Ayịsaya 18:2 - IWE ỌNỊNỊ

² Ẹnịnị ệ tụ́ ọnụtụ ana ngụ ẹpa zi oze ini enyi. Ẹpa ọnọọ vị ana a sị ịkẹ mẹ, ộ rẹ ẹtẹẹtẹrẹ. Ẹwụ nịnị ọnụtụ ẹnẹẹ, varẹma ne tù anda awụ nịnị ene hi ẹkụra ene enyi gà hi. Dọ ụtụ na kà yị aza awụ nịnị ana hụ dị ẹngụ ẹnịnị swa. Avaba aza vị ene ee hí angwa ẹnịnị. Ẹnẹnị vị ana aa nyị ọyịha. Ọza ọ yị wụ́ ẹkụra ẹnịnị.

Ayịsaya 18:2 ပူးပေါင်းရင်းမြစ်များ

2 Ịtọpa 14:9

 nyị ụmẹ ọnya ọnị Anisudani ọnyara ana a hị́ Ịzẹra sị kụ́ ịrẹkụ ngụ Ijuda. Isoja anị vị ẹnị imiriyọnị ọnya, dị ẹnị ịrẹkẹchẹhị (300) ana kụ́ ịkẹkẹ ịrẹkụ dọ ọvịdị na sị ngụ Imaresa nị.

2 Ịtọpa 16:8

Ộ ka ẹnịnị ẹ tamayị ịzị Anetiyopiya ọnịrị Aniribiya nyị ụkata na za. Ẹnị ẹ vị ẹkụra ana nyị isoja rụrụ, dị ẹ nyị ịkẹkẹ ịrẹkụ ọnịrị umaata ịrẹkụ nị. Ama agụvị ka ẹnịnị ẹ̀ sị ayị tụra Ẹnẹyịmavara, dị ọ sị wa chire ẹnịnị ụvọ nị.

Ijoovu 9:26

Ọ kà, vị ẹhẹ anị ee zwè anka ẹpa ene zwè echi sasasa ịrẹsụ enyi avọọ nị. Ọ sị me anka obono o rere ve che usu hụrẹ ẹtẹ avọọ nị.

Ọyịkụra 2:3

Ịjị ọ̀ yị kụkụ zụ sị ọ tẹ, dị ọ na sị agaga ọnya aanị ana a sị ịkẹ mẹ dị ọ nyị oku nị. Dị ọ sị ọda sisi ọ ka asị enyi zụ ngụ ọ nị. Dị ọ sị ozi ọnọọ tụ́ ọ dị ọ sị na tụ́ ịnị ịkẹ ụtọ okuha nị.

Ayịsaya 18:7

Ụmẹ ọnya aa vẹ. Ịhị ọnọọ anẹkụra ana hụ, dị ẹngụ ẹnịnị swa ana avaba azaa hí angwa anị aanị vaa kụ́ ẹyịza vaa yị Ẹnẹyịmavara, Anẹkụra ọnị maa kà aanị vị ọnọyịha, ọza ọ yị wụ́ ẹkụra ẹnịnị. Okuha vị ana gà ẹkụra ẹnịnị hi. Ẹ vaa kụ́ ẹyịza ẹnẹẹ vẹ ịnị ataba ịzị a yà aa hẹkẹ Ẹnẹyịmavara Ochẹtẹẹngụ.

Ijeremaya 49:14

Ijeremaya ka, ẹwụ nịnị Anedomi, ọnị ộ dọ ụtụ ọnị Ẹnẹyịmavara tụ́. Ọ raa tu ọza ka ọ̀ na kà a yị anẹkụra ẹ̀ kụ ọkụrẹkụ (isoja) ẹnịnị gụ, dị è tenyi ẹngụ di e vee pe wu nịnị kụ̀ ịrẹkụ.

Ezikẹẹrị 30:9

Ịhị ẹkụhị ọnọọ ó tu, dị asị Ijipiti vú ẹtẹ nị, ọnụtụ anị nịnị vaa ngụ ẹpa naa ngụ Anikusi. Ẹ vaa ha Anisudanii kwẹẹtẹ. Angwa vee hí wa, ịhị ụmẹ ọnọọ oo tu.

Ọbadaya 1:1

 nyị ọnọrụ ọnyara aanị ọnị ịrẹha rị Ọbadaya. Ẹnẹyịmavara Ochẹtẹẹngụ ộ sị ịsa ene vee tu anẹkụra Edomi zụ ọ. Anedomi nịnị ẹ̀ raà wụ́ enube ọnọọ hụụnị ụvọ Ẹnẹyịmavara, dị ọnụtụ anị rẹ raà kà a yị anẹkụra nịnị ana vọ nị. Ẹnẹyịmavara kà anẹkụra ẹnẹẹ è tenyi ẹngụ, dị ẹ gẹ ịrẹkụ tù Anedomi nịnị.

Ihabaku 1:7

Aza vị ana nyayịnẹ ee hí angwa ẹnịnị. Agụvị avọọ dị ẹ yaa mẹ kẹnẹ o me zee wa eyi nị.

Iruuku 10:19

Re, mâ sị ụkata wụ nịnị ka waa kụ́ ahụụ hi ẹwụ ọnịrị iku, dị ụ wa rẹ zụ nyị ehuna ụkata Echu nịnị. Ẹ yị nyị ịsị ẹ va zụụ mẹ wụ nịnị.