Ayịsaya 2:2 - IWE ỌNỊNỊ

² Ụmẹ aa vẹ, ịrẹsụ ataba ọnị irehi Ẹnẹyịmavara ya vaa vị Ataba ana nẹba hu kerekere, dị ọ va avaba ataba ana vọ chire. Anẹkụra ọrụrụ-ọrụrụ vee turaa hi ịzọọ,

Ayịsaya 2:2 ပူးပေါင်းရင်းမြစ်များ

Oyinyima 49:1

Ijekọvụ ộ hị́ ezi anị dị ọ ka ẹ̀ kụ́ ẹngụ gụ dị ọnị ọ kà a yị wa ịsị e vee tù wa ịrẹma ụhwọọ nị.

Ijoovu 19:25

Mâ yẹ ka ọdọzaha amị yàra, ọ vaa vẹ vaa kụ̀ ịrẹkụ yị mị ịnị ọdịrẹma ịrẹyị ọnọnị.

Ahẹ Ụgama 102:23

Ịjị mị ta jẹẹ ịnị ụmẹ, Ẹnẹyịmavara ộ dọ mị ụkata anị, dị ọza ẹhẹ amị dị ọ dà a ẹjịjị nị.

Ahẹ Ụgama 2:8

Kà a ka ma sị avaba ẹhẹ yị wụ dị ọ̀ vi ogu awụ, m maa sị yị wụ nị. Dị ahịka ẹwa nyị huu na ngụ ịzị ẹhẹ na ta hi nị.

Ahẹ Ụgama 22:27

Avaba anẹhẹ vaa tamayị Ẹnẹyịmavara, dị ẹ và ka a vẹ Avaba anẹhẹ vaa vẹ dị ẹ va tana tụra ẹtẹ yị ọnị.

Ahẹ Ụgama 22:28

Ẹnẹyịmavara ọ vị ohinọyị nị mị ka ọnị vị ohinọyị tụra avaba anẹhẹ nị.

Ahẹ Ụgama 48:2

Ataba ọnọọ ộ nẹba ẹtẹẹtẹrẹ, avọọ o mè re zoza nị Ọnị aa mẹ ka avaba anẹhẹ ẹ̀ẹ jẹ nị. Ataba ọnọọ vị ana yà ẹbẹẹba huu ịnị ẹkụra oni Ohomorihi ana vị ohinọyị ene hu keekere yà.

Ahẹ Ụgama 68:17

Ananyị yị ọ raà hụrẹ Ịsịnayị vẹ va ngụ ini eehi anị. Ộ nyị ịkẹkẹ ịrẹkụ oni umaataā tura. Ệ rụrụ ẹnẹmẹhị, ọza ọ yị zụ za wa ịrịka.

Ahẹ Ụgama 72:8

Ọnị ọ vaa vị ohinọyị avaba aha nị. Ọnị ọ vaa nyị ẹtẹ huu hụrẹ Okuha Iyuhwireti na ngụ ọzarẹyịrẹsụ ẹtẹ nị.

Ahẹ Ụgama 86:9

Ẹnẹyịmavara avaba anẹhẹ ọnị ụ tụ́ vẹ ẹhẹ vaa vẹ dị e kú ẹtẹ kụ́ wụ, Ẹnịnị vaa sị ụbanyịị yị wụ.

Ahẹ Ụgama 87:1

Ẹnẹyịmavara vị ana dà ẹkụra anị tụ́ ịrẹsụ ataba ọnịnị anị.

Ahẹ Ụgama 87:2

Ô sì ịrẹyị Ijerusarẹmị huna avaba ẹkụra ana vọ ịzị Anisirẹrị nịnị ra.

Ayịsaya 11:10

Ụmẹ ọnyara aa vẹ, ịhị ọnọọ anovwoovu Ijeese ana vaa vi ohinọyị vị ana vaa jẹẹ dị avaba aza che ayị za a. Ịzị ọ vaa yà vaa nyị ụbanyị ẹnẹmẹhị.

Ayịsaya 25:6

Ẹnẹyịmavara Ochẹtẹẹngụ vaa mẹ̀ ịsa ozoza gụ ẹtẹ ịrẹsụ ataba dị ọ ka ọzọza ẹ̀ va rị. Ịsa ọnọọ ộ nyị eche ene zoza ẹtẹẹtẹrẹ ne beri uye ene zoza.

