Ayịsaya 11:2 - IWE ỌNỊNỊ

² Ẹnẹyịmavara vaa sị ụhwẹ anịị tụ́ ịnị ayị anị, dị ọ mẹ ka ọ̀ yẹ ịrẹyị ẹtẹẹtẹrẹ. Ọ rẹ vaa mẹ ka ọ yara pè ọza jiwe, dị ọ rẹ sị ụkata yọ. Ohinọyị ọnọọ vaa yẹ ịsa ọnị Ohomorihi sì,

Ayịsaya 11:2 ပူးပေါင်းရင်းမြစ်များ

2 Ịsamụwẹrị 23:3

Ohomorihi Anisirẹrị ọ sị ịrẹyị kà, Ọza ene ee sere Anisirẹrị ọ sị ịrẹyị kà yị ẹmị. Ọ kà ọza ana sị ịzẹyịza dị ọ yàa sịị̄ mẹ ịjọva tụra ọza. Aza ana yaā mẹ ịjọva, dị ẹnịnị nyị angwahi Ohomorihi,

Ahẹ Ụgama 72:2

Navọ kwogwo ọ̀ọ sị ịzẹyịzaa mẹ ohinọyị anị, dị asị o sima ọkarẹyị mẹ yị aza ana aa rị ụya.

Ọyịkụra 28:3

Kà ẹ yị avaba aza ọnị mị sị ịrẹyọyẹ yị ka ẹ̀ yara mẹ̀ ụkọrọ tụ́ ịnị awuru ka ẹ̀ vavọọ jị awuru ọnọọ yị Eerọnị. Awuru ọnọọ a vaa sị sị ọ mị ka ọ̀ vị ohirẹsụ irehi amị, dị ọ̀ mẹ ụkọrọọ mị nị.

Ayịsaya 28:6

Ẹnẹyịmavara vaa mẹ ka aza ana aa mẹ̀ ọkarẹyị ẹẹ mẹ ịzẹyịza. Dị ọ rẹ sị ụkata yị aza ene ee sere ẹkụra ka ẹ̀ zụ dụ ọnịvị varẹma.

Ayịsaya 32:15

Avọọ ọ mẹ̀ vaa yà pooro di Ohomorihi ọ̀ tụ́ ụhwẹ anị hụrẹ ẹbẹẹba vẹ dị ọ̀ va mẹ ka ẹtẹ ana vịdị tịtẹ paapara ọ̀ vara ẹtẹ ozoza. Ọ hyakụ vee zozaa huna ẹtẹ ene ozoza ẹtẹẹtẹrẹ dị ọọ̄ mẹ̀ ịsa.

Ayịsaya 42:1

Ẹnẹyịmavara kà; “Ozi ahụ amị yị, Ẹma sị ụkata yọ nị. Ma sị ọ nyị̀, ayị amị ô hine tù ọ. Ma raà sị ụhwẹ amịị yọ; Ọ vaa mẹ̀ ebira ana vọrọọ hi avaba anẹhẹ.

Ayịsaya 48:16

Ọ kà booro aanị ẹ ka pe ọnị dị ẹ wụ́ ịsị ọnị aa kà a. Hụụnị oyinyima ọnị e yi were ka ịrẹyị anị. Ọnịị̄ mẹ̀ ka avaba ịrẹyị anị ọ sẹ nị.

Ayịsaya 59:21

Ẹnẹyịmavara ộ kà yị aza anị ka ọnị vaa sị ụkata anị ọnịrị ịrẹyị anị yị wa pooro zịna-zịna. Ẹ sị ịrẹyị anị zụ ezi ẹnịnị ne tu ezi ịrẹma-ịrẹma ka ẹ wụ́ chire ọnị.

Ayịsaya 61:1

Ụhwẹ Ọnịnị Ẹnẹyịmavara Ohomorihi ộ dọ avaba ayị amị, Ọ raà nyị mị, dị ọ tụ́ mị Ka ma Kà enube ọyịza yị onosiye nịnị Dị ma mẹ ụkụ aza ọnị ayị ẹnịnị dụ dị ma nọ ọ ọyịhụrẹ ụvọ aza ana a za a ọnịrị ẹngwọọrọ yị

Ayịsaya 9:6

A sị ozi ọnya ma yị! A raà sị ozi ọnọrụ ọnya yị! Ozi ọnọọ ọ vaa nyị ịjọva nị. A vaa hị́ ọ Ohyozirenu, Ọpọzajuwe, Ohomorihi Ochẹtẹẹngụ, Ada ana yà ịzọọ pooro zịna-zịna, Ohinọyị ẹngwọọrọ.

Ịzakaraya 4:6

Enube ọnị Ẹnẹyịmavara tụ́ anggẹẹrị hi Izerubabẹrị yị: Ẹnẹyịmavara Ochẹtẹẹngụ kà, ẹ yị vị ụkata isoja anị, a vị ụkata ọnị ụvọta ọ vaa sị nyị ẹbẹẹba ọnịvị anị. Ẹnẹyịmavara ọ vaa sị ụkata anị mẹ̀ ẹ yọ nị.

