Ayịsaya 2:12 - IWE ỌNỊNỊ

¹² Ẹnẹyịmavara ọ nyị avaba ụkata nị. Ọ raà jị ẹkụhị ọnya tịtẹ. Ịhị ọnọọ ọ vaa za avaba aza ene ee wu ịka zị dị ọ kà wa chi, dị ọ mẹ̀ ụhị nyị wa.

Ayịsaya 2:12 ပူးပေါင်းရင်းမြစ်များ

2 Ịsamụwẹrị 22:28

Aza ana vị oniruwa, ẹwụ ọ vaa dọ wa tụ́ nị. Aza ene ee wo zị, ẹnịnị u vee hu ẹtẹ nị.

Ijoovu 24:1

Ijoovu ka sị ẹ vẹ dị Ohomorihi Ochẹtẹẹngụ ẹ yị sị ụmẹ tịtẹ ana a sị mẹ̀ ọkarẹyị, agụvị aza anaa hẹkẹ ẹ è zụ re e ka ọnịzẹyịza ọ́ vị nị?

Ahẹ Ụgama 131:1

Ẹnẹyịmavara, wâ yẹ ka mẹ mā mẹ eyi, mẹ yị kà ka â nyị ịsị mị vị. Mẹ mā sị ụvọ nọ ịnị ịrẹyị ẹbanyị-ẹbanyị ọnị ụvọ amị ò yi tù.

Ahẹ Ụgama 18:28

Ẹnẹyịmavara, ẹwa sị ẹhẹ amị zoza nị Ohomorihi amị, wa sị etohozi dụ hụụ ịda amị.

Ahẹ Ụgama 37:13

Aza edivi ẹ̀ẹ vavọọ mẹ, dị Ẹnẹyịmavara nyị wa unyi kẹnẹ Ộ yẹ ka ọ yị jẹẹ dị a wụ̀ wa va ha.

Ahẹ Ụgama 94:2

Ẹwụ Ohomorihi ana aā mẹ̀ ọkarẹyị anẹhẹ, navọ ahịka ebira odivi ana aza edivi aa mẹ u si si wa atọ nị. Ịsa ene e sì ọ vị ọnọọ nị.

Ụhịrẹyị 16:5

Ẹnẹyịmavara ọ nyị ịhyẹrẹ ọza anaā sịị ẹngụ anị tụ ẹba. Ọ yị vaa zẹ ka ọ mẹ̀ ẹ sị rị.

Ayịsaya 10:12

Ama Ananyị yị ọnị ka ọnị ọ̀ọ sị ịsị ọnị ka ọnị aa mẹ mẹ hụrẹ ụvọ ịnị ataba ọnịrị Ijerusarẹmị, ọnị vaa sị ụyaa rị Anasiriya, agụvị irenu ẹnị ẹ vavọọ aa nyị, dị ẹ rẹ yaa mẹ eyi avọọ.

Ayịsaya 10:33

Ẹnẹyịmavara Ochẹtẹẹngụ vee ne wa naa nya ẹtẹ anka avọ́ ọchị ana a dà mẹ̀ naa nya ẹtẹ avọọ. Aza ana aa mẹ eyii hu ịnị ẹnịnị ọnịrị ohirẹsụ ẹnịnị vị oni Ohomorihi vee hú ẹtẹ dị ọ tẹ ẹ.

Ayịsaya 13:11

Ananyị yị vaa sị ụyaa rị anẹhẹ agụvị ebira odivi ẹnịnị. Ọ vaa sị ụyaa rị aza edivi agụvị ebira odivi ẹnị ẹ yaa mẹ. Aza ẹnyị vi ene ee wù, dị ẹ yaa me eyii zị, dị ẹ rẹ yaa chamayịị yị ọza. Avaba ẹngụ ẹnẹẹ vị ọnị Ohomorihi vaa tẹ.

Ayịsaya 13:6

Tụ́ ụvọ kú ịrẹsụ wee nowu ka ẹkụhị ẹnẹ Ẹnẹyịmavara Ochẹtẹẹngụ vaa sị wụ̀ azaa ha o si tù.

Ayịsaya 13:9

Ẹkụhị Ẹnẹyịmavara aa vẹ. Ẹkụhị ọnị ọ vaa sị kụ́ ayịị hi aza. Ẹkụhị odivi ịhị ọnọọ vaa vị nị. Ịhị ọnọọ Ohomorihi vaa wụ̀ ọnịvị nịnị vaa ha, dị ọ tụ́ ẹtẹ ọnọọ osusu.

Ayịsaya 14:15

Ama Ohomorihi o reè ne wu chi va ngụ ini ikuta ụvẹtẹ-ụvẹtẹ huu.

