Ayịsaya 2:16 - IWE ỌNỊNỊ

¹⁶ Ọ vaa za ẹpa ẹbanyị ene zoza oni osohu nịnị aa ngụ di o du wa ngụ enyi.

Ayịsaya 2:16 ပူးပေါင်းရင်းမြစ်များ

1 Ohinọyị 10:22

Enyusẹ ẹkẹhị ộ vavọọ gụ ẹtẹ agụvị ka ohinọyị vị ana nyị ẹpa Anitasisi gụ ẹtẹ ini òkū kẹnẹ. Avọọ ẹpa Ihirami ẹnị mẹ̀ rẹ gụ nị. Ịnị akakana ịrayị ẹẹta ẹpa Anitasisii hara igooru ọnịrị enyusẹ ẹkẹhị ne beri ike ọnịrị ọnchẹrẹ beri inomi ana aā hi igonggo, va a yi ohinọyị ụpẹ ọnya.

Ahẹ Ụgama 47:7

Ohomorihi ọ vị ohinọyị avaba anẹhẹ nị waā jị ahẹ dị wa sịị kụ́ ọ nịnị.

Ayịsaya 2:17

Dị ọ za avaba ịsị ọza ee sii wu ika dị ọ vara a ụtẹ, ịsa aza aa sịị mẹ eyi dị ọ vara a ịrẹyị ụhị. Ịhị ọnọọ Ẹnẹyịmavara ịnya kẹnẹ aza vaa sị ụbanyịị yị nị.

Ayịsaya 23:1

Ẹwụ nịnị ana aā ngụ ẹpaa nọ Itasisi, và ụvọ kú ịrẹsụ dị waa jị òrèrè nịnị. Wéē re a mẹ̀ za avaba ẹkụra Itíre dị a chaka a va ha, hyakụ kụkụ nyị irehi ikonya ana vọ jẹẹ. Avaba ịzị ẹpa vịdịị jẹẹ ệ ta saka-saka. Mâ yẹ ka mâ wụ́ ózee nịnị ẹpa awụ nịnị mẹ̀ hụrẹ Ikitimi aa vẹ.

Ayịsaya 23:14

Ẹwụ nịnị osohu ana aa ngụ ẹpaa nọ Itasisi, và ụvọ kú ịrẹsụ di wee sụ ùnè nịnị. Ẹkụra oni u che ayị za nịnị, a sị ọ chaka ha.

Ayịsaya 60:9

Ẹnịnị vị ẹpa ana hụrẹ aha onoze aa vẹ. Ệ kụ aza Ohomorihi vẹ eehi. Ệ kụ igooru ọnịrị isiriva saasa wa ọyị sị sị ụbanyị yị Ẹnẹyịmavara, Ohomorihi ọnịnị Isirẹrị. Ọnị ọ mẹ avaba ẹhẹ ka ẹ sị ụbanyị yị aza anị nị.

Ayịsaya 66:19

Ẹ vaa yẹ ka ọnị ọ vị ọza anaa sị ụya rị wa nị. Ama, ọnị vaa navọ aza ẹnyị ẹnịnị, dị ọnị tụ́ wa nọ ẹkụra irenyi-irenyi aha onoze ịzị ọza ẹ yị wụ́ ịrẹyị anị, dị ẹ hyakụ ve re ụkata. Ẹnịrị aza ana yara ne ọpa vaa nọ Isipeni, Iribiya ọnịrị Iridiya, Itubari beri Igiriisi. Ẹ vaa sị ụbanyị anị zụ ịnị ẹkụra ẹnịnị.

Ezikẹẹrị 27:25

Ẹpa ana banyị hu kere-kere aa sịị kụ ịsị ohu awụ nịnị nị. Vị́ ụ sị mẹẹ nịnị anka ẹpa ana ya ịnị oku, dị a kụ ẹnya ọrata-ọrata hi ohihi avọọ nị.

Ịrịka 33:52

ẹ dụ avaba aza ana ra ịzọọ jịnẹ eyi anị, dị gara avaba ịrẹta ẹnẹẹ̄ mẹ̀ ịsọvọ ịrẹsụ anị, dị wú avaba ụta ịsọvọ ẹnịnị.

Ẹtore 18:11

Dị osohu anẹhẹ nịnị ẹnị raa jị òrèrè anị, dị ẹ kụ́ ẹngụ và hí, agụvị ka ẹ yị nyị ọza ana kụkụ aa hị́ ịsa ẹnịnị,

Ẹtore 8:9

Dị achẹta avaba ịsa ana ra hi ini òkū sú nị; dị achẹta ẹpa nịnị du va ha nị.