Ayịsaya 15:2 - IWE ỌNỊNỊ

² Dị Anidiboni hụ agụvị avọọ nọ ini irehi ori ẹnịnị ịnị ataba di ene ee sụ ùnè nị. Animowabi ê sụ ùnè Inebo ọnịrị Imediba, dị ẹ kụ́ ịrẹsụ ọnịrị ịrẹwa ẹnịnị hwòhwòrò nị.

Ayịsaya 15:2 ပူးပေါင်းရင်းမြစ်များ

2 Ịsamụwẹrị 10:4

Ihanuni mẹ̀ vavọọ wụ́, dị ọ za aza oni Idevidi tụ́ na, dị ọ kụ̀ achẹva ịrẹwa ẹnịnị nị. Dị ẹ rẹ za wa awuru dị ẹ yẹrẹ ẹ hụụnị akakana na ngụ iruvo nị. Ịjị ẹ vavọọ sị wa mẹ, dị ẹ dụ wa varẹma nị.

1 Ịtọpa 19:4

Ihanuni ộ za aza oni Idevidi tụ ụtụ aanị dị ọ̀ kụ́ wa ịrẹwa, dị ọ dà wa ịta ịpa iruvo ẹnịnị, dị ọ dụ wa nị.

Ijoovu 1:20

Dị Ijoovu kwẹẹtẹ ịnị ayodu dị ọ ha awuru anị hi ẹngụ, dị ọ kụ ịrẹsụ anị, dị ọ vaku ẹtẹ aa hẹkẹ Ohomorihi nị.

Ayịsaya 14:31

Ẹwụ nịnị Anihwirisiti, tụ́ ụvọ kú ịrẹsụ wee nowu nịnị. Ẹngụ awụ nịnị ọ̀ọ da ẹgahị. Ezirẹkụ ệ kọmị hụrẹ eyi ẹbẹẹba aa vẹ, vị ẹ sị mẹẹ anka areyi avọọ ẹ mẹ̀ rụrụ nị. Ẹ yị nyị ikonya ẹnịnị ana vị anangwahi.

Ayịsaya 15:3

Aza ene hi ini ubooro vị ana kụ́ ịta oji kú ẹngụ ana a sị zụ̀ ka â nyị ịsị ẹ yaa zị ẹngụ anị. Dị aza re hi ịrẹsụ irehi ọnịrị ini orere di e và eyi kú ẹtẹ di eyee sụ ùnè nị.

Ayịsaya 16:12

Animowabi aa nọ ịnị ataba ịda ori ẹnịnị ka vị ẹnị aa naa mẹ̀ aduwa nị. Vị ẹ yaa sị ụyaa rị ẹngụ ẹnịnị kẹnẹ nị, ẹ yị nyị ọgụvọ ẹnẹ ẹ zụ mẹ yị wa

Ayịsaya 16:7

Animowabi vee sụ ùnè agụvị ụya ana vaa rị wa. Ẹ̀ẹ tamayị ẹ mẹmẹ vidii ree rị ẹkụra Ikiri-Ihareseti, ẹnịnị vee ro ịrẹyị dị ẹ yaa jị òrèrè.

Ayịsaya 22:12

Ịhị ọnọọ Ẹnẹyịmavara Ananyị yị Ochẹtẹngụ Ộ hị́ wụ. Ọ kà wa jị òrèrè, dị wa kụ́ ịrẹsụ awụ, dị wa rẹ sị ịta arụwẹ kú ẹngụ.

Ayịsaya 3:24

Eturare e vịdị sii sisi ẹngụ nị, ama ẹngụ ẹnịnị kụkụ vaa ngụ agụ odivi. Ẹnịnị ẹ yị kụkụ vaa sị ịbanụ za ọtẹ, ama ẹda ana a sị tụ́ ọrịhị avọọ ẹ vanaa sịị za ọtẹ nị. Ẹyị ẹnịnị ene vịdị nyị ọyịza-ọyịza vaa ta, dị ẹ kụkụ kụ́ ọmarị. E yi kuku vee re ịta ozozaa kú ẹngụ, ụsẹ ẹ vanaa za nị. Ọvị ẹnẹ ẹ vịdị aa mẹ avọọ, ụhị ọ vanaa dọ ọ ịrẹsụ nị.

