Ayịsaya 13:9 - IWE ỌNỊNỊ

⁹ Ẹkụhị Ẹnẹyịmavara aa vẹ. Ẹkụhị ọnị ọ vaa sị kụ́ ayịị hi aza. Ẹkụhị odivi ịhị ọnọọ vaa vị nị. Ịhị ọnọọ Ohomorihi vaa wụ̀ ọnịvị nịnị vaa ha, dị ọ tụ́ ẹtẹ ọnọọ osusu.

Ayịsaya 13:9 ပူးပေါင်းရင်းမြစ်များ

Ahẹ Ụgama 104:35

Navọ ahịka vị ọnịvị ve vú ẹtẹ hụrẹ ẹhẹ nị, dị asị a kụkụ nyị aza edivi. Vị a vọrọ ka maa kụ́ Ẹnẹyịmavara nị. À vẹ yaa kụ́ Ẹnẹyịmavara.

Ụhịrẹyị 2:22

Ama Ohomorihi vị ene vee vu aza ana mẹ̀ ebira edivi ẹtẹ hụụnị ẹhẹ. Ọ́ vaa kụ wa hụrẹ ẹtẹ anka a mee hu avịị hụrẹ ẹtẹ avọọ nị.

Ayịsaya 13:6

Tụ́ ụvọ kú ịrẹsụ wee nowu ka ẹkụhị ẹnẹ Ẹnẹyịmavara Ochẹtẹẹngụ vaa sị wụ̀ azaa ha o si tù.

Ayịsaya 2:12

Ẹnẹyịmavara ọ nyị avaba ụkata nị. Ọ raà jị ẹkụhị ọnya tịtẹ. Ịhị ọnọọ ọ vaa za avaba aza ene ee wu ịka zị dị ọ kà wa chi, dị ọ mẹ̀ ụhị nyị wa.

Ayịsaya 34:8

Ịhị ọnọọ Ẹnẹyịmavara vee si atọ ịsa ana a mẹ Anịzayọnị, dị ọ dọ Anịzayọnị há nị.

Ayịsaya 63:4

Ẹnẹyịmavara kà ụmẹ ọnị a sị dị aza anị ha o si tu. Ụmẹ o si tu ka ọnị ọ sị ụya rị ọnịvị aza anị nịnị.

Ayịsaya 66:17

Ẹnẹyịmavara kà, ẹzẹtẹ aza ana jị ẹngụ ẹnịnị yị ori ọyị hẹkẹ aa gụrị ẹtẹ. Ẹnịnị va ọkọnị na ngụ ụbazị ori nịnị, dị ẹ rị uye ụra ọnịrị ụsụ beri ịsa enyisi ana vọ.

Ayịsaya 9:19

Ẹnẹyịmavara Ochẹtẹẹngụ vị ana nyayịnẹ aa kụ́ ayịị hi aza ẹnẹẹ. Ọyịkụ vaa ngụraa za aza ẹnẹẹ, dị ẹ yaa rị ịra anka ọkụ avọọ, ọzọza ọnịrị ọhụva anị vị ana vaa và eyii kà ẹngụ.

Ezikẹẹrị 13:5

Ẹnịnị ẹ́ yị na jẹẹ ịzị ọvọ wú hi ẹtẹ dị ee sere e. Ẹnịnị ẹ́ yị rẹ va kà a ka ẹnị ee tenyi ọvọ ọnọọ tụra; agụvị avọọ Anisirẹrị nịnị é yi vee re ịsaa dọ waa tụ ịhị Ẹnẹyịmavara ọọ ka ọnị aa sị ụyaa rị wa, dị a kụ ịrẹkụ ve tu wa nị.

Ezikẹẹrị 30:3

Ẹkụhị ọnị Ẹnẹyịmavara vaa sị mẹ ịrẹyị ọ sị gụrị ẹtẹ. Ẹkụhị ọnị ịsa ọrụrụ-ọrụrụ vee du, dị ọ vị ẹngụkata yị ẹkụra ọrụrụ-ọrụrụ ọ́ vị̀ nị.

