Ayịsaya 11:9 - IWE ỌNỊNỊ

⁹ Ịnị ụmẹ ọnọọ, ịrẹsụ Ịzayọnị ana vị ataba Ohomorihi, ẹ yị vaa nyị ịsị ẹ vaa mẹ̀ ọza ịsa odivi. Òkū mẹ̀ vị enyeenyi avọọ, avọọ avaba ẹhẹ mẹ̀ vaa yẹ ịsa oni Ohomorihi sì nị.

Ayịsaya 11:9 ပူးပေါင်းရင်းမြစ်များ

Ijoovu 5:23

We yi re ẹngụkata ịnị aarẹ awụ, uye ịnị avị ẹ yị vaa du ịsa ịnị aarẹ ha.

Ahẹ Ụgama 72:19

Ẹwụ ana maanị nyị ụbanyị, ị vaa kụ́ wụ avọ pooro nị. Ụbanyị awụ vi ene vee chì avaba ẹhẹ ẹngụ. Aamị, mị ka Aamị.

Ahẹ Ụgama 78:54

Avọọ Ohomorihi mẹmẹ kụ́ aza anị va ngụ ụtọ ẹkụra anị nị. Ụkata anị ọ sị dọ ẹkụra ataba-ataba ọnọọ nị.

Ayịsaya 11:13

Anisirẹrị e yi kuku vee pè Anijudaa kụ̀ ụhị. Anijuda ẹnị ẹyị rẹ kuku vee re Anisirẹrị ọnịvịị ẹnịnị.

Ayịsaya 11:8

Ozweyi maanị vaa mẹ aahẹ ọgụrị ịzị ẹwụ odivi yà, dị ọ hyakụ jị ụvọ ngụ ịzị ọ yà, dị ẹ yị nyị ẹwụ ọnọọ mẹ̀ kà yọ.

Ayịsaya 2:4

Ohomorihi vaa mẹ̀ ọkarẹyị yị anẹkụra ẹbanyị-ẹbanyị ana àa nyị ahankata. Ụhwọ ana aza ẹnẹẹ vịdị aa sịị kụ̀ ịrẹkụ vi eni e vene sii tụ́ ẹdụ, dị ẹ rẹ sị ọha ẹnịnị tụ́ ụhwọ́ ana a sịị mẹ̀ ụkọrọ ịnị aarẹ. Anẹkụra nịnị ẹ mā vana kwẹẹtẹ tù ẹngụ ka vị ẹnị aa kụ̀ ịrẹkụ nị. Ẹnịnị ẹ yị kụkụ vaa jị ẹnya ịrẹkụ.

Ayịsaya 30:26

Ẹnẹyịmavara ana vịdị tụ̀ aza anị ụnava rẹ vaa mẹ ụnava ẹnịnịị yị wa. Ịhị àa mẹ ụnava ẹnịnịị yị wa aanị, ụhwẹ vị ana vaa zẹtẹ anka ọyị avọọ. Dị ọyị ọnị há hu ọ mẹ̀ vịdịị há ụpẹ ịhịmba. Ọyị ana vaa há ẹkụhị ọnya vị ana vaa sị mẹ anka èe rere kụ́ ọyịha ọnị ọ vịdị há ẹkụhị ịhịmba vabẹ avọọ. Avọọ ọ mẹ̀ vaa yà nị ịhị Ẹnẹyịmavara aa mẹ ụnava ọnị ọ vịdị tụ̀ aza anị, dị aa kụ́ wa ẹngụụ nịya nị.

Ayịsaya 32:16

Avaba aha vị ana a kụkụ vaa yàa mẹ ịzẹyịza ịnị ẹtẹ ọnọọ.

Ayịsaya 33:6

Ẹngụ avaba aza vaa vọ di o hunẹnẹ ịnị ụmẹ awụ. Wàa sị ụbanyị yị Ẹnẹyịmavara, ọ vaa mẹ ka ọ̀ dọ wụ há, dị ọ rẹ mẹ ka wa yẹ ịrẹyị nịnị ẹtẹẹtẹrẹ. Ogu avaba ẹnẹẹ vaa vịị yị wụ nị.

Ayịsaya 35:9

Ẹ yị vaa nyị Idu ịzọọ. Ẹ yị rẹ nyị uye odivi ọnyọọnyị ana vaa vatụra oze ọnọọ. Aza oni Ohomorihi sị hị́ varẹma kẹnẹ ẹ vaa vatụra oze ọnọọ nị.

Ayịsaya 45:6

Ọnị va vavọọ vaa mẹ agụvị dị avaba aza aha tụra aha ẹ yẹ ka ọnị ọ vị Ẹnẹyịmavara, ẹ yị nyị Ohomorihi ọsa.

