Ayịsaya 10:1 - IWE ỌNỊNỊ

¹ Ẹwụ nịnị ana aa mẹ ọda irikichi, dị waa mẹ ọda ka wa sị vaya ọza, wa sị dà nịnị.

Ayịsaya 10:1 ပူးပေါင်းရင်းမြစ်များ

1 Ohinọyị 21:13

Di aza kẹnẹ-kẹnẹ ẹyịva ẹnẹẹ vẹ, dị ẹ va yaayịtẹ pè Ịnabọtị nị. Dị ẹ yà eyi aza ana gụ, di e yee cheeche kú Ịnabọtị ka ộ kụ̀ Ohomorihi ọnịrị ohinọyị ụhụ nị. Di a sị Ịnabọtị jịnẹ hụụnị ẹkụra, di e ne e ịrẹta, di o sú nị.

Ahẹ Ụgama 58:2

Mâ yẹ ka wẹ mā mẹ ịzẹyịza nịnị Ebira odivi-odivi kẹnẹ ụụ̄ mẹ nịnị ịnị ẹhẹ nị.

Ọyịkụra 23:3

Onosiye ọ̀ọ mẹ ịrẹyị asị ụ sị gụ́ ọ.

Ọyịkụra 23:6

Aza ẹ̀ẹ nyị ịrẹyị asị ụ na jị ịvị yị ọza ana rị ịhị ka ộ mẹhị vị onosiye.

Ayịsaya 29:21

Aza ene eē cheechee kú ọza, dị ẹ̀ yị mà zẹẹ ka aza, ana mẹ̀ ịsa odivi ẹ̀ rị ụya, di e re yee cheechee kú ọza ẹnị ẹ̀ yi nyị ịsị ọ mẹ ka à jị ịvị yọ vị oni Ohomorihi vaa wụụ vàa ha.

Ayịsaya 3:11

Ama dị ụ kà a yị aza edivi ka ẹ sị dà. Ụya aa vẹ ịrẹsụ ẹnịnị agụvị ka ebira ẹnẹ mẹ, a vaa sị ọgụ anịị yị wa.

Ayịsaya 3:14

Ẹnẹyịmavara o reè tenyi ẹngụ ka ọnị ọ̀ mẹ̀ ọkarẹyị yị azọkụ ọnịrị ọdọvịdị aza anị. Ọ kà ẹwụ nịnị ọ sị aza anị gara ha. Ogu ene hi ini eehi awụ nịnị vị ẹnya ọnị ụ kụ́ hụrẹ ịda onosiye nịnị.

Ayịsaya 5:11

Wa sị da nịnị, ẹwụ nịnị ana aa kwẹẹtẹ ẹnẹnẹ viri-viri di wee hú echee zị nịnị. Avọọ u mè vee hú eche ọnọọ pooro huu na ngụ ịrahụ, dị ọ kụkụ aa mẹrị wụ nịnị nị.

Ayịsaya 5:18

Wa sị dà nịnị ẹwụ nịnị eni kune ẹnya ebira odivi, di u si obo evene ọnịrị ayịchama tụ́ ọ di wee sii tura a nịnị.

Ayịsaya 5:23

Ọza ọ̀ọ rị ịvị ịrẹyị di o ve chire wụ nịnị irenu, dị ụ jị ịvị yọ nịnị, dị ahịka ọza ana yaanị rị ịhị ọ kụkụ rị vị nị.

Ayịsaya 5:8

Avaba ẹwụ nịnị ana za avaba irehi ọnịrị ẹtẹ dị waa hị́ waa hi ẹtẹ nịnị aanị, wa sị dà nịnị. Aza ana vọ e yi kuku ee vee re aha yà. Ẹwụ nịnị ịnya kẹnẹ ọ kụkụ aa vaa ra ịnị ẹtẹ ọnọọ aanị nị.

Ayịsaya 59:13

Ẹnị ẹ raà mẹ akamawụ hi Ẹnẹyịmavara, di e yi ọ tịtẹ, dị ẹ yị saasa a nị. Ẹnịnị ẹ raà mẹ ẹvaya yị aza, dị ẹ va ịrẹma Ohomorihi nị. Eē vene ọza, di e yee cheeche nị.

Ayịsaya 59:4

Ẹ yị nyị ọza ana sị ịzẹyịza nọ ikootu, ọza ẹ yị ka ịzẹyịza, ireche kẹnẹ e che ayị ka ọ dọ ẹnị ha agụvị ẹnị e re oze mẹ̀ ịsa ọhịmị ene ro ka ọza na.

Ijeremaya 22:13

Ọza ana mẹ ọzaa rị dị ọ sị dà irehi, ọ sị da. Ọza ana mẹ ọza irikichi dị aa sịị dàa tụra irehi anị, ọ́ sị da. Ọza anaa zá ọnọhụva ka, ọọ mẹ̀ ụkọrọ ọọhẹ yị ọnị, dị e yi si wa ụta, ọ sị da.

Emọsị 2:7

Ẹnịnị a sị onosiye nịnị ịrẹsụ nyịna ịpapara, dị ẹ yi tẹsị aza anaa rị ụya nị. Dị ada ẹnịrị ezi ẹnịnị aa sị ọnẹẹ ọnyara nị. Ẹnịnị ẹ raa sị ịrẹha Ẹnẹyịmavara sisi ẹtẹ

Imika 6:16

Ọda udivi Omiri Ohinọyị kẹnẹ ụ ta ụvọ ku nị. Waa hama ebira odivi Ahabị ọnịrị Omiri, Agụvị mị vaa sị wụ mẹ̀ apojuwe yị aza ana vọ avọọ mi vee vú ẹtẹ. Aza awụ vị ana a vaa sị mẹ̀ isiya. Aza ene ee re vị ene vee nyi wu unyi.