Ijowẹrị 1:15

Ẹkụhị ọnị Ẹnẹyịmavara vee sii du ayị hi wa aa gụrị ẹtẹ. Ịhị ọnị Ohomorihi Ochẹtẹẹngụ vee vu wa ẹtẹ vaa daa divi kẹnẹ.

Ijowẹrị 2:1

Ẹnẹyịmavara kà e hú ọpanyị, di e na owu tụ ẹhẹ ịrẹsụ Ịzayọnị ana vị ataba anị, dị avaba aza ene hi Ijuda e hí angwa! Ẹkụhị ọnị Ẹnẹyịmavara vaa sị mẹ̀ ọkarẹyị aa gụrị ẹtẹ.

Ijowẹrị 2:31

Dị ọyị vene hozi, dị ụhwẹ ee vi anka anya tụ́ ẹbẹẹba. Ịvọpa ẹnẹnị aa sị zụ̀ ka ẹkụhị ọbanyị ọnị Ẹnẹyịmavara vee si du ayị hi aza anị aa gụrị ẹtẹ

Ịnahụmị 1:2

Ẹnẹyịmavara Ohomorihi vị anaā kụ́ ụhị; Ọnị ọọ̄ sị ụya rị aza ana aa va eyi ịrazị ka a nị. Ọyịkụ-ọyịkụ o vee si sí ọnịvị anị nịnị atọ nị.

Ịnahụmị 1:6

Ẹnẹyịmavara àa kụ́ ayị, ẹnẹ hụ ọ jẹẹ zi ọ? Ẹnẹ zụ ha hụụnị ọyịkụ ọkatẹngụ anị? Ọyịkụ anị vị ana sị mẹ anka ịra anaa rị ọsa avọọ. Dị avaba ịda nịnị sụ̀ atịtọ ọvịdị anị nị.

Ịnahụmị 1:8

Ẹnẹyịmavara vi ene vee vu ọnịvị anị ẹtẹ anka ọhaara enyi mẹẹ̄ kụ ịsa avọọ. Dị ọ sị ọnịvị anị nịnị na gẹrẹ usu.

Ịzẹhwanaya 1:15

Ịhị ọnọọ Ẹnẹyịmavara vaa sị zụ wa ịzị ayị kụ ọ ne tu, dị ahịka ẹngụkata ọnịrị ụya kẹnẹ e yee re nị. Ogu ọnị ẹ nyị vị ene e vee du ha, dị ọọdụ vara ịrahụ yị wa.

Ịzakaraya 14:1

Ẹkụhị ọnị Ẹnẹyịmavara vaa sị mẹ̀ ọkarẹyị aa gụrị ẹtẹ. Ịhị ọnọọ dị anẹkụra ọsa vaa kụ́ ogu Ijerusarẹmị, dị ẹ ga hi ẹngụ ụvọ eyi ẹnịnị.

Ịmarakayị 4:1

Ẹnẹyịmavara Ochẹtẹẹngụ ka, ẹkụhị aa vẹ ọnị aza ana aa sị ẹngụ tụ ẹba ọnịrị enebira odivi va rị ịra anka azịzẹ avọọ. Ịnị ụmẹ ọnọọ, ẹ va rị ịra saka-saka, dị ẹ yị nyị ịzị ẹ da tịtẹ vụrụ-vụrụ.

Ẹtore 18:8

Agụvị avọọ, avaba ụyọrị anị vị ene vee tù ọ ẹkụhị ọnya: ụkụ vaa za a, dị ọ và ẹngụ hi, dị ụngwẹ kụ̀ ọ ẹtẹẹtẹrẹ. A vaa rị ọ ịra agụvị ka Ohomorihi Ananyị yị ana aa mẹ̀ ọkarẹyị anị, ộ nyị ụkata.