Ijeremaya 3:21

Aa wụ́ ka aza ee na owu ịrẹsụ ataba. Anisirẹrị nịnị aa jị òrèrè, dị ẹ yaa da ịpẹ nị, agụvị ka ẹnịnị ẹ sị ebira odivi-odivi mẹ. E reè hi ayị Ẹnẹyịmavara, Ohomorihi ẹnịnị.

Ijeremaya 47:2

Ọ kà, ré, ịrẹyị aa vẹ hụrị eyi ẹbẹẹba. Aa vẹ eyiha-eyiha anka irehu ọọ́ há ngụ ẹkụra avọọ. Ịrẹyị ọnọọ vee tu avaba aha ọnịrị ịsa ene hi ịnị anị, o vee tu ẹkụra ọrụrụ ọnịrị aza ana ra hi ịzọọ. Aza vee nowu ka à va gụ ẹnị ụvọ; dị avaba anẹhẹ aa jị òrèrè ọngwọọngụ.

Ijeremaya 47:5

Ịrẹyị ayodu ana banyị ộ ka Anigaza vẹ. Anẹkụra ana aā hị́ Asikeroni vị ana vaa tịtẹ sisisi. Ịzị Anihwirisitiya ana vọ vaa maanị sụ ùnè nee tu da?

Ijeremaya 48:1

Ijeremaya kà, ịrẹyị ọnị Ẹnẹyịmavara Ochẹtẹẹngụ tụ ọnị hi aza ene hi Imowabi yị. Ịrẹyị o tu ẹwụ nịnị ene hi Inebo ẹngụ. Ẹkụra awụ nịnị ee vee vú ẹtẹ. Ẹtẹ Ikiriyatayimi vị ana a vaa mẹ̀ ụhị nyị, dị aa za a. Aha ụkata ẹnịnị vị ana a vaa gara a ha.

Ijeremaya 48:18

Ẹwụ nịnị ana rá hi ẹtẹ Idiboni, chí hi ẹtẹ hụụ ịzị ụ na yaatụ ọnị wa sịị mẹ ụbanyị nịnị avọọ, dị wa va yaatụ ịnị eteesu nịnị. Ọnịvị Imowabi ộ vẹ, ọ́ sị avaba ẹkụra anị jị eburu.

Ijeremaya 48:31

Avọọ ọnị aa jị òrèrè boro-boro agụvị avaba Animowabi nịnị, agụvị anị ịzị aā hị́ Ịkị-Ịhẹrẹsị.

Ijeremaya 48:35

Ẹnẹyịmavara kà ọnị ẹ́ yị ma vana zẹẹ ka Animowabi nịnị ẹ̀ mẹ̀ ịsọvọ yị ori ẹnịnị ịzị ẹyaa mẹ ori.

Ijeremaya 49:3

Ẹwụ nịnị Anihesiboni, wa jị òrèrè boro-boro nịnị! Asị ẹkụra ana aā hị́ Ayị vú ẹtẹ o! Ẹwụ nịnị ana ra hi Ịraba, waa jị òrèrè boro-boro nịnị. Waa zị ẹngụ nịnị di wa kụ́ ịta suku-suku hi ẹngụ nịnị. We zwèe zịịzị nịnị agụvị ka wẹ yị yẹ ịsị aa mẹ nịnị. A vaa sị ori awụ nịnị Imorẹkị beri ohirẹsụ irehi anị, ori ẹnị ọdọvịdị anị naa tụ ẹkụra ọsa.

Ijeremaya 7:29

Ọ kà, ẹwụ nịnị Anijerusarẹmị ọ̀ kụ ịrẹsụ awụ nịnị. Na yà ịnị ataba dị wa jị òrèrè nịnị agụvị ka Ẹnẹyịmavara aa kụ ayị hi anụmọgọnị. Ọ sị wa yi hụụnị aza anị.

