Ayịsaya 2:3 - IWE ỌNỊNỊ

³ dị ẹ kà, vẹ ya nọ ịnị ataba Ẹnẹyịmavara nịnị, dị ya nọ ịnị irehi Ohomorihi Ijekọvụ. Ohomorihi vaa sịị zụ̀ yị ịsị a vọrọ ka ya mẹ yị vaa saasa ịrẹyị ọnị ọọ ka. Íjerusarẹmị Ẹnẹyịmavara vaa yà aa sị ọda anịị zụ̀ nị, Hụrị Ịzayọnị ọ vaa kà ịrẹyị yị aza anị nị.

Ayịsaya 2:3 ပူးပေါင်းရင်းမြစ်များ

Ẹsịta 9:27

Aniju nini e sị ọ hi ẹtẹ ka avaba ezi ẹnịnị ịrẹma-ịrẹma ọnịrị aza ana kụ́ ẹngụ beri wa ẹẹ rị eche ọyị tamayị ẹkụhị ẹẹva ẹnẹẹ ịrayị-ịrayị anka a mẹ̀ kà a ịnị ụmẹ ọnọọ.

Ahẹ Ụgama 102:23

Ịjị mị ta jẹẹ ịnị ụmẹ, Ẹnẹyịmavara ộ dọ mị ụkata anị, dị ọza ẹhẹ amị dị ọ dà a ẹjịjị nị.

Ahẹ Ụgama 110:2

Ẹnẹyịmavara vaa mẹ ka wa nyị ụkata. Ịzị ụ vaa rị ohinọyịị tụ́ vaa para Ịzayọnị hu. Ẹwa vaa rị ohinọyị tụra ọnịvị awụ ịrẹsụ nị.

Ahẹ Ụgama 119:171

Navọ ahịka m maa kụ́ wụ avọ pooro nị, agụvị ka ẹwa sị ọda awụ kọ mị nị.

Ahẹ Ụgama 122:1

Mâ jẹ pooro á mẹ̀ va kà a ka ma vẹ ya nọ ini eehi Ẹnẹyịmavara.

Ahẹ Ụgama 48:1

Ẹnẹyịmavara vị ana nyayịnẹ nyị ụbanyị Ọnị a vọrọ ka aza ẹ̀ẹ sị ụbanyịị yị ịnị ẹkụra Ohomorihi ayị ịzị ataba anị yà nị.

Ayịsaya 1:26

Ọ rẹ ka ọnị vaa sị ẹngụ ọmọkarẹyị anịyẹẹyẹ vaa wụ̀ nịnị ne beri ẹngụ onuwọjị ịyẹẹyẹ. Ịjọnọọ a rẹ vanaa hị́ wụ anẹkụra ana aa mẹ ịzẹyịza, dị a ka wâ nyị ayị ọnya.

Ayịsaya 11:10

Ụmẹ ọnyara aa vẹ, ịhị ọnọọ anovwoovu Ijeese ana vaa vi ohinọyị vị ana vaa jẹẹ dị avaba aza che ayị za a. Ịzị ọ vaa yà vaa nyị ụbanyị ẹnẹmẹhị.

Ayịsaya 19:23

A vaa nyị oze ọbanyị ọnya aanị ịnị ụmẹ ọnọọ ana hụrẹ Ijipiti na ngụ Asiriya. Anijipiti vaa nọ Asiriya di Anasiriya ẹnị nọ Ijipiti di e dudu aa hẹkẹ Ohomorihi vaa bẹ.

Ayịsaya 28:9

Aza ẹnẹẹ ka, “Ẹnị Ẹnẹyịmavra ro ka yaa vị? Sị ẹ vẹ dị ọ manị kà yị yị? Ẹyị wáá vi ozinụvọ ana ayịị ka aa jị hụụnị ịrẹva aanị nị?

Ayịsaya 44:5

Aza vaa kà a ikonyi-ikonya ka, “Aza Ẹnẹyịmavara mị vị nị”. Ẹ vaa vẹ dị ẹ va vahura Anisirẹrị nịnị, ọzịnya-ọzịnyara ẹnịnị vaa chẹrẹ ịrẹha Ẹnẹyịmavaraa tụ ịnị ọchụvọ anị, dị ẹyaa hị́ ẹngụ ẹnịnị aza Ohomorihi.

Ayịsaya 56:5

A vaa tamayị ịrẹha awụ ini Irehi amị ọnịrị ịnị akakana aza amịị gọdọ huni wàa ma ezi ọnọrụ ọnịrị anẹẹ, ọza e yi vee hí ayị awụ”.