Ihabaku 2:12

Ọ yị vee zee yị wa agụvị ebira odivi ẹnịnị ọnịrị anya ọza beri ogu onogu ẹnị ẹ sị da ẹkụra ẹnịnị nị.

Ihabaku 2:15

Ọ yị vee zee yị ọza ana ka ọnọhụva anị eche agụvị ọnị o re ahwaahụ anị, dị ụhị ọọ nyị ọ.

Ihabaku 2:19

Ọza ana kàa yị ọchị a vị ịrẹta ka ọ̀ kwẹẹtẹ, ọ̀ nyarị iruwa. Áá nyị ịsị ẹẹmẹ ẹnẹẹ zụ sị zụ ọza? A zụ wụ́ igooru ọnịrị isiriva ku ọ, ama ori ọnọọ ẹ yị nyị ụhwẹ.

Ihabaku 2:6

Aza ẹnẹ ẹ yaa mẹ ẹvaya yị vaa jị ahẹ mẹ wa isiya. Dị ẹ yaa kà a ka ọ yị vee zee yị aza anaa mẹ ọza rị, dị aa kụ́ ogu aza gụ́ tẹ̀ yị ẹngụ ẹnịnị.

Ihabaku 2:9

Ọ yị vee zee yị aza ana kụ́ ẹnya aza na mẹ ize yị ovwoovu ẹnịnị, dị ee ro ka ẹ yị nyị ịsị e họ̀ ẹnị use.

Imatiwu 11:21

“Wa sị dà nịnị, ẹwụ nịnị Anikorasini. Wa rẹ sị dà nịnị, ẹwụ nịnị Anịbẹtịsayịda. Àa yaanị maanị mẹ̀ ụkọrọ ohyozirenu ịnị ẹkụra Ịtaya ọnịrị Ịsịdọnị, ẹ yaanị sị ịnẹ ro varẹma hụrẹ ụmọrụmọ, dị ẹ sị ịta arụwẹ kú ẹngụ, dị e kú ẹngụ ẹnịnị atịtọ.

Imatiwu 23:23

Wa sị dà nịnị. Ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Ụ hyakụ aa tụ́ agẹẹwụ avị ịsẹpẹ eweyi-eweyi irenyi-renyi; ama ịsa obooro ọnị ọda kà, wa raà sị eyi jịnẹẹ nịnị, ẹhụụ ọkarẹyị ana vọrọ ọnịrị ayamva beri ẹdọwụ. Â vọrọ ka waa mẹ ẹsẹnị nịnị, dị asị u hí ayị ana vọ nịnị.

Imatiwu 23:27

Wa sị dà nịnị, ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Vị ụ sị mẹẹ nịnị anka ikuta enee sisi ọda ọvwọọvụ avọọ nị. Wèe re ẹhẹẹhẹ anị, ô zoza; ama ịnịnẹ vị ẹchụkụ-ẹchụkụ oku ọnịrị ịdọtị-ịdọtị.

Imatiwu 23:29

Wa sị dà nịnị, ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Waa dà ikuta ọnịsẹ nịnị, dị ụ dà achẹrẹ hi ini ikuta ọnịzẹyịza nịnị,

Imatiwu 26:24

Ẹmị Ozi ọza onigirima ve nee sú, anka Íwe Ohomorihi mẹ̀ kà a. Ama ọza ana àa sị mị chire ọnịvị amị ụvọ, ọ sị dà. Ọ yaanị dahi hu ka asị a vana ma ọza ọnọọ vụrụ-vụrụ.”

Iruuku 11:52

Ẹwụ nịnị ọzwọzọda, wa sị dà nịnị. We reè gu oze ịrẹyọyẹ hi aza, we si oo chire, dị ụ sị ụkọkọrọ anị rị ụvọ nịnị nị. Ẹwụ nịnị ụvọta ọ yị ngụ eehi; aza ana vaa vụrị ka ẹnị ẹ̀ ngụ eehi, wa sị wa dọ oro nịnị.”

Ịjọọnụ 19:6

Ịjị ohirẹsụ ẹbanyị irehi Ohomorihi ọnịrị iporisi irehi Ohomorihi ree, dị ẹ ka, “Kanyị ọọ za apavahị! Kanyị ọọ za apavahị!” Dị Ipayireti ka, “Ẹwụ nịnị ụvọta ọ̀ sị ọọ, dụ wa na kanyị ọọ za apavahị nịnị, agụvị ka ẹ yị nị ịvị ene emi re ịnị ụvọ anị.”

Ịjọọnụ 9:22

Aza ana ma ọnọrụ ọnọọ, ệ vavọọ kà, agụvị ka eyee hí angwa Aniju nịnị. Aniju nịnị ệ vịdị sị eyi gẹ ka àa nyị ọza ana dọ ka Ijeesu ọ vị Ikirisiti ọnọọ nị, à dụ ọọ jịnẹ hụụnị irehi Ohomorihi.

Ijudi 1:11

Aza ẹnẹnị ẹ sị da. Ẹyaa mẹ̀ ebira odivi anka Ikeeni. Ẹ raa sị avaba ẹngụ ẹnịnị tụ́ ịnị ịsa odivi ọyị mẹ, agụvị ẹ zụ nyị ẹkẹhị, anka Ịbaraamị ọnị mẹ̀ rẹ mẹ. Ẹnịnị vị anaā kwẹẹtẹ tu ọza ene huna wa, anka Ikora mẹ̀ mẹ, dị o sú ne ta.