Ayịsaya 49:6

Ộ ka, ẹ yị hụ ka ma vị ozi ahụ kẹnẹ. A nyị ka ma kụ ezi Ijekọvụ ana vị Isirẹrị ana ha nọ udi ụbanyị ẹnịnị. Ẹnẹyịmavara kà ọnị ọ raà nyị ọ ka ọ vị ẹtohweyi yị avaba anẹhẹ agụvị ọ sị ẹdọha yị ọza ọnyọọnya.

Ayịsaya 52:10

Ẹnẹyịmavara ọ sị ụvọ ọnịnị anị tana eyi avaba anẹhẹ. Avaba aza ene hi ịzị ẹhẹ ana ta hi vee re Óhomorihi ayị mẹ vaa dọ aza anịị ha.

Ayịsaya 54:5

Agụvị ka Ohomorihi ana mẹ wụ vị ana vaa sị mẹẹ anka ọ vaa yị wu. Ịrẹha anị ọ rị Ẹnẹyịmavara Ochẹtẹẹngụ nị, Ohomorihi Ọnịnị Ísirẹrị vaa dọ wụụ ha. Ọnị ọ vị Ohomorihi avaba ẹhẹ nị.

Ayịsaya 56:7

Ọ kà, “Mị vaa sị wụ nịnị vẹ Ịzayọnị, ataba ọnịnị amị. Mị vaa mẹ ka ẹẹ jẹ ịnị irehi amị ana yaā mẹ̀ aduwa. Mị vaa dọ ịsọvọ ẹnẹ ẹ̀ẹ mẹ ịrẹsụ ụta ịsọvọ amị. A vaa hị́ irehi amị irehi aduwaa yị avaba anẹkụra nịnị.

Ayịsaya 59:19

Ẹnẹyịmavara kà ọnị vaa va eyi ịraazị ka wa anka ọhaara enyi ọnịrị opomi ọbanyị. Anẹkụra nịnị ene hi eyi ịzị ọyịị̄ zịị vẹ ọnịrị ịzị ọọ̄ zịị ngụ ẹngụ ẹtẹ vee hí angwa anị dị ẹ sị ụbanyị yị ọnị.

Ayịsaya 65:25

Akatapooro ọnịrị ozi atẹmẹ vaa rị ịsaa vaabẹ, idu nịnị vaa rị avị anka ụnọ mẹ̀ẹ rị avị, dị ẹ́wụ́ nịnị kụkụ aa rị èzi. Ẹnịnị ẹ yị ma vana zama ọza, à vị ka ẹ̀ wụ̀ ọza. Ẹnẹyịmavara kà ẹ yị ma vana nyị ịsị ẹẹ zama ọza ịrẹsụ ataba ọnịnị amị.

Ayịsaya 66:18

Ẹnẹyịmavara kà ọnị ọ yẹ ịsa ọnị e yee ro ọnịrị ebira ẹnịnị. Ọnị aa vẹ vaa kụ avaba anẹhẹ gụ. Ịjị ẹ̀ẹ sị gụ, ẹ vaa yẹ ụkata anị za.

Ayịsaya 66:20

Ẹ vaa kụ anda ẹnịnị ene hi ẹhẹ vaa vẹ eehi va yị Ẹnẹyịmavara anka ọza o rere sị va yị ọ avọọ. Ẹ vaa kụ wa vẹ ịrẹsụ ataba ọnịnị anị Ijerusarẹmị ịrẹsụ umaata, ịkẹrịkẹtẹ, ịnyaakụmị, ịkẹkẹ ịrẹkụ ọnịrị aha ẹnya anị. Ẹ́ vaa kụ wa vẹ anka a mẹẹ̄ kụ ẹyịza ọyị sị mẹ̀ ịsọvọ ịnị ẹnya ana nị vẹ ịnị irehi Ohomorihi avọọ nị.

Ijeremaya 31:23

Ẹnẹyịmavara Ochẹtẹẹngụ, Ohomorihi Anisirẹrị ka, ịjị ọnị ọọ raa varẹma kụ aza anị vaavẹ eehi ẹnịnị, ẹnịnị vanaa kà a ịnị ẹtẹ Ijuda ọnịrị avaba ẹkụra ene hi ịnị anị ka, Ẹnẹyịmavara ọ̀ mẹ ka ò zé yị ataba anị ana yà Ijerusarẹmị, aha ọnịnị ịzị ọnị ụvọta ra.

