Ayịsaya 19:3 - IWE ỌNỊNỊ

³ Ẹnẹyịmavara kà avaba ịsa ana Anijipiti ro ka ẹnị aa mẹ vị ọnị ọnị aa dọ waa duu ha, di angwahi ngụ wa ẹngụ. Ọ kà Anijipiti nịnị vaa nọ ịda ori, ẹ rẹ vaa nọ ịda aza ene eē pè okuu kà ịrẹyị ka ẹnị ẹ̀ na zama ẹtẹ.

Ayịsaya 19:3 ပူးပေါင်းရင်းမြစ်များ

2 Ịsamụwẹrị 15:31

A va sị ọ kà yi Idevidi ka Ahitohwẹrị yà ịnị aza ọnị ọnịrị Abịsarọmị kụ́ ịrẹkụ tù Idevidi. Di Idevidi mẹ̀ aduwa dị ọ ka, “Ẹnẹyịmavara, aarịhịnị navọ avaba ẹnya ana Ahitohwẹrị jị aanị ọ̀ vara ịrẹyị kẹnẹ-kẹnẹ.”

2 Ịsamụwẹrị 17:14

Ịjị Abịsarọmị ọnịrị avaba Anisirẹrị maanị wụ́, dị ẹ ka iwọjị Ihusayi ana vị Anaakị ọ gẹ hụụnị iwọjị Ahitohwẹrị nị. Ẹnẹyịmavara ọ vavọọ mẹ ka asị a dọ iwọjị Ahitohwẹrị ene zoza aanị, agụvị ka ee sì ka ịrẹyị odivi ò tù Abịsarọmị.

2 Ịsamụwẹrị 17:23

Ịjị Ahitohwẹrị re ka ọza ọ yị dọ ịrẹyị anị mẹ̀ ụkọrọ, di o tenyi umaata anị, dị ọ tụra a, di o si huu aa nọ eehi anị ẹkụra anị nị. Ịjị o tù eehi, di o tenyi irehi anị, di o ne zụ̀ obo yị ẹngụ anị nị. Ó mè wusu di e ne e tụ́ ini ikuta ada anị nị.

2 Ohinọyị 1:2

Ụmẹ ọnọọ, Ahaziya ohinọyị Isirẹrị ộ hyẹdụ hụrị ẹbẹẹba enoze irehi anị Ị́samarịya, dị ọ tọ̀ ụnava ẹtẹẹtẹrẹ nị. Ộ tụ́ ọnụtụ anị nịnị na zama ẹtẹ idi ori ana aā hị́ Ịbaarị-Izebubi. Ẹkụra Anihwirisiti ọnya ana aā hị́ Ekironi ori ọnọọ ya nị. Ộ tụ́ ka ana họ̀ ka ọnị waa vaa rị ẹngụ ọnọnị.

1 Ịtọpa 10:13

Ịsọọrụ ẹ́ yị sị ịzẹyịza saasa Ẹnẹyịmavara ọ vị isu ịrẹsụ anị nị. Ẹ yị saasa ọda ọnị Ẹnẹyịmavara mẹ yọ; dị ahịka oku ene su ée nee họ̀ ka ọ̀ zụ̀ ọnị oze nị.

Ahẹ Ụgama 107:27

Ẹnịnị ẹ kụ́ và angga, ẹ yaa mẹ rọgọ-rọgọ ọ́za eni echee aa mẹrị avọọ. Avaba ịsị ẹ ka ẹnị ệ yẹ ộ ta hi wa ụvọ

Ahẹ Ụgama 33:10

Anẹhẹ ẹ̀ẹ sị̀ gụ dị ẹya gẹ eyi, Ẹnẹyịmavara sị ọ gara. Ịsị anẹhẹ ro, ọ kụ́ ọ vazi, nyẹẹnyẹ

Ahẹ Ụgama 76:12

Ohomorihi ộ za ohinọyị ene ee wo otoo zị, dị ọ và wa nẹtẹ nị. Ohinọyị ene hi ẹhẹ vi ene ee hí angwa anị.

Ụhịrẹyị 21:30

Ẹ nyị ịsị ịrẹyọyẹ ọnịrị eyohweyi ọza vị ọvịdị Ẹnẹyịmavara.

Ayịsaya 14:27

Ẹnẹyịmavara Ochẹtẹẹngụ ọ ka ọnị vavọọ vaa mẹ nị, ẹnẹ ka ọnị ọ zụ za a jẹ? Ọ raà sị ụvọ tụra ịsị ọ ka ọnị aa mẹ, ẹnẹ kụkụ zụ za a varẹma?

Ayịsaya 15:2

Dị Anidiboni hụ agụvị avọọ nọ ini irehi ori ẹnịnị ịnị ataba di ene ee sụ ùnè nị. Animowabi ê sụ ùnè Inebo ọnịrị Imediba, dị ẹ kụ́ ịrẹsụ ọnịrị ịrẹwa ẹnịnị hwòhwòrò nị.

Ayịsaya 19:1

Ịrẹyị ene vee tù Anijipiti yị: Ẹnẹyịmavara vị ana tụra eguhi di ee zwee ve Ijipiti. Ori Anijipiti nịnị mè re e, ẹngụ ẹnịnị ẹ kụ́ sù ẹgahị, dị angwahi sị ngụ Anijipiti ẹngụ nị.

