Ayịsaya 16:3 - IWE ỌNỊNỊ

³ Ẹ ka Anijuda ẹ̀ navọ è pè ẹnị juwe dị ẹnị ẹ̀ yẹ ịsị a vọrọ ka ẹnị ẹ̀ mẹ. Ẹ ka ọ̀ và ihuhu gu ẹnị anka ọchị mẹ̀ẹ vị ihuhu yị aza ụmẹ ọọdụ avọọ. Ẹ ka aarịhịnị Anijuda ẹ̀ kụ́ aza ene zwe vẹ ịda ẹnịnị tẹ, asị ẹ zẹẹ ka aza è re wa.

Ayịsaya 16:3 ပူးပေါင်းရင်းမြစ်များ

1 Ohinọyị 18:4

Ịnị ụmẹ oni Ijezebẹrị hyakụ aa sị wụ ọnịsẹ Ẹnẹyịmavara, Ọbadaya ộ kụ́ ọnịsẹ ẹchẹhị, dị ọ gà wa ẹvarẹwụ-ẹvarẹwụ dị ọ vavọọ kụ́ wa hi ịzọọ, dị aa sị ịsọyịrị naa yị wa nị.

Ayịsaya 1:17

dị waa mẹ̀ ebira ene zoza. Na sị ụvọ hụụnị amẹrị. Wèe re ka aa chamayịị yị ọza, ụ na gụ ọ ụvọ. Asị ụ rẹ mẹ ehuna yị ozi oku. Ọza aa mẹ ehunaa yi osoku dị ụ na dọ ọ tụ́.

Ayịsaya 25:4

Onosiye ọnịrị ọnụya nịnị ê zwe vẹ ịda awụ dị ụ dọ wa tụ́ ịnị ụmẹ ẹngụkata ẹnịnị nị. Wâ vi ihuhu gu wa ka asị anayịchama re oze sị ụya rị wa. Ịrẹyị anayịchama vị ana sị mẹẹ anka opomi ana aa tụ́ kù ugene. Aza edivi vị ana kụ ọ hana wa anka opomi avọ.

Ayịsaya 32:2

Aza vi ene vee zwe naa vaka aza ene hi ini ịjọva anka aza mèe zwe nee sì aha vaka ini ụmẹ oni orihi àa zụ̀, di opomi aa tụ́ avọọ. Ẹ rẹ vaa mẹ kà ẹngụ aza è hunẹnẹ anka okuha ana yà ịnị ụnọmị ọnịrị anka ihuhu ịrẹta ọbanyị ana yà ịzị ọchị è yi hi avọọ.

Ayịsaya 56:8

Ẹnẹyịmavara Ohomorihi ana kụ́ Anisirẹrị nịnị vavẹ eehi hụụ ịzị a za wa ọrịhị ne hi ka, ọnị vaa kụ́ aza ana vọ vee beri wa ịrẹma aza ọnị ọnị ra kụ́ vẹ aanị.”

Ayịsaya 58:7

Ẹnịnị ẹ da ịsa yị aza ọnị ụngwẹ aa kụ, dị ẹ sị irehi ẹnịnị yị onosiye ẹnẹ ẹ yị nyị irehi ka ẹ ra, dị ẹ sị achị yị aza ana tụ ahwaahụ, asị e yi ka ẹnị ẹ yị mẹ ọgụvọ yị anda ẹnịnị.

Ayịsaya 9:6

A sị ozi ọnya ma yị! A raà sị ozi ọnọrụ ọnya yị! Ozi ọnọọ ọ vaa nyị ịjọva nị. A vaa hị́ ọ Ohyozirenu, Ọpọzajuwe, Ohomorihi Ochẹtẹẹngụ, Ada ana yà ịzọọ pooro zịna-zịna, Ohinọyị ẹngwọọrọ.

Ijeremaya 21:12

ẹ̀ wụ́ ịrẹyị ọnị Ẹnẹyịmavara aa ka: Re ka waa mẹ ịzẹyịza nịnị eyinị-eyinị. Ọza ọnị ọza aa mẹẹ rị ụ dọ ọ hụrẹ ọza ana mẹẹ rị ụvọ nịnị. Ẹ̀ yị vavọọ ebira odivi awụ nịnị vaa mẹ ka ọnị ọ̀ kụ ayị hi u nịnị anka ịra anaa zá dị ọza e yi zụ mi ọ avọọ.

Ijeremaya 22:3

Ẹnẹyịmavara kà, waa mẹ ịzẹyịza ọnịrị ịsa ana vọrọ nịnị. Ọza ana aa mẹ̀ẹ rị, dọ ọ hụrị ọza anaa mẹ̀ ẹ rị ụvọ nịnị. Asị ụ mẹ ọzọga nịnị ẹnịrị ezi oku, à vị osoku nịnị eyi ngwẹngwẹ. Asị ụ mẹ ẹvaya yị wa nịnị. Asị ụ wụ̀ aza ẹnẹ ẹ̀ yị nyị ịsị ẹ mẹ̀ ịzẹnị nịnị.

Ịdanịyẹrị 4:27

Dị Ịdanịyẹrị rẹ ka, Taarụ, ọ̀ navọ ọ̀ dọ ajuwe anị, dị ọ̀ hụụnị ebira odivi ọyịmẹ̀ dị ọọ mẹ̀ ebira ọyịza. Ọ kà ọọ vayị ọnụya nịnị bẹẹ, ọnọọ ọ vaa mẹ̀ ka ò zé yọ nị.

Ịzakaraya 7:9

Ịrẹyị ọnị Ẹnẹyịmavara Ochẹtẹẹngụ kà yị: Ọ kà ẹẹ̄ sị ịzẹyịza mẹ̀ ọkarẹyị, ẹẹ̄ ngụ ayị ọza, dị ẹẹ̄ vayị ọnụhụva.

Imatiwu 25:35

Agụvị ka ụ́ngwẹ màa kụ̀ mị, wâ dà ịsa mị nịnị. Ónyi màa kụ̀ mị, wa rẹ sị enyi yị mị hú nịnị. M mẹ̀ vị ọzọga vẹ, wê sì mi ọzọga nịnị.

Anihiburu 13:2

Tamayị ka áa vọrọ ka wee sì ọzọga nịnị! Aza ẹnyị ệ vavọọ mẹ, e reè sì anggẹẹrị nịnị ọzọga, ẹ yị yẹ.

Ọdọvịdị 9:15

Dị igegenechi ka ẹ yị wa ka, àa vị ịzẹyịza ẹ ka ọnị ọ va vị ohinọyị ẹnịnị nị, ẹnịnị ẹ va tụ́ ụhwọ́ ịnị uhuhu anị, ama ẹ yị vavọọ, ọchị Isida ene hị́ Ịrẹbanọnị vị ọnị ọnị va tụ ịra ne vú ẹtẹ.