Ezikẹẹrị 27:31

Ẹ vaa hụ agụvị awụ nịnị dị ẹ kụ́ ịrẹsụ ẹnịnị hworo-hworo, dị ẹ kụ ịta kẹnẹ-kẹnẹ hi ẹngụ. Ẹnịrị ayodu ọ vaa vị ẹẹẹ maa jị òrèrè nị.

Ezikẹẹrị 30:2

Ozi-ọza, ọnị ọ̀ kà ịsẹ, dị ọnị ọ̀ kà a, ịsị ọnị Ẹnẹyịmavara Ochẹtẹẹngụ kà, ọ ka ọnị ò nowu boro-boro ka, Ẹkụhị ayịhụrịnẹ aa vẹ o.

Ezikẹẹrị 7:18

Avaba ẹnịnị vaa và ịta suku-sukuu ku ẹngụ, dị angwahi ta ngụ wa ẹngụ. Ẹnịnị vaa kụ́ avaba ịrẹsụ ẹnịnị anka ọza ana nyị ọmarị avọọ, dị a mẹ̀ ụhị nyị avaba ẹnịnị.

Ireevi 13:40

Ẹyị ịnị akakana ịrẹsụ ọza òo hu ha, ọ́ raa nyị ọmarị, ama, ọza ọnọọ ọọ nị.

Ireevi 21:5

Asị ẹnịnị zị ẹngụ oku pooro dị ẹ kụ́ ịrẹsụ, a vị dị ẹ hara ịrẹsụ, a vị dị ẹ jị ịrẹkụ.

Emọsị 8:10

Ẹnẹyịmavara kà ọnị ve du wa ayị ẹkụhị eche ẹnịnị, dị ẹ va ẹngụ hi. Dị aahẹ ẹnịnị vana vara orere oku. Dị ẹ kụ ẹnya ara hi ẹngụ anị ka ọza ọnị ọzị ikonya ọnị ọ nyị su avọọ.

Ịrịka 21:28

Ịra vị ana jịnẹ hụụnị irenu anị, Ịra vị ana za hụụnị ẹkụra ọbanyị Isihoni. Ịra ana rị ẹkụra Arị ịnị ẹtẹ Imowabi, dị ọ mụnẹ avaba ohinọyị ịrẹsụ ataba Arinọnị nịnị.

Ịrịka 21:30

Ama booro aanị, evere anị ệ ta hụrị Ịhẹsịbọnị na ngụ Idiboni, hụrị Inasimi na ngụ Inopa ana gụrị Imedeba.”

Ịrịka 32:3

Ataroti, Idiboni, Inimira, Ịhẹsịbọnị, Erire, Isebami, Inebo ọnịrị Ịbẹyọ,

Ịrịka 32:38

Inebo ọnịrị Ịbaarị-Imeyoni neberi Isibima vị ene ree tenyi dà, dị ẹ sị ịrẹha ọwọọwa yị wa.

Iwe Ọhụhị Imosiisi ana aa hị́ Ọyịvatụrọda 14:1

Ẹwụ nịnị Anisirẹrị vị ezi Ẹnẹyịmavara Ohomorihi awụ nịnị. Agụvị avọọ, ẹnịnị aa zị ẹngụ oku, asị ẹ sị ịsa da ẹngụ ẹnịnị, a vị dị ẹ hara ẹyị ịnị ịrẹsụ ẹnịnị yị oku.

Iwe Ọhụhị Imosiisi ana aa hị́ Ọyịvatụrọda 34:1

Imosiisi ộ hụrẹ inozi Imowabi hịrẹ nọ ịrẹsụ ataba Inebo na ngụ ịrẹsụ ataba Ipisiga ana va eyi ka ẹkụra ana aā hị́ Ijeriko. Ịzọọ Ẹnẹyịmavara ya sị avaba ẹtẹ Anisirẹrị zụ ọ nị Ẹtẹ ọnọọ ọ kwẹẹtẹ hụrị Igiriyadi va hịrẹ na ngụ ẹkụra ana aā hị́ Ịdaanị,