Ayịsaya 56:7

Ọ kà, “Mị vaa sị wụ nịnị vẹ Ịzayọnị, ataba ọnịnị amị. Mị vaa mẹ ka ẹẹ jẹ ịnị irehi amị ana yaā mẹ̀ aduwa. Mị vaa dọ ịsọvọ ẹnẹ ẹ̀ẹ mẹ ịrẹsụ ụta ịsọvọ amị. A vaa hị́ irehi amị irehi aduwaa yị avaba anẹkụra nịnị.

Ayịsaya 60:3

Etohweyi awụ vee tura anẹkụra nịnị ka wụ vẹ, dị ohinọyị nịnị vẹ vee tu wu ini ẹnịnị eyọnị ẹtohweyi ọnọọ.

Ayịsaya 65:11

Ama ẹwụ nịnị ana va ịrẹma Ẹnẹyịmavara, di u hi ayị ataba ọnịnị amị nịnị, ẹwụ nịnị ana naa hẹkẹ ori ana aā hị́ Igadi ọnịrị ori ana aā hị́ Imeni. Ori ẹnẹnị ụ ka ẹẹ̄ mẹ ka ọza ọ̀ nyị ịrẹsụ ọyịza, dị ẹ mẹ ka ịsị ẹ̀ẹ vị ọ́ọza ò ree dọ nị, áawụ nịnị vaa vị irenyi.

Ayịsaya 66:20

Ẹ vaa kụ anda ẹnịnị ene hi ẹhẹ vaa vẹ eehi va yị Ẹnẹyịmavara anka ọza o rere sị va yị ọ avọọ. Ẹ vaa kụ wa vẹ ịrẹsụ ataba ọnịnị anị Ijerusarẹmị ịrẹsụ umaata, ịkẹrịkẹtẹ, ịnyaakụmị, ịkẹkẹ ịrẹkụ ọnịrị aha ẹnya anị. Ẹ́ vaa kụ wa vẹ anka a mẹẹ̄ kụ ẹyịza ọyị sị mẹ̀ ịsọvọ ịnị ẹnya ana nị vẹ ịnị irehi Ohomorihi avọọ nị.

Ijeremaya 12:16

Ọ kà, ẹnịnị ẹ̀ẹ sị avaba ayị ẹnịnị aa hẹkẹ ọnị anka aza anị maa hẹkẹ ọnị, ọnị vaa sị wa anka aza anị. Ẹnịnị àa sị ịrẹha anịị hị́ eku anka ẹ mẹ vịdị kọ aza anị ka, ẹẹ sị Ịbaarị hị́ eku, o vee zee yị wa.

Ijeremaya 26:18

Ụmẹ ọnị Ihezekaya sị vị ohinọyị Ijuda, ọnịsẹ ana aā hị́ Imika hụrị ẹtẹ Imoreseti ộ ka ịrẹyị Ẹnẹyịmavara Ochẹtẹẹngụ yị avaba aza ka: E vee hùru anka a mee huru aarẹ avọọ, ọ ka, a vaa jị Ijerusarẹmị eburu saka-saka dị Irehi Ohomorihi kụkụ vara iruku tịtẹ.

Ijeremaya 31:6

Ka ẹkụhị aa vẹ ọnị oserẹtẹ vaa yà ịrẹsụ ataba Ehwireemi dị ọ hị́ aza ka! Aa kwẹẹtẹ, dị aa vaa hịrẹ nọ ne tu Ẹnẹyịmavara Ohomorihi ayị.

Ezikẹẹrị 40:2

 nyị ẹtẹ ọnị ọnị re, dị ọnị re ka Ohomorihi ộ sị ọnị na ngụ ẹtẹ Isirẹrị, dị ọ sị ọnị na jẹẹ ịrẹsụ ataba ọnya aanị, ana nẹba ẹtẹẹtẹrẹ nị. Ọnị ô re ka irehi gụ ọvịdị anị anka ẹkụra ọbanyị avọọ.

Ihoseya 3:5

Ama ịrẹma anị, Isirẹrị vaa vaka Ẹnẹyịmavara ọnịrị Idevidi ohinọyị ẹnịnị vẹ ịnị angwahi ọnịrị ẹgahị. Ẹnẹyịmavara vaa mẹ ọyịza yị wa.

Ihoseya 6:3

Dị ẹnị ẹ yẹ ẹ, dị ẹnị ẹ yẹ huu avọọ. Ẹnẹyịmavara vee tu ẹnị ohi dị ẹtẹ o vee hozi. Ọ vaa vẹ anka orihi ịpaapa ị̀rẹ̀sụ̀ avọọ nị.