Ayịsaya 27:13

Ịhị ọnọọ ọpanyị ọbanyị vaa sụ́ ịrẹyị, dị aza ana a kụ́ ne hi Asiriya ọnịrị Ijipiti aa vàa vẹ eehi. Ẹ̀ẹ vẹ, dị ẹ vẹ ịnị ataba ọnịnị ana yà Ijerusarẹmị dị ẹ vaa hẹkẹ Ẹnẹyịmavara ịzọọ.

Ayịsaya 30:29

Ama ẹwụ nịnị aza Ohomorihi vaa jẹ, dị waa jị ahẹ nịnị anka ẹkụhị ọnị ụ sịị̄ rị eche nịnị avọọ. Ịnẹ awụ nịnị vee hine anka aza ana aa nọ ini ataba Ẹnẹyịmavara di eyee hú okokoro na avọọ. Ẹnẹyịmavara ọnọọ ee sere Anisirẹrị ka asị a nyị ịsị ẹ kanyị wa nị.

Ayịsaya 49:6

Ộ ka, ẹ yị hụ ka ma vị ozi ahụ kẹnẹ. A nyị ka ma kụ ezi Ijekọvụ ana vị Isirẹrị ana ha nọ udi ụbanyị ẹnịnị. Ẹnẹyịmavara kà ọnị ọ raà nyị ọ ka ọ vị ẹtohweyi yị avaba anẹhẹ agụvị ọ sị ẹdọha yị ọza ọnyọọnya.

Ayịsaya 56:5

A vaa tamayị ịrẹha awụ ini Irehi amị ọnịrị ịnị akakana aza amịị gọdọ huni wàa ma ezi ọnọrụ ọnịrị anẹẹ, ọza e yi vee hí ayị awụ”.

Ayịsaya 56:7

Ọ kà, “Mị vaa sị wụ nịnị vẹ Ịzayọnị, ataba ọnịnị amị. Mị vaa mẹ ka ẹẹ jẹ ịnị irehi amị ana yaā mẹ̀ aduwa. Mị vaa dọ ịsọvọ ẹnẹ ẹ̀ẹ mẹ ịrẹsụ ụta ịsọvọ amị. A vaa hị́ irehi amị irehi aduwaa yị avaba anẹkụra nịnị.

Ayịsaya 60:3

Etohweyi awụ vee tura anẹkụra nịnị ka wụ vẹ, dị ohinọyị nịnị vẹ vee tu wu ini ẹnịnị eyọnị ẹtohweyi ọnọọ.

Ayịsaya 65:11

Ama ẹwụ nịnị ana va ịrẹma Ẹnẹyịmavara, di u hi ayị ataba ọnịnị amị nịnị, ẹwụ nịnị ana naa hẹkẹ ori ana aā hị́ Igadi ọnịrị ori ana aā hị́ Imeni. Ori ẹnẹnị ụ ka ẹẹ̄ mẹ ka ọza ọ̀ nyị ịrẹsụ ọyịza, dị ẹ mẹ ka ịsị ẹ̀ẹ vị ọ́ọza ò ree dọ nị, áawụ nịnị vaa vị irenyi.

Ayịsaya 66:20

Ẹ vaa kụ anda ẹnịnị ene hi ẹhẹ vaa vẹ eehi va yị Ẹnẹyịmavara anka ọza o rere sị va yị ọ avọọ. Ẹ vaa kụ wa vẹ ịrẹsụ ataba ọnịnị anị Ijerusarẹmị ịrẹsụ umaata, ịkẹrịkẹtẹ, ịnyaakụmị, ịkẹkẹ ịrẹkụ ọnịrị aha ẹnya anị. Ẹ́ vaa kụ wa vẹ anka a mẹẹ̄ kụ ẹyịza ọyị sị mẹ̀ ịsọvọ ịnị ẹnya ana nị vẹ ịnị irehi Ohomorihi avọọ nị.

Ayịsaya 66:23

Ẹnẹyịmavara kà, ẹkụhị ịpaapa ịnị ụhwẹ ọnịrị ẹkụhị ụhwọtụ vị ọnị avaba aza vaa sị hẹkẹ ọnị.