Ijeremaya 31:34

Ọ kà, ọza ẹnyị ẹ́ yị kụkụ vaa kọ ọ yị ọsa ka ọ̀ yẹ Ẹnẹyịmavara, agụvị ka avaba ẹnịnị vaa yẹ ọnị, hụụnị ozweyi ẹnịnị na ngụ ọzọkụ. Ọ kà ọnị vaa vagu avaba akụvị ẹnịnị, dị ọnị ẹ́ yị kụkụ tamayị ebira odivi ẹnịnị.

Ezikẹẹrị 34:25

Ọnị vaa mẹ eto beri wa, dị ẹ̀ nyị ẹngwọọrọ. Ọnị vaa dụ avaba uye edivi-edivi hụụnị ẹtẹ ẹnịnị agụvị ẹ̀ẹ yaa sụ̀ ara ịnị avị ọnịrị ịnị ụnọmị, asị a nyị ịsị ẹ mẹ̀ wa.

Ezikẹẹrị 47:5

Ịjị ọ vana mọ okuvọ akava rị ẹchẹhị ọsa, enyi ọ́ sị nyịnẹ ana ahịka ọza ẹ́ yị zụ ngụ na jịnẹ ẹ̀ yị vị ọ́ mẹrị ọ.

Ịdanịyẹrị 11:45

Ọ va naa jị ajẹngụ ọbanyị ohinọyị anị tụ ịnị ẹtẹ ana ya ịnị akakana oku ọnịrị ataba ana dà irehi Ohomorihi tu Ijerusarẹmị. Ama e yị vee re ọzaa gụ ọ ụvọ dị ò su ne ta.

Ịdanịyẹrị 12:4

Ịdanịyẹrị ka anggẹẹrị ọnọọ ộ kà a yị ọnị ka ọnị ò ku iwe ọnọọ oku dị ọnị ọ̀ sị ịsa va a ne tù ụmẹ ọnị ẹhẹ vaa sịị za ẹtẹ. Dị ò ve tù, aza ọrụrụ-ọrụrụ vaa vàa chi vàa hịrẹ dị ọzọza aa kọsẹ ka ẹnị ẹ̀ yẹ ịsa huni avọọ.

Ihoseya 2:18

Ộ kà ọnị vaa dọ ka Isirẹrị ọ̀ ra ịnị ẹngwọọrọ. Ọnị vaa mẹ̀ ka asị uye ịnị avị nịnị ọnịrị inomi nịnị kụ́ akanya tù ọ. Dị ọnị rẹ kụ́ ịrẹkụ hụrẹ ẹtẹ kwooze yị ọ.

Ijowẹrị 3:17

Isirẹrị vaa yẹ ka ọnị Ẹnẹyịmavara ọ vi Ohomorihi ẹnịnị nị. Ọnị ọ ra Ịzayọnị ataba ọnịnị anị nị. Ijerusarẹmị vaa vị ẹkụra ọtụrenyi, enyisi ọ vị ka isoja anẹkụra ọsa nịnị ẹ rị ọ nị.

Ihabaku 2:14

Aza ana yẹ Ẹnẹyịmavara dị ẹ sị ụbanyị yọ vaa rụrụ chi ẹhẹ ẹngụ anka enyi meē hi oku avọọ.

Ịzakaraya 14:9

Ụmẹ ọnọọ Ẹnẹyịmavara ọ vaa vị ohinọyị tụ́ ịrẹsụ avaba ẹhẹ nị. Ọzọza vaa hẹkẹ ẹ anka Ohomorihi, dị ẹ vavọọ yẹ ịrẹha anị.

Ịzakaraya 8:3

Ịsị Ẹnẹyịmavara Ochẹtẹẹngụ kà yị: Ọ kà ọnị vaa vavẹ Ịzayọnị, dị ọnị ra Ijerusarẹmị. A vaa hị́ Ijerusarẹmị ẹkụra ọnịrẹyịzẹyịza, dị a hị́ ataba Ẹnẹyịmavara Ochẹtẹẹngụ ataba ọnịnị

1 Anịtẹsaronika 5:15

Re ka ẹ́ yị nyị ọza ana sị odivi si atọ odivi yị ọzọnyị-ọzọnyị. Waa mẹ̀ ịsa ene zoza ịnị akakana awụ nịnị, dị ụ wa rẹẹ mẹ̀ ẹ hi avaba ọza nịnị.

Ẹtore 21:27

Ẹ yị nyị ịsa ikonya eneē du ọza ẹngụ, ana vaa ngụ ịnị ẹkụra ọnọọ. Aza ene ee du ẹhẹ ọnịrị aza eneē cheeche, ẹ yị vaa ngụ ịzọọ. Aza ana chẹrẹ tụ́ ini iwe Ozi Atẹmẹ ọnọọ ana vị iwe aza ana yára pooro zịna-zịna kẹnẹ, ẹ vaa ngụ ịzọọ nị.