Ayịsaya 12:3 - IWE ỌNỊNỊ

³ Enyi àa kụ̀ ọza di o re enyi ohunẹnẹ hú nị, wâ yẹ ọ mẹ̀ẹ jẹ. Avọọ aza Ohomorihi mẹ̀ vaa jẹ ịhị ọ̀ọ raà dọ wa ha nị.

Ayịsaya 12:3 ပူးပေါင်းရင်းမြစ်များ

Ahẹ Ụgama 36:9

Ẹwaā mẹ ka avaba ịsa ẹ̀ zụ yàra nị Etohweyi ọnị ụ sị yị ọ mẹ ka yee re ẹtohweyi nị.

Ahẹ Ụgama 87:7

E vee hú ịsa, dị ẹ yaa jị ahẹ ka, “Avaba ogu ayị vị ana hụrị Ịzayọnị vẹ”.

Ahẹ Isoromọnị 2:3

Ọchị anaā tụ́ ẹtụtụ ana aā hị́ apụrụ mẹ vị irenyi tu ini iruku avọọ, avọọ ọnọrụ ọnị mị sì ịrẹyị anị hu kere-kere aanị mẹ vị irenyi tụ ịnị akakana anọrụ ana vọ nị. Miī sì ka ma yaatụ ịnị uhuhu anị nị. Ẹtụtụ anị vi eneē hine mi ẹtẹẹtẹrẹ.

Ayịsaya 41:18

Ọnị vaa mẹ̀ ka okuha oo si hụrẹ ịrẹsụ otutu nịnị ana sị wụ̀, di enyi ee si ịnị ozi, di enyi hi ụnọmị ana vịdị wụ̀ anka imisi avọọ, dị enyi ee si ịnị ẹtẹ ana vịdị wụ̀ korowu.

Ayịsaya 49:10

Ụngwẹ ọnịrị onyi ẹ yị kụkụ vaa kụ wa. Ẹngụ ẹnịnị vee hi ahị. Ẹnẹyịmavara vaa vayị ẹnịnị, dị ọnị mẹ̀ ịsa ọnị e yee si yị wa anka ọza ene enyi aa kụ ene re enyi ohunẹnẹ hu avọọ.

Ijeremaya 2:13

ka aza anị ẹ raa mẹ̀ ebira odivi oze ẹẹva: Ọ kà ẹnịnị ẹ raa và ịrẹma anị, ọnị ana vị oswe enyi anaā sịị ẹngụ ọzaa hunẹnẹ, dị ẹnịnị na chị́ ịkangga ana ahịka ka ẹnịnị ẹ yị zụ re enyi da hụụnị anị vụrụ-vụrụ yị ẹngụ ẹnịnị nị.

Ezikẹẹrị 47:9

Ọ kà ahatụraha ọnị okuha ọnọnị òo sì na ngụ, a vaa nyị uye ọnịrị ivovo irenyi-irenyi ịzọọ. Enyi ini okuha ọnọnị vaa mẹ ka enyi ini òkū ọnọọ ọ̀ vara enyi ọyịza; ahatụraha ọnị òo sì na ngụ vị ọ́ vaa mẹ ka ịsa ẹ̀ yara nị.

Ịzakaraya 13:1

Ẹnẹyịmavara Ochẹtẹẹngụ kà a ịjị ụmẹ òo si tù, enyi vee si hụụnị ẹtẹ ana vaa nyịna ezi Idevidi ẹnịrị aza ene hi Ijerusarẹmị hụụnị ebira odivi ẹnịnị ọnịrị ẹvụvụ ori ọnị ẹ yaa hẹkẹ.

Ịjọọnụ 1:16

Agụvị ka ô sì ịrẹyị ẹnẹmẹhị, ộ mẹ̀ ọyịza yị avaba ayị; dị aa mẹ ẹyị ẹyịza irenyi-irenyi nị.

Ẹtore 22:1

Anggẹẹrị ọnọọ mẹ raà sị ẹkụra ọwọọwa ọnọọ zụ mị, ộ sị irehu ene enyi anịị mẹ ka ọza ọ̀ yàra zịna-zịna, zụ̀ mị; ô nyeeyi, aa noko-noko aanị. Di ee sìi hụụnị aga Ohomorihi ohinọyị ọnịrị aga Ozi Atẹmẹ nị.

Ẹtore 22:17

Ụhwẹ Ohomorihi ọnịrị ose Ozi Atẹmẹ ọnọọ ka: wa vẹ! Ọza ana àa wụ́ ịrẹyị ẹnẹnị, ọ̀ kà a ka: Wa vẹ! Ọza ene enyi àa kụ̀, ọ̀ vẹ! Ọza ene èe sì, ọ̀ va dọ enyi anaā mẹ ka ọza ọ̀ yàra pooro zịna-zịna, di ò hú ọọ ọọhẹ!

Ẹtore 7:17

Agụvị ka Ozi Atẹmẹ ana yà ọvịdị aga ohinọyị vaa tẹsị ẹnịnị anka oseratẹmẹ. Dị aa kụ́ waa nọ aha ene enyi ẹtẹ anaā mẹ ka ọza ọ̀ yàra pooro zịna-zịna yà. Ohomorihi vee nyee avaba ẹgọọ hụụnị eyi ẹnịnị.

1 Ịsamụwẹrị 2:1

Ịhaana ộ mẹ̀ aduwa dị ọ kà, “Ẹnẹyịmavara ọ raà mẹ̀ ka maa jẹ ịrajẹ; Ayị amị vị ana nyayịnẹ hine agụvị ịsa ọnị ọ mẹ̀ yị mị. Ma nyẹngụ jẹẹ ọvịdị ọnịvị amị, di mee nyi wa unyi. Mâ dà jẹ kẹnẹ ka Ohomorihi ọ raà dọ mị tụ́.