Ayịsaya 13:1 - IWE ỌNỊNỊ

¹ Etore ịrẹyị ene vee tù Anibabironi ọnị Ohomorihi sị zụ Ayịsaya ozi Amozi yị.

Ayịsaya 13:1 ပူးပေါင်းရင်းမြစ်များ

2 Ohinọyị 9:25

 nyị ozi ahụ Ijehu ọnya ana aā hị́ Ibidika Ijehu ộ hị́ ọ, dị ọ kà a yọ ka, ọ̀ sị oku Ijorami, di ò ne e ta ịnị ẹtẹ Ịnabọtị ana vị Anijezirẹrị nị. Ọ kà ọ̀ tamayị ịrẹyị ọnị Ẹnẹyịmavara kà vàka Ahabị ada Ijorami na, ụmẹ ẹnẹ ẹnị â sịị dụ ịrẹmaa zị.

Ayịsaya 1:1

Iwe ọnọnị vị iwe etore oni Ohomorihi si zụ̀ Ayịsaya ana vị ozi Amozi. Ịnị ụmẹ ọnọọ Uzaya, Ijotami ọnịrị Ahazi ne beri Ihezekaya ẹ vị avọọ vị ohinọyị Ijuda tù ẹngụ tù ẹngụ nị. Ohomorihi ộ sị ẹtẹ ọnọnị zụ̀ Ayịsaya, dị ọ kà a yọ ịrẹyị ene vee tù Ijuda ọnịrị Ijerusarẹmị nị.

Ayịsaya 13:19

Wâ yẹ ka ẹkụra Ịbabịrọnị o zoza hu keekere nị. Anịzọọ vị ana aā sịị mẹ eyi. Ama Ohomorihi vee vú ọ ẹtẹ anka o mè vu Isodọmị ọnịrị Igomora ẹtẹ avọọ.

Ayịsaya 14:28

Ịrẹyị ọnọnị vị ana Ayịsaya kà ịnị ịrayị oni ohinọyị ana aā hị́ Ahazi si sú.

Ayịsaya 15:1

Ịrẹyị ọnị Ohomorihi ka o vee tù Animowabi. Ẹkụra Ari ọnịrị Ikiri ene hi ịnị ẹtẹ Imowabi vi ene vú ẹtẹ ịnị ịrahụ ẹkụhị ọnya.

Ayịsaya 17:1

Ịrẹyị ene vee tù Anịdamasịkọsị yị. Ẹnẹyịmavara kà ọza ọ yị kụkụ vaa yẹ ka â nyị ẹkụra ana aa hí Ịdamasịkọsị. Ịzọọ vị ana vaa jị eburu bemi-bemi.

Ayịsaya 19:1

Ịrẹyị ene vee tù Anijipiti yị: Ẹnẹyịmavara vị ana tụra eguhi di ee zwee ve Ijipiti. Ori Anijipiti nịnị mè re e, ẹngụ ẹnịnị ẹ kụ́ sù ẹgahị, dị angwahi sị ngụ Anijipiti ẹngụ nị.

Ayịsaya 20:2

Ụmẹ ọnọọ Ẹnẹyịmavara ọ raa kà ịrẹyị yị Ayịsaya ozi Amozi Ọ kà ọ̀ ngwa ịta arụwẹ oni o si kú ẹngụ tịtẹ, dị ọ̀ rẹ ngwa adava anị hi ẹtẹ. Ịzẹyịza di Ayịsaya ngwa wa hi ẹtẹ, dị ọ kụkụ tụ́ ahwaahụ dị ọ sị ahụ osusu aa zị nị.

Ayịsaya 21:13

Ịrẹyị ene re vee tù Anarebiya yị: Ẹwụ nịnị anẹkụra Idedanị ana aza anịị̄ kụ́ udi tụ́ ịnị ụnọmị Arebiya ẹ̀ẹ maanị aa hụrẹ eehi,

Ayịsaya 22:1

Ịrẹyị ene vee tù aza ana ra hi ini osusuu ịzị Ohomorihi yàa mẹ ka aza anị è re ẹtẹ yị. U mè re nịnị? Si u ne hi ịrẹsụ irehi aa jẹ ịrajẹ anị nịnị?

Ayịsaya 22:25

Ẹnẹyịmavara Ochẹtẹẹngụ ka ama ụmẹ ọnya aa vẹ. Ọ kà ịhị ọnọọ ọnị vaa kụ́ ezii hụrẹ Eriyakimi ahụ dị ọ hyẹdụ. Ọ kà avaba ẹnya ọnị ọ za vaa garaa ha.

Ayịsaya 43:14

Ẹwụ nịnị Anisirẹrị, Ohomorihi awụ nịnị ana vị Ọnịnị, ana dọ wụ nịnị ha ka, ọnị vaa hụ agụvị awụ nịnịị tụ́ụ nọ Ịbabịrọnị. Ọnị vaa gara oze ọbanyị ẹnịnị ana a sị enyusẹ mẹ ha. Owu ẹnẹ ẹyaa na vaa vara orere.

