Ayịsaya 1:9 - IWE ỌNỊNỊ

⁹ À yị vị ana ahịka Ẹnẹyịmavara Ochẹtẹẹngụ ộ mẹ̀ ka à nyị aza chee ana vọ, Ijerusarẹmị vị anị a yaanị vú ẹtẹ saka-saka anka e mè vu Isodọmị ọnịrị Igomora ẹtẹ avọọ.

Ayịsaya 1:9 ပူးပေါင်းရင်းမြစ်များ

Oyinyima 18:26

Dị Ẹnẹyịmavara kà: ọnị òo re ọnịzẹyịza gụ ẹvarẹwụ ịnị ẹkụra ọnọọ, ọnị vaa hụ agụvị ẹnịnị navọ avaba anẹkụra ọnọọ.

Oyinyima 18:32

Di Abụrahamị kụkụ ka, “Aarịhịnị, ộ zụ ọgọnị, ọ sị vọrọ ka ọ kụ́ ayị hi ọnị, vị ọnị ka ọnị ọ̀ yaanị họ̀ use ụpẹ ọnya kẹnẹ tụ́ ọ nị. Àa na vị ka aza ẹnị ẹẹwụ pere ẹ vị aza ọyịza ene hi ịzọọ yọ?” Di Ẹnẹyịmavara kà: “Ọnị ọ yị vaa wụ̀ wa agụvị aza ẹnị ẹẹwụ ọnọọ.”

Oyinyima 19:24

Dị Ẹnẹyịmavara zụ̀ ịra ana a sị ohuru tụ́ hi ịnị ẹkụra Isodọmị ọnịrị Igomora nị. Ẹbẹẹba Ẹnẹyịmavara zụ̀ ọ hụrẹ vẹ nị.

1 Ohinọyị 19:18

A nyị nyị ọnịsẹ ẹnị akawụ-akawụ oze ẹẹta tụra akahị ọnị mị vọ tịtẹ ịnị ẹtẹ Isirẹrị. Ịnị avaba ẹnịnị â yị nyị ene kú ẹtẹ kụ́ Ịbaarị. Ẹnịnị e yi re kú Ịbaarị irenu.”

2 Ohinọyị 19:4

Aanị ohinọyị Ásiriya mẹ̀ tụ ọdọvịdị anụkọrọ anị nịnị ka ẹ̀ va kụ́ Ohomorihi ana yara ụhụ nị. Ẹnẹyịmavara, Ohomorihi ọ̀ wụ ụhụ ẹnẹnị, dị ọ̀ sị ụya rị aza ana vavọọ kụ ọ ụhụ. Agụvị avọọ mẹ̀ aduwa hi Ohomorihi yị ẹnị chee ana vọ aanị.

Ayịsaya 1:8

Ijerusarẹmị kẹnẹ ọ kụkụ vọ nị. Ọnị vị ana sị mẹẹ anka ajẹngụ ọnịịnya ene ee sere aparị ana a jị tụ́ ịnị aarẹ ana a kụ́ ịpapara tụ́ avọọ. Mị ka Ijerusarẹmị vị ana yà anka ẹkụra ọnị ọnịrị kara okiri-okiri avọọ.

Ayịsaya 11:11

Ịhị ọnọọ Ananyị yị rẹ vaa sị ụkata kụ́ ọza anị ana vọ ene hi ẹkụra ẹnịnị vẹ: Asiriya, Ijipiti ụvẹtẹ ọnịrị ẹbẹẹba, Ikusi, Erami, Ịbabịrọnị, Ihamati ne beri ẹkụra ene hi ịnị akakana oku.

Ayịsaya 11:16

A vaa tụ́ oze ọbanyị ị yị Anisirẹrị ana vọ ana aa hụrẹ Asiriyaa vẹ, anka a mẹ̀ tụ́ oze yị Anisirẹrị ịyẹẹyẹ ẹ mẹ hụrẹ Ijipiti aa vẹ.

Ayịsaya 17:6

Aza chee kẹnẹ ẹ vaa ha nị. Anisirẹrị vị ana vaa sị mẹẹ anka ọchị orivi ana a raà tọ̀ ẹtụtụ anị, dị ahịka ẹhụ ẹtụtụ ẹẹva a vị ẹẹta avọọ ọ vọ tụ ịrẹsụ anị nị. Ẹnẹyịmavara Ochẹtẹẹngụ kà, avọọ Anisirẹrị nịnị mẹ̀ vaa yà nị.

Ayịsaya 24:13

Anẹhẹ ọnịrị avaba anẹkụra vị ana vaa tịtẹ gere-gere anka èe rere kụ avaba ẹtụtụ ọchị ha dị ịrẹsụ anị kụkụ tịtẹ hwesee avọọ.