Ijeremaya 16:19

Ijeremaya kà, Ẹnẹyịmavara, ẹwụ ee sere mi dị waa sị ụkata yị mị nị ọ; ẹwaā gụ mị ụvọ ịnị ụmẹ ẹngụkata nị. Anẹkụra nịnị vaa hụrị ịzị ẹhẹ na ta ịrẹsụ tụ vee tù wụ dị ẹ ka: Ẹ́ yị nyị ịsị ohiku ayị nịnị nyị para ori ana ahịka ireche kẹnẹ e vị nị hu, ori ẹnẹẹ yị nyị ịsị ẹ́ wụra mẹ aanị kẹnẹ ẹ nyị nị ọ.

Ijeremaya 23:20

Ẹ́ yị vaa zaa jẹ ẹ̀ yị vị ọ raa mẹ avaba ịsa ọnị ò sì ka ọnị aa mẹ. Ịjị ụmẹ oo tu avaba ịrẹyị ọnọnị vee yé aza gedebee.

Ijeremaya 26:18

Ụmẹ ọnị Ihezekaya sị vị ohinọyị Ijuda, ọnịsẹ ana aā hị́ Imika hụrị ẹtẹ Imoreseti ộ ka ịrẹyị Ẹnẹyịmavara Ochẹtẹẹngụ yị avaba aza ka: E vee hùru anka a mee huru aarẹ avọọ, ọ ka, a vaa jị Ijerusarẹmị eburu saka-saka dị Irehi Ohomorihi kụkụ vara iruku tịtẹ.

Ijeremaya 3:17

Ọ kà, ụmẹ ọnọọ vị ana a kụkụ vaa hị́ Ijerusarẹmị aha udi ohinọyị Ẹnẹyịmavara. Avaba anẹhẹ vaa vẹ ịzọọ vaa hẹkẹ ọnị. Ẹnịnị ẹ yị kụkụ vaa mẹ ayị ọkatẹngụ ẹnịnị anaa sị wa mẹ̀ ebira odivi enee si.

Ijeremaya 30:24

Ẹnẹyịmavara ẹ́ yị vaa vàa hụụnị ọyịkụ anị ẹ̀ yị vị ọ́ raa mẹ avaba ịsị o rò ka ọnị aa mẹẹ ta. Ịhị ẹkụhị oo tu, ịrẹyị ọnọnị vee ye aza anị gedebee.

Ijeremaya 31:12

Ẹnịnị vaa vẹ, dị ẹ jẹ ịrẹsụ dị ẹyaa jị ahẹ boro-boro. E vee hine ayị agụvị ịsọyịza ẹnẹ Ẹnẹyịmavara mẹ yị wa. E vee hine ayị agụvị ịsọyịrị, eche, ọnịrị angwẹ beri ịsụpa ọnị ọ vaa sịị yị wa. Ẹnịnị vị ana vaa yà anka ụbazị ana a da enyi hi avọọ. Ẹnịnị é yi me vene re ayodu.

Ijeremaya 48:47

Ama, Ẹnẹyịmavara kà, ụmẹ rẹ vanaa vẹ, dị ọnị mẹ ka bo zee yị Imowabi, dị ọọ yara. Avaba ịsa ọnị Ẹnẹyịmavara kà ọnị vaa mẹ Imowabi yi o.

Ijeremaya 49:39

Ọ kà, ama ụmẹ aa vẹ, ọnị ọnị rẹ vana mẹ ka oo zee yị Erami.

Ijeremaya 51:44

Ẹnẹyịmavara kà, ọnị vaa sị ụyaa rị ori Anibabironi nịnị ana aā hị́ Ịbẹẹrị, dị ọnị mẹ ka ọ̀ hẹ̀rẹ avaba ịsa ọnị o yi. Anẹkụra-ẹkụra nịnị ẹ́ yị ma vana va mẹ̀ ẹ. Ọvọ Ịbabịrọnị o si wu o.

