Ayịsaya 13:2 - IWE ỌNỊNỊ

² Nọ ịrẹsụ ataba ẹnẹ ẹ̀ yị nyị ọchị. Wèe tù ịzọọ dị wa kụ̀rà uyi tụ́ ẹba ka ịrẹkụ o si tù. Nowu, di we mi ụvọ hị́ isoja ka ẹ̀ ngụ tù anẹkụra ẹnẹẹ ana aā vavọọ mẹ eyi.

Ayịsaya 13:2 ပူးပေါင်းရင်းမြစ်များ

Ahẹ Ụgama 60:4

Aza ene hí angwa awụ vị ọnị ụ kà ọ̀nọ̀ ka ẹnịnị èe zwe ka ịrẹyị ve tù wa.

Ayịsaya 10:32

Ọnịvị nịnị ẹ va sị ngụ ẹkụra Inobi ajịnị, eyee che ọpẹẹ hi ataba ana yà Ijerusarẹmị.

Ayịsaya 11:12

Ananyị yị vaa tana uyi anịị tụ́ ẹba dị ọ̀ sị zụ̀ anẹkụra ana vọ ka ọnị aa kụ́ Anisirẹrị vaa vẹ eehi. Ọ vaa kụ́ avaba Anijuda hụrẹ ịzị èe che ne hi ẹhẹ, dị ọ kụ́ wa vẹ eehi.

Ayịsaya 11:15

Ẹnẹyịmavara vaa mẹ ka enyi ini okuha Ijipiti ẹ̀ wụ. Dị ọ rẹ tụ́ ahị ịrịịra kú Okuha Iyuhwireti. Dị ọ ha a hi oze ịhịmba. Aza ẹ yị hyakụ kụkụ aa tụ̀ adava dị ẹ̀ jịnẹ wa.

Ayịsaya 18:3

Avaba ẹwụ nịnị ene hi ẹhẹ ọ̀ sị ụtọ pè ẹtẹ. Ịjị àa tana uyi tụ́ ẹba ịrẹsụ ataba, dị ọpanyị aa sụ́ ịrẹyị nị, ụ vaa wụ́ nịnị.

Ayịsaya 19:16

Ụmẹ ọnya aa vẹ. Ịhị ọnọọ Anijipiti vee re ka Ẹnẹyịmavara Ochẹtẹẹngụ ọ sị kwẹẹtẹ ka ọnị ọ̀ sị ụya rị ẹnị Ẹnịnị vee hí angwa anka ọnyẹnẹẹ avọọ.

Ayịsaya 31:9

Angwahi vị ana vaa dị waa hụụ ịzị ẹ vịdị naa tẹ ka asị a nyị ịsị ẹ kanyị ẹnị. Ọga isoja ẹnịnị ọ̀ọ maanị sị eyi re ịrẹkụ kẹnẹ dị angwahi ngụ ọ ẹngụ. Ịsị Ẹnẹyịmavara kà ọ vaa mẹ ọ vị ọnọọ nị. Ẹnẹyịmavara ọnọọ á aā yà Ijerusarẹmị hẹkẹ, dị aa sị ịsaa mẹ̀ ịsọvọ dị a rị ọ ịra ịzọọ yọ nị.

Ayịsaya 5:26

Ohomorihi ộ hị́ anẹkụra huu vẹ, ô hú ohi hị́ aza ene hi ụtọ ẹhẹ vẹ. Ẹnị ẹ wụsẹ vẹ eyiha-eyiha aanị nị.

Ijeremaya 50:2

Ọ kà, ọnị ọ̀ na ka enube ọnọnị yị ẹkụra-ẹkụra, ọnị ọ̀ nọ̀ọ enube ọnọnị o. Ọ kà ọnị ọ̀ sị asịyẹ jẹẹ dị ọnị ọ̀ nọ̀ọ enube ọnọnị. Asị ọnị sị tẹ̀ vụrụ-vụrụ. Ịbabịrọnị ọ sị sẹ ẹdụ ọ! Asị ori ẹnịnị ana aā hị́ Imaduki gara ha. Asị ụhị mẹ nyị ori Anibabironi nịnị. Asị ịsị ẹnẹ ẹ́ bẹ vene ịsị irenyi-irenyi hi ẹtẹ chaka va ha.

Ijeremaya 50:41

Ré, aza ẹẹ hụrị eyi ẹbẹẹba aa vẹ. Ẹkụra ọbanyị ọnya ọnịrị ohinọyị ọrụrụ-ọrụrụ hụrị aha ẹnẹẹnẹ ee tenyi ẹngụ ịrẹkụ.

Ijeremaya 51:12

Hú ọpanyị ka à kụ ịrẹkụ jịnẹ ọvọ Ịbabịrọnị. Nyị aza na vaka isoja awụ nịnị, dị wa nyị aza ka ee sere ẹtẹ. Kàa ka aza ẹnyị ẹ̀ tẹ̀ ịnị avị Ẹnẹyịmavara ọ́ raa mẹ ịsị ọ ka ọnị vaa mẹ Anibabironi nịnị.

Ijeremaya 51:25

Ọ kà, ẹwụ nịnị Anibabironi, vị ụ sị mẹẹ nịnị anka ataba enee du avaba ẹhẹẹ ha avọọ nị. Ama ọnị, Ẹnẹyịmavara ọ́ sị eyi ịrazị và ka wụ. Ọ kà, ọnị vaa za wụ, dị ọnị và wụ nịnị nẹtẹ saka-saka na za eteesu, dị ọnị navọ wụ nịnị tụ ịnị edudu.

Ijeremaya 51:58

Ẹnẹyịmavara Ochẹtẹẹngụ ka, ọvọ Ịbabịrọnị bamị-bamị ọnọnị vị ana vaa kwọrọọ zẹtẹ, dị aa rị oze ana aā zịị ngụ ọ ana jẹ gogorogo aanị ịra. Ụkọrọ ọọhẹ kẹnẹ aza va mẹ nị, avaba ịsị ẹkụra-ẹkụra maanị rị ụya anị, aa rị ịra aanị nị.