Ayịsaya 24:6

Agụvị avọọ Óhomorihi chì hi anẹhẹ nị. Anẹhẹ vaa rị ọgụ ebira odivi ẹnị ẹ yaa mẹ. Aza ene hi ịnị ẹhẹ aa ta, aza chee kẹnẹ ọ kụkụ vọ nị.

Ayịsaya 37:4

Ẹyịyara Ẹnẹyịmavara Ohomorihi anị ộ wụ́ ịrẹyị isiya ọnị ohinọyị Anasiriya mẹ tụ ozi ahụ anị Irabisake hi Ohomorihi ẹnịnị ana yara. Agụvị avọọ, Ayịsaya ọ kwẹẹtẹ o mẹ̀ aduwa yị aza ẹnịnị ana vọ.

Ayịsaya 46:3

Ẹnẹyịmavara kà, sị ụtọ pe mị nịnị, ẹwụ nịnị ezi Ijekọvụ, avaba ẹwụ nịnị aza amị ana vọ ẹ̀ sị ụtọ pe ẹtẹ. Ẹmaa tẹsị awụ nịnị á mẹ̀ hụrẹ ma wụ nịnị nị.

Ayịsaya 6:13

Àa daka nyị ịzị aza gụ ẹẹwụ tụ̀ dị ahịka ọza ịnya ọ vọ nị, ọza ịnya ọnọọ vị ọnị ọ vaa sị hụrẹ oze. Ama aza chee ana vọ aanị vị ana vaa sị mẹẹ anka igugu ọchị ọbanyị ene è yi me sú avọọ. Aza Ohomorihi vị ana vaa sị mẹẹ anka igugu ọnọọ àaa ha avọọ.

Ayịsaya 65:8

Ẹnẹyịmavara kà, “ọza e yi me du igirepi ozoza ha, vị a sịị̄ mẹ eche ene zoza nị. Ẹ̀ me yi re vee vu aza amị ẹtẹ. Avọọ gẹdẹ-gẹdẹ, mị vaa hụ agụvị ezi ahụ amịị dọ waa ha.

Ijeremaya 23:14

Ama ọnị o ve re ka ịsị ọnị ọnịsẹ ene hi Ijerusarẹmị aa mẹ e divi hu nị. Ọsẹrẹka vị nị, dị eyee cheeche nị. Ẹnịnị aa gụ aza ụvọ ka ẹẹ mẹ̀ ịsa ẹnẹ ẹ yị vọrọ nị, agụvị avọọ, ẹ yị nyị ọza ana dọ ka ọnị ọ̀ hụụnị ebira odivi ọ̀ yị mẹ. Ẹnẹyịmavara kà ịnị eyi anị, avaba ẹnịnị vị ene divi anka Anisodọmị ọnị Igomora.

Ijeremaya 42:2

dị ẹ ka, aarịhịnị, ọnị ò pè ẹnị mẹ̀ aduwa hi Ẹnẹyịmavara Ohomorihi ẹnịnịị de. Ẹ ka, ọnị ee ré ka ẹnị ệ vịdị rụrụ, ama ẹnị chee ọ vị booro aanị nị. Ọnị ọ̀ mẹ̀ aduwa yị ẹnị ana vẹtẹ anị de.

Ijeremaya 50:20

Ọ kà ịjị ụmẹ ọnọọ oo tu, ọza é yi me vene re ebira odivi ọnyọọnyị ịnị ẹtẹ Isirẹrị ọnịrị ẹtẹ Ijuda, agụvị ka ọnị vagu ebira odivi avaba aza ọnị ọnị navọ tịtẹ.

Arụwẹ 3:22

Ẹnẹyịmavara vị enee sì ịrẹyị ọza pooro, dị ẹ yị zá ụvọ jẹẹ, ayamva anị ẹ mā nyị ẹzẹtẹ.

Arụwẹ 4:6

Ụya ana aa sị rị aza amị, óo divi huni ụya ọnị Anisodọmị nịnị rị. Isodọmị ọ vị ẹkụra ọnị Ohomorihi vú ẹtẹ avaavo nị.

Ezikẹẹrị 14:22

Àa nyị ọza ana vẹtẹ ịzọọ, dị ezi anị ha nị, ẹ̀ẹ yaa vẹ u re wa, dị we re ịzị e divi na za. Ụ vaa dọ ka, a mẹ vọrọ ka ọnị ọ̀ sị ụya rị Ijerusarẹmị gẹdẹ-gẹdẹ, ọnị sị rị wa avọọ nị.

Ezikẹẹrị 6:8

Ẹnẹyịmavara kà ọnị vaa navọ aza ẹnyị ka asị á wụ̀ wa, Ẹnị ẹnẹẹ vị ana a vaa garaa hi avaba ẹkụra ọsa. Ịjị aa vavọọ sị wa gara hị́ ẹkụra ọsa, dị a za wa ọrịhị hi ịzọọ.