Ezikẹẹrị 38:16

Ụ vaa kwẹẹtẹ tụ aza anị Anisirẹrị nịnị anka opomi mẹẹ tụ naa ngụ ẹkụra avọọ. Ịjị ụmẹ òo si tu, ọnị vaa mẹ ka wa kụ́ ịrẹkụ na ngụ ịnị ẹtẹ anị, agụvị ọnị ọ̀ sị zụ anẹkụra nịnị ọza ọnị ọnị vị; dị ọnị ọ̀ sị ịsị ọnị ọnị aa mẹ zị oze ịnị ụvọ awụ zụ ka ọza ọnịnị ọnị vị nị.

Ezikẹẹrị 40:2

 nyị ẹtẹ ọnị ọnị re, dị ọnị re ka Ohomorihi ộ sị ọnị na ngụ ẹtẹ Isirẹrị, dị ọ sị ọnị na jẹẹ ịrẹsụ ataba ọnya aanị, ana nẹba ẹtẹẹtẹrẹ nị. Ọnị ô re ka irehi gụ ọvịdị anị anka ẹkụra ọbanyị avọọ.

Ịdanịyẹrị 10:14

Ộ ka, ọnị ọ zị vẹ ọ yị va ka ẹ yị ọnị ịsị e ve tu aza anị ụhwọ, agụvị ka ẹtẹ ọnị re aanị ẹ yị vị ịrẹyị ọ yaanị ọ vị.

Ịdanịyẹrị 2:28

Ọ kà, ama â nyị Ohomorihi ana ya ẹbẹẹba anaā sịị ịsa ana tẹẹ zụ aza. Ọ raà sị zụ ohinọyị Inebukadineza ịsa ana vaa mẹ ụhwọọ. Ọ kà, ẹtẹ ọnị ohinọyị ré ịnị ụra ọnị ọ raà yị.

Ịdanịyẹrị 2:35

Kẹnẹ, dị avaba ẹngụ anị ana vọ ana a sị enyusẹ irenyi-irenyi mẹ ẹnị rẹ kwọ̀rọ̀ va ha anka azịzẹ avọọ, dị ahị kụ ọ ne hu saka-saka nị, ọza ẹ yị vè ne re ịpa anị. Ama dị ịrẹta ana va sụ ịsa ọnọọ ịpẹtahụ aanị ọnị vana vara ataba ọbanyị tụ avaba ẹhẹ nị.

Ịdanịyẹrị 2:45

Ohinọyị ọnọọ ọ vị ịrẹta ọnị ẹ̀ yị vị ọza o ne ana a sị va chaka ịsa ene vene ọza ana sị enyusẹ irenyi-irenyi mẹ aanị nị. Dị Ịdanịyẹrị ka ohinọyị ọ̀ taarụ! Ohomorihi ana nyị ụbanyị ọ ra sị zụ ọ ịsa ana va mẹ ụhwọọ. Ọ kà, ụra ọnọnị ọnịrị iruvo anị ọnị ọnị kà zụ ọ aanị vị ịzẹyịza o.

Ihoseya 3:5

Ama ịrẹma anị, Isirẹrị vaa vaka Ẹnẹyịmavara ọnịrị Idevidi ohinọyị ẹnịnị vẹ ịnị angwahi ọnịrị ẹgahị. Ẹnẹyịmavara vaa mẹ ọyịza yị wa.

Ịzakaraya 14:10

Avaba aha vaa vara inozi hụrị Ịgẹba na ngụ Irimoni, ụvẹtẹ Ijerusarẹmị. Ẹ vaa ya anka ẹtẹ Araba avọọ nị. Ama Ijerusarẹmị vaa kụ́ nọ udi anị hụrị oze ọbanyị Ịbẹnjamịnị na ngụ oze ọbanyị Ịpaapa, na ngụ oze ọbanyị ịnị Ịkọna. Hụrị ịnị irehi ọgọdọ Ịhananẹrị na ngụ ịnị ụkọ ohinọyị.

Ịzakaraya 14:9

Ụmẹ ọnọọ Ẹnẹyịmavara ọ vaa vị ohinọyị tụ́ ịrẹsụ avaba ẹhẹ nị. Ọzọza vaa hẹkẹ ẹ anka Ohomorihi, dị ẹ vavọọ yẹ ịrẹha anị.