Ayịsaya 23:9

Ẹnẹyịmavara Ochẹtẹẹngụ ọ vavọọ mẹ nị, ka ọnị ọ̀ tẹ avaba aza ana aā mẹ eyi, dị ọnị ọ̀ rẹ mẹ̀ ụhị nyị avaba aza anị anẹhẹ aa sị ụbanyị yị.

Ayịsaya 24:21

Ụmẹ ọnya aa vẹ, ịhị ọnọọ Ẹnẹyịmavara vaa za aza ana nyị ụkata hi ẹbẹẹba ọnịrị ohinọyị ẹhẹ ọnọnị, dị ọ sị ụya rị wa.

Ayịsaya 24:4

Ịrẹyị ô tù ẹtẹ ẹngụ, ẹngụ anị ọ sị vahi. Ẹbẹẹba ọnị nyẹmba yà ịnị ẹngụkata, ộ yẹ ka aanị ọ́ ta.

Ayịsaya 40:23

Ohomorihi ọọ̄ va ohinọyị nịnị ana nyị ụkata nọ ẹtẹ nị. Ọnị ọ va wa nọ ẹtẹ nẹrẹ-nẹrẹ.

Ayịsaya 42:15

Ọnị vee vú otutu ọnịrị ataba ẹtẹ, dị ọnị mẹ ka avị ọnịrị ọchị nịnị ẹ̀ wụ̀. Ọnị vaa vara okuha nịnị ẹtẹ ọpaapara, dị ọnị mẹ imisi nịnị ka ẹ̀ wụ̀.

Ayịsaya 5:15

A vaa mẹ̀ ụhị nyị aza, dị a tẹ avaba aza ene ee wuu zị.

Ayịsaya 61:2

Ẹnẹyịmavara ọ raà tụ́ mị ka ma kà a aza ana barịwẹ Ka ụmẹ ọnị Ẹnẹyịmavara vaa dọ aza anị ha, o sí tụ́ dị ọ nyị ehuna ịrẹsụ ọnịvị ẹnịnị ọ raà tụ́ mi ka ma sị́ ayị aza anaa zị ẹngụ nẹtẹ.

Ijeremaya 12:9

Ẹnẹyịmavara kà, aza anị vị ana kụkụ sị mẹẹ anka ezi ụụhwẹ ọnị ukokoro ee bè oze eyi ụvọnị-ụvọnị avọọ. Hị́ avaba uye ịnị avị vẹ ka ẹ̀ va rị eche nịnị.

Ijeremaya 13:9

Aanị ọnị mẹ vee du avaba ịsa ọnị Anijuda ọnịrị Anijerusarẹmị nịnị aa sị mẹ̀ eyii zịị ha nị.

Ijeremaya 30:7

Ẹnẹyịmavara kà ẹkụhị odivi aa vẹ. Ẹ́ yị nyị ẹkụhị ana vaa wụra juwe anị: Ọ kà ụmẹ ọnị aza anị vaa sị rị ụya ọ vaa vị nị, ama ẹnịnị vaa ha.

Ijeremaya 46:10

Ajịnị vị ẹkụhị Ẹnẹyịmavara Ochẹtẹẹngụ, Ananyị avaba ọda. Ajịnị aa họ̀ oponu nị. Ajịnị aa sị ụya rị ọnịvị anị nịnị nị. Aza vị ọnị ọ́ vaa wụ̀ pooro ne tu ịjị oo si du ọ eyi, dị ọ mẹ ka eteesu ò hú ẹnịnị pooro ne tu ka asị ó kuku zụ hu. Ajịnị Ochẹtẹẹngụ aa sị azaa mẹ̀ ịsọvọ eyi ẹbẹẹba ọ̀ sị gụrị Iyuhwuretisi nị.

Ijeremaya 50:31

Ọ kà, ẹwụ nịnị Anibabironi, wa raa sị ẹngụ awụ nịnị tụ ẹba baaba, agụvị avọọ, ọnị Ẹnẹyịmavara Ochẹtẹẹngụ Ochẹtẹngụ, ọ́ raa kwẹẹtẹ tu wu nịnị. Ụmẹ ọnị o i tu ka ọnị ọ̀ sị ụya rị wụ nịnị.

Ezikẹẹrị 13:5

Ẹnịnị ẹ́ yị na jẹẹ ịzị ọvọ wú hi ẹtẹ dị ee sere e. Ẹnịnị ẹ́ yị rẹ va kà a ka ẹnị ee tenyi ọvọ ọnọọ tụra; agụvị avọọ Anisirẹrị nịnị é yi vee re ịsaa dọ waa tụ ịhị Ẹnẹyịmavara ọọ ka ọnị aa sị ụyaa rị wa, dị a kụ ịrẹkụ ve tu wa nị.

