẹ̀ sị ajuwe yị ẹnị, ẹnịnị ẹ̀ẹ vavọọ mẹ, vị́ eyee du ẹngụ ẹnịnị ẹngụ nị. Ọnị ọ vị Ẹnẹyịmavara, Ohomorihi ẹnịnị nị.

Ireevi 20:6

Ọza àa nọ ịdị aza ana aā họ̀ ụhwẹ aza ene sú usirẹyị, dị ahịka ẹnị ẹ kụkụ aa sị ajuwee yị ọ nị, ọnị Ẹnẹyịmavara vaa và eyirazịị ka ọza ọnọọ, dị ọnị ẹ́ yị kụkụ za a ịrịka beri aza anị.

Imika 5:11

Ọ kà ọnị vee du ịkẹkẹ ịrẹkụ awụ nịnị dị ọnị gara ịzị ụụ̄ tẹ nịnị.

Imika 5:12

Ẹnẹyịmavara kà ọnị vaa gara ịrakwọ awụ nịnịị ha. Ọ kà wẹ yị kụkụ vaa nyị ọpọchị.

Ịzẹhwanaya 1:8

Ẹnẹyịmavara kà ịhị eyi usu ẹnịnị ọ̀ọ nị, ọnị vaa sị ụya rị ọdọvịdị nịnị ọnịrị ezi ohinọyị neberi aza anaa hama ebira edivi anẹkụra ọsa.

Ịrịka 23:7

Dị Ịbaraamị kà, Ịbarakị ohinọyị Animowabi ộ sị ọnị hụrị ịrẹsụ ataba Aramị vẹ ịzẹnị nị. Ọ kà ọnị o chi hi Anisirẹrị, dị ọnị o du wa.

Aniroomi 11:20

Ịzẹyịza yọ. Ẹnịnị ẹ yị sị ayị tụra Ohomorihi, agụvị avọọ Ohomorihi dà wa kwooze nị. Ộ sị ẹwụ nịnị va tụ́ udi ẹnịnị, agụvị ka ẹwụ nịnị ộ sị ayị tụra Ohomorihi. Asị ụ na sị ọnọọ mẹ eyi zịịzị nịnị, ama â vọrọ ka wa nyị angwahi nịnị!

1 Ịsamụwẹrị 6:2

Ẹkụhị ọnya dị Anihwirisiti nịnị va hi ọga ori ẹnịnị ọnịrị ẹnị ana aā há ẹva dị ẹ họ̀ wa ka ẹnị mẹ̀ vaa mẹ apoti Ẹnẹyịmavara aanị kẹ. Ẹ ka aza ẹnẹẹ ẹ̀ kà a yị ẹnị, ẹnị mẹmẹ vaa sị ọ varẹma nọ aha anị.