Ịzakaraya 8:22

Aza ọrụrụ-ọrụrụ ẹnịrị anẹkụra irenyi-irenyi ana nyị ụkata vaa nọ Ijerusarẹmị na hẹkẹ Ẹnẹyịmavara Ochẹtẹẹngụ, dị ẹ yaa dà ịpẹ ka ọ nyị ayamva yị ẹnị.

Ịzakaraya 8:3

Ịsị Ẹnẹyịmavara Ochẹtẹẹngụ kà yị: Ọ kà ọnị vaa vavẹ Ịzayọnị, dị ọnị ra Ijerusarẹmị. A vaa hị́ Ijerusarẹmị ẹkụra ọnịrẹyịzẹyịza, dị a hị́ ataba Ẹnẹyịmavara Ochẹtẹẹngụ ataba ọnịnị

Ịmarakayị 3:12

Ẹnẹyịmavara Ochẹtẹẹngụ kà avaba aza vị ana vaa kà ịrẹyị ize ọnịrị ịsa ohyozirenu ọnị ọnị sị mẹ yị wa ịnị ẹtẹ ọnọọ.

Ịrịka 24:14

Avọọ ọnị aa nọ eehi, ama ọnị aa ka a ọnọ ịsa ọnị Anisirẹrị nịnị vaa mẹ aza ụhụụhwọ.

Odeyi 2:17

Ọ kà Ohomorihi kà a ka, “Ịnị ụmẹ ọdịrẹma, ọnị vaa tụ́ Ụhwẹ Ọnịnị anịị ká avaba anẹhẹẹ vẹ. Ezi anọrụ ọnịrị ezi anẹẹ awụ nịnị vaa kà ịsẹ, ezwọọmụha awụ nịnị vee re ẹtẹ, azọkụ awụ nịnị vaa ra ụra.

2 Itimoti 3:1

Tamayị ka ẹtẹ vaa katẹngụ ịnị ụmẹ ọdịrẹma,

Anihiburu 1:2

Ama ịnị ụmẹ ọnọnị ana vị ụmẹ ọdịrẹma aanị, oze ịnị ụvọ Ozi anị ọ zị kà ịrẹyịị yị nị. Ohomorihi ọ sị ọọ nyị ka ọnị ọ̀ sị avaba ịsa yọ. Oze ịnị ụvọ Ozi anị ọnọọ ọ rẹ zị mẹ avaba ẹhẹ nị.

2Ipita 3:3

Ịsị mee sì ka wa yẹ hu nịnị yị: Ịnị ụmẹ ọdịrẹma, aza vaa kwẹẹtẹ, ana ahịka ịsa edivi ọchẹngụ ẹnịnị kẹnẹ ẹyaa mẹ nị. Dị ẹyaa mẹ wụ nịnị isiya,

Ẹtore 11:15

Anggẹẹrị ọhụhịmba ô hú ọpanyị anị. Dị ọngwẹ ẹbanyị-ẹbanyị aa kà ịrẹyị ẹ́bẹẹba nị, dị ẹ ka, “Ịjọva ẹhẹ ọnọnị, ọ sị vara ịjọva Ohomorihi ọnịrị Óohinọyị anị ọnị ọ nyị ka ọ̀ dọ ọza há. Ọnị ọ vaa vị ohinọyị pooro zịna-zịna nị!”

Ẹtore 20:4

Di mi re aga ohinọyị ẹnyị ọnịrị aza ana yaayịtẹ ịnị anị nị. Â sị ọda yị wa ka ẹ̀ mẹ̀ ọkarẹyị. Me re re ụhwẹ aza ana vịdị jị ịrẹsụ agụvị ka ệ kà ịrẹyị ịzẹyịza oni Ijeesu sị zụ̀ ọnịrị agụvị ịrẹyị Ohomorihi. Ẹnịnị ẹ́ yị rẹ hẹkẹ uye ịnị avị ọnọọ ọnịrị ori anị; ẹnịnị ẹ́ yị rẹ dọ apọtẹrẹwa tụ́ ini ibe ẹnịnị, à vị ịnị ụvọ ẹnịnị. Ẹnịnị ẹ́ sị yára booro aanị, dị ẹnịrị ohinọyị oni Ohomorihi nyị ka ọ̀ dọ yị há dudu mẹ ohinọyị mẹ ịrayị akahị nị.