Ayịsaya 16:2 - IWE ỌNỊNỊ

² Anyẹnẹẹ Animowabi ana a navọ hi ụtọ okuha Arinọnị vị ana sị mẹẹ anka inomi ana a dụ hụụnị ịrẹngwẹ anị avọọ. Ẹnịnị vị ana aa doodo zị kẹnẹ.

Ayịsaya 16:2 ပူးပေါင်းရင်းမြစ်များ

2 Ohinọyị 3:4

Ụmẹ ọnọọ, Imesa, ohinọyị Imowabi vị anaā pa atẹmẹ. Ịrayị-ịrayị ọọ̄ sịị kụ ezi atẹmẹ akawụ-akawụ oze ẹvarẹwụ (100,000) naa yị ohinọyị Isirẹrị nị. Avọọ ọ mẹrẹ rẹ kụ ẹyị ịdẹba akawụ-akawụ oze ẹvarẹwụ ẹyị vaa yọ nị.

Ụhịrẹyị 26:2

Ozirenu ọnị ọza ẹ yị mẹ̀ ịrẹyị anị vị enee che oze parahu anka inomi enee hira zịịzị avọọ.

Ụhịrẹyị 27:8

Ọza ana para eehi anị hu sị mẹ̀ anka inomi ene vu para ịrẹngwẹ anị hu avọọ nị.

Ayịsaya 13:14

Azọga ene hi Ịbabịrọnị vee zwee nọ eehi ẹnịnị. Ẹnịnị vị ana vaa sị mẹẹ anka atẹmẹ ẹnẹ ẹ̀ yị nyị ọza ana si eyi pè e nị.

Ijeremaya 48:20

Ẹnịnị vaa kà a wụ nịnị ka, asị ụhị mẹ nyị Imowabi, asị ọ gara ha. Agụvị avọọ waa jị oreree yị ọ nịnị. Và tụra oze ana a zịị nọ ịnị irehu ana aā hi Arinọnị, dị wa nọ̀ọ nịnị ka, asị ụhị mẹ nyị Imowabi nịnị o.

Ijeremaya 48:46

Ẹwụ nịnị Animowabi ẹ̀ nyarị iruwa. Asị aza anaa mẹ ori ana aā hị́ Ikemosi vú ẹtẹ o. Asị ezi anọrụ ẹnịrị ezi anẹẹ awụ nịnị za ọrịhị ne hi aha ọsa ọ.

Ijeremaya 48:9

Ọgụvọ anaa zụ mẹ yị Imowabi, à mẹ̀ ẹ yị ọ, agụvị ka ka a vaa jị ọ eburu. Ẹkụra-ẹkụra ene hi ịnị anị vaa tụ osusu, dị ẹ́ yị nyị ọza ana kụkụ ra ịnị ẹnịnị.

Ịrịka 21:29

O du ku, ẹwụnị Animowabi! Awụ nịnị ọ ta, ẹwụnị anaa hẹkẹ ori Ichemosi. Ezi ewu nịnị ẹ sị vara ọrịhị tụ aha ọsa, ezi anẹẹ awụ nịnị ẹ sị vara ọrịhị Isihoni ohinọyị Anamọrị.

Iwe Ọhụhị Imosiisi ana aa hị́ Ọyịvatụrọda 2:36

Dị Ẹnẹyịmavara mẹ ka ẹ rị avaba ẹkụra ẹnẹẹ hụrị Aroyeri huu va ngụ Igiriyadi.

Iwe Ọhụhị Imosiisi ana aa hị́ Ọyịvatụrọda 3:12

Ịjị Anisirẹrị raa dọ avaba ẹtẹ ta, dị Imosiisi ka evere Irubẹnị ọnịrị Igadi ẹ sị ẹtẹ hụrẹ ẹbẹẹba ẹkụra ana a hị́ Aroyeri ana gụrị irehu Arinọnị ọnịrị achẹva ẹtẹ beri ẹkụra ẹbanyị Igiriyadi.

Iwe Ọhụhị Imosiisi ana aa hị́ Ọyịvatụrọda 3:8

Ẹtẹ ọnị Isihoni ọnịrị Ọgị vị ohinọyị anị vana kwẹẹtẹ hụrị ẹtẹ Anamọrị akẹnẹ Okuha Ịjọdanị ẹyị ịzị ọyịị̄ zị vẹ. Dị ọ gana hụrị upoporo Arinọnị eyi ụvẹtẹ na ngụ ataba Ihamọnị eyi ẹbẹẹba. Avaba ẹtẹ ọnọọ Anisirẹrị dọ wa nị.

Ijosuwa 13:16

Ẹtẹ ẹnịnị vị ene nyima hụrị, Aroyeri ana ya ụtọ Irehu Amọnị ọnịrị ẹkụra ana ya ịnị akakana inozi ọnịrị avaba ẹtẹ inozi ịrẹsụ ataba Imedeba,

Ọdọvịdị 11:18

Ịjẹhwịta ọ rẹ kà a ka Anisirẹrị nịnị vana zị oze ịnị ụnọmị jesi kara ẹtẹ Edomi ọnịrị ẹtẹ Imowabi dị ẹ va ngụ eyi ọnị ọyị zị hụrẹ ẹtẹ Imowabi nị. Ọ kà ịzọọ e tu dị ẹ jị udi va eyi ka irehu Arinọnị nị. Ịjẹhwịta ka ẹyị nyị ụmẹ ọnị Anisirẹrị sị jị ahụ ngụ ẹhwị ẹtẹ Imowabi ana vị Arinọnị.