Ayịsaya 10:5 - IWE ỌNỊNỊ

⁵ Anasiriya nịnị ẹ sị dà. Ayị màa kụ mị mâ sị wa mẹ inori

Ayịsaya 10:5 ပူးပေါင်းရင်းမြစ်များ

Ịzẹhwanaya 2:13

Dị ọ rẹ tana ụvọ za Anasiriya nịnị. Dị ọ jị Ininivẹ, ohyẹtẹ ẹkụra Anasiriya eburu, dị ọ vara a ụnọmị osusu, kẹnẹ.

Ayịsaya 30:30

Ịjị Ẹnẹyịmavara aa kà ịrẹyị ịnị ụbanyị ẹngụ anị, ọ vaa mẹ ka aza ẹ̀ wụ́. Ọ rẹ vaa mẹ ka ẹ̀ yẹ ka ayị aa kụ́ ọnị. E vee re ọ́ màa sị ụkataa kụ́ ayị ka ọyịkụ ọnọọ ộ ngụra ẹtẹẹtẹrẹ. Eguhi vị ana aa dà, dị apaana ihinẹba aa há, dị ata ihinẹba aa zụụ hi ẹtẹ.

Ayịsaya 14:25

Ọ kà Anasiriya ene hi Ijuda ịnị ẹtẹ anị vị ọnị ọnị vaa kwọrọọ ha. Ọ kà vị ọnị vaa kụ́ ahụụ hi wa ịrẹsụ ịrẹsụ ataba anị nị. Ọ rẹ ka ọnị vaa tụ̀ ọkẹẹkẹrẹ ẹnịnị hụụnị ọrọkọ aza anị, dị ọnị dọ ẹnya ene e kune tụra aza anị va ha.

Ayịsaya 10:15

Dị Ẹnẹyịmavara ve họ̀ use dị ọ̀ ka vị ịraga wáá rẹẹ kà a ka ọnị ọ nyị ụkata huna aza ana aa sị ọnịị dà ọchị nị? À vị ànyụ vaa kà a ka oni o kuku huna ọza ana aa sị ọnịị yẹrẹ ọchị nị? O re họ̀ use ka okutẹ óó chema ọza anị, ò vị ọza óó chema okutẹ nị?

Ayịsaya 66:14

Ịjị wèe re ka ịsa ẹnẹnị aa mẹ̀, ayị awụ vee hine. Ọ vaa vị ụkata ọnịrị ẹngwọnịya yị wụ. Ịjọnọọ ụ vaa yẹ ka ọnị Ẹnẹyịmavara gụ aza ana wụ́ chire e, dị ọ kụ́ ayị hi ọnịvị anị nị.

Ayịsaya 13:5

Ezirẹkụ ẹnẹẹ vị ana hụrẹ avaba ẹhẹ vẹ. Ẹnẹyịmavara vaa kụ́ ịrẹkụụ vẹ dị ọ sị va wụ̀ avaba anẹkụra ẹnẹẹ.

Ayịsaya 8:4

Ọ kà di ozi ọnọọ ọ̀ na yaraa hị́ ‘Ada anị’ à vị ‘Ọnyị anị’ ohinọyị Anasiriya va raà kụ́ ogu Anịdamasịkọsị ọnịrị ogu Anịsamarịya.”

Ahẹ Ụgama 125:3

Vị aza edivi ẹẹ vaa mẹ ohinọyị pooro tụ́ ịnị ẹtẹ ana asị yị aza ana aa mẹ̀ ebira ana vọrọ. À yị vị avọọ vị aza ana aa mẹ̀ ebira ana vọrọ ẹnị rẹ kụkụ ee nyima dị ẹ yaa mẹ̀ ebira odivi nị.

