Ayịsaya 1:8 - IWE ỌNỊNỊ

⁸ Ijerusarẹmị kẹnẹ ọ kụkụ vọ nị. Ọnị vị ana sị mẹẹ anka ajẹngụ ọnịịnya ene ee sere aparị ana a jị tụ́ ịnị aarẹ ana a kụ́ ịpapara tụ́ avọọ. Mị ka Ijerusarẹmị vị ana yà anka ẹkụra ọnị ọnịrị kara okiri-okiri avọọ.

Ayịsaya 1:8 ပူးပေါင်းရင်းမြစ်များ

Ijoovu 27:18

Irehi ana aza ẹhịmị da vị ana vị ụgẹngẹnẹ anka irehi arahị avọọ. Vị́ ọ sị mẹ anka ajẹngụ oserẹtẹ ịzị e chire ọchị ịvayịnị hi nị.

Ahẹ Ụgama 9:14

Wẹ̀ yị zẹẹ ka me sú, mị va zụụ jẹẹ Ịzayọnị ịnị akakana aza awụ dị maa gā wụ Dị mị ya ịzọọ dị maa jẹ agụvị ka wa raà dọ mị tụ́.

Ayịsaya 1:7

A sị ẹkụra awụ nịnị tụ́ osusu, dị a maanị rị ọ ịra saka-saka nị. Ịnị eyi awụ googoro, ọzọga nịnị ệ ngụ ịnị aarẹ awụ di e du avaba anị ha nị.

Ayịsaya 1:9

À yị vị ana ahịka Ẹnẹyịmavara Ochẹtẹẹngụ ộ mẹ̀ ka à nyị aza chee ana vọ, Ijerusarẹmị vị anị a yaanị vú ẹtẹ saka-saka anka e mè vu Isodọmị ọnịrị Igomora ẹtẹ avọọ.

Ayịsaya 10:32

Ọnịvị nịnị ẹ va sị ngụ ẹkụra Inobi ajịnị, eyee che ọpẹẹ hi ataba ana yà Ijerusarẹmị.

Ayịsaya 29:3

Ohomorihi vaa kụ́ ịrẹkụ kwẹẹtẹ tù Anariyẹrị okiri-okiri. Avọọ o mè vee tenyi ẹngụ ịrẹkụụ kara a dị ọ rị ọ nị.

Ayịsaya 30:17

Isoja ikonya vaa dụ aza ana akahị awụ nịnị. Isoja ẹẹhị ọ̀ọ há ẹtẹ hi wu nịnị, avaba awụ nịnị vi ene ee zwe. Ẹ yị nyị isoja awụ nịnị ikonya ana vaa vọ. Uyi ọnị ụ sị gẹ ọchị nịnị kẹnẹ ọ vanaa jẹẹ ịrẹsụ ataba nị.

Ayịsaya 37:22

Ẹnẹyịmavara kà, Anijerusarẹmị vee nyí wu unyi, ẹwụ Isenakeribi, dị ẹẹ sị wụ mẹ ịyẹyẹ.

Ayịsaya 37:4

Ẹyịyara Ẹnẹyịmavara Ohomorihi anị ộ wụ́ ịrẹyị isiya ọnị ohinọyị Anasiriya mẹ tụ ozi ahụ anị Irabisake hi Ohomorihi ẹnịnị ana yara. Agụvị avọọ, Ayịsaya ọ kwẹẹtẹ o mẹ̀ aduwa yị aza ẹnịnị ana vọ.

Ayịsaya 4:4

Ananyị yị vaa nyịna avaba ebira odivi ana yà ịnị ẹhẹ anẹẹ Anịzayọnị. Ọkarẹyị ịrịịra ọnị ọ vaa mẹẹ yị wa ọ vavọọ vaa sị nyịna Anijerusarẹmị hụụnị ịvị aza ẹnẹ sị wụ nị.

Ayịsaya 49:21

Dị Ijerusarẹmị aa jị ọ ịrẹka ka ọnị ọ́ọ́ maanị ma ezi ẹnẹnị nị? Ọnị mẹmẹ maanị ma wa ọnị mẹ ya ịnị ayị odu ịnị ẹkụra ọzọga? Ẹnẹ pa ezi ẹnẹnị? Ịzị ẹ hụrẹ vẹ?

Ayịsaya 62:11

Ọnị Ẹnẹyịmavara aa nọ yị avaba anẹhẹ: “Kà a yị aza ẹnẹ hi Ijerusarẹmị ka Ẹnẹyịmavara aa va dọ̀ wụ ha. Ọ vaa kụ̀ aza ọnị ọ sị dọ ha beri ẹngụ vẹ.”

Ayịsaya 8:8

Ịrẹkụ ọnọọ vị tana ụvọ naa kanyị avaba Anijuda anka okuha mẹẹ mụnẹ ọza tù ọrọkọ avọọ. Ohomorihi navọ wá jẹẹ pè yị.

Ijeremaya 4:17

Ọ kà, ẹnịnị vaa taa kara Ijerusarẹmị anka aza enee sere aarẹ avọọ nị, agụvị ka Anijerusarẹmị nịnị ẹ raa kụ̀ hịrẹ ọnị.

Ijeremaya 6:2

Ẹnẹyịmavara kà ẹkụra oo zoza ẹtẹẹtẹrẹ ama vị ọnị vee vu ọ ẹtẹ nị.

Arụwẹ 2:1

Ẹnẹyịmavara ộ kụ ayị dị ọ mẹ̀ ụhị nyị Anịzayọnị nịnị nị. Ọ sị wa tura hụrị ọgọọgọ va nyẹtẹ, ụbanyị ẹnịnị ọ ta. Ịjị Ananyị yị aa kụ ayịị hi wa, irehi Ohomorihi Anị nyẹmba vị ọnị o hi ayị anị.

Arụwẹ 2:6

Ộ chaka irehi Ohomorihi ịzị ịị̄ yaa hẹkẹ ẹ. Ẹ yị zẹ ka ẹnị ẹ̀ kụkụ rị eche ọnyọọnyị à vị ka ẹnị mẹ ahẹkẹ ẹkụhị ụhwọtụ. Ọ raà sị ọyịkụ Anị zụ ohinọyị nịnị ọnịrị ohirẹsụ irehi Ohomorihi nịnị.

Ịzakaraya 2:10

Ẹnẹyịmavara kà aza ene hi Ịzayọnị ẹẹ jị ahẹ, dị ẹẹ jẹ ịrajẹ agụvị ka ọnị aa vaa ra beri wa.

Ịzakaraya 9:9

Aza ene hi Ịzayọnị ẹẹ jẹ, dị aza ene hi Ijerusarẹmị ee nowu ịrajẹ. Ree, ohinọyị awụ nịnị aa vẹ ịda awụ nịnị. Ọ nyị ịzẹyịza ọnịrị ẹdọha. Ọza hẹẹ ọ vị nị, ọ́ọ tụra ịkẹrịkẹtẹ, ozi ịkẹrịkẹtẹ araka ọ tura nị.

Ịjọọnụ 12:15

“Asị u hí angwa, ẹwụ ozi ọnẹẹ Anịzayọnị! Wee re, Ohinọyị awụ aa vẹ, ộ tụra ozi ịkẹrịkẹtẹ.”