Ịdanịyẹrị 4:37

Dị ọnị kụkụ aa sị ụga ọnịrị ụbanyịị yị ohinọyị ana nyị ẹbẹẹba nị. Agụvị ka ịzẹyịza ọnịrị ịsa ana vọrọ ọọ̄ mẹ̀ nị. Ọza ẹ̀ yịị yaraa sị ẹngụ anịị tụ ẹba Ohomorihi ọ zụ và a nẹtẹ.

Emọsị 5:18

Oogwoo ẹwụ nịnị ana va ụva ka ịhị Ẹnẹyịmavara aa va si zụ̀ ka ọnị ọhụna avaba Anẹhẹ nị. Sị u sị o hí ka ẹkụhị Ẹnẹyịmavara ọnọọ ọ vị nịnị? Wáá yẹ ka ẹkụhị ọnọọ vị ẹkụhị ayodu. A yi vi ẹkụhị ịrajẹ ọ vị.

Imika 2:3

Ẹnẹyịmavara kà oni o reè ro ịrẹyị ọnị ọnị va sị pa ịvaa yị wa. Ọ kà ẹnịnị ẹ yị va zụụ tụ̀ ịrẹsụ hụụnị ịrẹyị ọnọọ. Ọ kà ịrẹyị vee tù wa, dị ahịka vi e kụkụ aa tẹẹ zị nị.

Imika 5:11

Ọ kà ọnị vee du ịkẹkẹ ịrẹkụ awụ nịnị dị ọnị gara ịzị ụụ̄ tẹ nịnị.

Ịzẹhwanaya 1:16

Ịhị ọnọọ ọpanyị ịrẹkụ kẹnẹ ọnịrị owu ịrẹkụ ọkụrẹkụ nịnị ana nọ ịrẹkụ ẹkụra ana aa jị ọvọ kara, dị a da irehi ọgọdọ-ọgọdọ hi, aza vaa wụ́ ịrẹyị nị.

Ịzẹhwanaya 3:11

Dị Ẹnẹyịmavara kà, ịnị ụmẹ ọnọọ, ụhị ọ yị kụkụ vaa nyị aza anị ana vịdị mẹ̀ akamawụ hi ọnị. Ọ kà ọnị va kụ́ aza ana aa sị ẹngụ tụ́ ẹba kwooze, dị aza ẹ yị kụkụ vaa mẹ̀ akamawụ hi ọnị ịnị ataba ọnịnị anị.

Ịmarakayị 4:1

Ẹnẹyịmavara Ochẹtẹẹngụ ka, ẹkụhị aa vẹ ọnị aza ana aa sị ẹngụ tụ ẹba ọnịrị enebira odivi va rị ịra anka azịzẹ avọọ. Ịnị ụmẹ ọnọọ, ẹ va rị ịra saka-saka, dị ẹ yị nyị ịzị ẹ da tịtẹ vụrụ-vụrụ.

Ịmarakayị 4:5

Dị ọ ka, ree nịnị, mị vaa tụ Erija ọnịsẹ tụ ọvịdị ẹkụhị ọnị Ẹnẹyịmavara vaa sị mẹ̀ ọkarẹyị. Ẹkụhị ọnọọ ee vee tu. Aza vee hí angwa ẹtẹẹtẹrẹ.

Imatiwu 23:12

Ọza ana àa kà ẹngụ anị hịrẹ, vị Ohomorihi aa kà a chí nị, ọza ana àa kà ẹngụ anị chí, vị Ohomorihi aa kà a hịrẹ nị.”

Iruuku 14:11

Ọza ana àa kà ẹngụ anị hịrẹ, a vaa kà a chí; ama ọza ana àa kà ẹngụ anị chí, ọnị a vaa kà a hịrẹ nị.”

1 Anịkọrịntị 5:5

dị ụ sị ẹngụ ọza ọnọọ chire Echuu ụvọ, dị ẹngụ anị ò du ha, ịsavọọ Ohomorihi ọ̀ dọ ụhwẹ anị há ịnị ẹkụhị ana Ananyị yị vaa sị mẹ̀ ọkarẹyị.

1 Anịtẹsaronika 5:2

Ẹwụ ụvọta ọ́ọ yẹ ẹtẹẹtẹrẹ ka ẹkụhị ana Ananyị yị vaa sị vaa vẹ vị ana sị mẹẹ anka ẹkụhị oni oyi sịị nọ aha ịrahụ avọọ.

Ijemiisi 4:6

Ama ụkata oni Ohomorihi sị yị ọ banyị hu nị, agụvị ka Iwe Ohomorihi ọ́ kà a ka: Ohomorihi o yi sì aza anaā sịị ẹngụ ẹnịnịị̄ tụ́ ẹba ama ọọ̄ mẹ̀ ọyịzaa yị aza anaā kà ẹngụ ẹnịnịị chi.