Dị ọ za avaba ịsị ọza ee sii wu ika dị ọ vara a ụtẹ, ịsa aza aa sịị mẹ eyi dị ọ vara a ịrẹyị ụhị. Ịhị ọnọọ Ẹnẹyịmavara ịnya kẹnẹ aza vaa sị ụbanyịị yị nị.
Ụmẹ ọnya kẹnẹ di o vene nowu dị ọ ka, “Aza ẹnẹẹ aa vẹ avọọ nọ! Ẹnịnị vị ana tụra umaata aa vẹ ẹvẹẹva!” Dị ọ rẹ ka, “Kwaa-kwaa, Anibabironi ẹ sị hyẹdụ, mị ka ẹ kụ́ hyẹdụ bemi! Avaba ori anị ana a bẹ vị ana maanị gara hi ẹtẹ.”
Ộ dị ịhị Anisirẹrị ẹ̀ẹ raà chaka ịrẹta ịzị ẹ yaa mẹ̀ ịsọvọ hi ori ana aā hị́ Asẹra nẹrẹ-nẹrẹ dị ẹnẹ ẹ̀ yị mā vara ọ̀ va vagu wa ini ebira odivi ẹnị ẹ yaa mẹ, kụkụ vaa nyị ọchị ori ọnọọ ikonya ana vọ jẹẹ.
Vị́ ori Anibabironi nịnị ta aanị nọ! Ịbẹẹrị ọnịrị Ineebo vị ori ẹnẹ ẹ vịdịị hẹkẹ, ama booro aanị e ree kune wa tụra ịkẹrịkẹtẹ nịnị. Ịsụpa ọnị ọ sị ngụ ẹngụ e kụnẹ wa tụra nị.
Ẹnẹyịmavara Ochẹtẹẹngụ ka, ori apaapẹ ene hi ẹtẹ Imemihwisi vị ọnị ọnị vee duu ha. Ẹ́ yị ma vana nyị ọza ana vaa mẹ ohii tụra Anijipiti nịnị ịrẹsụ. Avaba aza ene hi ẹkụra ọnọọ vị ọnị ọnị vaa mẹ angwaa hí.
Avaba ẹkụra ene hi ẹtẹ Isirẹrị ọnịrị avaba aha ẹnẹ ẹyaa mẹ ori vị ene e vee vú ẹtẹ. Avaba ụta ọnị Ụ mẹ ịsọvọ ịnị anị nịnị ọnịrị ụta ọnị ụ rị eturare ịra ịnị anị nịnị vị ana a vaa garaa ha. Ori awụ nịnị vị ana a va chakaa vaaha, dị avaba ịsị ọnị ụ mẹ jẹẹ nịnị ta samị-samị.
Anisirẹrị nịnị vaa hụrẹ ụvọ hụụnị ori nịnị ọyị hẹkẹ. Ẹnẹyịmavara kà ọnị vaa wụ́ aduwa ẹnịnị, dị ọnị sị eyi pe wa; ọnị vaa vị uhuhu yị wa anka ọchị isipirẹsị avọọ nị. Ọnị ọ vaa mẹ ka o ze yị wa oze tụra oze nị.
Ẹnẹyịmavara kà avaba ori ẹnịnị vị ọnị ọnị vaa chaka rugu-rugu. Dị ọnị sị ịra rị avaba ịsa ana a kụ́ na yị ọsẹrẹka nịnị ene hi ini irehi ori ẹnẹẹ. Ọ kà avaba ori ẹnịnị vị ọnị ọnị vaa garaa ha. Anịsamarịya vị ana kụ́ ogu ẹnẹẹ̄ sịị hẹkẹ ori. Aza ẹnẹsa rẹ vaa dọ wa, dị ẹnị rẹ sị naa hẹkẹ ori ẹnịnị.
