Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ayịsaya 10:2 - IWE ỌNỊNỊ

2 Waa mẹ ọda nịnị ka wa sị mẹ ehuna yị onosiye nịnị. Waa mẹ irikichi tụ́ ịnị ịrẹyị aza amị ana aza aa mẹ ẹchakaa yị. Ịsị osoku ọnịrị ozi oku ẹ̀ẹ vụrị nyị dị ụ dọ wa nịnị. Ịhị Ohomorihi àaa sị ụyaa rị wụ nịnị, dị ọ kụ́ ịrẹyị hụrẹ aha ẹnẹẹnẹ ve tù wu nịnị nị,

အခန်းကိုကြည့်ပါ။ ကော်ပီ




Ayịsaya 10:2
24 ပူးပေါင်းရင်းမြစ်များ  

Meè yi yi da, dị a sị mị mẹ̀ ọgụvọ yị onosiye. Mẹ ma zẹẹ ka osoku nịnị ẹ̀ rị ụya.


Aza edivi ẹnẹẹ ệ za osoku ọnịrị azọga ne beri ozi oku dị ẹ wụ̀ wa va ha nị.


Aza ẹ̀ẹ nyị ịrẹyị asị ụ na jị ịvị yị ọza ana rị ịhị ka ộ mẹhị vị onosiye.


Asị ụ mẹ onosiye rị agụvị ka we huna a. Dị asị ụ rẹ mẹ ẹvaya yị ọkụmị ọvịdị ikootu.


Aza ẹnyị vị ana aa ha ọhọha, dị ẹ yaa za onosiye ọnịrị anarịmanyị nịnị mẹ ụngwẹ.


dị waa mẹ̀ ebira ene zoza. Na sị ụvọ hụụnị amẹrị. Wèe re ka aa chamayịị yị ọza, ụ na gụ ọ ụvọ. Asị ụ rẹ mẹ ehuna yị ozi oku. Ọza aa mẹ ehunaa yi osoku dị ụ na dọ ọ tụ́.


Ọdọvịdị awụ nịnị vị ana aa kụ̀ụ hịrẹ mị, dị ahịka ẹnịrị oyi aa mẹ ụmẹ nị. Ochirerenu vi eni ee hine wa, dị ẹ yaa dụ ịsa ọnị ịsa gógògò. Ozi ahụ ẹ̀ẹ za ịrẹyị nọ ini ikootu, ẹnịnị e mē tụ́ ohi. Osoku ọ̀ọ va sị ịrẹyị ne tù wa ini ikootu, ẹ yị vaa ngụ ẹngụ ịrẹyị ọnọọ.


Aza ene eē cheechee kú ọza, dị ẹ̀ yị mà zẹẹ ka aza, ana mẹ̀ ịsa odivi ẹ̀ rị ụya, di e re yee cheechee kú ọza ẹnị ẹ̀ yi nyị ịsị ọ mẹ ka à jị ịvị yọ vị oni Ohomorihi vaa wụụ vàa ha.


Ẹnẹyịmavara o reè tenyi ẹngụ ka ọnị ọ̀ mẹ̀ ọkarẹyị yị azọkụ ọnịrị ọdọvịdị aza anị. Ọ kà ẹwụ nịnị ọ sị aza anị gara ha. Ogu ene hi ini eehi awụ nịnị vị ẹnya ọnị ụ kụ́ hụrẹ ịda onosiye nịnị.


Ẹmị Ananyị wụ, ẹmị Ẹnẹyịmavara Ochẹtẹẹngụ mee họ̀ use mị ka si u ro dị ụ maanị nyayịnẹ aa chamayịị yị aza amị nịnị? Sị ẹ vẹ dị ụ maanị aa za wa eyi kwọrọ ẹtẹ?


Ọnụra vi ana aā kà ebira ụra, di ee ro ebira odivi ọnị ọ vaa mẹ. Ebira ẹnị Ẹnẹyịmavara ò yi sì ọọ̄ mẹ nị, dị aa tụ́ aza ịrẹyị ka asị ẹ kụkụ sị ayị yị ẹnẹ ẹ̀ yị mā vara. Aza ọnị ụngwẹ àaa kụ̀, ẹ mā dà ịsa yọ, ẹ ma rẹ ká enyi yi aza oni onyi aa kụ̀.


Ọza ọ̀ọ rị ịvị ịrẹyị di o ve chire wụ nịnị irenu, dị ụ jị ịvị yọ nịnị, dị ahịka ọza ana yaanị rị ịhị ọ kụkụ rị vị nị.