Ayịsaya 44:25

Mâ kụ ịrẹyị onireche nịnị hi ireche, dị mị mẹ ka ịrẹyị ana aza ana ka eniī re ẹtẹ ka, ọ vị osusu nị. Mâ kụ ịrẹyị ọyẹrẹyị nịnị ha, dị mị sị zụ wa ka ụ̀rà kẹnẹ ịrẹyọyẹ ẹnịnị vị nị.”

Ayịsaya 47:12

Sị́ sị ụvọ za ahọnọ baaba ọnịrị ẹbẹ ọnị ụ waa mẹ o. Ụmẹ hụrẹ vị ozweyi ụ hụrẹ vavọọ aa mẹ nị. Ẹyịyara ẹ va zụụ gụ wụ ụvọ. Ẹyịyara, ụ va zụụ sịị chire ọnịvị awụ nịnị angwa.

Ayịsaya 57:16

Ẹma mẹ ka aza amị yàra nị; mẹ yị maanị vaa kà a pooro ka ệ mẹ divi nịnị, à vị ka ma maanị kụ́ ayịị hi wa pooro. Agụvị ka aza ẹnẹnị gẹdẹ-gẹdẹ ọnị mẹ ka ẹ̀ yàra aanị, vị ene vee su eyi amị.

Ayịsaya 8:19

Aza vaa kà a wụ ka wa nọ ịdị ọvavo ọnịrị ọpọchị nịnị ana aa kụ́ nyẹ̀ngụ̀-nyẹ̀ngụ̀ dị wa na zama ẹtẹ. Dị ẹ ka â vọrọ ka ọza ọ̀ daba na zama ẹtẹ ịda ori nịnị. Ama yẹ nịnị, o ka ịda Ohomorihi kẹnẹ a vọrọ ka ọza ò nee si oze ịrẹyị nị. Ụ mẹmẹ nyẹngụ hụ agụvị aza ana yà ẹẹhẹ dị waa naa zama ẹtẹ ịda aneku?

Ijeremaya 46:15

Sị ẹ gụ ori awụ nịnị ana aā hi Apisi sẹ ẹdụ? Ẹnẹyịmavara ọ tụ ụvọ nyẹtẹ nị.

Ezikẹẹrị 21:7

Ẹnẹyịmavara Ananyị yị ụkata hu ka, ẹ̀ẹ họ̀ ọnị ka sị ẹ vẹ, dị ọnị ee rimanya? Ọnị ọ̀ kà a ka agụvị enube ịrẹyị anaa vẹ yọ nị. Ịjị ọọ vẹ, angwa vee hí wa ẹtẹẹtẹrẹ; ụvọ ẹnịnị vee súu za wa ẹngụ; ayị vaa hụrẹ wa ịnẹ, dị ẹngụ ẹnịnị sụ̀ ẹgahị, dị idunku ẹnịnị aa bànyị pápàpà. Ụmẹ ọnọọ o si tu, ọnị yị.

Ezikẹẹrị 22:14

Ọ kà ịjị ọnị ọ̀ọ tana ụvọ za wụ nịnị, wéé ro ka, ụ kụkụ yị vaa nyị ọtụtụrụma jẹẹ nịnị? Wéé ro ka, ụ yị vaa nyị ụkataa jẹẹ nịnị? Ẹnẹyịmavara kà ọnị mẹ kà a aanị, avọọ ọnị mẹ vaa mẹẹ nị.

Ịdanịyẹrị 1:20

Ịnị avaba ịrẹyị ịrẹyọyẹ ọnịrị ọkarẹyị obooro ọnị ohinọyị họ̀ wa use, ô re ka Ịdanịyẹrị nịnị ee huna avaba ọmahọnọ ọnịrị ọvavo ene hi ịnị avaba ẹtẹ anị nị.

Ịdanịyẹrị 2:2

Obooboro ọnọọ dị ọ tụ́ hị́ avaba ẹnị ọmahọnọ anị, aza eneē ré ẹtẹẹ yọ, Anajuwe anị nịnị ẹnịrị ọpọchị anị nịnị ka, ẹ̀ va kà a yị ọnị ụra ọnị ọnị ra nị. Ịzẹyịza dị ẹnịnị ve tu ọ nị.

Ịdanịyẹrị 5:7

Dị ohinọyị nowu zẹtẹ dị ọ ka à na hị́ ẹnị ọmahọnọ anị nịnị, ẹnị ọpọchị nịnị, ẹnịrị avaba ọvavo anị nịnị va yị ọnị nị. Ịjị ẹnịnị vẹ, dị ohinọyị kà a yị wa ka, ọza ana àa zụ ka ịsa ana chẹrẹ tụ ịnị ugene aanị dị ọ rẹ zụ ka iruvo anị yị ọnị nị, ọnị vaa sị ọ mẹ ọgwọhụta ịnị aza anaa mẹ ịjọva ịnị ẹtẹ anị, dị e chire e irikimba, dị a rẹ sị ịsọbẹ ana sị igooru mẹ tụ ọ ọbẹ.

1 Ịsamụwẹrị 25:37

Ẹnẹnẹ éyi Ịnabarị mè si hweyi, di ose anị va kà avaba ịrẹyị ẹnẹẹ yọ nị. Ịnabarị ọ yị kụkụ zụ tụ́ ụhwẹ, dị ọ kụkụ tịtẹ anka ịrẹta avọọ nị.