Ahẹ Ụgama 17:14

Ẹnẹyịmavara, navọ aza è re mẹ pooro ịnị ẹhẹ Navọ wa mẹ ogu yị wa dị ọ̀ hụ̄ wa. Navọ ezi ẹnịnị è re rị, dị ẹ̀ vọ tẹ ezi ịrẹma

Oyinyima 10:11

Inimirodi ộ hụrẹ ẹtẹ ọnọọ ộ nọ ịnị ẹtẹ Asiriya dị ọ na dà ẹkụra ọbanyị ana aā hị́ Ininivẹ, Irehoboti-Iri, Ikara ọnịrị

2 Ohinọyị 19:25

Ọ kà, aanị ka wẹ́ yị wụ ọ ka, o si ku ọnị ọnị hụrẹ mẹ eto avaba ọsọnị tịtẹ? Ọnị ọ va sị ọ mẹ booro aanị. Ọnị ộ sị ụkata yị wụ ka wa jị ẹkụra ana jị ọvọ kara eburu.

Ayịsaya 7:17

“Ama ẹwụ Ahazi, Ẹnẹyịmavara vaa sị ụyaa rị ẹwụrị aza awụ ne beri ovwoovu ada awụ. Aza ẹ yị vịdị vavọọ rị ụya hụrẹ ụmẹ oni Ehwireemi sị hụrẹ ha hụrẹ ẹngụ Ijuda. Aa sị ohinọyị Anasiriyaa vẹ.”

Ayịsaya 7:20

Ịhị ọnọọ dị Ananyị yị tụ́ na hị́ ohinọyị Anasiriya. Wâ yẹ ka ịrẹkụ ẹnịnị ệ rẹ́ ẹnẹmẹhị. Ẹ vaa vẹ dị ẹ va kụ́ wụ nịnị ịrẹsụ nyọọnyọrọ, dị ẹ rẹ kụ́ ịrẹwa ne beri ịrẹta awụ nịnị.

Ayịsaya 8:7

Ananyị yị ka ọnị vaa sị ohinọyị Anasiriyaa vẹ beri avaba isoja anị. Ẹnịnị vị ana vaa vẹ anka okuha ana aa kụ́ ọhaara dị aa káa jịnẹ abobo anị avọọ.

Ayịsaya 10:25

Ohomorihi ka ọnị aa vaa za ụvọọ jẹẹ dị ọnị ọ yị kụkụ sị ụya rị wụ nịnị. Ama ọnị vaa tana ụvọọ za Anasiriya ẹtẹẹtẹrẹ.

Ayịsaya 14:24

Ẹnẹyịmavara ọ sị ọ ka, ọ si eku hí tụ́ ọ ka ẹ yị nyị ịsị aa vara ka ẹ yị vị ọnị mẹ̀ kà a â yà. Ọ kà ọnị mẹ̀ kà a gẹdẹ-gẹdẹ ọnị vaa mẹ̀ ẹ nị.

Ayịsaya 23:13

Wâ yẹ Anikaridi nịnị. Ẹnị ẹ mẹ ka ẹtẹ Ịtaya ọ̀ vara ụnọmị di uye ịnị avị ẹ̀ kuku hi ịnị anị nị, vị Anibabironi ẹ vavọọ mẹ. Ẹnị ẹ tụra ọvọ dị ẹ zị oze avọọ kụ́ ịrẹkụ va ngụ ịnị ẹkụra nị. Dị ẹ za avaba ịzị ẹ vị ụkata Ịtaya dị ẹ chaka a ha nị. Dị ẹ jị ẹkụra ọnọọ eburu nị.

Ayịsaya 26:20

Ẹwụ nịnị aza amị, ngụ ini eehi awụ di we gù oze hi ẹngụ nịnị. Vavọọ sị ẹngụ awụ nịnị tẹ ịzọọ chee di Ohomorihi ọ̀ mẹ ọyịkụ anị ta.

Ayịsaya 30:27

Aza ene hi aha ẹnẹẹnẹ ê re ụkata ọnịrị ụbanyị Ẹnẹyịmavara. Ayị anị vị ana aa dá ọva hụrụ-hụrụ. Vi ọ sị mẹẹ ịra ana aa dà areyi tútútú avọ nị. Wèe re irenu anị kẹnẹ, wâ yẹ ka ayị aa kụ́ ọ. Ịrẹyị ọnị ọ hyakụ aa kà vị ịrịịra.