Anisirẹrị ọnịrị Anijuda ẹ vị ụbazị Ẹnẹyịmavara Ochẹtẹẹngụ nị. Ẹnẹyịmavara ô sì ịrẹyị ụbazị ọnọọ ẹtẹẹtẹrẹ. Ô tụra eyi ka ẹnịnị vaa mẹ̀ ebira ana vọrọ, ama dị ahịka aza kẹnẹ ẹ yaa wụụ ha nị. Ô ro ka ẹnịnị vaa mẹ̀ ebira oni oni sì, ama dị ahịka ẹngụkata ana mẹ ka aza ee nowu ẹ yaa kụ́ụ tụ́ aza nị.


Ọzọza vị ene cheeche; ọza ana nyị ịhyẹrẹ ebira odivi vị ọnị ẹ yaa za mẹ ụngwẹ. Ịjị Ẹnẹyịmavara re ka ịzẹyịza ộ ta hụrẹ ẹtẹ, dị ayị anị du chuku-chuku nị.


Wẹ yị kụkụ mẹ ẹvaya yị azọga nịnị, ezi-oku nịnị avị osoku nịnị, dị wẹ̀ yị kụkụ wụ̀ ọza ẹnị ẹ yị nyị ịsị ọ mẹ ịzẹnị nịnị nị; wẹ yị kụkụ na hẹkẹ ori nịnị ene vee vu u nịnị ẹtẹ.


Ọọ yẹ aza aa dọ yị ịsị ana vọrọ tụra yị ọnị ọ mẹ yị.


Ẹ́ yị nyị ọza Ijerusarẹmị ana sị ụbanyị ada anị ọnịrị ọnyị anị. Waa mẹ azọga nịnịị rị. Dị waa mẹ ehunaa yị osoku nịnị ọnịrị ezi-oku nị.


Ẹnẹyịmavara kà ọnị aa pịva yị Anisirẹrị nịnị agụvị ebira odivi ẹnị ẹ mẹ̀. Ẹnịnị ệ ná aza ọyịza dọ ẹkẹhị, dị ẹ ná onuruwa nịnị ẹhụ ẹkẹhị adava ụkụha nị. Ẹnịnị ẹ yi vaa mẹ̀ ẹ sịị rị.


Ẹnịnị a sị onosiye nịnị ịrẹsụ nyịna ịpapara, dị ẹ yi tẹsị aza anaa rị ụya nị. Dị ada ẹnịrị ezi ẹnịnị aa sị ọnẹẹ ọnyara nị. Ẹnịnị ẹ raa sị ịrẹha Ẹnẹyịmavara sisi ẹtẹ


Ịhị ọnọọ vaa sị mẹẹ anka ọza òo zwe yi idu na gẹrẹ ọdụmị avọọ nị. Ô zwe na tẹ̀ ịnị eehi, dị ọ sị ụvọ tụra ugene, dị ẹ́wụ́ jị ọ ịrẹrụ nị.


Ẹnẹyịmavara kà we batọ nịnị ẹwụ nịnị ọdọvịdị anovwoovu Ijekọvụ. Ọ kà ọnị ka ẹwụ nịnị ọdọvịdị Anisirẹrị è batọ di wa wụ́ ịrẹyị. Ẹwụ nịnị a vọrọ ka ọ̀ yẹ ịsa ana vọrọ nị.


Ẹnẹyịmavara Ochẹtẹẹngụ ka, ọnị vaa ka pe wa dị ọnị ọ mẹ̀ ọkarẹyị yị wa. Dị ọnị ụsẹ jị ịvị yị aza ana aa mẹ ẹbẹ, ọnịrị ọsẹrẹka nịnị, ne beri aza ana aa hị́ eku iruku, ọnịrị aza ana aa mẹ anụkọrọ rị, aza ana aa mẹ ẹvaya yị osoku nịnị ọnịrị ozi oku nịnị ne beri azọga ọnịrị aza ẹnẹ ẹ yị nyị angwahi anị.


“Wa sị dà nịnị, ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Wee gu oze hi aza ka asị ẹ ngụ ịzị Ada ayị ẹbẹẹba yà aa mẹ ịjọva. Ẹwụ nịnị ụvọta ọ yị ngụ eehi, aza ana aa ngụ eehi, wẹ yị zẹẹ wa nịnị.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