Ijeremaya 24:1

Ijeremaya ka Ẹnẹyịmavara ộ sị uji ẹẹva ana a kụ ihwigi hi dị asị tụ ọvịdị irehi Ohomorihi zụ ọnị. Ịjọnọọ, Inebukadineza ohinọyị Ịbabịrọnị ọ́ va raa za Ijehoyakimi, ohinọyị Ijuda, ana vị ozi Ijehoyakimi ọrịhị hụrị Ijerusarẹmị ne hi Ịbabịrọnị. Ọnịrị avaba ọdọvịdị Ijuda beri ẹnị anaa mẹ ụkọrụvọ ọnịrị aza ana yára mẹ̀ ụkọrọ irenyi-irenyi ọ́ kụ́ na nị.

Ijeremaya 28:8

Ijeremaya ka, ọnịsẹ nịnị ana yà ọvịdị ọnịrị Ịhananịya ệ kà a da ka ịrẹkụ, ụngwẹ ọnịrị ụkụ vee tù anẹkụra ọrụrụ-ọrụrụ ọnịrị ohinọyị nịnị ana nyị ụkata ẹtẹẹtẹrẹ.

Ijeremaya 50:1

Ijeremaya ka, ịrẹyị ọnị Ẹnẹyịmavara kà yị ọnị ịnị ịpa ẹkụra ana aā hị́ Ịbabịrọnị ọnịrị Anẹkụra ọnọọ yị.

Ijeremaya 51:51

Ọ kà ẹwụ nịnị aza anị aa kà a ka, asị ụhị mẹ nyị wụ nịnị. Ụ ka wé yị re ọza gụ wụ nịnị ụvọ vụrụ-vụrụ agụvị ka anẹkụra ọsa ẹ́ raa ngụ ịzị ẹ́ vị aha Óhomorihi ọnị nya ịnị irehi anị.

Ezikẹẹrị 12:10

Ọnị ọ̀ kà a yị wa ka, Ohomorihi Ananyị ụkata hu kere-kere ka, ụtụ ọnọnị vị ọnị ọnị aa tụ́ụ hi ọdọvịdị ana yà Ijerusarẹmị ọnịrị avaba Anisirẹrị ana vọ hi ịzọọ.

Ịdanịyẹrị 5:28

ỊPẸRẸẸSỊ ọ vị ka Ohomorihi ọ sị ẹtẹ ọnị ohinọyị áa mẹ ịjọva anị gà yị Animeedi ọnịrị Anipesiya nịnị.

Ịdanịyẹrị 5:6

Ịjị ohinọyị vavọọ re e dị ẹngụ anị sị và hí nị. Dị ayị aa hụrẹ ẹ ịnẹ, dị ahụ anị aa dọ ẹgahị pàpàpà nị.

Ịnahụmị 1:1

 nyị ọnọrụ ọnya aanị aa hị́ Ịnahụmị ana vị Anerikosi. Ọsọnị ọ vị ẹtore ọnị Ẹnẹyịmavara sị zụ ọ ka ọ kà yị anẹkụra Ininivẹ nị.

Ihabaku 1:1

 nyị ọnọrụ ọnya aanị ọnị ịrẹha anị rị Ihabaku. Ọnụtụ Ẹnẹyịmavara ọ vị nị. Ẹnẹyịmavara ộ sị ịrẹyị ana vaa mẹ̀ zụ̀ ọ.

Ịzakaraya 12:1

Ọsọnị ọ vị ụtụ ọnị Ẹnẹyịmavara tụ́ hi Anisirẹrị nịnị. Ẹnẹyịmavara ana gana eguhi ku ẹbẹẹba, dị ộ mè ẹtẹ, dị ọ sị ụhwẹ ka ọ sị ra kà,

Ịzakaraya 9:1

Ịrẹyị ọnị Ẹnẹyịmavara kà a kà yị anẹkụra Ihadiraki ọnịrị Ịdamasịkọsị yị. Ẹnẹyịmavara kà ọnị vaa tụhwọ Ịdamasịkọsị. Ọnị vaa sị eyi pè avaba anẹhẹ anka avaba ịrẹsụ ene hi Isirẹrị.

Ịmarakayị 1:1

 nyị ọnọrụ ọnya aanị ịnị ụmẹ ọnya aanị, ana aa hị́ Ịmarakayị. Aanị Ẹnẹyịmavara mẹ tụ ọ ụtụ hi Anisirẹrị nị.

Imatiwu 1:11

Ijosaya ọ ma Ijekoniya beri ẹyịnyara anị nị; ịnị ụmẹ ọnọọ a sị kụ wa nọ Ịbabịrọnị nị.

Ẹtore 14:8

Dị anggẹẹrị ọsa aa saasa anggẹẹrị ịpaapa, dị aa hị́: “Ịbabịrọnị ọ sị hyẹdụ, ẹkụra ọbanyị ọnọọ ọ sị hyẹdụ; ọ sị ọyịkụ Ohomorihi yẹ, agụvị ka ọ raà kụ́ anẹhẹ ka ẹ̀ẹ sẹ̀ ịrẹka.”