Ijowẹrị 2:32

Ịnị ụmẹ ọnọọ, Ẹnẹyịmavara vaa dọ ọza tụra ọza ana aa hị́ ọ há. Anka Ẹnẹyịmavara mẹẹ kà a, Aza ana ya ịnị ataba Ịzayọnị ọnịrị Ijerusarẹmị vaa ha. Ịnị ẹngụ aza ẹnẹẹ Ẹnẹyịmavara wo oto ka aza ọnị ọnị hị́ vaa ya nị.

Emọsị 4:11

Dị ọ ka ọnị e vu wa ẹtẹ anka ọnị mẹ mẹ̀ Anisodọmị ọnịrị Anigomora avọọ. Aza anaa ha hụụnị anị vi ana vaa sị mẹẹ anka ẹjịjị ọkụ ịra ana tụ́ tịtẹ avọọ nị. Ama ẹnịnị ẹ yị hụvị avọọ va ka Ẹnẹyịmavara vẹ.

Ihabaku 3:2

Dị ọ ka ọnị ọ wụ́ ịtọpa ịsị ẹbanyị-ẹbanyị ọnị Ẹnẹyịmavara mẹ̀ ịnị ịyẹẹyẹ, di o hi ọnị irenu nị. Dị ọ da ịpẹ ka ọ navọ ọ rẹ mẹ̀ yị ẹnị ịnị ụmẹ ẹnịnị anka ọ mẹẹ mẹ̀ ịyẹẹyẹ, dị ọ sị ụkata anị dọ ẹnịnị tụ́. Aarịhịnị ọ va hụụnị ọyịkụ anị, dị ọ vayị ẹnịnị.

Ịzẹhwanaya 2:9

Dị Ẹnẹyịmavara kà ọnị ana vị Ohomorihi Anisirẹrị ọ̀ọ yà ịzọọ, Animowabi ọnịrị Anamọnị vị ene vee vú ẹtẹ anka Isodọmị ọnịrị Igomora avọọ. Dị ẹtẹ ẹnịnị hí yị avị ikeyi-ikeyi, dị ọ jị ụsị anọ hi ẹtẹ, di o du ha tịtẹ. Dị aza Ẹnẹyịmavara ana vọ dọ ẹtẹ ọnọọ, dị ẹ sị mẹ ẹẹnịnị.

Imatiwu 7:14

Oze ana aa sị ọza naa ngụ ịzị ọza yàā yà ịda Ohomorihi pooro zịna-zịna, ộ hana, oze anị aa dẹẹrẹ aanị. Aza chee aanị e ree nị.”

Aniroomi 9:27

Ayịsaya o re vịdị nowu kà ịrẹyị ini oze Anisirẹrị ka, “Anisirẹrị ẹ̀ẹ daka rụrụ pooro anka ààrẹ ụtọ ókụ̄, chee ịnị ẹnịnị kẹnẹ Óhomorihi vaa dọ ọ há nị.

Aniroomi 9:29

Ayịsaya ọ rẹ vịdị kà a ka, “Ẹ̀ yị vị oni Ohomorihi Ochẹtẹngụ navọ aza chee yị, ị yaanị kụkụ sị mẹẹ anka anẹkụra Isodọmị avọọ nị, dị ị rẹ yà anka anẹkụra Igomora.”

Iwe Ọhụhị Imosiisi ana aa hị́ Ọyịvatụrọda 29:23

Ẹnẹyịmavara vaa sị ohuuru ọnịrị anọ du ẹtẹ awụ nịnị ha. Ẹ yị nyị ịsa ana zụ chire, dị ọ hyakụ va chị. Ẹ yị nyị avị ọnị ọza vee re ịzọọ. Ịzọọ vaa tụ́ osusu anka Isodọmị ọnịrị Igomora ne beri Adima ọnịrị Izeboyimi ọnị Ẹnẹyịmavara sị ọyịkụ-ọyịkụ vu ẹtẹ.

2Ipita 2:6

Ohomorihi ọ rẹ jị ịvị yị anẹkụra Isodọmị ọnịrị Igomora, dị ọ sị ịra wụ̀ wa vá ha nị. Ộ vavọọ mẹẹ, agụvị aza ana ka ẹnị ẹ mā wụ́ ịrẹyị Ohomorihi ẹ̀ kọ ịrẹyọyẹ hụụnị anị.

Ẹtore 11:8

Oku ẹnịnị vaa yà ini oze ẹkụra ọbanyị, ịzị a vịdị kanyị Ananyị yị za ọchị apavahị. Ịrẹha ẹkụra ọnọọ ana ahịka vị e si juwe ịsa nị, aā hị́ Isodọmị, à vị Ijipiti nị.