Ayịsaya 17:3 - IWE ỌNỊNỊ

³ Ẹnẹyịmavara Ochẹtẹẹngụ kà ọvọ ana kara ẹkụra Anisirẹrị vee wuu vaa ha. Anẹkụra ọsa ọ vaa mẹ ịjọva tụra Anịdamasịkọsị ịrẹsụ nị. Anisiriya nini ana ha vị ana vaa yà ịnị ụhị anka Anisirẹrị nịnị avọọ.

Ayịsaya 17:3 ပူးပေါင်းရင်းမြစ်များ

2 Ohinọyị 16:9

Ịzẹyịza, ohinọyị Ásiriya ộ wụ́ ịrẹyị Ahazi; dị ọnịrị isoja anị nịnị kwẹẹtẹ tu Ịdamasịkọsị nị. Ộ nyị ẹbẹẹba anị, dị ọ wụ Irezini ohinọyị, dị ọ za aza ene hi ịzọọ ọrịhị ne hi ẹkụra ana aā hị́ Ịkịrị nị.

2 Ohinọyị 17:6

Ịnị ana tụ ọ ịrayị ọhụhịịna ọnị Ihoseya rị ohinọyị, ohinọyị Asiriya ộ za Ịsamarịya, dị ọ za Anisirẹrị nịnị ọrịhị ne hi Asiriya nị. Aza ẹnyị ẹnịnị vị ọnị ọ kụ ne hi ịzị aā hị́ Ịhara, dị ọ kụ ẹnyị ne hi ọ̀ sị gụrị Irehu Ịhabọ ana ya okokoro Igozanị nị. Aza ẹnyị vị ọnị ọ ku ne hi ẹkụra Imediya.

Ayịsaya 10:9

Ẹ rẹ ka ẹnị mè huna Ikakemisi ịnị ẹtẹ Aripadi nị. Ẹ ka ẹnị ệ kụ́ ịrẹkụ na rị anẹkụra Ịsamarịya ọnịrị Ịdamasịkọsị.

Ayịsaya 16:14

Ẹnẹyịmavara rẹ ka ịnị ịrayị ẹẹta tụ́ ọ, avaba ogu Animowabi vaa ta. Aza chẹkẹẹ aanị ọ vaa vẹtẹ ịnị aza otomiroku ene hi ịzọọ nị. Ọkụmị-ọkụmị aza ana vọ vaa vị bẹẹ nị.

Ayịsaya 17:4

Ẹnẹyịmavara kà ụmẹ aa vẹ ọnị ụbanyị Anisirẹrị nịnị vaa ta. Di ize ẹnịnị ta, dị ẹ kụkụ nee re osiye.

Ayịsaya 25:2

Wâ za ẹkụra ọnọọ wa sị ọ jị eburu. Wê wu ọvọ ana jị kara ẹkụra hi ẹtẹ. Ẹkụra azọga ana vịdị nyị ụkata ệ ta. Ọza ọ mā vana tenyi ọ dà.

Ayịsaya 7:16

Ama dị ọ̀ vavọọ va vịra, ẹtẹ ohinọyị ẹyịva oni u maanị ee hí angwa anị aanị sị tụ́ osusu.

Ayịsaya 7:8

Wâ yẹ ka Ịdamasịkọsị ọ vị ohirẹsụ Aramị nị, dị ahịka Irezini ọ vị ohinọyị anị nị. Ọ̀ọ na mẹ ịrayị ẹbẹẹta tụra ẹẹhị, a kụ́ Ehwireemi gara ha dị ẹ yị kụkụ nyị aza ịnị anị.

Ayịsaya 8:4

Ọ kà di ozi ọnọọ ọ̀ na yaraa hị́ ‘Ada anị’ à vị ‘Ọnyị anị’ ohinọyị Anasiriya va raà kụ́ ogu Anịdamasịkọsị ọnịrị ogu Anịsamarịya.”

Ihoseya 1:4

Dị Ẹnẹyịmavara kà Ihoseya ọ̀ yị́ ozi ọnọọ Ijezirẹẹrị. Ộ ka agụvị ka ọ yị vee ku dị ọnị ọ̀ sị ụya rị evere Ijehu agụvị aza anị ọnị Ijehu wụ̀ Ijezirẹẹrị. Ọ kà agụvị avọọ ọnị vee vu Anisirẹrị nịnị ẹtẹ.

Ihoseya 1:6

Dị Igoma rẹ varẹma zyẹẹ dị ọ ma ozi ọnẹẹ nị. Dị Ẹnẹyịmavara kà yị Ihoseya ka ịrẹha ozi ọnọọ ọ rị Iro-ruhama ọnị iruvo anị ọ vị “Ẹ yị nyị ayamva”. Ẹnẹyịmavara kà ọnị ọ yị kụkụ vaa vayị Isirẹrị dị ọnị ọ hyakụ vaa vagu wa.

Ihoseya 10:14

Avọọ, ịrẹkụ vaa chị tụ́ wa, di e wú avaba aha ọyị tẹ̀ ẹnịnị. Dị ọnịvị ẹnịnị pa ịva yị wa anka Isarimani ana vị ohinọyị Imowabi mẹ mẹ̀ anẹkụra Ịbẹtị Abẹrị avọọ, dị ahịka ezi ẹnịrị ọnyị ẹnịnị vi ene tụ́ chọ̀kọ-chọ̀kọ a mẹ wụ́ wa.

Ihoseya 3:4

Avọọ o me vee kù dị Isirẹrị ọ vaa nyị ohinọyị, a vị dị ọ vaa zụ mẹ̀ ịsọvọ ịnị irehi Ohomorihi, a vị di o ve re oze họ̀ use ịrẹyị hụụnị ụvọ Ohomorihi nị.

Ihoseya 8:8

Anikinami nịnị ẹ raà za Anisirẹrị nịnị rị. Ẹnịnị ẹ yị nyị ịsị ẹ vị ịnị akakana anẹkụra nịnị ana vọ

Ihoseya 9:11

Ụbanyị ẹnịnị vị ene hira ne hu anka inomi mee hira avọọ. Anyẹnẹẹ ẹnịnị ẹ yị vee zyẹẹ, dị ẹ hyakụ vaa ma ozi.

Emọsị 8:14

Aza ana a sị ori Anịsamarịya, Anịdanị aa vị ori Anịbẹẹsẹba hị́ eku vaa hyẹdụ di ẹ́ yị ma vana zụ kwẹẹtẹ.