Ayịsaya 2:10 - IWE ỌNỊNỊ

¹⁰ Ẹnẹyịmavara aa vẹ. Ộ nyị ụbanyị ẹtẹẹtẹrẹ. Zwe na tẹ̀ ịnị ụtẹha à yị vị avọọ ụ chị ịsị tụ́ ịnị ẹtẹ dị wa ngụ ọ agụvị ka wẹ yị va zụụ jẹẹ re ụbanyị anị.

Ayịsaya 2:10 ပူးပေါင်းရင်းမြစ်များ

Ijeremaya 10:7

È nee yị vee hí angwa ẹwụ ohinọyị avaba ẹhẹ? Vị a vọrọ ka ee hí angwa awụ nị. Ịnị avaba ọyẹrẹyị ẹhẹ ọnọnị ọnịrị avaba ohinọyị ẹnịnị ẹ yị nyị ọza anka ẹwụ.

2 Anịtẹsaronika 1:9

Ụya ẹnẹ ẹ vaa rị ọ vị ka ẹnịnị vee vú ẹtẹ pooro zịna-zịna, ẹnịnị e yi vee re eyi Ananyị yị ọnịrị igirima anị beri ụkata anị paa.

Iruuku 23:30

Ụmẹ ọnọọ, aza vaa kà a yị ataba ka: ‘Aarịhịnị, wú za yị! dị ẹ rẹ kà a yị ataba oweyi ka ọ̀ và kú ẹnị za ẹtẹ’

Iruuku 12:5

Maa kà a wụ nịnị ọza ana a vọrọ ka wee hí angwa anị nịnị: Wee hí angwa Ohomorihi, ana ahịka ọ̀ọ sị ọza wụ̀, dị ọ rẹ nyị ụkata ọyị sị ọọ ne ngụ ẹkụra. Mị ka wee hí angwa anị nịnị!

Ihoseya 10:8

Ụta ori ene hi aveni ịzị Anisirẹrị nịnị ya mẹ̀ ịvị vị ana vee wú ha, di igegenechi hụ kụ wa ịrẹsụ. Dị ọzọza aa da ịpẹ ka ataba ọnịrị otutu o wu za ẹnị ịrẹsụ.

Ijeremaya 10:10

Ama Ẹnẹyịmavara ọ vị Ohomorihi obooro nị. Ọnị ọ vị Ohomorihi ana yara nị. Ọnị ọ vị Ohinọyị pooro zịna-zịna nị. Ẹnẹyịmavara àaa kụ ayị, avaba ẹhẹ vị ene e zizi. Anẹhẹ ẹ yị zụ jẹẹ zị ọ àaa kụ ayị.

Ayịsaya 42:22

Ama booro aanị aza anị vị ana a kụ́ ẹnya, di gu oze hi wa tụ ịnị ụsị, dị a kụ́ wa tẹ hi ịnị ẹngwa nị. Â mẹ̀ àko yị wa, dị a kụ wa ẹnya, dị ẹ̀ yị nyị ọza ana gụ wa ụvọ nị.

Ayịsaya 10:3

sị ụ vaa mẹ nịnị ịhị ọnọọ? Eni u vee zwe nee tù ka ọ̀ gụ wụ nịnị ụvọ? Mị ka ịzị ụ vaa kụ́ ogu awụ nịnị nee hi ịhị ọnọọ?

Ahẹ Ụgama 90:11

Ẹ̀nị ẹ ka ọnị ọ zụ kà a ịzị ọyịkụ awụ dẹngụ na za? Wàa kụ́ ayị, ivóvò vị ana aa ngụ avaba aza ẹngụ.

Ijoovu 31:23

Mẹ yị nyayịnẹ vavọọ mẹ̀ ebira, agụvị ka angwa ọkarẹyị Ohomorihi ee hí mi.

Ijoovu 40:13

Ijoovu o nye wa dị ọ za wa tụ ineku agụvị asị ẹ zụ vaa vẹ ẹhẹ.

Ahẹ Ụgama 145:12

Ọnọnị ọ vaa mẹ ka avaba aza ẹ̀ yẹ ụkọrọ ẹbanyị-ẹbanyị ọnị ụ mẹ ọnịrị ụbanyị ọnị waa sịị mẹ ohinọyị.

Ayịsaya 25:11

Animowabi vaa gana ụvọ anka ọza ana aa mẹrị enyi avọọ. Ama Ohomorihi vaa tẹ wa tụ́ ịrẹsụ avaba ịsị e ro ka ẹnị ẹ zụ mẹ.

Ijeremaya 13:9

Aanị ọnị mẹ vee du avaba ịsa ọnị Anijuda ọnịrị Anijerusarẹmị nịnị aa sị mẹ̀ eyii zịị ha nị.

Ịnahụmị 3:11

Anininivẹ vaa vanga anka ọza ọnị eche aa mẹrị avọọ. Ẹ vaa sị vụrụ ka ẹnị e zwe ẹ̀ yị ọnịvị ẹnịnị nị.