Imatiwu 3:16

Ịjị a sị ọyịhwenyi mẹ yị Ijeesu kẹnẹ, dị ọ jịnẹ hụụnị enyi vẹ nị. Re, dị ihinẹba na hi ẹtẹ, dị o re ka Ụhwẹ Ọnịnị Ohomorihi anka arivadi avọọ, dị ọ và kú ọ nị.

Ịjọọnụ 14:17

Ohunẹnọzayị ọnọọ ọ vị Ụhwẹ Ọnịnị anaā sịị ịzẹyịzaa zụ̀ nị. Anẹhẹ ọnọnị kẹnẹ ẹ yị va zụụ nyị Ụhwẹ Ọnịnị ọnọọ, agụvị ka ẹnịnị e yi zụ re e, ẹ yị rẹ va yẹ ẹ. Ama àa vị ẹwụ nịnịị yọ, ẹwụ nịnị ộ yẹ ẹ, agụvị ka ọ vaa yàa pe wu nịnị, dị ọ rẹ yà ịnị ayị awụ nịnị.

Ịjọọnụ 15:26

“Ịhị Ohunẹnọzayị ọnọọ ọ̀ọ vẹ, ọnị mị vaa tụ́ hụụ ịdị Ada amịị vẹ, ọ vaa dọ ivenuu tụ́ ịnị ịrẹyị amị. Ọnị ọ vị Ụhwẹ Ọnịnị anaā sịị ịzẹyịzaa zụ̀ nị; ịdị Ada amị ọ hụrẹ vẹ nị.

Ịjọọnụ 16:13

Ama ịhị Ụhwẹ Ọnịnị anaā sịị ịzẹyịzaa zụ̀, ọ̀ọ vẹ, ọ vaa mẹ ka wa yẹ avaba ịzẹyịza nịnị. Ọ yị vaa dà ẹ́ẹngụ anịị kà; ịrẹyị ọnọ ọ̀ọ wụ́ kẹnẹ, ọ vaa kà nị. Ọ rẹ vaa sịị zụ̀ wụ nịnị ịsa ana aa vẹ ụhwọọ.

Ịjọọnụ 3:34

Ọza oni Ohomorihi tụ́ vẹ ẹhẹ, vị ana aa kà ịrẹyị Ohomorihi, agụvị ka Ohomorihi ọ́ sị Ụhwẹ Ọnịnịị yọ ẹtẹẹtẹrẹ.

Odeyi 10:38

Wa rẹ yẹ Ijeesu Anịnazarẹtị nịnị. Ohomorihi ộ sị Ụhwẹ Ọnịnị ọnịrị ụkata yọ ẹtẹẹtẹrẹ. Aa ngụ ọọ zị, dị aa mẹ ọyịza, dị ọ raa mẹ aza ene Echu aa sị ụyaa rị ụkụ nị, agụvị ka Ohomorihi ộ yà pe e.

1 Anịkọrịntị 1:30

Ohomorihi ọ raà sị wụ nịnị ka ẹwụrị Ijeesu Ikirisiti ọ̀ vị ọnya nịnị. Ohomorihi ọ rẹ raà mẹ ka Ikirisiti ọ̀ vị ịrẹyọyẹ ayị. Ikirisiti ọ jị ịhị yị ọ́vịdị Ohomorihi nị, ọ sị yị vara aza ọnịnị Ohomorihi, ọ rẹ sị yị hị́ varẹma hụụnị avaba ịsa edivi.

Iwe Ọhụhị Imosiisi ana aa hị́ Ọyịvatụrọda 34:9

Ẹnẹyịmavara ộ sị ịrẹyọyẹ yị Ijosuwa ana vị ozi Inuni ọnị Imosiisi nyị dọ ẹngụ aanị ịrẹsụ. Dị avaba Anisirẹrị sị ịrẹsụ yọ dị ẹ saasa ọda ọnị Ẹnẹyịmavara vịdị sị tụ́ Imosiisi hì wa.

2 Itimoti 1:7

Ụhwẹ Ọnịnị oni Ohomorihi sị yị, ọ mā mẹ ka yee hí angwa. Ama Ụhwẹ Ọnịnị ọnọọ vị anaa mẹ ka yaa nyị ụkata, di yee sì ịrẹyị ọza, dị yaa rẹẹ sị ụvọọ za ẹngụ ayị.

Ẹtore 1:4

Ẹmị Ịjọọnụ ọ chẹrẹ iwe ọnọnị nị. Maa chẹrẹ ẹ hi ịragụ Ohomorihi ịhịmba ene hi ẹkụra Esiya. Ohomorihi ọ mẹ ọyịza wụ nịnị, dị ọ̀ rẹ sị ẹngwọọrọ yị wụ nịnị. Ohomorihi vị ana yà ịzọọ hụrẹ ụmọrụmọ dị a va yẹ ka aa mẹ ẹhẹ ọnọnị. Ụhwẹ Ohomorihi ịhịmba ene hi ọvịdị ịzị Ohomorihi Ohinọyịị̄ yà, ọ̀ rẹ vayị awụ nịnị.