Ayịsaya 18:3 - IWE ỌNỊNỊ

³ Avaba ẹwụ nịnị ene hi ẹhẹ ọ̀ sị ụtọ pè ẹtẹ. Ịjị àa tana uyi tụ́ ẹba ịrẹsụ ataba, dị ọpanyị aa sụ́ ịrẹyị nị, ụ vaa wụ́ nịnị.

Ayịsaya 18:3 ပူးပေါင်းရင်းမြစ်များ

Ahẹ Ụgama 50:1

Ẹnẹyịmavara ana vị Ohomorihi Ochẹtẹẹngụ aa kà ịrẹyị, dị ọ hị́ avaba anẹhẹ nị.

Ayịsaya 1:2

Ẹnẹyịmavara kà ihinẹba ọnịrị ẹtẹ ẹ wụ́ ịrẹyị ọnị ọnị aa vaa kà aanị. Ọ kà ezi ọnị ọnị pá, ẹ sị vịra, di e nyima dị ẹ yaa kụ̀ụ hịrẹ ọnị nị.

Ayịsaya 11:12

Ananyị yị vaa tana uyi anịị tụ́ ẹba dị ọ̀ sị zụ̀ anẹkụra ana vọ ka ọnị aa kụ́ Anisirẹrị vaa vẹ eehi. Ọ vaa kụ́ avaba Anijuda hụrẹ ịzị èe che ne hi ẹhẹ, dị ọ kụ́ wa vẹ eehi.

Ayịsaya 13:2

Nọ ịrẹsụ ataba ẹnẹ ẹ̀ yị nyị ọchị. Wèe tù ịzọọ dị wa kụ̀rà uyi tụ́ ẹba ka ịrẹkụ o si tù. Nowu, di we mi ụvọ hị́ isoja ka ẹ̀ ngụ tù anẹkụra ẹnẹẹ ana aā vavọọ mẹ eyi.

Ayịsaya 13:4

Batọ wáā wụ́ aza màa kụ́ ịrẹka ịnị ataba. Ịrẹka ọnọọ ộ sị zụ̀ ka ẹnịnị ệ rụrụ ẹtẹẹtẹrẹ ana hụrẹ ẹkụra irenyi-irenyi va gụ. Ẹnẹyịmavara Ochẹtẹẹngụ aa hara isojaa gụ.

Ayịsaya 26:11

Ọnịvị awụ ẹ yị yẹ ka waa vaa tana ụvọọ za ẹnị. Navọ wa mẹ̀ ụhị nyị wa dị ẹ̀ yẹ ka wê sì ịrẹyị aza awụ. Navọ wa ẹ̀ rị ụya ọnị ụ ka ẹ vaa rị.

Ayịsaya 31:9

Angwahi vị ana vaa dị waa hụụ ịzị ẹ vịdị naa tẹ ka asị a nyị ịsị ẹ kanyị ẹnị. Ọga isoja ẹnịnị ọ̀ọ maanị sị eyi re ịrẹkụ kẹnẹ dị angwahi ngụ ọ ẹngụ. Ịsị Ẹnẹyịmavara kà ọ vaa mẹ ọ vị ọnọọ nị. Ẹnẹyịmavara ọnọọ á aā yà Ijerusarẹmị hẹkẹ, dị aa sị ịsaa mẹ̀ ịsọvọ dị a rị ọ ịra ịzọọ yọ nị.

Ayịsaya 49:22

Ẹnẹyịmavara Ochẹtẹẹngụ ộ ka yị aza anị ka ọnị vaa sị ụvọ hị́ anẹkụra nịnị ka ẹ kụ ezi anọrụ ọnịrị anẹẹ ẹnịnị va yị wa.

Ayịsaya 5:26

Ohomorihi ộ hị́ anẹkụra huu vẹ, ô hú ohi hị́ aza ene hi ụtọ ẹhẹ vẹ. Ẹnị ẹ wụsẹ vẹ eyiha-eyiha aanị nị.

Ayịsaya 7:18

Ịhị ụmẹ ọnọọ òo si tù, Ẹnẹyịmavara vee hú ohi hị́ Anijipiti dị ẹ hara vẹ anka ịsị avọọ, dị ọ rẹ hị́ Anasiriya dị ẹnị kọmị vẹ anka ẹhụ avọọ.

Ijeremaya 22:29

Tee! ẹwụ nịnị anẹkụra, ẹwụ nịnị anẹkụra! Wụ́ ịrẹyị ọnị Ẹnẹyịmavara kà nịnị.

Ijeremaya 51:27

Mẹ ịsị a vaa sịị yẹ ịrẹkụ o si tu. Hú ọpanyị ịrẹkụ dị ẹkụra-ẹkụra ẹ̀ wụ ọ. Kà a ka ẹkụra-ẹkụra o tenyi ẹngụ ịrẹkụ tu Ịbabịrọnị. Hị́ ohinọyị ẹtẹ Ararati, Imini ọnịrị Asikenazi nịnị ka, ẹnịnị ẹ̀ kwẹẹtẹ tụ ọ. Nyị ọdọvịdị ana vaa kụ wa nọ ịrẹkụ ọnọọ. Ẹnẹyịmavara kà, à kụ vaa kụ wa nọ ịrẹkụ ọnọọ. Ẹnẹyịmavara kà, à kụ umaata gigirigi anka ọkọnị akụvarịvaa avọọ.

Imika 1:2

Batọ nịnị o, avaba ẹwụ nịnị anẹhẹ; avaba ẹwụ nịnị ene hi ẹhẹ ò batọ dị ọ̀ wụ́ ịrẹyị. Ẹnẹyịmavara Ohomorihi vaa dọ ivenu ịsa ọn ị ụ mẹ̀. Batọ! Ọ vaa ka ịrẹyị hụrị ini eehi anị ịnị ihinẹba.

Imika 6:2

Ẹwụ nịnị ataba, wụ́ ịsa ọnị Ẹnẹyịmavara kà oni ô re. Ẹwụ nịnị ịsị ẹhẹ jẹẹ ịrẹsụ anị ọ̀ wụ́ ịrẹyị Ẹnẹyịmavara Ộ kà a nyị ịsị aza anị mẹ̀ ọnị. Aa vaa kà a ịsị Anisirẹrị mẹ̀ ọnị.

Imika 6:9

Ẹnẹyịmavara ee nowuu hị́ anẹkụra Ọza ana àa yẹ ịrẹyị ọ sị ụbanyị yị Ẹnẹyịmavara Ụya awụ nịnị aa vẹ. Ẹnẹyịmavara aa tụ́ ọ hi wu nini.

Ịzakaraya 9:14

Ẹnẹyịmavara vaa sị ẹngụ zụ akẹbẹẹba aza anị, di ee ne ọpa ana zẹtẹ anka ịnyanya avọọ. Ẹnẹyịmavara Ananyịwa vee hu ịkakanchị, dị zị ụsẹ tụ ọvịdị ịnị opomi hụrị ẹyị ụvẹtẹ vẹ.

Imatiwu 13:16

Ama ẹwụ nịnị ộ da jẹ, agụvị ka eyi awụ nịnị ee re ẹtẹ, ụtọ awụ nịnị raa wụ́ ịrẹyị.

Imatiwu 13:9

Ọza ana àa nyị ụtọ ọyịsị wụ́ ịrẹyị, ọ̀ sị ụtọ pe ẹtẹ!”