Ayịsaya 17:9 - IWE ỌNỊNỊ

⁹ Ịnị ịhị Ohomorihi vaa mẹ̀ ọkarẹyị, ẹkụra Anịdamasịkọsị ana a jị ọvọ kara vaa tụ osusu, di o jị eburu anka ẹkụra Anihivi ọnịrị Anamọrị. Ẹnịnị vị ene vi zwe hụụnị anị agụvị Anisirẹrị nị.

Ayịsaya 17:9 ပူးပေါင်းရင်းမြစ်များ

Ayịsaya 17:10

Ẹwụ nịnị Anisirẹrị, we reè hi ayị Ohomorihi ana dọ wụ nịnị ha. Wẹ yị kụkụ tamayị ka ọnị ọ vị ụkata ana sị wụ nịnị tẹ nị. Wá tọ̀ọ́ ihu ene zoza hụrẹ ẹkụra ọsa va da ụbazị agụvị we re oze hẹkẹ ori anẹkụra ọsa.

Ayịsaya 17:8

Aza ẹ yị kụkụ vaa sị ayị tụra ụta ori ẹnị ẹ sị ụvọ ẹnịnị mẹ. Ẹ yị rẹ kụkụ vaa sị ayị tụra ori Asẹra ene e hī ọchị ọgọdọọ yị́, ne beri ụta ẹnị ẹnị ụvọta hī dị ẹ yaa rị eturare ịra ịnị anị.

Ayịsaya 27:10

Ẹkụra ọnọọ ana a vịdị jị ọvọ kara, ọ kụ́ jị eburu hi ẹtẹ. Aza ẹ kụ́ kụ̀rà hụụnị anị, dị ahịka osusu ọ kụkụ vị nị. Ịsụpa nịnị vị ana kụkụ ra hị́ ịzọọ dị ẹ za avọ́ ọchị ene hi ịzọọ dị ẹ rị ọ zẹtẹ.

Ihoseya 10:14

Avọọ, ịrẹkụ vaa chị tụ́ wa, di e wú avaba aha ọyị tẹ̀ ẹnịnị. Dị ọnịvị ẹnịnị pa ịva yị wa anka Isarimani ana vị ohinọyị Imowabi mẹ mẹ̀ anẹkụra Ịbẹtị Abẹrị avọọ, dị ahịka ezi ẹnịrị ọnyị ẹnịnị vi ene tụ́ chọ̀kọ-chọ̀kọ a mẹ wụ́ wa.

Emọsị 7:9

Ẹnẹyịmavara kà ọnị vee du avaba aha ori ẹnịnị hi ịrẹsụ ataba ọnịrị irehi anị vaaha. Avọọ ọnị mẹ rẹ vaa sị ịrẹkụ vu ovwoovu Ijerobowami ana vi ohinọyị Anisirẹrị ẹtẹ nị.

Imika 5:11

Ọ kà ọnị vee du ịkẹkẹ ịrẹkụ awụ nịnị dị ọnị gara ịzị ụụ̄ tẹ nịnị.

Imika 6:16

Ọda udivi Omiri Ohinọyị kẹnẹ ụ ta ụvọ ku nị. Waa hama ebira odivi Ahabị ọnịrị Omiri, Agụvị mị vaa sị wụ mẹ̀ apojuwe yị aza ana vọ avọọ mi vee vú ẹtẹ. Aza awụ vị ana a vaa sị mẹ̀ isiya. Aza ene ee re vị ene vee nyi wu unyi.

Imika 7:13

Avaba aha ana vọ ịnị ẹhẹ vị ana vaa chakaa ha. Ebira odivi aza ene hi ẹhẹ ọ vaa kụ́ ọnọọ vẹ nị.