Ayịsaya 13:4 - IWE ỌNỊNỊ

⁴ Batọ wáā wụ́ aza màa kụ́ ịrẹka ịnị ataba. Ịrẹka ọnọọ ộ sị zụ̀ ka ẹnịnị ệ rụrụ ẹtẹẹtẹrẹ ana hụrẹ ẹkụra irenyi-irenyi va gụ. Ẹnẹyịmavara Ochẹtẹẹngụ aa hara isojaa gụ.

Ayịsaya 13:4 ပူးပေါင်းရင်းမြစ်များ

Ayịsaya 17:12

Kwaa, wáā wụ́ ekuku anẹkụra irenyi-irenyi ana aa vẹ? Ẹ yaa jị ayịị vẹ anka ókū mèẹ jị ayị, avọọ. Wáā wụ́ aza ẹnẹẹ mèe nowu? Eyee nowu anka adagu mẹ̀ẹ dà vụụ-vụụ avọọ.

Ayịsaya 48:14

Ẹnẹyịmavara kà a kụ ẹngụ gụ, dị ẹ wụ́ ịrẹyị anị. Áá nyị ọnya ịnị ori nini ana kà a yị wa ọza ọnị ọnị sì ịrẹyị anị, ọnị ọnị nyị ka o va eyi ịraazị ka Ịbabịrọnị? Ọza ọnọọ va mẹ̀ ịsa ọnị ọnị si ka ọ mẹ.

Ayịsaya 5:26

Ohomorihi ộ hị́ anẹkụra huu vẹ, ô hú ohi hị́ aza ene hi ụtọ ẹhẹ vẹ. Ẹnị ẹ wụsẹ vẹ eyiha-eyiha aanị nị.

Ayịsaya 5:30

Ịhị ẹkụhị ọnọọ òo si tù, avọọ e mè vee nowu ịnị avaba Isirẹrị anka òkū ana sụrẹyị avọọ nị. Ọza ọ̀ọ kana eyi ịnị ẹtẹ ọnọọ, ịsị o vee re kẹnẹ ọ vị etohozi ọnịrị ẹngụkata nị. Eguhi vị ana vaa mẹ ka avaba ẹtẹ ò hozi.

Ijeremaya 21:4

ẹ̀ na kà a yị Ịzẹdẹkaya ka Ẹnẹyịmavara, Ohomorihi Anisirẹrị ka, ọnị vaa và ẹnya ịrẹkụ ana yà ịnị ụvọ Ịzẹdẹkaya eyii kà a, ẹnya ịrẹkụ enee sii pe ohinọyị Ịbabịrọnị ọnịrị aza anịị kụ ịrẹkụ avọọ. Ọnị vaa kụ wa gụ ịnị akakana Ijerusarẹmị.

Ijeremaya 25:14

Ọ kà ọnị vee si Ịbabịrọnị ụta avaba ịsị ẹ mẹ. Anẹkụra ọrụrụ-ọrụrụ ẹnịrị ohinọyị ẹbanyị-ẹbanyị vaa za wa ọrịhị.

Ijowẹrị 2:25

Ẹnẹyịmavara kà ọnị vaa va ịsa ana mẹ wa ihi ịnị ụmẹ ọnị akụvarịva sị rị ịsa ịnị aarẹ ẹnịnị ịrẹma yị wa.

Ijowẹrị 3:14

Ọkọnị aza ẹ̀ẹ na sị gụ hi inozi ọkarẹyị ọnọọ Ịzọọ ọnọọ, ụmẹ ọnị Ẹnẹyịmavara vaa mẹ̀ ọkarẹyị aa gụrị ẹtẹ nị.

Ẹtore 18:8

Agụvị avọọ, avaba ụyọrị anị vị ene vee tù ọ ẹkụhị ọnya: ụkụ vaa za a, dị ọ và ẹngụ hi, dị ụngwẹ kụ̀ ọ ẹtẹẹtẹrẹ. A vaa rị ọ ịra agụvị ka Ohomorihi Ananyị yị ana aa mẹ̀ ọkarẹyị anị, ộ nyị ụkata.