Ayịsaya 11:3 - IWE ỌNỊNỊ

³ dị ọ rẹ nyayịnẹ sị ụbanyị yị Ohomorihi bẹẹ. Ẹ yị vị ịsị o sị eyi re ọnịrị ịsị a kà yọ kẹnẹ ọ vaa sị mẹ̀ ọkarẹyị.

Ayịsaya 11:3 ပူးပေါင်းရင်းမြစ်များ

2 Ịsamụwẹrị 14:17

Dị ọnẹẹ rẹ ka, “Taarụ, mê ro ka ịrẹyị awụ vaa sị ayị amịị nẹtẹ. Mâ yẹ ka vị ụ sị mẹẹ anka anggẹẹrị Ohomorihi avọọ nị. Wâ yẹ ịsa ozoza ọnịrị odivi. Ẹnẹyịmavara ana vị Ohomorihi awụ ọ̀ yà beri ewu.”

2 Ịsamụwẹrị 14:8

Di ohinọyị kà a yị ọnẹẹ ọnọọ ka ọ̀ọ nọ eehi anị ka ọnị vaa mẹ ọda ka à naavọ hẹẹ.

1 Ohinọyị 3:28

Avaba Anisirẹrị mẹ wụ̀ ọkarẹyị ọnị ohinọyị mẹ̀, di o hi wa eyi agụvị ka ê re ka Ohomorihi ọ sị ịrẹyọyẹ yọ ana aā sịị mẹ̀ ọkarẹyị nị.

1 Ohinọyị 3:9

Aarịhịnị navọ wa sị ịrẹyọyẹ yị mị dị ma zụ yẹ irenyi ana yà ịnị akakana ọyịza ọnịrị odivi. À yị vị avọọ ẹnẹ zụ mẹ̀ ọkarẹyị aza awụ ana maanị dẹngụ aanị?”

Ijoovu 12:11

Ọza mẹẹ̄ sị ịrarẹ da ịsa re avọ̀ọ, avọ́ọ ọza mẹẹ zama ịrẹyị ọnị ọ, wụ re nị, kọ ịrẹyọyẹ hụụnị ụvọ azọkụ nị.

Ijoovu 34:3

Ro ịrẹyị ọnị mi kà aanị anka a mẹẹ̄ zama uhine ịsa re avọọ.

Ụhịrẹyị 2:5

Ịjọnọọ ụ́ vaa yẹ Ẹnẹyịmavara dị wee hí angwa anị nị.

Ụhịrẹyị 2:9

Wàa wụ́ ịrẹyị Ẹnẹyịmavara, ụ vaa yẹ ịsị ẹ vọrọ, dị waa mẹ ịzẹyịza, dị waa mẹ̀ ebira ozoza.

Ayịsaya 33:6

Ẹngụ avaba aza vaa vọ di o hunẹnẹ ịnị ụmẹ awụ. Wàa sị ụbanyị yị Ẹnẹyịmavara, ọ vaa mẹ ka ọ̀ dọ wụ há, dị ọ rẹ mẹ ka wa yẹ ịrẹyị nịnị ẹtẹẹtẹrẹ. Ogu avaba ẹnẹẹ vaa vịị yị wụ nị.

Ezikẹẹrị 45:8

Okokooro ọnọnị ọ vaa vị ọnyịrẹva ẹnị ọdọvịdị Anisirẹrị nịnị nị, agụvị a sị ẹnịnị kuku me ehuna yị aza, dị ẹ̀ navọ wa hẹẹ ka ẹ̀ rá ẹngwọọrọ-ẹngwọọrọ tụ ịnị ẹtẹ ẹnịnị.

Imika 4:3

Ohomorihi vaa mẹ̀ ọkarẹyị yị anẹkụra ene ee pè ẹngụụ zyaazị, ẹkụra ẹbanyị ana nyị ụkata ana gụrị ẹtẹ ọnịrị ene noze. Ụhwọ ana aza ẹnẹẹ vịdị aa sịị kụ́ ịrẹkụ vi eni e venee si tụ́ ẹdụ ana a sịị kụ́ ịrịkụ. Dị ẹ sị ọha ẹnịnị tù ụhwọ ana a sịị mẹ̀ ụkọrọ ini aarẹ, aanị tụ́ ịnị ịrẹyị ẹnịnị. Mị ka o vee ji ịrazị ana aza ee pè ẹngụụ zị. Anẹkụra ẹ mā vana kwẹẹtẹ tụ́ ẹngụ ka vị ẹnị aa kụ̀ ịrẹkụ nị. Ẹ yị kụkụ vaa nyị ka vị aza aa kọsẹ ịrẹkụ nị.

Iruuku 2:52

Ijeesu aa vịra, aa yẹ ịrẹyịị hu avọọ, ọ raa hụ. Ohomorihi ô sì ịrẹyị anị, aza eni ree sì ịrẹyị anịị hu avọọ bẹẹ.

Ịjọọnụ 2:25

Ẹ yị nyị ka ọza ọ̀ naa kà ịrẹyị azaa yị Ijeesu, agụvị ka ộ yẹ ịsị ẹ yà ịnị ayị aza.

Ịjọọnụ 7:24

Asị ụ rẹ̀ mẹ̀ ọkarẹyị eyi-eyi nịnị, waa sị ịzẹyịzaa mẹ̀ ọkarẹyị nịnị.”

Anihiburu 5:14

Ịsa ọyịrị obooro ázọkụụ̄ rị nị. Ẹnịnị ệ kọsẹ ịrẹyọyẹ, agụvị avọọ ẹ sị ọyịza ọnịrị odivi yẹ.

1 Ịsamụwẹrị 16:7

Dị Ẹnẹyịmavara va hị́ Ịsamụwẹrị dị ọ ka asị ụ re eyi ịrẹsụ anị ọnịrị ọ mẹmẹ hụ, agụvị ka ẹ yị vị avọọ ọnị mẹẹ̄ nyị ọza rị ohinọyị. Ọ kà a yị vị ọza mèe re ẹtẹ ọnịị̄ re ẹtẹ. Ọ kà ọza vi ene eē re ẹhẹẹhẹ, ama ọnị Ẹnẹyịmavara vi ene eē re ayị ọza.