Imika 4:2

Anẹkụra ọrụrụ-ọrụrụ vaa vẹ di ẹ ka à vẹ ẹnị ẹ̀ nọ ịda Ẹnẹyịmavara. Dị ẹ ka ẹnị aa nọ ịzọọ ịzị a dà irehi Ohomorihi Anisirẹrị tụ́. Ohomorihi vaa sịị zụ̀ ịsị a vọrọ ka yaā mẹ di ebira ayị ò zụ zee e eyi. Ẹnẹyịmavara vaa sị ịrẹyị anịị zụ̀ aza ẹkụra Ijerusarẹmị. Ịzayọnị ọ vaa yàa kà ịrẹyị anịị yị aza nị.

Imatiwu 7:24

“Agụvị avọọ ọza tụra ọza ana àa wụ́ ịrẹyị amị ẹnẹnị, dị ọ rẹ mẹ̀ ịsa ọnị mị kà nị, vị ana vaa sị mẹẹ anka ọyẹrẹyị ọnya aanị ana dà irehi anị tụ́ ịrẹsụ ịda.

Iruuku 11:28

Dị Ijeesu ka, “Eyiye de, aza ana aa wụ́ ịrẹyị Ohomorihi, dị ẹ rẹ sị tụ́ ịnị ayị, ẹ vị ana jẹ nị.”

Iruuku 24:47

Ịnị ịrẹha anị a vaa yàa kà enube ọyịzaa yị aza ka è ro ịnẹ varẹma hụụnị ebira odivi ẹnịnị, dị Ohomorihi ọ̀ vagu wa ịnị ịvị ẹnịnị nị. E vee nyimaa hụrẹ Ijerusarẹmị, dị ẹ vavọọ kà a pooro na ngụ avaba ẹhẹ.

Ịjọọnụ 4:22

Ẹwụ nịnị vị ana aa hẹkẹ ọza ọnị ụ wẹ̀ yị yẹ nịnị; ama àa vị ẹyịị yọ, yâ yẹ ọza ọnị yaa hẹkẹ, agụvị ka ọza ana vaa dọ ọzaa há vị ana vaa hụrẹ ịdị Aniju nịnị ị vẹ.

Ịjọọnụ 7:17

Ọza ana àa mẹ̀ ịsa ọnị o sì, vaa yẹ ịsị maa sịị zụ̀ aza aanị, àa vị ịrẹyị Ohomorihii yọ nị, à vị ka ẹ́ẹngụ amị kẹnẹ m maa dàa kà nị.

Odeyi 1:8

Ịjị Ụhwẹ Ọnịnị ọ̀ọ ká wụ nịnị vẹ, ụ vaa dọ ụkata nịnị, dị ụ waa kà ịrẹyị amị nịnị Íjerusarẹmị ọnịrị ịnị avaba Ijudiya ne beri Ịsamarịya ọnịrị ịzị ẹhẹ na ta ịrẹsụ hi.”

Odeyi 10:33

Dị mị wụsẹ tụ́ va hị́ wụ nị. Wâ mẹẹ dị ụ vẹ. Avaba ayị hi ọvịdị Ohomorihi ịzẹnị, yee zí ka ya wụ́ ụtụ oni Ohomorihi ọ̀ọ tụ́ wụ hi yi.”

Aniroomi 10:18

Ama me ve họ̀ use ka aanị ka Aniju nịnị è yị wụ́ enube ọyịza da? Ẹnịnị ệ wụ́ ẹtẹẹtẹrẹ. Avaba anẹhẹ ẹ sị wụ́, a màa kà ịrẹyị ọnọọ. Ịrẹyị ẹnịnị ọ na sị ngụ avaba ẹhẹ.

Iwe Ọhụhị Imosiisi ana aa hị́ Ọyịvatụrọda 33:19

Ẹnịnị vaa hị́ anẹkụra ọsa vẹ ịrẹsụ ataba ẹnịnị. Ẹ vaa mẹ̀ ịsọvọ a mẹ vọrọ ịzọọ. Ogu ẹnịnị vị ana vaa hụrẹ ịrẹsụ ókụ̄ ọnịrị ịnị ààrẹ ụtọ ókụ̄ vẹ.

Iwe Ọhụhị Imosiisi ana aa hị́ Ọyịvatụrọda 6:1

“Imosiisi ka Ẹnẹyịmavara ana vị Ohomorihi Ansirẹrị ka ọnị ọ̀ sị ọda anị zụ wa, agụvị dị e saasa a ẹ̀ẹ naa sị ngụ ịnị ẹtẹ ọnị ọnị vaa sị yị wa.

Ijemiisi 1:25

Ama ọza ana àa jị eyi ngụ ọda Ohomorihi, dị ọ sị ụvọ zaa, di ò yi hí ayị ịrẹyị ọnị ọ wụ́, dị aa sịị mẹ̀ ụkọrọ nị, Ohomorihi vaa mẹ ka ò zé yọ ịnị ịsa ana àa mẹ. Avaba ọda Ohomorihi ọ́ọ gụ, ọ nyẹngụ dọ yị tịtẹ.