Ayịsaya 34:2

Ẹnẹyịmavara aa kụ́ ayịị hi avaba anẹhẹ ọnịrị avaba isoja ẹnịnị. Avaba ẹnịnị vị ọnị ọ vaa mẹ ka à wụ và ha saka-saka.

Ezikẹẹrị 7:10

Ọ kà, ẹwụ nịnị Anisirẹrị ẹkụhị ọnị ụ vaa sị rị ụya nịnị aa vẹ. Ebira jugu-jugu vị ọnị ọzọza kụkụ aa mẹ o me zee e eyi. Ọzọza vị ana kụkụ à sị ẹngụ tụ ẹba ọ mẹ zụ mẹ zụ.

Ezikẹẹrị 22:31

Avọọ, ọnị vaa kụ ayịị hi wa, agụvị avaba ịsị ẹnẹ ẹ́ mẹ; dị ọnị sị ọyịkụ-ọyịkụ vu wa ẹtẹ anka ịra mee vu ịsa ẹtẹ avọọ. Ọnị Ẹnẹyịmavara Ananyị ụkata hu, ọ ka avọọ nị.

Ihabaku 1:12

Ihabaku ka Ẹnẹyịmavara ọ vị Ohomorihi hụrị ụmọrụmọ, ụmẹ ọbọba. Ẹ yị nyị ẹngụ anị. Ọnị ọ vị ịda ọnị ẹnị sị ịrẹma ka nị. Ẹ yị vaa zẹ ka ẹnị e vú ẹtẹ. Ộ sị Anibabironi nịnị ka ọnị ọ sị sị ụya rị ẹnị agụvị ebira odivi ẹnịnị nị.

Ịrịka 24:24

Ẹpa vaa kụ́ aza hụrị Ịsayịpụrụsị ene vee vu aza ana ra ịnị ẹtẹ Asiriya ọnịrị Ẹba ẹtẹ. Ama Ịsayịpụrụsị nyẹmba vị ene vee vú ẹtẹ.

2 Ohinọyị 18:25

Ẹ ka: ẹ̀ yị vị Ẹnẹyịmavara anaa mẹ ọgụvọ yị ẹnị, ẹnị ẹ yị yaanị zụ kụ́ ịrẹkụ ee vee vú Ijuda ẹtẹ. Ẹnẹyịmavara ụvọta ọ kà a ka ẹnị ẹ̀ vẹ Ijuda, dị ẹnị è ve vu ọ ẹtẹ nị.

Ayịsaya 29:2

Ama yẹ ka Ohomorihi aa kụ́ ịrẹkụ vee tù wu nịnị, ẹwụ nịnị Anariyẹrị. U vee nowu nịnị, dị waa jị òrèrè. Vị Ohomorihi vaa mẹ wụ nịnị anka arasị ịzị a yàa rị ịsa ịsọvọ ịra avọọ nị.

Ayịsaya 30:9

Aza ẹnẹnị vi anakamawụ, dị ẹ rẹ vi enevene nị. Ẹnịnị e yi sì ka ẹnị ẹ̀ wụ́ ịrẹyị ẹnị Ẹnẹyịmavara ọ̀ọ kà.

Ịdanịyẹrị 11:36

Ohinọyị Isiriya ọnọnị vaa mẹ o me zee eyi ụmẹ ọnọọ. Dị eè wo oto ka ọnị o huna ori nịnị ọnịrị Ohomorihi ene hu kere-kere nị. Avọọ ọ mẹ vaa mẹ pooro ne tu ụmẹ ọnị Ohomorihi vaa sị sị ụya rị ọ anka ọ mẹ vịdị mẹ eto anị tịtẹ nị.

Ịnahụmị 1:1

 nyị ọnọrụ ọnya aanị aa hị́ Ịnahụmị ana vị Anerikosi. Ọsọnị ọ vị ẹtore ọnị Ẹnẹyịmavara sị zụ ọ ka ọ kà yị anẹkụra Ininivẹ nị.